العشق المظلم قصص مغربية

Part 37 : ملك و مهدي 2🔞🔞

الجزء 37

من بعد ديك القبلة المجنونة مهدي فكر مع راسو و لقى اصلا هدا هو الحل و ديجا هضر معاها ف هادشي و هي قالت ليه باقي الحل
مهدي : ملك واش عاجباك حالتنا هكا كنتخباو بحال المراهقين
ملك : هضرنا فهادشي امهدي
مهدي : اه هضرنا و لكن هادشي الي فيه حنا ما عندو حتى معنا .. انا بغيت العالم يعرفني معاك املك و يعرفك ديالي بوحدي بغيتك تكوني ديما حدايا و معايا فداري
ملك : واش يسحابلك انا مابغاش هادشي ... راه حتى انا بغى و كثر منك و لكن راه مايمكنش عائلتي و بالضبط علي مغاديش يبغي
مهدي : بغيت غير نفهم هاد خوك علاش معكس لينا
ملك (بتردد): على .. ود .. اسراء بحكم انك كانت بيناتكوم شيحاجة و منعرف شنو و خويا كيسحاب ليه نتا غير كتفلى عليا و مزال مانسيتي اسراء
مهدي : كيييفاش واش من نيتو هاد خوك .. شوفي انا و اسراء كان بيناتنا اعجاب من طرف واحد .. اه كانت كتعجبني و لكن فاش عرفت بلي بناتها شي حاجة مع علي نساحبت و موراها غير شوية بنتي فحياتي و عجبتيني
ملك : انا عارفة هادشي مامحتاجش تشرح ليا .. راه خويا الي معارفش هادشي
مهدي : و نكدب عليك ا ملك انا مكايهمني لا خوك لا عائلتك انا باغيك نتي تكوني مراتي و مامات ولادي و نزيدو بحياتنا القدام انا هادشي ديال الدراري الصغار مايمكنش نبقاو غادين فيه .. انا غدا نمشي نهضر مع علي و باش ما بغا غانفاريوها
ملك : لا واش من نيتك يلاه تبغي تجبدني يتيري فيك و لا وقعات ليك شيحاجة مانقدرش نعيش
مهدي : ايلى كنت نموت غير على ودك بالقلب الصافي نموت و انا راجل بعدا ماشي هكا
ملك : عندي حل
مهدي : اللي هو
ملك : انا موافقة نتزوجو
مهدي :(توسعو عينيه بالصدمة و ترمات على وجهو الابتسامة ) كيفااااااااش ؟
ملك :(مبتاسمة حتى هي ) اه انا موافقة نتوجو و لكن بشرط مغادي نقولو والو دابا حتى نقادرو وراقنا و نضربو اللاكط عاد نقولوها لعائلتي نحطوهوم امام الامر الواقع و ديك الساعة مغادي يقدرو يديرو والو
مهدي :(جرها عندو عنقها ) اللي بغيتي ديريه ديريه المهم عندي هو انك وافقتي
ملك حتى هي بدلاتو العناق و كانو بجوجهوم فرحانين بزاف حتى صونا تيليفون ملك جبداتو كتقفقف يسحابليها علي ساعة لقاتها اسراء جاوبتها و باينة قالت ليها شي حاجة فرحتها حيت ترسمات على وجه ملك واحد الابتسامة خطيرة و قطعات
مهدي : شنو واقع
ملك (متحمسة ) : اسراء و علي مسافرين دابا لفرنسا و لا غادي نتلقاو كتر فهاد اليوماين هههه
مهدي :(عجبو الحال ) عندي فكرة حسن شنو بان ليك لا دوزنا هاد اليوماين بجوجنا تاحنا فمدينة اخرى
ملك : مايمكنش ليا نبعد و لكن نقدرو ندوزوها بجوج فالفيلا ديالك
مهدي : حتى هادا بلان و شنو اتقولي لداركوم و فهد و امين حيت راه سلوى رجعات للخدمة اليوم اذن حتى هو ايكون رجع
ملك : اودي داك فهد مانعرف مالو مع علي مناقشين مكايجيش كاع للدار و امين تاهو منين تزوج بسلوى ماجا و لا شفتى كاينة غير ماما انقولها ابقى مع خالتي جنان و نطلب اسراء تغطي عليا بشي طريقة
مهدي : مشات