العشق المظلم قصص مغربية

Part 45 : اسراء و علي 5

الجزء 45

علي سكت ماجاوبهاش جاوب غير سيباسيان
سيباسيان : ضروري ا مدام اسراء هادشي الحمد الله حنا شركة كبيرة و قديمة ف هادشي و عندنا المكانة ديالنا في فرنسا .. سمحيليا بعدا مدام و لا مادموزيل ؟
اسراء: (دارت واحد الضحكة و هي تقول ) مادموزيل
اليكس : و كيفاش بانت فحالك مزالة سيليباتير .. انا بعدا كون عرفتك قبل كون راه شحال هادي يا ايما نخطبك يا ايما نخطفك
علي:( كتحسي بيه كيصوط الدخان من و دنيه بسباب هاد المجاملات اللي كتلقى اسراء ) كنظن بلي خاصنا نرجعو للخدمة
لارا : حتى انا داكشي اللي قلت .. بون كيما قال ميسيو سيباستيان بلي حنا شركة متمكنة و هادشي باين من الدراسات اللي عطيناكوم ليوما على البروجي ديالكم زيد عليها الشركة ديالنا غدا عندها احتفال بمناسبة عيد ميلادها 60 و هادشي كيعني اننا من شحال و حنا صامدين فهاد الضومين
اسراء:( بتحدي ) هادا هو المشكل الواحد مخاصش يكون صامد خاص يكون متفوق
اليكس : اوووه شعلات بين لبنات
اسراء:( بدلات التعابير بابتسامة ) ههه لا لا حاشا .. حنا ما جينا ليوما لهنا باش نتعرفو عليكم الا و عجبنا دوك الدراسات اللي درتو
سيباستيان : و اخيراا رضينا سيادتك ..
علي: و لكن انا مزال مارضيتونيش
اسراء: نتا لارا ترضيك .. (شافت كولشي كيشوف فيها و هي تحس براسها قلبات الهضرة ) ياك نتا لي مكلف بالبروجي من هاد الناحية ايوا لارا هي اللي مكلفة بيك
علي :( شاف فيها ديك الشوفة ديال واخة ) ماقلتي عيب (دار عند لارا ) دابا الشوفة الاولية مقنعاتنيش .. لا بغيتي غدا نديرو جليسة و زيدي قنعيني
اليكس : (بالضحك ) و احنا ماقناعناكش
سيباستيان : بون كيفما قالت لارا غدا عندنا حفلة بمناسبة 60 كنتمنى انكوم تجيو باش تعرفو علينا كثر لا كنتو بصح مزال ما قتانعتو
اسراء:( ابتاسمات ليه ) بالنسبة ليا صافي نتوما فاليدي
لارا : دونك منين بقا غير علي انا غنعرف نقنعو و لا لا علي
علي : بنفس الطريقة ديال شحال هادي (غمزها )
لارا حشمات و بدات كضحك هي و اليكس و سيباستيان حيت فهمو علي ..المشكلة ان حتى اسراء فهمات و شعلات فيها العافية ... نار الغيرة شحال و صعيبة ..هاد الجملة اللي طلق علي حسات بيها وقفات ليها في حلقها مابغاتش تصرط ليها غير بزز باش ضحكات ضحكة صفرة ... مهم بقاو هكاك تعشاو و خداو التحلية و من بعد وقفو باش كل واحد يمشي بحالو ..
سيباستيان : (باس يد اسراء قدام عينين علي ) غنساينك تجي غدا بفارغ الصبر
اسراء:(التاسمات ليه ) ضروري
صافي مهم تسالمو و مشاو لاخرين و بقات علي و اسراء واقفين .. يلاه كانت غدا اسراء و هو يشدها علي من يدها
علي: فين غادة بالسلامة
اسراء: كيفاش فين غادة .. غادة للغرفة ديالي
علي: ماشي بهاد السهولة
اسراء: شنو بغيتي تقصد
علي : اللي قصدت اتجلسي نتحاسبو على داك التقحبين اللي من قبيلا و نتي كديري و ديك الساعة طلعي
اسراء: من نيتك .. كنقول ليك مريض
علي: معرفتش شكون اللي كايمشي يتعالج انا و لا نتي
اسراء: ( بهدوء ) علي باراكا علينا من هاد التخربيق اللي حنا فيها ياك ما كيجمعني بيك والو و صافي بلا ماتبقى تعلق بزاف
لاحت ليه هاد الهضرة و مشات بحالها بغات طلع لشومبر ديالها .. طلعات فالسانسور و مع يلاه ايتسد علي دار رجليه و هو يتحل طلع معاها و هي مادارت حتى شي حركة ولا شي ردة فعل بحالا ماشي هو اللي تباعها .. تسد الاسانسور و بقاو طالعين علي مقال والو و حتى هي مقالت والو واحد الهدوء غريب و الصمت كان سيد الموقف .. علي كان كيتسناها دير شي حركة و لا تقول شي حاجة .. عكس اسراء اللي مكان فيها لا لي يسمع شي حاجة لا لي يدير شي حاجة كانت باغة دخل غير للغرفة ديالها و تنعس حيت هي عندها الحل للمشاكل هو النعاس واش حيت بيه كترفع عن الواقع و كتعيش في عالم الاحلام و لا حيت باش عقلها ما يبقاش يفكر فالامور بزاف مهم النوم هو الحل ... تحل الاسانسور خرجات هي اللولة مداياهاش كاع فعلي اللي تابعها من اللور .. مهم على طول داك الكولوار .. هي غادية و هو تابعها .. حتى وصلات للغرفة ديالها حلات الباب و دخلات و يلاه بغات تسد الباب علي وقفها و دخل حتى هو ..
اسراء :(بهدوء تام ) علي عفاك مافيا اللي يتناقش معاك .. (كتحاول تسد عليه الباب ) خرج بحالك
علي : (دفع الباب مزيان حتى دخل هو و سد عليهوم بوج ) لللللللاااء حتى نتحاسبو على داك التقحبين مع سيباستيان و لا زبي
اسراء: ماشغلكش سمعتيني ( قربات ليه بتحدي و تخراج العنين ) ما ش غل ك ش .. نعس معاه و ماشي شغلك
علي:( مع نطقات ديك الهضرة شدها من عنقها لسقا مع الحيط ) نعاود نسمعك خرجتي بحال هاد الهضرة لسانك نطعو ليك ( جنون ركبوه ) حيت حتى واحد حتى واحد ما من حقو يقيسك من غيري ( و ضرب يديك مع الحيط اللي ملسقها معاه )
اسراء : (عينيها بداو كيتغرغرو ) غادي تقطعو قطعو و لا عرفتي شنو باش ابرد كثر قتلني .. اللهم الموت و لا العيشة مع واحد توكسيك بحالك
علي: هادي هي كتبغيني و ديك الهضرة و لا صافي تسالا الجهد
اسراء: ماشي هو اللي تسالا نتا اللي ساليتيه و انا فهاد اللحظة اي حاجة بيناتنا غانساليها دابا
علي:( طلقها و ضار كيمسح على راسو ) على شنو كان بيناتنا اصلا باش يتسالا .. راه نتي اللي عايشة فعالم الاوهام و كتبيعي لراسك الاحلام
اسراء: (بدات كتبكي و الدموع كيطيحو ) داكشي اللي قلت حتى انا مهما يكون هاد التخربيق اللي بيناتنا ايتسالا و لمن واش عرفتي علاش انا غادي نقولك حيت اليوم انا وصلت لواحد النقطة ديال انه مايمكنش ليا نفرض راسي على واحد ماباغينيش او بالاحرى مراضيش بيا و بالمشاعر ديالو من جيهتي
علي : (ضار عندها و ضحك ) مشيتي بعيد بزاف
اسراء:(كتقرب لعندو ) و مزال غادة نبعد كثر و عرفتي شنو ( حطات يديها على قلبو ) فاش غادي نمشي هادا ايشعل فيه العافية .. ايبقا يبكي الدم من جيهتي .. عرفتي علاش حيت سميتي ديما اتبقا موشومة هنا ( كضرب ليه فصدرو )
علي : ( شد ليها يديها الي كانت حاطة على قلبو ) هادو بالضبط هوما الاحلام الي كتبيعي لراسك و غير باش تكوني مرتاحة من هاد الجيهة علي معندوش هاذا (حط ليها ديك اليد على قلبو )
اسراء: اه حيت مشا مع لارا
علي : مشا مع الدنيا .. مشا مع الوقت اللي فات ، مشا مع ختي اللي ماتت مقتولة قدام عيني ، مشا نهار قتلت اول مرة ... مشا مع اول افير ديال لا دروك خدمت فيها و دخلتها على ولاد بلادي .. مشا باح
اسراء : (مسحات دموعها ) ايوا صافي كنظن ما بقا لينا فين نهضرو .. انا هادشي كلو دايراه على ود داك القلب اللي كتقول مشا .. على اساس ايجي واحد النهار و تحن فيه و لكن دابا تاكدت انك ماشي لا بون بيغسون بالنسبة ليا
علي: لابون بيغسون و لا ماشي هو, فحياتك ماحدك كتنفسي انا هو الرجل الوحيد اللي كاين و غايكون ديما فحياتك
اسراء بغا يجعرها بهاد الهضرة كيقولها مكانبغيكش و كيقولها انا بوحدي فحياتك ..
اسراء:(نطقات بجدية و عينيها مغرغرين ) حتى تكون كاتب عليا و ديك الساعة اجي قوليا هاد الهضرة اما نتا ما يمكنش ليك تبقى تعامل معايا بحال هكا على هواك سمعتيني ( ضرباتو لصدرو و بدات تبكي ) سمعتيني انا ماشي عجلة احياطية فحياتك و لا وحدة اللي غادي تفرغ فيها الشهوات ديالك ..(عوداتو ضارباتو لصدرو و دفعاتو ) انا ماشي هكا و عمرني انكون ليك هكا ... و غير باش تكون فخبارك النهار اللي اتكون بيناتنا شي حاجة رسمية هو النهار اللي غادي نكون ليك فيه اما بلا هادشي كنقسم ليك نحرق راسي قدامك لا دارتها ( شافت فيه بعينين حمر و بجدية كثر ) و نتا اكثر واحر عارفني نديرها ( علي بقا غير كيشوف فيها و كيسمع لهضرتها حتى جرها خطفها عندو عنقها و هي بقات كدفع فيه و تبكي و تحاول تبعد منو و هو والو مزير عليها حتى حس بيها كتهدن و بدا كيمسح ليها على راسه و كيقولها شششو ششو و هي كتهضر ) علاش علاش كدير فيا هكا علاش كتعاملني هكا واش حيت غلطت معاك ديك الليلة و لا حيت باقا كنغلط معاك .. انا قلت ليك قلت واخذة حبات دالهلوسة معاقلاش على راسي ... واش فخبارك فاش هداك السيد خاني شنو قال ليا .. قاليا نتي مكنتي كتخليني لا نبوسك لا نعنقك و انا ما قدرتش نصبر .. من بنت محافظة لقحبة لشخص بارد بحالك .. ياك انا اصلا بعدت منك فاش قلتي مانصلاحش ليك و نتا الي جيتي لعندي فعلاش كدير لي هكا ...انا عييت ا علي منك و من هادشي ديالك (كتنخصص) عييت ...
علي بقا كيسمع ليها هكا و لتنخصيص ديالها كاره راسو فهاد اللحظة لي وصلها لهادشي ماحدها كتبكي و تنخصص و هو خاطرو كيضرو و كيزيد يضرو كثر من هضرتها اللي كيسمع حيت عارف عندها الحق و لكن هو متناقض مع راسو مباغيش يستسلم للمشاعر ديالو من جيهتها و هو معارف والو حاس براسو غادي يخسر و خصوصا عارف حتى لا ولات بيناتهم شي حاجة مغادي منها حتى كلمة ..بقى ضمها لعندو و قلبو مشدود عليه اكثر حاجة مايبغيهاش هي يشوف اسراء فهاد الحالة و انه يكون هو السباب فيها ... بقى هكاك محس بيها حتى ترخات ليه فيديه سخفات .. ضورها لعندو كينادي بسميتها و كيحاول يفيقها والو مابغاتش تفيق .. هزها حطها فوق الناموسية ديالها و هز تيليفون ديالو علم الاوتيل دابا يصيفتو ليه طبيب و فعلا غير شوية و هو يجي الطبيب قلبها ما لقى عندها والو غير الارهاق و طاح ليها شوية الطونسيون ... رتاح علي منين سمع ما عندها والو غير لعيا و لكن واخا هكاك كان باغي يسمع شي حاجة وحدة اخرى .. مثلا راها حاملة .. كان باغي الطبيب يقوليه شي حاجة بحال هكا حيت هو و ياها كينعسو و كيجيبو فيها ف شيحاجة بحال هكا راه كان خاص تكون شحال هادي ماشي عاد .. يعني هو كان واعي بشنو كيدير و يمكن عن قصد مكايدير حتى شي حماية ..واش كان باغيها تحمل منو ؟ لا ماشي لديك الدرجة و لكن هو كان واخذ راحتو معاها و معندوش مشكل انها تحمل منو و حتى لا حملات كان عارف راسو ايكون فرحان فجاتو غريبة كيفاش هادشي وقع و هي دير لو ترن فراسو ايلا هو مكايدير حتى حماية فيمكن هي كديرها ... خلا الطبيب خرج و حيد لاسراء البوتس ديالها و غطاها و مشا نيشان للشنطة ديالها و بدا كيقلبها كيقلب مالقا والو .. بانو ليه لي تروس ديالها فوق واد الطابلة تما .. مشا كيقلبهوم لقا الولة عامرة غير بداكشي ديال سكين كير و الدوش و التانية حتى هيا لقاها غير ماكياج و شي تخربيق .. مهم مالقا والو .. قال مع راسو اذن ماكاين والو .. شوية و هو يبدا يحيد فالكرافاط ديالو و صباطو باش يتكا حداها و هو يقشع واحد الميني تروس .. مشا هزها حلها لقا فيها شي دوايات منهم بيلول ديال منع الحمل .. علي غير شافها سخط و كحل بالعمى ... اول حاجة فكر فيها هي من ايمتا كتشرب هادشي و مطلعاها عليه و فكر فهضرتها ديال انها كتبغيه يعني ايلا حملات منو راه عادي يكون افونتاج ليها باش تشدو ليها كثر و تقدر ضغط عليه كاع باش يتوج بيها و لا شيحاجة و لكن هي شنو كدير كتشرب معاه الكينة يعني باغا فاكفس الاحوال طلع معاه لا حمد لا محمد و تكون ديال راسها و متربطها معاه حتى علاقة ... مهم داخ من هادشي فقرر انه مايبقاش حداها هاد الليلة حيت ايصدق مفيقها و مكبتها معاها .. هز لا فيست ديالو و خرج مشا الغرفة ديالو بدل عليه و تخشا فبلاصتو كيساين الصباح باش يتبالا بيها هي اللولة
دازت هاد الليلة و الابطال ديالنا كل واحد ناعس بوحدو .. علي كيفاق مشا نيشان دوش و بدل عليه و مشا و مشا خارج عند اسراء للغرفة ديالها باغي يتفاهم معاها .. و فعلا مشا عندها دق المرة اللولة الثانية الثالثة مجاوباتوش تخلع بزاف ياكما وقعات ليها شي حاجة من البارح فاش خلاها بوحدها .. مهم كاع الافكار الخايبة طاحو عليها .. شنو دار رجع ديك الساعة للغرفة ديالو صونا على الاستقبال باش يجيبو ليه نسخة على لاكارط ديال الغرفة ديال اسراء حيت من قبيلة كيدق مجتوباتوش حتى قال ليه الموظف اللي تما بلي السيدة اسراء راه خلصات الفاتورة ديالها فالاوطيل و خرجات بحالها شي 3 السوايع تقريبا من الاوتيل و بلي خلات ليه شي ملاحظه بالعربية ...
علي منين سمع هادشي نوعا ما رتاح حيت هي الحمد الله لاباس عليها و ماوقع ليها والو و لكن فنفس الوقت تعصب و بدا غير كيسوط و يمسح على وجهو دائما اسراء كتفاجاو بشي حركة غير متوقعة واش هو مخليها ناعسة و دابا قالو ليه السيدة جمعات حوايجها و مشات بحالها بغ يفهم غير الطريقة كيفش كتفكر باش يفهمها ساعة والو مايمكنش ...مهم هبط من الغرفة ديالو و مشا للاستقبال يشوف شنو خلات ليه ... لقا ملاحظة مكتوب فيها
" بلا ما تقلب عليا بغيت نبقى بوحدي نتلاقاو فالحفلة بالليل "
علي زاد بدا يسخن عليه الدماغ يعني عارفاه ايقلب عليها و بلي غايبقى مشطون عليها و مع ذلك دارت غير داكشي اللي فراسها ... غاتحمقو هاد البنت ..
دار واحد المكالمة لامين باش يقوليه يشوف الاثار ديالها و فين كاينة بالضبط ساعا امين ديك الساعة كان مشغول مع سلوى كيطلب منها السماحة و داير معاها هاد النهار ايمشيو للدار عند عايلتها و لكن مع ذلك قاليه انحاول ... و فعلا حاول يلقاها مي والو تيليفونها بيان سيكيغيزي .. فاش قالها ليه علىي بالعصاب مابقا كايقشع والو قدامو كان ايزدح داك التيلي لي فيديه مع الارض حتى قال مع راسو يشوف فواتساب ايمتاش اخير مرة حلات واتساب و لا واش اونلين يهضر معاها حتى كيبان ليه ميساج فواتساب نيت من عند فهد شي ساعة هادي ماردش ليه البال كان مكتوب فيه urgent و حداه اوديو .. استغرب شوية و قال مع راسو واش يمكن عندو علاقة باسراء فين مشات و لا شي حاجة .. مهم دخل لداك الميساج و طلق الاوديو كيسمع ليه .. و ماحدو كيسمع ماحد عينيه كيوساعو بالصدمة ( التفاصيل اتلقاوها فجزء فهد و ليلى ) مهم علي فاللخر ديال الوديو جاتو الفشلة من داك التاريخ اللي سمع بزاف على الصدف هادشي مايمكنش .. دابا خاص يلقى اسراء كثر باش تشرح ليه و لكن المشكلة ما عارف منين يقلب و لكن مع ذلك هز الطوموبيل و دار على كاع لي زوتيل اللي كاينين في باريس باش يلقاها او والو .. بقى فالشوارع كيدور لا بانت ليه ساعة كذلك والو غابر ليها الاثار من الصباح و هو كيقلب عليها حتى لشي ل 5 عيا و جاه جوع و قرر يخلي هادشي حتى يشدها فالحفلة و يتحاسب معاها مزيان ... اما اسراء فاش هزات حوايجها مشات لواحد للبارك تما كانت باغا تبدل الاوتيل ساعة عرفاتو ايقلب عليها و يلقها و هي تفكر تعيط على الملثم .. واخا مكانتش باغا تقوليه والو حيت هكا ايعرف بلاصتها ثاني و غادي يبقى حاضيها و لكن ما عندها ما دير واقفة عليه .. مهم كي صونات ليه بقات جالسة فداك البارك المدة ديال شي 20 دقيقة حتى وقفات عليها واحد طوموبيل من نوع المرسيديس فاخرة .. هبط الشيفور و حل ليها الباب اللور و قاليها غير واحد الكود عرفاتو راه من طرف شكون ركبات معاهمهم صافي مشات لديك الشقة الي ماشي اي حاجة كانت شقة فصونتر ديال باريس فعز الاكتظاظ و الغلاء اللي كتعرفو المدينة الملثم لباس عليه و هي معندش بالها بلي حتى لهاد الدرجة و لكن هي واخا هكاك مكانت باغا تقوليه والو حيت هكا ايعرف بلاصتها ثاني و غادي يبقى حاضيها .. و مع كانت فاقت بكري اول حاجة دارتها فاش دخلات ضرباتها بنعسة حتى ل 4 ديال العشية ( ماتت هي ماشي نعسات ) كي فاقت هزات تيليفونها شعلاتو بحكم كانت طافياه و بقات مخشية فبلاصتها دافئة بحكم ان باريس راه فيها البرد فاستحلاتها ... حلات واتساب دخلات بانو ليها بزاف ديال لي ميساج و اغلبهم علي علي كيهدد و يعاود باش تجاوب فاش تحل و لا شي حاجة .. مداتهاش كاع فيهوم بان ليها ميساج اخر من عند ملك قالت ليها واش وصلتو عاد تفكرات اسراء بلي قالت ليها راه غادي يجيو اليوم فالعشية .. مهم جاوباتها قالت ليها بلي يمكن حتى الغد ليه عاد ايجيو بان ليها اوديو من عند ليلى .. سمعاتو و ماتصدماتش بزاف من داكشي اللي سمعات دار فهد اصلا كانت باينة و فبلاصت ما تصوني عليها صونات على فهد نيت .. هضراات معاه تفاهمات معاه على شي حاجة و قطعات ... عاد رجعات جاوبات ليلى حتى هي ... سالاو هادو بانت ليها ماماها مصيفطة ليها تصويرة ديال ادم كان يلاه مدوش .. شافتها ابتاسمات و باست ليكخون ديال التيلي و صونات على ماماها ابيل فيديو بقات كتهضر معاها و كتهضر مع ادم اللي كان مرة يبكي عليها مرة كيضحك معاها و هي كذلك حاسة براسها موحشاه و بلي بحالا شحال هادي ماشافتو ما باستو ما عنقاتو .. جاتها البكية معرفاتش مالها تخلطو عليها المشاعر فهاد اللحظة ..ولدها .. علي .. حياتها .. عائلتها.. و الناس اللي ظلمات فهادشي .. مهم بقات هكاك حتى سالات معاهم الهضرة و ناضت خدات الكينات ديالها .. اصلا شحال هادي ماخداتهم ..و كي شرباتهوم حسات بداك الستريس كلو مشا و رجعات بحالامكاين والو و ماشي هي اللي عاد كانت متاثرة ..من بعد ساعة ديال الهضرة عاد تفكرات الحفلة ديال هاد الليلة اللي كاينة فقررات انها تكون تما هي الطوب ديال الطوب بغات تجي حسن من ديك المعوقة ديال لارا خلاتها هي ... مشات جرات ديك لا فاليز تاني تقولي هزة فيها الحجر معاها .. حلاتها .. و بدات ترمي فدوك الحوايج اللي جايبة من هنا و من هنا كتقلب على ماتلبس ... ساعة مالقاتش بلي عندها شي حاجة واو .. غير حوايج عاديين و كسيوات حتى هوما عاديين .. قلبات عينيها بملل و فلحظة تفكرات بلي هي راه في باريس من غير انها مدينة الحب و الرومانسية هي مدينة الفاشن و مدينة لي مارك العالمية .. المشكل ان اسراء ماعندهاش داك الجهد كامل اللي غايمشي و يشري كسوة من لوي فويطون ب 80 مليون و لا كثر .. هي عندها الفلوس و لكن ماشي لديك الدرجة و لكن مع ذلك و الله ما استسلمات قالت تمشي ضور و تشوف و اللي ما شرا يتنزه ..( اييه الزلط و التفرعين بنادم مكايمركش ) مهم بدلات عليها ضربات واحد الحطة شيك باش حتى لا دخلات لشي ماركة مايحكروهاش ... مهم هبطات كانت باغا تشد طاكسي و هو يوقف عليها الشيفور مول المرسيديس .. ماقالت حتى حاجة بالعكس عجبها الحال هاد الطوموبيل اتبت بنادم .. المشكلة كطلب غير تلقى شي حاجة على قد فلوسها .. ركبات اللور حلا الشرجم و مخرجة راسها عاجباها باريس و مع هي مهندسة كياتيريوها الديور لقدام و لا الكنيسات لقدام و لا شي معلمة تاريخية قديمة ... كيحمقوها دوك لي ديطاي ...بحالا كتستكشف و كتشوف الانجازات ديال المهندسين الكبار اللي مرو عبر الزمن ... مهم وصلو لاول مارك كانت ديور ... غير البلاصة تشوفيها تسخفي كي دايرة .. باين داكشي غير ديال الطبقة المخملية مايمكنش شحال مجهد ... دخلات استقبلوها بقات كتهضر معاهم و بالفرونسي .. كتقلب على شي حاجة من داكشي اللي فراسها ولكن والو داكشي غالبا سامبل .. قالو ليها بلي يمكن دير دوموند على اساس تصميم خاص غير ليها و حتى شي واحد عمرو يلبس بحالو قالت ليهوم بلي هي محتاجاه اليوما بالليل .. خرجات و هي تفكر تمشي لفيرزاتشي هاد المرة ...

يتبع