العشق المظلم قصص مغربية

Part 31 : الى شخصية شريرة

الجزء 31

اسراء: (جمدات فبلاصتها كتستوعب حتى هي السؤال اللي سمعات عاد ضارت بالشوية كتشوف فيها .. ماعرفاتش من ايمتا و هي هنا ) ملك !!!!!
ملك : (كتقرب عندها و كتهضر ) انا سمعت كلشي ... اسراء واش ادم ولد علي ؟؟ واش مخبية على خويا ولدو ...؟؟
اسراء:(قربات لعندها و شدات ليها فمها بيد و هازا ادم بيد ) شووووو دابا يسمعك شي حد
ملك :(بانفعال ) واش من نيتك شنو كتقولي نتي ... واش ادم ولد علي ...؟
اسراء: ماتغوتيش عافاك ، يلاه نخرجو للجردة انا غنشرخ ليك كولشي ...
ملك : ماعندك ما تشرحي ليا انا حيت سمعت كلشي .. خاصك تشرحي لعلي حيت فاش انقولها ليه موحال واش تعاودي تشوفي ولدك من مور هاد الكذوب اللي كتكدبي
اسراء:(كتحاول تشرح ليها ) واراه على وديت هادشي ...
ملك :(قاطعاتها ) ماتقولي لي والو انا ، هادشي دابا اتمشي تقوليه نتي لعلي حيت لا يعقل يكون عندو ولد و تخبيه عليه مهما كانت الضروف و دابا ايما غتقوليها لعلي ايما غانمشي انا
اسراء : (باصرار ) يلاه نخرجو نشرح ليك بعدا و ديك الساعة ديري لي بغيتي ، على الاقل غير على وجه ادم
ملك شافت فادم و قررات انها تسمع ليها و مشاو للجردة باش يهضرو
ملك : اوكي هاني كنسمع
اسراء : اه الولد ولد علي
ملك : و علاش خبيتي عليه
اسراء: حيت خايفة على ولدي واش نسيتي بلي نتوما من المافيا و يقدرو لا عرفوه ولد علي الرايس يخطفوه و يقتلوه باش ينتقمو من خوك
ملك : هذا ماشي سبب نتي عارفة خويا يموت و مايخليش شي حاجة توقع لولدو
اسراء:(كتفكر فالكذبة اللي تخرجها ) اه عارفة و لكن نتي معارفاش القصة ديالي مع علي .. ( و عاودات ليها القصة الحقيقية كيفاش وقع ليها مع علي فاش تلاقاو اول مرة حتى لنهار اللي عرفاتو بابات ولدها و اكيد خبات عليها داك الجزء فاش نعسات معاه تاني ) و فاش انا بغيت نقول لعلي بلي عندنا ولد خطفوني شي وحدين و هددوني انهم يقتلو علي و ادم لا قلت ليه الحقيقة ( غير كتكدب و صافي ) و من غير هادشي انا راه كنبغي خوك و قلتها ليه غير ليوما و جربت باش نقولو عندنا ولد و لكن رفضني و قمعني و سبني فشرفي انا مايمكنش نكون مع شي واحد مباغينيش غير حيت عندي ولد معاه
ملك : مستحيل خويا يدير هكا هو واخا قاصح شوية مي ماشي عديم الضمير
اسراء: للاسف خوك كفس من داكشي اللي كاتخايلي و لا بغيتي يلاه نمشيو نجبدو معاه هاد الموضوع هو اللول عاد و شوفي رد الفعل ديالو و من بعد نقولو ليه
ملك : اوكي يلاه غير هو راه غادي تقولي ليه الحقيقة ضروري
اسراء: واخا و لكن لا كان عندي انا الحق اتخليني انا نختار الوقت المناسب باش نقول ليه على ادم اوكي ؟؟
ملك : اوكي اتفقنا

اما علي من قبيلا كان دوش و بدل عليه و خرج من بيتو و اول حاجة دار صونا على سارة بغا يهضر معاها فموضوع كريم مايسحابش ليه راها فالدار حتى قالتها ليه و قالها تجي عندو للبيرو اللي فالدار بغاها ف شي حاجة و بقى كيفكر و كيرجع السينتا اللور فاش قاليه الدكتور ان هذا اللي حاول يقتل الاب ديالك باينة تراجع فاخر لحظة و فاش كان باه باغي يموت علاش وصاه عليه مايقتلوش و شنو المعنى ديال انه واحد منكوم و شحال من حاجة و فهم انه قبل مايدير اي حاجة خاص يفهم الاصل ديال كريم منين جا و علاش قتل باه .... بقى هكاك حتى دخلات سارة للبيرو لقاتو كايساينها و هضر معاها عادي سولها كي بقات من مور داكشي ديال البارح و كي دازت العملية ديال ليلى مهم حوار عادي ... بحالا كيساينها هي تجبد الموضوع د كريم و حتى هي حسات بيه و جبدات معاه الهضرة على كريم
سارة: (مبتاسمة واخا عارفة انه خاصها اليوم تعتارف بكلشي ) باينة باغي تعرف شنو بيني و بين كريم
علي :(باستهزاء ) لا بغيتي زعما ..
سارة : هي اللولة ، مهم كريم كنت كنعرفو من حياتي اللولة اي فالريف ، يعني قبل ما ندخل للعائلة كيفما عارف كنت عايشة انا و ماما مع داك عديم الضمير فواحد الحياة بائسة الغوات و الصداع و المعيور كل نهار ، و فديك الوقيت الحاجة الزوينة الي كانت فحياتي هي كريم (شاف فيها علي بتساؤل) اه كريم مجاهد كانت كنعرفو من شحال هادي و كان صديق الطفولة و فنفس الوقت كنت كنبغيه و حتى هو نفس الحاجة ، حيت حتى هو كان كيعيش شي مشاكل عائلية مع مو و باه و كان كل واحد فينا كيهرب من الوقع ديالو فاش كنتلاقاو واخا كنت صغيرة ديك الساعة ايلا انه كنت كنحلم يكون هداك الراجل هو معامن نكمل حياتي و حتى هو كان كيبغيني و كيخاف عليا و يحامي عليا لدرجة داك النهار من مور ما ماتت ماما و حاول داك الحيوان يغتصبني .. مشا كريم و ضربو كان غادي يقتلو و جاو البوليس داو كريم للجيور مهم دازو يوماين على داك النهار و خرجوه البوليس معرافتش كيفاش و علاش بالرغم من ان البوليس شدوه بالجرم المشهود و لكن واخا هكاك تطلق مهم كريم عيا من المشاكل حتى هو اللي كانو بين مو و باه
علي : شنو هاد النوع د المشاكل اللي كانو بيناتهم ؟
سارة : معرفتش بالضبط و لكن باه يمكن مكانش مسوق ليهم و كيجي كيضرب مو ماعقلتش ... مهم كي خرج من الجيور جا لعندي نيشان كنت جالسة عند واحد الجارة قال ليا باش نبدلو هاد المدينة و اقتارح عليا نمشيو انا و ياه و مو و هو يخدم علينا و غير انا نوصل لسن القانوني نتزوجو و انا فرحت او وافقت و قالي باش نوجد راسي و من بعد نتلاقاو فواحد البلاصة من هنا ساعتين ، مهم انا وجدت راسي و مشيت كنساينو ساعة و جوج و تلاتة ... والو ماجاش و انا بقيت بوحدي تما حتى كانو غادي يتعداو عليا شي وحدين حتى عتاقني بابا عماد (الاب ديال امين ) و الباقي راك عارفو
علي: حتى لهنا مزيان ... شنو وقع من بعد زعما كيفاش رجعتو طلاقيتو
سارة : هادشي اللي غادي نقولك دابا قاصح عليك تسمعو و لكن بغيتك تواعدني قبل مادير اي حاجة خاصك تنفذ ليا طلب
علي: شنو هو هاد الطلب
سارة : من بعد و نقولو ليك و لكن واعدني اتنفذو ليا
علي: جاك الالة
سارة : مهم كملت انا حياتي معاكم عادي مخاصني خير الحمد الله خدامة على راسي ... حتى لواحد النهار جا عندي لوبيطال و هو مبدل كاغيمون على كي كان ... باينة فيه ولا لباس عليه و الفلوس و من اين لك هذا معرفتش مهم جا عندي من بعد سنوات داير فيها بحالا ماواقع والو كان باغي يهضر معايا و انا معطيتوش فرصة و كذلك داك النهار ديال لا بواط جا عندي و قلتليه انني غنتزوج ... بيك ... و هو قالي هاد الزواج مغاديش يكمل .. الايام كانو كيدوزو و كان كيصوني عليا مرة كانجاوبو مرة لا و لكن باش نكون معاك صريحة ا علي عمرني نسيت كريم واللي تاكدت منو انني كنبغيه بزاف ا علي واخا تخلى عليا واخا كانو غيتعداو عليا بسبابو الا انه انا متوقعة ديك الليلة غاتكون وقعات شي حاجة اللي خلاتو مايجيش عندي
علي : علاش مافكرتيش تمشي لدارهوم نتيا ملي ماجاش عندك
سارة : هو اكد عليا نساينو تما و منين مجاش و فكرت نمشي خفت نتخالفو فالطريق و منين تخلعت بزاف و بغيت نمشي تسلطو عليا دوك المجرمين
علي : و من بعد فاش تلاقيتو مكالش ليك علاش مجاش
سارة : لا ماعطيتوش فرصة فين نسمع ليه .. و نتا منين كتعرفو بعدا
علي : كريم هو مول الشركة د كونستخيكسيون (البناء ) اللي مكلفة بالبروجي الجديد .. علاش ؟
سارة : حيت باينة فيك كتعرفو و ماعندكش معاه
علي : كنعرفو من البروجي و ماعنديش معاه حيت حتى هو عندو يد مع المافيا .. هنا غاتعرفي ديك من اين لك هذا ديال قبيلا ..دابا كملي هضرتك
سارة :(بتوتر ) معارفاش هادشي الي جاي كي غادي نقولو ليك و منين غادي نبداه
علي : بداي ليا مثلا علاش ديك الليلة ديال الخطوبة حاولتي تنتاحري و علاش بقيتي كطلبي مني السماحة
سارة : (باينة فيها نفسيتها عيانة ) لحقاش عرفت شي حاجة ماقدرتش نستحملها