العشق المظلم قصص مغربية

Part 18 : فرقة الشيخات (شاخضة😂)

الجزء 18
اسراء : تصفيقات حارة لمولاي السلطان يلاه سمعوني ههه
بداو الناس يصفقو
علي : صافي قوادت
امين : بغيت غير نفهم شنو كدير اسراء تما
غزلان : علي علي سربي سارة هابطة خاصك دخل نتا و ياها
امين : خوذ هادي ( عطاه عدسة ديال الودنين باش يبقاو في تواصل واخا يبعد عليه )
علي: حضي معا هاد القلاوي عنداك يسخنو
سارة : علي
علي دار عندها لقاها لابسة و مقادة كتبان بحال شي عروسة
امين : ههههه هاي هاي على الخوادرية قرطاسة ، و لكن واش ماشي زدتي فيه
سارة : ههههه واييه را ماما و خالتي مساكن على نيتهم كيلبسو و يقادو معارفينش بلي زمر كامل غير مسرحية
علي : المهم سارة مانوحلش معاك حتى نتي لعبي دور ديالك باراكا غير دوك الكلاب اللي برى
سارة : المهم غير يالاه دابا بغيت هاد الليلة غير ايمتاش تسالي
علي : (مد ليها يديه )يلاه دابا ، الله يدوز هاد النهار على خير
سارة شدات فيه و بقاو خارجين عند الناس
اسراء غير شافتهوم هكاك حسات بحالا العافية شعلات فيها تخيلات كون كانت هي فبلاصتها كانو غايجيو حسن و تفكرات ولدها مسكين بقا فيها الحال عليه و على راسها كتر و لكن سرعان ما نفضات دوك الافكار من راسها و قالت فخاطرها سارة الي معاه بنت خالو هي اللي ديال الزواج و اسراء مسكينة قحبة وقتما بغا كايجي او وقتما بغا كيمشي ، و لكن و الله لا كانت ليه لابغا غير الحرب هاهي اتكون و هي اللي اتربح فيها
اسراء : 🎤تصفيقات حارة الله يخليكوم لمولاي السلطان و لالاة العروسة
الناس بداو كيصفقو و الكليكة كيخراو بالضحك اسراء صرعات الدور هههههه اما علي غادة طرطق ليه المرارة لحد الان ماعارفهاش شنو كدير تما
علي (فالعدسة و كيبتاسم للضياف ): العود بغيتك تقلب ليا دوك الزوامل ديال فهد و ياسين يتفلاو عاد يبقاو ، لقيتي عندهم شيحاجة خرج عليا القلاوي
امين : (فالعدسة )ههههههه بالصراحة بانو ليا اصلا داخلين مفوتين
علي: و ينعل ديلمي انا اللي مخليهم يدخلو من اللول
اما واحد ياسين و فهد صافي را واصلين للطوب ديالهم و خلقينها مع البنات
ياسين (شاد و ما شاد ) : الدنيا ديال ياسين غير يساليو هما من العمارية نطلعو انا و ياك
اريج (كضحك عليه ): تا اشمن عمارية العمر راه غير الخطوبة
فهد : ناري القلاوي توكد معانا و الله تيحش لينا علي الرجلين
اما ف المنصة عند الاوركسترا فبدا صوت الكمنجة كيتحرك غير بالمهل و اسراء كتهضر
اسراء : يلاه اسيادنا توكضو معانا هاد الليلة بغينا نفرحو بالعرسان ديالنا و بغيناكم تشدو معانا الميزان يلاه اسيادنا اللي مع حباب العروسة يزغرت لينا و لي مع حباب لعريس يضربها بشي تصفيرة
ايوا حتى الناس مكانوش من العاكزين هاللي كيصفر هاللي كيزغرت هاللي غير كيغوت مهم العرس رداتو من عرس مخملي للطبقة الراقية لعرس شعبي هداك اللي كايكون فراس الدرب
اسراء: 🎤 اتباركالله عليكم راكوم حاضرين معانا و باش نبداو اسيادنا بغيتكوم تصفقو على الاوركسترا ديالنا و حتى على الكورال الحصري ديالنا ههههه
شوية و بدات كطلع اريج و سلوى و ملك و ليلى هازين البنادر
علي: (فالعدسة ) واش هاد خياتي ولاو دايرين فيها شيخات و لا ميفاش
امين : (غير كيضحك صافي بدا يهرب ليه ) هههههه و بان ليا اسراء هي اللي غاتشد الميزان
الاوركسترا خدامة غير بالكمنجة و اسراء كتمشى بخطوات تابتين فديك المنصة بحالا مولفة بتاشياخت هههه
اسراء : 🎤احلى سارة احلى عرووووووووس سعداتو مولاي السلطان سعداتو علي لمبرع
(الناس كيديرو كراخ بالضحكو يصفقو يصفرو المهم قلباتها ليهم عرس شعبي بامتياز )
سارة : اويلي ا علي واش اسراء واكلة شيحاجة ماشي تالهيه
علي: غير خلي هاديك سكرانة بالبن تنسالي ليها و نفرجك
(الاوركيسترا طلعات الميزان )
اسراء 🎤:خارجة ويديا في ايديه
(سلوى و اريج ) 🎤 :هو الحبيب ديالي
اسراء 🎤 :فجنبي نديرو ونفتخر بيه
(سلوى و اريج ) 🎤 :أنا شكون بحالي
خارجة ويديا في ايديه
هو الحبيب ديالي
قلبي وهبتو ليه ونعطيه
حتى العمر ديالي
(الاوركيسترا و البنات هنا شادين الموال مع اسراء اللي كتغني و تشوف ف علي قاصداه بالدويسك )
اما امين فداز قدام سلوى و بدا عليها اتباركالله عليك امدام راك غادة و هي كضحك و شادة الموال و ليلى و ملك تاهوما هازين لبنادر خاربينها اما ياسين و فهد مازالين غير كيتنغمو حتى يشدو الريزو عاد يبداو اما المعروضين فكلشي كيغني معاهم بحكم ان هاد الاغنية يلاه كانت دارت فمسلسل المكتوب غناتها سلمى رشيد فلقاو كلشي متفاعل معاهم و حافضها
اسراء: 🎤الزين منو نخلاق
منو أنا ما نبرا
الزين ناري يعشق
وقالو قلبه حجرة
الزين منو نخلاق
منو أنا ما نبرا
الزين ناري يعشق
وقالو قلبه حجرة
(ملك و سلوى و اريج و ليلى فدقة ) 🎤 : يا وخارجة ويديا في ايديه
اسراء 🎤 : هو علي ديالي
البنات 🎤: فجنبي نديرو ونفتخر بيه
اسراء 🎤 : أنا شكون بحالي
البنات 🎤 :خارجة ويديا في ايديه
اسراء 🎤: (كتغني و تبرك على الكلمات ) هو علي ديالي
البنات 🎤 : قلبي وهبتو ليه ونعطيه
اسراء 🎤: و دادا حياني
بدات اسراء هنايا كتحرك شوية مع التصفيقات دالناس و الدقة ديال الاوركيسترا و هو يطلع السي فهد و السي ياسين واصلين كيضحكو مع البنات و يعلقو ليهوم
سارة : ناري سعداتهم و الله ماكرهت نكون معاهم شوف كي ناشطين
علي : سارة غير زميه الميمة الحنينة راه غير نتي اللي حدايا غنبرد فيك الاعصاب ديال هادو كاملين
سارة ضربات الطم معاوداتهاش معاه
امين : ( كيضحك على علي ) اتباركالله على المهندسة ديالنا و مرونة الدعوة وتا بنادم بدا يسخن ضرب ليك على السي الشاوي شكون قال شي نهار نشوفوه يشطح الشعبي
علي: (طالعة ليه ) و سير ازبي غير نتا اللي بقيتي ليا ياكما بان ليك تانتا تمشي تشد معاهم الميزان
امين : و ماكرهناش ههههههه ضربتيليك بعدا على الدراري ملاقيين فمهوم للقرعة و يقولو شي ماشربنا و تشا راه خرجو ليها بالطاي طاي
علي : الله ينعل الزامل بوهوم كاملين فهاد النهار
اسراء 🎤 : عيني فيه ومن زمان
معفر ومغنان
دابا تجيبو ليام
ويلا ما جابتو نمشي ليه
اليوما تسالا الكلام
واه تسالا الكلام
اللي عينها فيه تبان
حبيبي جنبي فرحان
( البنات بربعة 🎤 )
خارجة ويديا في ايديه
هو الحبيب ديالي
فجنبي نديرو ونفتخر بيه
أنا شكون بحالي
خارجة ويديا في ايديه
هو الحبيب ديالي
قلبي وهبتو ليه ونعطيه
حتى العمر ديالي
اسراء :( سلات الاغنية و داخلا فالجو الغنائي كضحك حتى كيتسدو عينيها ) و عطيونا شي صلاة و سلام على العرسان ديالنا
و بداو الناس بلا عكز عليهم متبعين اسراء فهبالها حتى بداو كيتسمعو الزغاريت
اسراء : (واصلة تاهية بلا والو غير كضحك )🎤 ههههه اتباركالله عليكم راكوم شاهضين اولاد الحاج و ديديكاس خاص لمهدي برادا احلى ديريكتور ههههه (خلات مهدي فشل بالضحك اخير حاجة توقعها اسراء تكون كتعرف لهادشي ) و طلع علق لينا يا احلى مدير
صافي اسراء بدات كتجيب التمام ل علي ، عارفو كيهرب ليها و لكن مماشي لهاد الدرجة و قلبات الحفلة موسم و بنادم فالطوابل اللور ولاو عاطيينها غي للقرعة و التصفار حتى قرر يمشي عندها و طلع للمنصة
علي : (الحرارة الي فالجسم ديالو ارتافعات بسبابهم نطق بعكس العافية اللي شاعلة فيه بهدوء و هو مبتاسم للحضور ) اسراء يا ايما تهبطي و تهبطي معاك هاد الرباعة د الشيخات يا ايما الي نديرو ليك مانقولوش ليك
اسراء: ( الميكرو فيديها مبعداه ) ياك قلتي حنا فحرب ، ايوا السي علي في الحب و الحرب كلشي مباح ( رجعات قربات للميكرو لفمها و بدات تهضر تاني ) اتباركالله على مولاي السلطان محن مسكين قالينا نغنيو ليه قالت ليا نعطيك لالاة سارة شنو قلتي تعطي لمولاي السلطان و ماعطيتيهش .
البنات اللور دارو كراخ بالضخك اسراء خلات علي مشوكي غير غادة و زايدة فيه شاف فيه ديك الشوفة ديال كيتحلف فيها اما واحد سارة غرقات فحوايجها كلشي دار يشوفيها و يضحك اما الام ديال علي و خوها عماد و مراتو عاجبهم الحال و جايهوم على الكانة مافيه لا نفاق لا زواق كلشي خالقها من قلبو
السي ياسين جايب الكاو مشا عند اسراء
ياسين : الميمة اختي اسراء لما نغني معاك
نقزات ليه ملك : اسير باغي دير فينا الضحك
اريج : ايوا حدك تما ماتحاوليش تعايري ليا زماني
ليلى : تريكة الشيخات 😂😂😂
واحد سلوى غير كضحك
اسراء: اراو لينا شي ميكرو زايد (جابو التقني المكلف و مداتو لياسين )
فهد : والله لاكانت ليكوم بغيتو ديرو فرقة بلا بيا والله و ماتعطيوني تا انا شي بندير تانرون مها
اسراء : سعدي فيكم ياخزيت (جابو ليه بندير و جات اسراء وسط فهد و ياسين )
امين : (فالعدسة ) ههههههه قوادت العود
علي: العود مازاليه نغيزة و يفرتك الجقلة
امين : هههه صبر غير صبر
اسراء بدات عاوتاني تحمحم بصوتها عرفها غادة ديماري
اسراء : 🎤 نبغي كولشي معانا يلاه تاني معانا نسخنو الطرح ( الاوركسترا بدات ضرب تاني و اسراء كتمشي و تجي )
هي گالت ليا نعطيك
البنات و فهد 🎤 گالت ليا نعطيك
ياسين 🎤 انا گلت ليها لواه
البنات 🎤 انا گلت ليها لواه
اسراء 🎤 : هي گالت ليا نعطيك
البنات و فهد 🎤 گالت ليا نعطيك
ياسين 🎤 انا گلت ليها لواه
البنات 🎤 انا گلت ليها لواه
(اسراء تاني صافي بدات تنساجم اما ياسين مشا كيغني حدا اريج كيلوح عليها الغنا زعما و فهد طلق البندير بدا يتحير )
اسراء 🎤:
گالت ليا نعطيك لحليب
باش الداوي مرض لگليب
گلتليها لواه
نتيا موشوت الصدر كان هداك الله
ولايلاهينلاه بالصبر دابا نتلاقاو
( ضربو ديك الضربة ديال الطلعة كلشي بدا كيهيت المعروضين صافي بحالا و لاو ضاربين القراعي تاهوما كلشي نايض يشطح و اسراء خارباها بدات تشطح و تعطي لقلبها و تغني من الفوق و البنات يعاودو من وراها
أها بالصبر
برد ؤ برد
أها بالصبر
برد آ عطشان
أها بالصبر
برد ؤ برد
أها بالصبر
برد آ عطشان
‎ وهو واها وا ها وااهو واها🎤
و الله ينصرر سيدنا
البنات مع فهد و ياسين : سيدي محمد
اسراء: و الاسرة
البنات مع فهد و ياسين : العلوية
اسراء: و الراية
البنات مع فهد و ياسين: المغربية
اسراء: و الصحراء
البنات مع فهد و ياسين : المغربية
اسراء و الاوركسترا و البنات و فهد و كلشي : واهوا وايييه واهو واييه و العزيز على ميمتو عمرو مايتخص
اسراء: (بقات كضحك و تهدر ف الميكرو ) اتباركالله عليكم اسيادنا
المهم سلاو و بداو يحطو لعشا لعبادالله
اسراء :🎤( صافي هرب ليها ) يلاه العيالات عشرة عشرة فالطابلة و اللي عندو شي ولد ديرو قدامها
البنات صافي بغاو يسخفو بالضحك ، كي سالاو البنات مشات ليلى بغات تهبط من المنصة و هو يتلاقا ليها فهد
فهد : (بكلمات متقطعييين و لسااان مرخي على الآخر) باااغي نبووول إغجووون .. خوديني وراء شي شجرة الله يعفوو عليك .
ليلى : (شداته من ذراعه ووقفاتو مسند عليها سخفااان ) : زيد زيد سعدي فيك واخا ماتستاهلش
فهد : (لاح تقله على ليلى حتى كانوا يطيحو بجوج و نطق تيضحك ) ليلى لعبااااات بيا .. خلاتني ضحكة قدااام الدراري خوتي
ليلى (بتساؤل ) : شكووون هادي ؟
فهد: (مخمور على الآخر ) وحدة عطيتها الگلب و غدراتووو ..
ليلى (عز فيها ) : هي لي خاااسرة
فهد (تيضحك ) : هههه شوف ليك البرهوشة تتبرد عليا
ليلى(ضحكها ) : ياك أنا وياااك صحااااب ، نبردو على بعضيتنا
فهد(تیتعترو بزوج بيهم ) : تو تو تو ما تقدريييش تبردي فيا كلشي .
ليلى(من نيتها) : نقدر و الله غير جربني .
فهد (دماغه تعسل) : تموتي ليا في يدي .. (دورها عندو) يكوون باقي صغير بزاااف عليه
ليلى : (بقات كتشوف فيه و الضو ديال الجردة ضارب فيهم ) بلعمى واش فهامتك
فهد : (شبك يديه مع يديها ) اجي معايا نفهمك
ماجا فين يزيد خطوة وحدة و هو يبان ليه غیر علي جاي قاصده ، طلق منها تيحك عويناته تيحاول يستوعب فين تيشوف .. ما حس براسه حتى جاته كروشي لي نيفه رعفو جابو طايح الارض مسرح ما قادرش يتململ ليلى غير شافت الدم المشهد هكاك ضرباتها بجرية وحدة حتى للمنصة ما تلاقا غير باسراء
اسراء : اهاديك البرهوشة مالكي ؟
ليلى (مغطية على فمها) : قت...لو آ اختي قت...لوووو ..
اسراء (شداتها من كتافها بخوف و زعزعاتها باش ترکز معاها و نطقات بجهد ) : ليييييلى .. شكووون فين هادشي ؟؟؟
ليلى(تتنعت ليها بصبعها و كلها تتقفقف ) : اختي لهييييه
اسراء(شداااات فيها ) : أجي معاااايا نشوووف ما تخلعينيش .
ليلى (نترات اديها و غادة باغة ترجع للقاعة ) : لا لا اختي مانمشيش حدا داك المسعور و انا مازالة صغيرة ما شفت متشوفت
اسراء حيدات طالونها و مشات تتهرول فین نعتات ليها ليلى ، حتى تیبان ليها فهد مليوووح في الأرض بدون حراااك و كل دمايات باينة فيه واكلها ومع ذلك علي مزال عافط ليه على يديييه و صوته عالي حتى للحد
علي : هادشي كاااامل داااايروووو على هادييييك المريوووولة . رداااتك جفاااف .. اليد لي تهز القرعة عليها نگرد طبوونمها
اسراء هزات قفطانها تتجري و غوتااات بحر جهدها علي
علي (تيغزز في سنانه و دار تیشوف فيها ) : زيدي آ شييخة جيتي برجلييييك .
غير وصلات هبطااات على ركبيها تتشوف في فهد
اسراء : واش من نيتك بغيتي تقتل خوك ( شافت فواحد من ليكارد ) اتجري دابا تعيط لاريج و لا سارة لي بانت ليك فيهم سمعتيني
علي ( يلاه اسراء بغات تمس فهد و هو يشدها من قرفادتها مزير عليها منوضها... و تیيهضر بصوت قوي ) نقصي من صداااااع آ الشيخة و نتي كتحشمي دايزة فيك ربعمية ديال التعليقة
اسراء (بعصبية تترجف ) : علي طلق مني .. خوووك تيموووت ديجا الدم كيشرشر . (تتجر منه) و الله حتى يمووت الى ما حبسنا الدم يبقا ينزف حتى ما نلقاااو ما نعتقووو فيه .
فهد (تيهضر و هو مغيب ) : باغي نمووووووت
علي (تتجر و تغوت ) : ياااااك قلت لييييهم ما يشربشوش لي بواسوون ألكوليييك هما غامازايدين فيه و نتي يا شيخة جالسة تجهلي ليا ف بنادم نتي و رباعتك
اسراء: من نيتك واش دابا وقت لمحاسبة خوك فهاد الحالة و نتا فاش كتفكر
علي (تيزير على عنقها و تیهضر مغدد ) : شكووون وصلو للهاد الحااااالة !!! طالقة حلوووقك رجعتيهم عطاااايين !! باغي نخرج مع عدو ربكم غير بتعادل، صدقتي زايدة ليهم فيه آ الق77بة .. نتوما بديتوها و أنا غادي نفااااريها ..
اسراء خايفة على فهد بزااف .. بالها كله معاااه وقفات تتجار معاه بكل قوتها و لكن حكمها حكمة ديال الصح .. و جرها غادي بيها .. و نطق بأمر . علي : هزوووو الكلب دخلووووه
لي كارد رفعووه دخلووه لواحد الغرفة قريبة و دخل من وراهم علي و جار اسراء معاااه بمجرد ما شاف فهد زراااق كامل وجهه و ادیه و فمه بیاض عينيه تيقلبهم ، خاف علیه و طلق منها و ضرب واحد اللوحة فنية حدااه حتى تقبااات من فرط العصاب
ليلى كانت باقا كترعد شافتها اريج و جات عندها
اريج : ماالك
ليلى : (كتقفقف ) قتلو قتلووو
اريج : دوي نيشان علامن كدوي
ليلى : (كتبكي) علي ضرب فهد طاح فالجردة و الدم دايز
اريج مجاوتهاش مشات كتجري الجردة كتقلب عليهم ملقاتهومش بان ليها الكارد و سولاتو على علي فين نعث ليها و مشات عندهم
دخلات و هي تشوف فهد هكاك تخلعات
اريج : راه كيمووووت

يتبع .....