العشق المظلم قصص مغربية

Part 7 : حمل غير متوقع

الجزء 7

فالمستشفى كان يلاه و صل علي و البنات ، دازو للاستقبال باش يعرفو فانا غرفة كاينة اسراء و فعلا قالت ليهوم و تمو طالعين فاش و صلو لقاو سلوى و غادة جاية فداك الممر و جنان جالسة كتبكي
مشات اريج كتجري لعندها بقات كتبكي معاها اما ليلى فبقات غير كتشوف بعويناتها
جنان و اريج هوما اللي عارفين شنو داز على اسراء فاش كانت صغيرة حيتاش كانت تخطفات شحال هادي هي و ختها كبر منها كانت عند اسراء 14 لعام و ختها عندها 16 و للاسف غير اسراء الي بقات عايشة و سلكات المهم اسراء فاش كانت مخطوفة شافت شي حواييج كانو غادي يحمقوها و بقات كتعاني من مور هاد الحادثة شحال و هي مع الاطباء النفسانين المهم حتى لمؤاخرا عاد ستقرات حالتها
اريج: ماديريش فبالك اخالتي غادي تنقزها اسراء بنت قوية
جنان : كنت حاسة بيها من الداخل ديالها كتقطع و مكاتبغيش تقولينا باش مانشفقوش عليها و مادرت والو باش نعاونها
اريج: بلا ما تردي الومة لراسك ا خالتي كلنا كنا عارفين و كنقولو ما نضغطوش عليها و فلخر و قع لي كنا خايفين منو
ليلى : ماما ها الدكتور خارج من عندها
علي: ( بصوتو الرجولي و بكل صرامة ) دكتور بناني
الطبيب: ( شافو بدا كيتفتف ) اهلا ميسيو الرايس ياك لاباس
علي : مال المريضة ديالنا
الطبيب : الصراحة المريضة يمكن دازت من شي ازمة نفسية لي اترت عليها بشكل سلبي خلاتها تفقد اعصابها ، عطيناها دابا غير دي كالمون باش انها تهدن مي الى بقات فهاد الحالة نخاف تادي راسها و الناس لي ضايرين بيها عليها كنصح انها ضروري ما تشوف شي طبيبة نفسانية
علي : اوكي تقد تشوف ليها شي موعد مع الدكتورة ديالنا و تسبقها هي اللولة غدا و كلشي على حسابنا
الطبيب : هي اللولة ميسيو الرايس
علي (دار عند اريج يهدر معاها بداك الصوت لحرش الي عندو ) كنضن انني سددت الدين الي عليا معاك و مابقا بيناتنا والو ( مد ليها لا كارط فيزيت ديالو ) وباينة فيك دكتورة موهوبة و المستشفى ديالنا كبغي يستفد بالمواهب الي بحالك
ليلى ( دايما كطير ) : الا ماتقولهاش او حتى من الصبيطار ديالكم
علي : ( دار ل ليلى واحد الابتسامة و هدر مع اريج ) المهم فاي وقت مرحبا بيك معانا (و دار لعند باقي العائلة و قالهم ) مايكون باس و مشا فحالو خلا اريج و ليلى مصدومين
ليلى مصدومة من كثرة الفلوس الي عند هاد الناس و اريج من داك اقتراح العمل الي جاها تقد دابا تحول لمدينة فين ساكنا اسراء و من بعد ما تشد ليلى الباك ديالها تجي هي و خالتي جنان ( حيت اسراء فاش شدات الباك تحولات لمدينة اخرى على وديت المدرسة لي تقبلات فيها حيت كانت دايرة واحد البرونش مكااينش ف مدينتها و من بعد لقات خدة فتفس المدينة فين قرات اي المدينة فين كاينين هوما حاليا واما اريج و ليلى و جنان فبقاو فالمدينة الاخرى حيت دارهم تما و القراية د ليلى تما و كذلك الخدمة ديال اريج جاو لهنا غير على وديت العرس د اسراء ) المهم اريج فرحات و قالت لجنان و البنات انها اتقبل العرض و باتو تما فوق دوك كراسي الانتظار تاوحدة مبغات تمشي و تخلي اسراء اما علي فمن بعد ما وصل الاوتيل لقا الحفلة سالات و كلشي مشا من غير العناصر الي بغا ، اول حاجة دار مشا شاف ياسين كيبقا و حط قدام الغرفة ديالو جوج ديال لي كارد و وصاهم باش لا فهد لا ياسين يخرجو من الغرفة و هبط تاني عند امين لي كان موجد كلشي هو هداك و كان كيساين علي غير يجي
امين : فين غبرتي ا ساط بنادم من قبيلة و هو كيتسنى
علي: (بتاسم بمكر ) شفتي بنادم كدكر ليه الفاوس كيولي كي الكلب
امين : ماعلينا فين ياسين
علي: اليوم انقضيو الغرض بلا بيه
امين : متاكد من هادشي الي غادي دير
علي : ( شاف فيه مخنزر ) كنلعبو حنا هنا
امين : المهم انا خليتك دابا رد البال اصاحبي
علي: (طبطب عليه فكتفو )العائلة امانة عندك
مشا علي الغرفة فين ايكون الاجتماع و دخل على هادوك الي جالسين تما و مشا نيشان جلس فالراس ديال الطابلة و كلشي كيتسناه شنو غادي يقول
علي ( بصوت خاشن فيه واحد الهيبة ) اليوم كيفما شفتو انا تسلمت ادارة كل الاعمال القانونية و الغير قانونية ديال السي سلمان و لهاذ السبب كعربون محبة بغيت ندير واحد العملية غنتبرع ليكوم فيها بالنسبة د الارباح ديالي ( كلشي عجبو الحال حيت عارفين ان عائلة الرايس غالبا كاتتخذ اكبر نسبة من الارباح ) حتى نطق واحد منهوم و قال : و لكن قبل من انك تنفد العملية كنضن خاصك تعلم كيفاش كنديرو
علي ( جبد كارو شعلو و دار لداك خونة واحد الابتسامة ماكرة و هو كيسوط الدخان ) و انا ماجيتش باش نتعلم جيت باش نحكم
داك خونا : شحال من واحد قال ها الهدرة قبل منك
علي (ببروة) و انا ماشي اي واحد
داك خونا بقا كيشوف ف علي لي مكانت فعينيه حتى نقطة د الخوف بالرغم من انه اول مرة ايدخل لهاد العالم بالعكس ايلى شفتي فعينه اتلقاهم كلهم تحدي و هو ينطق : مرحبا بيك معانا اولد الرايس و لكن نعلمك ان ايغلط او تمرد
علي ( شافيه بعينيه حومر ) : واش الي نفهم من كلامك انك كتهددني
داك خونا خاف على راسو من علي و كيفاش تقلب فلحظة : لا ابدا حنا عارفين عائلة الراس من شحال هادي و هوما معانا مكنضنش اصلا انه غاتكون شي حاجة بحال هاكا
غدا اتكون واحد العملية ..متحف فيه كتر من 100 تحفة اترية قيمتها فوق 15 لمليار..حسبوها فدماغغكم .اتلقاوه رقم خرافي بالنسبة لميات تحفة
قالهم الموضوع و خلاهم يتناقشو علي كيفاش غادي يدخلو و كيفاش غيهجمو على المتحف بدون اي مشاكل..بقا علي غير ساكت و كيسمع للحوارات ونقاشات لي كتدور بيناتهم..كان مركز معاهم وکیتصنت ..فهم الخطة اي بغاو يديرو..
علي :( نتر من الكارو ديالو و شاف فيههم ونطق ) الخطة فاشلة
شاف فيه واحد من اعضاء المافيا و قال :كيفاش زعما
علي :الهجوم على المتحف بنهار وعامر بناس والحراسة كتكون متشدة فداك الوقت ..خصوصا غيكون المزاد العلاني..البوليس بجميع الانواع ایکونو حاضرين اي هجوم ایکونو موجدين ليه فلها. السبب الخطة فاشلة
نقز واحد اخر و قال : وبالليل نص ديال التحف ايكونو تباعو ومشاو شغا نربحو حنا من مور هاد الهجوم بليل..حنا بغينا المبلغ كاامل
علي : التحف كتبقى تا ليوم تانی فصباح عاد كيوصلوهم لماليهم ..هدشي باش معروف هاد المتحف..وحاجة خرا بالليل كاع داك الفلوس لي جمعو من المزاد ايكونو مازالين فالخزنة ..يعني المبلغ لي حسبتوه ضوبلوه على جوج
أعضاء المافيا بقاو غير كيشوف فيه حتى نطق واحد منهم :و كي درتي عرفتي هدشي
علي : تاحاجة فلعالام ماكاتخفة عليا ، بون نقدرو من دابا نحتفلو بالعملية (جبد واحد القرعة د الشراب و كب ليهم كاملين و نطق ) : نخب العهد الجديد
هازو كاع الاعضاء كيسانهم و قالو تاهوما فدقة : نخب العهد الجديد
سلاو الاجتماع و كانو كاع اعضاء المافيا فرحانين من المبالغ الهائلة الي غايدخلو مور هاد العملية ناض كلشي مشا بحالو ، علي بات هاد الليلة غير فالاوتيل و اول حاجة دخل دار انه جبد واحد الشوكة عامرة بواحد المادة ضربها ليديه
و فهاد الاثناء المستشفى كانو البنات و جنان غارقين فالتعاس و بنادم قليل فين كتلقاه غادي ولا جاي حتى كيحل واحد الملتم الباب د اسراء و داك ليها واحد المادة فالسيروم باش تفيق ، دقائق و بدات اسراء كتحل عينيها ، غير شافتو عرفاتو بلا ما يحتاج يحيد اللتام ، همه داك السيد حيد اللتام و بقات اسراء غير كتشوف فالسقف حتى نطقات
اسراء: ماخفتيش شيواحد يشوفك
الشخص : على ودك نقد ندير اي حاجة بلا ما نفكر
اسراء: هي لا بنتي ليهوم و منيتيني من هاد العداب ( ضحكات باستهزاء) فخبارك باي بعد المرات كيسحبوني حمقة بسبابك
الشخص: طلبي مني كلشي ايلا هادي حيت ايلا بنت انعرض حياة كلشي للخطر
اسراء: نفس الكاسيطا بحال ديما
الشخص: سمحيليا و لكن مون مادرتش فحال هاكا كنتي حتا نتي غتموتي
اسراء: 8 سنين ، واش عارف شنو داز عليا فهاد 8 سنين ختي ماتت و حزنت عليها و فاش عاودت شنو وقع ديك الليلة حتى واحد ما تيقني وليت كنباان لكولشي حمقة ، و لا عرفتي يمكن انا حماقيت لدرجة كنتخايا انني كنهدر معاك
الشخص: ماتقوليش هاكا حيت راكي كدبحيني بهاد الهضرة نتي عارفة انا بشنو مضحي على وديتك ، المهم دابا انا جاي ناخذ غير الموافقة ديالك
اسراء: فاش ؟
الشخص : حاتم
اسراء: حرقو كيفما حرق ليا قلبي
الشخص: (باسها على راسها و دار ليهاا عاوتني واحدة المادة فالسيروم و لكن هاد المرة باش غتنعسها ) كنبغيك
اسراء مادرت حتى ردة فعل بقات كتشوف فالسقف ببرود حتى غمضت عينيها ، دار داك الشخص التام ديالو مرة اخرى و خرج فحالا عمرو ما كان
جا نهار جديد
من بعد ما الطبيب تفقد اسراء و جاب ليها الطبيبة النفسية ، اسسراء والو كاع ما تجاوبات معاها ورخلاتها على خطرها حتى تحس بيها مستعدة باغا تهدر ، قالت ليهوم يعيطو على جنان و داكشي لي دارو ، اسراء خبرات ماماها انها غاتستقل من الخدمة ديالها و غترجع تعيش معاهم فالمدينة الاصلية ديالهم ، ماماها ماقالت والو المهم تولي ليها بنتها لباس و ترجع ليها و مشاو للدار جمعو كولشي ديالهم و توادعو مع سلوى ( حيت سلوى هادي هي مدينتها مايمكنش اتسمح عائلتها و خدمتها ) المهم خلاو سلوى كتبكي مسكينة معرفاتش هاد القرار د صاحبتها منين خرج ، كان كيصحاب ليها غير شوية وراه اترجع الخدمة و يبقاو مجموعين ساعة اختارات انها تستقل و تبعد على المدينة كولها ، اصلا الخدمة غير بزز باش قبلو انها تستقل حيت هي مهندسة واعرة معمر شي كونكور دخلو فيه بالتصاميم ديالها و خسروه و كولشي كانت كتعامل معاه مزيان و سي برادا كان عارف الا خرجات اتكون خسارة للشركة ديالو مي كيفما قالنا كانت عزيزة عليه و بحال بنتو فقال صحتها قبل من كولشي ، و حتى من اريج قررت تاهية تخلى عرض العمل لي جاها من عند علي الرايس اصلا كانت باغا تقبل غير على ود يعيشو مجموعين و ميبقاوش هاكا مفرقين .
و فاش كانو غاديين فالطريق جاهم اتصال من سلوى كتقول ان حاتم راه مات محروق فالدار لي خان فيها اسراء هاد الاخيرة الي فاش سمعات هادشي نطقات بواحد الابتسامة شاحبة : قلت ليكم انا ماشي حمقة و سكتات ماعرفوش لاخرين علاش قالت هكاك و لكن ماداو ماجابو انه تقدر تكون عندها علاقة بموت حاتم المهم كملو طريقهم و مشاو فاتجاه مدينة جديدة و احداث جداد لي غيغرو المصير ديال كلشي