العشق المظلم قصص مغربية

Part 6 : لقاءات عبثية

الجزء 6
دازت 15 عادية على الجميع غيرالروتين تا لهاد الليلة كانو البنات مجموعين كيهدرو و يضحكو و ليلى مصدعاهم
ليلى:  و عفاكم يلاه نمشيو ماعرفتو نضبرو علو راسنا
اسراء: واش من نيتك ولا شنو فين دوك الناس و فين نتي
ليلى : و عفاك اختي ديري ليا خاطري غير هاد المرة ، سالات العطلة و غدا راجعة فحالي مابقيتش فيك نجي تالمدينة ديال عائلة الرايس القابضة و مانشوفهوهمش
سلوى : هانتي شوفيهم فالتلفازة ولا ف انستغرام
ليلى : اول حاجة ماهدرتش معاك نتي هدرت مع ختي و تاني حاجة انا بغيت نشوفهوم مباشرة ، و عوفتو لا مشيت الحفلة ديالهم انولي مشهورة فالمدرسة
اريج : ناري نتي اتحماقي لينا دابا
ليلى : و هي لا مشيتو معايا اليوما و لا ندير شي حاجة فراسي
اسراء: ( و هي معصبة غاطرطق عليها )فراعتي لينا كرنا بهاد عائلة الرايس من البارح و هاد الهدرة ديال ندير شيحاجة فراسي ما قلتها حتى انا ، كبري شوية  فعقلك و تحكمي فلسانك فلسانك نتي غير لي جات كطلقيها ، اويلي عيقتي ( قالت هاد الهضرة و طلعات بحالها لبيتها سدات عليها اما ليلى فعينيها تغرغرو و ولات حمرة ماموالفاش تسمع بحال هاد الهضرة )
سلوى: (كتحاول تبرد عليها ) صافي احبيبة ماتديش عليها هاد الايام راك كتشوفيها معصبة غير بوحدها
ليلى: (كتبكي ) و هي معصبة تبرد جنونها فيا
اريج: واصافي اليلى راك عرفا لي داز عليها ماشي ساهل و عاد غير سادا عليها كاكتهدرش فالموضوع راه عادي تكون فهاد الحالة و لي لقاتو كتبرد فيه النار الي شاعلة فيها
ليلى : (كتمسح دموعها و كتنوض من حداهم ) انا عارفة هادشي عليها ماجوبتهاش ، المهم خليوني حتى انا نوض نعس بحالي
اريج : و مغاتمشيش تشوفي عائلة الرايس
ليلى :(سمعات الرايس و هي تقفز و بدات تبتسم غير بوحدها ) كيفاش شنو قلتي
سلوى: غير جبدتي ليها حس الرايس تبدلات ههههه و شوفي ليك البرهوشة
ليلى : را كون تشوفيهم و الخير الي عندهم تسخفي
اريج: انا بعدا معرفتهمش اصلا
ليلى : عادي ، حيت غير باهم الي كان كايبان فالواجهة اما دراري غابرين و لكن هادي سيمانة كان دار سي سليمان الرايس لقاء مع الصحافة و قدم ولدو الي غايكون ف بلاصتو من هنا القدام و كون تشوفو كيداير البنات اصلا كلشي عجبو كلشي مشا كيقلب عليه فانسطا و فيسبوك ، و لقاو انهم عائلة ديال التيتيز و الفلوس ، اللهم بارك هههههه
سلوى: ناري ياختي كون شي واحد سولك على شي درس كون ماعرفتي ماتقولي
ليلى: ايوا را تيتيز تما ههههه دابا يلاه نمشيو راه ديجا مشا الحال 10,30 هادي كون راه الحفلة بدات ، ( تا بدات كتفصل و تخيط و هي تكر ماماها) اويلي شنو نديرو مع ماما
سلوى : عرفتو شنو انا ابقى هنا نتكلف بخالتي جنان و منها منخليوش اسراء بوحدها و نتوما سيرو بجوج
اريج : حتى هذا نضر
ليلى : و يلاه ا اريج داغيا نوجدو راسنا
اريج: يلاه ابنتي يلاه هادا جهدي عليك
و ناضو البنات يوجدو راسهم و سلوى مشات حدا جنان الكوزينة و فهاد الاثناء كانو عايلة الرايس كيستقبلو الناس بداو كيوصلو لحفلة عائلة الرايس القابضة غير الشخصيات المعروفة و بس ( ليلى بغات تمشي و دخل بالدعاء )  المهم كانت حفلة جد فخمة و ضخمة فاحسن اوتبل كاين فالمدينة و مع احسن تريتور المهم كلشي على حقو و طريقو من غير حاجة وحدة الي ناقصة اولا نقولو واحد الشخص
علي : و فينك ازبي ماتقولش ليا مالقيتيهش
ياسين : وايلي و شكاتعرف على عشيرك
علي : يلا دابا تكون هنا تعطلو نحويك
ياسين : هادي هي شكرا بارك الله فيه
قطع ليه علي فوجهو ماعندوش الكانة لهاد الضحك ديالو ومنين جبدنا علي فاللي نقدر نقوليكوم انه ما خلى فين قلب علو اسراء من داك النهار و لكن ما لقاهاش و تقول ، المشكل انه ما عرف لا سميتها لا كنيتها لا حتى حاجة فمقدر يوصل لوالو ، و قرر يخليها القدر ايلا كان مكتاب يتلاقاو راه حتا حاجة مايمكن تمنع هاد اللقاء ر لا كانو ماغيتلاقاوش فمن الاحسن ميعمرش بيها راسو  المهم مشا عند امين يشوف معاه واش كلشي هوا هداك و الخطة ديالهم واش غادا مزيان
علي : جاو خوتنا
امين: لحد الان ماشي كلهم
علي : متخافش دابا يجيو
امين : بغيت نعرف منين جايب هاد التيقة
علي : حيت حتى مش ما كيهرب من دار العرس
فهاد اللحظة و قفات عليهم ملك و سارة كانو منورين الحفلة ملك كانت لبسة كسيوة فالزرق قصيرة فوق من الركبة  فيها الكمام و لاسقة عليها وجاية معا لون عويناتها اما سارة فكانت لابسة كسوة طويلة كتبري غولد فيها فتحة من جيهت رجليها ليمنيا طالع تالفخاد و مافيها لا سميطات لا والو
ملاك : (بخفة ) عرس اشمن عرس ياكما شي واحد ايتزوج فيكوم ولا ياكما انا لي جاو فيا الخطاب بغيتو ديرو ليا العرس
امين : ( دار كراخ بالضحك ) مالكي ابنتي خاف من رزقك صبري شوية
سارة : (كضحك حتى هي ) تزوجو الكبار بقيتي غير نتي ههههه
علي: (كيطنز عليها تاهو ) واش نتي من ديما مطيري بحال هاكا
سارة: ههه واييه هادا حالنا معاها
ملك : (كتغبن ) ياك ا سارة هادي هي الصحبة تانتي دوارتيني معاهم ، كلكم تحاميتو عليا زعما نتوما هوما مالين العقل
امين: (عارفها داغي كتقلق ) : والا والا  انا راه مزال معاش هادا الي يقلق ليا ختي صغيرة
و بقاو هكاك قولها و ضحك عليها البنات مجمعين و الدراري موانسين معاهم كيتسناو الخطة ديالهم تقاد
فهاد اللحظة كانت وصلات ليلى و اريج للفندق حاطو الطموبيل ف لاكاف و تمو طالعين للصالة فين كاينة الحفلة لابسن و مقادين حتى هوما مي ماشي بزاف داكشي خفيف باين د اخير لظة المهم يلاه بغاو  يدخلو و هوما يوقفوهم لي كارد فالباب قالو لهم الدعوة ، ليلى بدات غير كتبحلق فيهم و اريج كتسنا زعما ليلى دير شي حاجة حيت ماديرة ديم الحالة الا و را عندها كيفاش دخل ساعة ليلى غا مدرمة جاية يصحاب لراسها دار باها القديمة المهم قالت ليهم ليلى بلي معندهومش و بدات كترغبهم باش دخل و الناس لي غادي و لي جاي كيشوف اريج تمنات الارض تشق و تبلعها فديك اللحظة شوهاتها وخا دوك ناس مكتعرفهومش و لكن مارضاتش تا بدات كتجرها و كتنجر تاوصلو لطوموبيل و اريج مخلات ف ليلى غير اللي نسات و يلا ديمارات غادا ف لا كاف تقلب منين تخرج تا كايبان ليها شيواحد طايح فالارض كيسيل بالدمايات و معاه واحد اخر شاد فيه
البنات ماعرفو راسهم باش تبلاو و لكن بحكم ان اريج طبيبة فداغي نزلات لعندهم تحاول دير شيحاجة اولا تعتق لا كاين ما تعتق و تبعاتها ليلى مابغاتش تبقى بوحدها لا يكون شي قاتل كيدور هنا
اريج : مالكوم شنو واقع هنايا (و شافت فالي جالس حدا المضروب ) باش من مضروب و شحال ديال الوقت باش تضرب
فهد : و نتي مالك شنو دخلك (كيهدر معا ياسين ) عاوني نوضك لسبيطار
ياسين :( كيهدر بزز و كيشوف ف اريج  ) مانمشيو فين طلعني لشي غرفه هنا و جيب شي طبية و لا من الاحسن تكون طبيبة
اريج : معاكم الطبيبة شخصيا ( و نزلات عند ياسين كتقلبلو الجرح و كتهدر معاه ) خاصك ضروري تمشي لطبيب يخيطو ليك و يدكو ليك واحد الابرة
ياسين : كيشوف فيها و لا كانتي طبيبة عجبيني
ليلى ( معا شافت كلشي هضرات بلا ما ما تحس ) نتا عاد اتعجبك نتا راك طحتي على زنافرك من قبيلا
ياسين:(بتاسم ليها و كايكحب و هدر مع اريج ) الدرية عندك مجاهدة جارية العشرة
فهد : و نتا كتموت و عقلك مع البنات و باز لوجهك ، دابا الطبيبة كاينة صافي (هدر مع البنات ) هانتوما طلعوه الغرفة الي ايقولكم و انا نتسخر نجيب بالخف الي خاصكم
ليلى: لالا انا بعدا ما نطلعش قلع يصدق السيد ميت لينا فيدينا و نبدا نتجرجر انا فالحباسات على هاد العمر و انا مزال ماشفت ما تشوفت
ياسين واخة طايح بالجرحة لي كتنزف و كيتالم الا انه طلقها بواحد الضحكة خطيرة خلات اريج تسها فيه ضار عندها لقاها كتشوف فيه و قاها قلت ليك الدرية خطيرة
اريج :( و هي كتمعني عليه ) ماشي غير هي حتى الضحيكة
ياسين : و هي لا دويتيني دابا قبل لا نبقى لا انا لا الضحيكة
و داكشي الي دارو البنات طلعو ياين الغرفة بمشقة الانفس مع طلعو من الدروج تفاديا الكاميرات و لبنادم  مايشوفهومش ف ديك الحالة و يلاه شوية و هو يجي فهد بللي خاص  يلاه كي سد فهد الباب سمعو الدقان ، قالو يكما غير شي واحد من الفندق بغا يسول واش خاص شي حاجة و مشا فهد يحل الباب و مع الحلة مع الصدمة
فهد : خويا
علي: القلاوي ماشي خويا (شاف ليلى قال هادي جاي ينعس معاها ) حنا كنقلبو عليك و نتا جايب ليا القحاب ( و شدو من قرفادتو ) زير معايا اولدي ولا نحرمك من كلمة بابا
اريج: حتارم راسك الشريف و عرف معامن كتهدر و نزيدك مايجبد القحاب غير الي مولف بيهم )
ليلى : ( مع هي كتعرف عليي من داك القاء الي دارو بدات كتممتم زعما ) سس سمحليها راه مع الخلعة معرفاش راسها شنو كتقول
علي ( عاد رد البال لاريج و ياسين الي بين يديها كينزف ) ياسين ، شنو واقع هنا و شكون ضربك و علاش مامشيتيش للصبيطار
ليلى : ( داغي بغات تخشي راسها بحال ديما ) عرفتي شنو راه باينة هاد الدري لي سميتو فهد هو لي ضربو حنا فاش لقينا ياسين طايح ف لاكاف لقينا معاه غير فهد و نزيدك فاش مشات بنت خالتي اريج تشوف الدقة ديال ياسين بان ليا فهد كيخشي الموس فجيبو ، اما هاد خونا ( على ياسين ) قلناليه نديوك لصبيطار قالينا اه حاقة كنخاف من الطبيب و دابا غاعطيني عقلك واحد بحالو ايكون كيخاف من الصبيطارات
ياسين : ( ماقدرش يهدر اصلا بدا كيغيب بالنزيف ) د دا با ات اتخليوها داوينا و لا غير نبدا نودع
ارريج : ( ردات ليه البال بدا كيفقد الوعي ديالو و كتحاول تلاهيه باش يبقى فايق معها ) شنو سميتك
ياسين : (كيضحك و كيتالم ) غير داويني و  و نقوليك ماشي غير سميتي
اريج : (و هي كتقطع ليه اتيشورطا ديالو بالمقص )  أوكي آحنى دبا نشوف الجرحة إن شاء الله يكون غير الخير خدات من عند ليلى المقص بدات تقطع ليه في تيشورت لي لابس و موجهة كلامها لفهد و ليلى