العشق المظلم قصص مغربية

Part 5 : انكار و اعتراف

الجزء 5

جا نهار جديد من بعد ليلة دازت طويلة عند بزاف د الناس و نمشيو عند  البطلة ديالنا اسراء لي  بقات كتحرك بشوية بشوية كتستاعد باش تفيق حتى حلات عينيها شافت فالسقف بقات شحال وهي غير عاد ستوعبات هدا ماشي السقف دياال دارهم دارت مالقات حداها حد بغات تنوض وهي تشهق شدها شي حريق ملتحت مافهمت والو شافت راسها عريانة مغطيها غا ليزار شوية بشوية بدات كتفكر احداث لبارح الحاجة لخرة لي فبالها هي منين كانت فالبواط و خدات دوكرالكينات د الهلوسة و من مراها ماعاقلا على والو ولكن عرفات شي حجا وقعات ليها علات ليزار بشوية وهي تشوف ليطاش ديال الدم عد حسات بالموصيبة الي دارت و لكن فوجهها مدارت تا ردة فعل بحالا ماشي هداك شرفها الي ضاع مابقاتش مسوقة جرات ليزار لواتو عليها و يلاه جات تنوض و هو يضربها الضو من التحت رجعات كلسات شوية و عاودات ناضت بشوية لبسات حوايجها و هبطات للبار تاني تاخد ساكها ( اي بار كتكون فيه واحد البلاصة كيحطو فيها جواكط ديالهم ولا صيكان مهم شيحاجة خاصها تحضا ، كيكون بحال شي بيت فالدخلة كيكون خدام فيه شي واحد كياخد من عندك داكشي و كيحطو فبلاصة امينة )وخرجات من الاوطيل و مع لالة لعروسة يلاه مصبحة كتحرك غير بزاز اصلا مكان فيها لي يسوق شدات طاكسي ومشات نیشان للدار طريق كاملة وهي كتفكر فشنو غدير من بعد الفضيحة ديال البارح معندهاش فين دير وجهها ، و شنو غدير الام ديالها منين تعرفها ان بنتها ضيعات شرفها مع واحد ماكتعرفوش بقا غادي بيها الطاكسي و هي غارقة فبحر الافكار ديالها

اما بالنسبة لعلي فاش فاق الصباح شافها ف جنبو بقى كيشوف فيها و بدا كيتفكر شنو وقع البارح فليل ومركز فالبراءة لي كتبان عليها و هي ناعسة و الجمال ديالها كيقول معا راسو كاع لبنات بحال بحال كلهم قحبات هادي كاكتعرفو كا كيعرفها مع السلام عليكم مع نعسات معاه ، فيقو من سهو ديالو غير تيليفون ديالو وصلو ميساج كان من عند امين
امين: فينك اساط را كيتسناوك فالسبيطار دبا شوية عيخرجو باك
جاوبو علي حتى هو غير ف ميساج
علي: شوية و نكون عندك
يلاه حيد اليزار باش ينوض تا كيتصدم بالبقعة الحمراء فالسرير مافهم حتى لعبة كيفاش الدم و منين جا و ي دير ليه طرين فراسو و بدا كيرد الكاسيطا د البارح هادشي علاش كانت كتغوت البارح و علاش كانت مزيرة بزاف فهم انه كانت عزباء اول مرة فحياتها غاتمارس بقا كيتسائل علاش هي جات عندو و هي لي بدات الخطوة الاولى باش وصلو لهاد الحال علاش رمات راسها على واحد ماكتعرفوش و خلاتو ياخذ اخلى ما عندها شرفها بزاف ديال علاش و ما لقا حتى جواب
ناض مشا دوش خفيف خرج و لقاها مزال مكاوية لبس عليه و رجع تكاحداها شوية حيد خصلات ديال الشعر كانو على وجهها مغطيينو و بقا كيفكر شنو غايدير معاها ، بغا يسولها على شحال من حاجة بغا يفهم شنو واقع ليها حيت مايمكنش شي وحدة تحط راسها فهاد الموقف قال ايمشي يشوف عائلته داغيا و يرجع يفهم منها شحال من حاجة
يلاه ناض من حداها بانت ليه واحد السنسلة ديالها طايحة فالارض هزها و خرج بحالو هبط لطوموبيلتو و كسيرا لسبيطار فالطريق و هو غادي اتاصل بيه امين
امين : و فينك اصحبي
علي: فالطريق
امين : ياله اساط زرب را بداو كينقلو فالمعدات للامبيلونس اه و قبل ما نسا راني سيفطت ليك واحد جوج د لي كارد خليهم معاك
علي : انا مامحتاش ليهم و لي جا بسم الله
امين : و غير الا حتياط و صافي حيت مزال معرفناش شكون حاول يقتل عمي سلمان و ماعرفينش الخطوة الجاية ديالو
علي: ماتخافش عليا العود تهلى غير ف العائلة لي معاك
امين: هادوك امانة حتى تجي و نعطيك امانتك تكلف بيها
علي: (بتاسم ) العز
امين: يلاه طلق راسك
علي: هاو جاي
قطع عليه وبدا كيفكر فقبل 8 سنين فاش خرج من الدار
————- فلاش باك———
كان كيدور فالزنقة ماعارف راسو لا فين يمشي لا فين يجي حتى سمع تيليفون كيصوني جاوب
امين : ساط فينك نجي عندك
علي : علاش طاريا شي حاجا
امين : لا غير بغيت نمشي معاك مبغيتش نبقا هنا بوحدي و مايمكنش نخليك بوحدك
علي : لا بلاش
امين: اشمن بلاش و لا زيي ياكما تغالطت ليك مع صاحبتك
علي : هههه صاحبتي قلت ليها يلاه معايا و قالت ليا لا
امين : (عرفو علامن كيهدر ) و دابا هنينا و قول ليا فينك
علي : لا خاصك تبقا تما ، امين نتا ولد خالي و صاحبي و خويا كنوصيك على خوتي رد ليهم البال هوما امانة عندك اخويا
امين : ماتسعرش زامل بويا ياك قالنا خوت تالموت توقف معايا و نوقف معاك
علي : انا لا بغيتي توقف معايا هي تهلا ليا ف اللي معك
اميين : و نتا شكون ايتهلا فيك ؟
علي : متبداش تبكي عليا ازبي دابا يا ايما ترجل معايا ولا قود
امين : لا مابكيتش عليك علامن نبكي نتا راه خويا ماشي ولد عمتي
علي : حتا نتا العود ، المهم تهلا ليا فالامانة
امين : كون هاني و تهلا فراسك
علي: بسلامة العود
امين : بسلامة العود
——-نهاية الفلاش باك——-