العشق المظلم قصص مغربية

Part 46 : 6 اسراء و علي

الجزء46

مهم مشات لفيرزاتشي و نفس الهضرة ديال ديور كتنطبق عليه فهمتي كلشي واعر كلشي كلاس .. غير الدخلة فاش كدخلي . كتحسي بالسعادة و البرجوازية .. مهم حتى اسراء كانت عايشة الدور عاجبها داكشي كدور و كتشوف و بطبيعة الحال المساعدات كاينين كيعونوها .. اقترحو عليها يجيبو ليها قهوة و لا عصير و يجيبو ليها داكشي حتى لعندها قالت ليهوم لا كيعجبها دير كلشي بيديها ( عذروها مامولفاش) مهم بقات حتى طاحت على واحد الدريس واعر و لكن المساهدة قالت ليها ماغاديش يجيها حيت هداك موديل طاي و بلي هي لا طاي ديالها بحال كايلي كريستين جينر فمغاديش يجي قدها .. قالت ليها اسراء و سولتها على الثمن ... جوباتها ب $xxxxxx اسراء شداتها السخفة من داك الثمن واش من نيتهوم .. اه التصميم زوين و التوب كاليتي و لكن واخا هكاك ماشي لهاذ الدرجة .. فهمات انها مكتشريش الغوب كتشري السمية ديال الماركة فقررات انها تخرج بحالها مكاين لاش تعذب راسها مع بحال هاد لي مارك  .. فاش خرجات لقات داك الشيفور مزال كيساينها طلعات اللور و قالت ليه يديها للدار (فقدات الامل ) و فاش كانو غاديين صونا التيليفون ديال الشيفور و مدو ليها .. اسراء عرفاتو شكون فمبغاتش فاللول تشد التيليفون حتى دارو ليها في مكبر الصوت عاد خدات هي التيليفون
اسراء : (مافيها اللي يهضر ) نعم ؟
الملثم : كيدايرة لباس عليك
اسراء: الحمد لله
الملثم: ادم لباس عليه و ليلى و ... ماماك ؟
اسراء : بلا ما تمثل عليا انك مهتم بيهم و لا بيا .. اللهم قوليا نيشان شنو بغيتي
الملثم: منين نتي كتهضري هكا مابقيتش غادي نبرر ليك .. عييت معاك انك غير تسمعيني و تعطيني فرصة ...
اسراء:( قاطعاتو ) بلا ما تكمل ليا هاد الهضرة ديال ديما .. نتا صدمتيني بعادك بديك الطريقة عرفتي على جرح خلى فقلبي ما بغاش يبرى و من بعد بسبابك دخلت لمستشفى ديال الحماق و بسباب الافعال ديالك مزال كنعاني حتى لدابا خايفة على راسي و على عائلتي.. فماتجيش دابا و دير راسك مهتم
الملثم: عارفة بلي عائلتك هي عائلتي و بلي اي واحد حاول ياذي شعرة وحدة منكوم ندفنو حي
اسراء :(دورات عينيها بملل ) هاد الهضرة مليت منها نهار تبان قدام كلشي ديك الساعة مستعدة نسمعك اما هكا غير نسا و دابا قوليا شنو بغيتي ؟
الملثم : (تنهد ) راسك قاسح فحالها مهم قاليا الشيفور كدوري من ماركة لماركة باغا تشري شي حاجة لحفل الشركة الي غاتسنيو معاها
اسراء :(غادة و كتزيد فيه )  شفتي علاش ماكنبغيش نعيط ليك لا وقعت فشي مشكيل حيت مكتعرفش الخصوصية
الملثم : (صعراتو ) اتزيدي كلمة وحدة غادي نجيبك عندي فين كاين انا تبقاي معايا ديما وولدك غنعطيه لباه .. (اسراء صقرات عارفاه يديرها ) كانبغي نسايس معاك و لكن مايمكنش .. من اللول ماكنتش باغي ندخلك فهادشي و لكن كان هادا هو الحل الوحيد باش نعتقك ديك ساعة و نعتقكوم .. كيفما قلتي فات الحال على هادشي دابا ... عيطت ليك غير باش نقوليك دخلي للماركة اللي بغيتي و هزي اللي بغيتي و الشيفور غادي يخلص كلشي .. عارف ان هادشي اللي كندير مكافيش و لكن راكم نتوما اللي رابطين ليا يدي باش انا مكاينش معاكم و عمري غادي نقدر نكون معاكم .. سمعي ا اسراء نتي عويناتي منبغيش نسمع وقعات ليك شي حاجة ف تهلاي فراسك و بعدي من داك علي حيت غير غادي ييسلط عليك الاضواء فهاد العالم
اسراء: علي واخا نبغي نبعد عليه ميمكانش هو بابات ولدي و عاجلا او اجلا غادي يعرف الحقيقة و كنظن حتى هو مغادي يخلي حتى حاجة توقع ليا
الملثم : واخا هكاك مانقدرش نامنك ليه و خصوصا ف ديك البلاد اللي ماشي تحت يدي عندها ماليها .. عرفتي شنو خلي معاك داك الشيفور ماحدك في فرنسا على اساس الباديكارد ديالك
اسراء:(دوراتها فراسها و عجبتها الفكرة ) عرفتي شنو مابغيتش غير واحد بغيت جوج و بغيتهم يمشيو معايا للحفلة ديال اليوم
الملثم :(استغرب) علاش وقعات شيحاجة
اسراء: لا غير ما قال ليا راسي و صافي مهم لا مابغيتيش معنديش مشكيل
الملثم: ( فرح حيت طلباتها منو ) لا لا بالعكس نتي امري و انا نفذ.. عطي التيليفون للشيفور
مدات اسراء التيليفون للشيفور و قاليه شنو طلبات منو و قطع اما اسراء فرحانة بالفكرة اللي عندها فراسها رجعات كطل تاني من الشرجم ديال الطوموبيل بغات تشوف لا مارك ديال دولتشي اند غابانا و هي تقشع واحد الغوب فواحد المحل و هي تغوت على الشيفور باش يحبس الطوموبيل
اسراء : (بالفرنسية ) وقف وقف وقف
قفزات مسكين داك الشيفور .. غير هو وقف اسراء حلات الباب مشات كتجري وقفات قدام داك المحل اللي كانت سميتو  paolo sebastian .. اسراء فاش وقفات بقات شحال و هي كتشوف فديك الغوب غير من زاج بحال شي بنيتة صغيرة كتشوف فحوايج العيد و هي تقرر دخل تقيسها ... دخلات جاو عندها المساعدات قالت ليهوم شنو بغات و مشاو كيحيدو ديك الغوب من المنكا و عطاوها لاسراء تقيسها ... اسراء مشات متجري لبستها وخا معرفاتش كي تلبس مزيان و لكن بقات معافرة معاها حتى لبساتها خرجات باش تشوف راسها فالمراية للكبيرة للمحل و بداو دوك للبنات غير كيشوفو فيها حالين فمهوم فالجمال ديالها بديك الكسوة حيت فعلا كانت طالعة بحال شي اميرة بلمسة راقية عصرية ... و حتى اسراء فاش شافت راسها فالمراية عجبها راسها .. فاللول كانت باغا شي حاجة ف شي لون باين و فيه لي ديتاي و يكون واو او كدا و لكن هاد الكسوة مخالفة تماما لداكشي اللي باغا و لكن عجباتها ديال بصح و حتى الكسوة تقول مخيطة عليها ...
اسراء شافت شحال الساعة و تخلعات حيت مزالا تابعاها شحال من حاجة فمشات تحيد الكسوة و فهاد الاثناء جا الشيفور خلص كاش و هي تخرج اسراء من غرفة التبديل و هي هازاها  .. خداوها ديك الساعة المساعدات من عندها و داروها ليها فبواط كبيرة هي و صندالة و صاك ديالها و عطاوها ليها و مشات من بعد ما سولتهوم على شي صالون زوين و نعتوه ليها فين كاين 
مشات اسراء ديك الساعة للشقة ديالها دغيا دخلات دوشات و خرجات دهنات لحمها حتى ولا معطر و كيبري و لبسات هاد المرة غير توني خفيف و خرجات متجهة للداك الصالون الي نعتو ليها .. مسافة الطريق و كانت تما و غير دخلات جاو عندها اللي غيتكلفو بيها فطلبات منهوم يحيدو ليها هاد الصباغة الكحلة اللي فشعرها و يردوه ليها للونو الطبيعي و فعلا و يديرو ليها شي مكياج يكون خفيف و زوين و شي مشيطة للشعرها لحقاش عندها حفلة ... و فعلا داكشي للي دارو ليها الصالون بداو بالشعر دارو ليه واحد التريتمون خلاو ديك الصباغة تحيدمنو و يرجع عادي و من بعد صاوبوه ليها وايفي  عاد جا الميكاب ارتيست  اللي دار ليها داكشي خفيف ظريف دار ليها داك لنوع ديال المكياج اللي كايكون لامع و كتحس بيه نقي مهم هداك ... اسراء شافت راسها فالمراية عجبها راسها و عرفات الطايح كثر من النايض و النايض سخفان ...
مشات دخلات لوحد الغرفة الي بدلات فيها حوايجها و خرجات شافت اللوك فينال ديالها تم عرفات انها اختارة صح لاغوب ...
مشات للطوموبيل لقات شيفور كيساينها واخا هو براسو شافها داخ فيها ماحس براسو حتى بدات كتحمحم ليه عاد حل ليها الباب ركبات و مشاو انطلقو لبلاصة الحفلة .. اسراء شافت الساعة فتيليفونها  عرفات مشا عليها الحال و لكن بتاسمات .. قالت مع راسها هكا كلشي ايكون كاين تما يعني فاش غادي دخل هي كاع الانظار ايرتاكزو عليها ( اييه كتحماق هي على انها تجذب الانتباه و تخلي كلشي كيشوف فيها كتحس براسها هكاك انها قادرة دير اي حاجة ) ....