العشق المظلم قصص مغربية

Part 12 : بداية الليلة 🔥

الجزء 12

من بعد مادخل السي كريم جلس بلازما يتسوق لحتى واحد
المهم بقاو شي كيشوف فشي و النص مصدوم من هادشي اللي واقع و هاد المهزلة اللي طارية حيت راه بزاف على الصدف
ايوا من بعد ما كولشي جا دابا كيساينو شنو غادي يوقع و شنو هي هاد اللعبة اللي مزال ماسالات شويه و هو يدخل واحد الشخص داير قلنسوة على وجهو ولا نقدرو نقولو ملتم باينة فيه شوية كبيبر فالعمر  و جلس في الراس ديال الطابلة
الملتم : مرحبا بيكم فاللعبة اللي بغيتو تساليو و مسالاتش للاسف، نتوما الناس اللي تقرر انه تعطاكوم فرصة وحدة اخرى باش تنقدو عائلتكم و حتى راسكم ، و المطلوب منكم هو انه تنفدو طلاباتي و صافي و اللي حاول انه يدير فيها بطل هاد المرة ، للاسف غادي يكون هو السبب فانقراض السلالة ديالو ، سمحوليا نسيت ما عرفتكم براسي انا هو البوص الي صراحة قليل فين شفتوني و قليل فين غادي تشوفوني غادي يوصلوكم الاوامر و ما عليكم غير تنافذوهم و اكيد غادي تكون حتى نتوما عندكم نسبة من هاد الارباح ، مهم انا كنحاول نوفر ليكم شروط عمل اللي تخليكم مرتاحين و نتوما كتخدمو معايا
علي :  (نطق ببرودة ) و اللي مابغاش يخدم معاك شنو خاص يدير
الملتم : للاسف معندكومش خيار اخر
(كليكا الملتم على واحد التليكومند و هي تبان فالداتاشو data show عائلة الرايس كلها شخص بشخص كل واحد شنو كايدير كل واحد فين كاين منايشين عليهم ب سنيبر (نوع ديال السلاح ) لجبهتهم و هما محاسينش مكاملين حياتهم عادي من غير جبهتهم الي فيها ديك النقطة الحمرا ديال السلاح ، يعني فاي لحظة لا بغاو راه غادي يقتلوهوم
علي :(وقف كيهدد في الملثم) قسما بالله و تقيس شعرة منهوم نجبدك فين ما كنتي
الملتم:( بتاسم بهدوء تحت اللتام ) هادي ماشي هي النية ديالي ابدا وخا الصراحة  درتي شيحاجة اللي خاصني نصفيها ليك على ودها و لكن لا حياتك عندها منفعة على موتك ، كيفما كان الحال راك ماشي اي واحد (و دار عند الناس لاخرين كاملين كيشوف فيهم ) بالنسبة لسي رايس لا بغيتو تعرفو شنو دار فراه قتل المافيا اللي كان معاها كلها واحد بواحد بلا مايحس بيه شي حد كان ميقتلهم بواحد السم اللي كان المفعول ديالو كايبان حتى لمن بعد اي على حسب القدرة الجسدية ديال كل شخص و اللي نبغي نقول ليكم انه دار هادشي كامل باش يخرج من المافيا و نسا انه تواحد مكايخرج منها حي  و بانني ديجا عارف كلشي ف ايلا كانت ديك المافيا ماتت ف حيت انا بغيت و الحاجة الي ماعارفش انني كانت البوص ديال ديك المافيا الي كانت اصلا غير تانوية و لهاد السبب كعقوبة ليه ماشي غير هو بحدو الي غايولي جزء منا بل حتا خوه الصغير و ولد خالو وصاحبو العزيز
علي: (بابتسامة ماكرة ) لا دخلو حتا هوما اتكون كدير اكبر غلط فحياتك حيت غادي نوصلو ليك غادي نوصلو ليك  ، و لاكانت هدرتك بصح ، اذن راك حتى نتا سبب فموت الاب ديالي
الملتم: للاسف لا ماشي انا و ماشي حتى المافيا هوما السبب فموت الاب ديالك ، حسبتيها غالاط هاد المرة .
علي هنايا عقلو وقف كيفاش ماشي هوما السبب و علاش و شكون غادي يكون و بزاف ديال الاسئله و هنايا الملتم جاه واحد من الرجال ديالو قال ليه شي حاجة فودنيه و مشا
الملتم : للاسف اللعبة مزال ماسالات و لكن الاجتماع سلا
قال هادشي و مشا بحالو و من بعد كلشي رجع بحالو الا علي لي كان مشا لجيهت البحر يتكالما و يلقا شي حل باش يخرج و يخرج خوتو من هاد المصيبة و يعرف شكون قتل ليه باه
اما  الملتم فكان عندو واحد اللقاء اخر فبلاصة اخرى الي كان وصل ليها و بقى كيساين شوية قدام دارها  حتى بانت ليه جاية لعندو و ركبات معاه اللور
الملتم:(بغا يعنقها ) توحشتك
اسراء: ماتقيصنيش
الملتم : ( حيد اللتام ديالو ) واش بصح ا اسراء لهاد الدرجة اديتك و لهاد الدرجة قلبك قصاح من جيهتي
اسراء : واش نسيتي ولا نفكرك انك نتا السبب فموت ختي و لا انك السبب باش حماقيت
الملتم: شنو بغيتيني ندير باش تسمحي ليا
اسراء: سامحتك شحال هادي و لكن منقدرش نرجع نتقرب منك عادي
الملتم : كنواعدك انه كلشي غايولي مزيان و كلشي غايعرف الحقيقيه (باسها فراسها )
اسراء : كنتمنى من قلبي
الملتم : متخافيش كلشي غادي يتصلح
اسراء : فين كنتي هاد العام غبرتي عليا هاد العام
الملتم : ماكنش هنايا في المغرب كنت ف سوريا
اسراء: ماغاديش نسولك شنو كنتي كدير تما حيت ماغاديش تجاوبني ، مهم انا خاصني نمشي
الملتم : واخا تهلاي فراسك و تهلاي فاللي معاك
اسراء: ( حتى كانت غادة بحالها و قالت ليه حتى هي ) تهلا فراسك حتى نتا
هادشي كامل داز تحت انظار واحد الشخص الي و قتما كيبغي يعطي لاسراء فرصة باش انه مايرسمش عليها ديك الفكرة ديال قحبة ايلا انها كضرب ليه كلشي فالزيرو ، مشات ديك الطوموبيل فين كانت راكبة اسراء و للاسف حيت الزاج فيمي ماقدرش يشوف شكون كان لداخل،  فماداهاش فيه اصلا
و مشا كيزرب لعندها و جرها من يديها حتى تزدحات فيه