العشق المظلم قصص مغربية

Part 36 : مهدي و ملك

عند ملك و مهدي كان كلشي عارف بلي كاين واحد الكهرباء او واحد الاعجاب بيناتهم و لكن حتى واحد مافاتح لاخر فهاد الموضوع الا واحد الشويطينة الي كانت باغا تلعب لعبة كبر منها و تكون هي الوسواس لهاد الكوبل باش يتجمعو و... باش يتفارقو

داز اسبوع على الحادثة الي كانت وقعات ليلى و اسراء كانت رجعات لخدمتها و بحكم سلوى كانت في شهر العسل (اولا هادشي الي كان فخبارها هي ) كانت مكلفة بكولشي حتى لهاد النهار كانت جالسة مع مهدي و قررات انها تنفذ داكشي الي خططات ليه ... ناضت سولات مهدي على واش مزال كيحس بشيحاجة من جيهتها و قالها هو لااا و بلي ملي عرف بلي شي حاجة واقعة بينها و بين علي خوى السوق .. اسراء سمعات داكشي بالضبط الي بغات و هنا افتتحات معاه الموضوع و قالت ليه بلي هي سولاتو حيت كيعجب ملاك و بلي ديما كتبقا تسولها عليه و كدا و بلي مابغاتش المشاعر ديالها تأذى لا كان عندو شي مشاعر لشي وحدة اخرى ... مهدي كان نوعا ما فرح بهادشي اللي سمع حيت كيفما قلت حتى هو كتعجبو ملك و قالها لاسراء و هنايا اسراء ابتاسمات حيت داكشي كيفما توقعات ... فاقترحات عليه اسراء انها تعطيه نمرتها و يعرض عليها من بعد لشي كاف ... جاه هادشي الي قالت من الجنة و الناس او وافق و طلبات منو اسراء انه يخلي هادشي الي قالت غير بيناتهوم و مايقول والو لملك باش كاع ما تحس بالاحراج و قالها اوكي ....
سالا داك النهار و جا الغد ليه كانت دايرة ملك مع اسراء يتلقاو فدار جنان باش تشوف ادم و ليلى كي بقات و تم قالت ليها اسراء انها كتعجب مهدي بزاف و ديما كيسول عليها و طلب منها نمرتها كاع بغى يتواصل معاها و هي طير ملك بالفرحة كانت اتخرج من عينيها و بدات كتبوس فاسراء و تقوليها حلفي حلفي و كدا  و هنا اسراء قالت ليها حكا خلي الموضوع د ادم من بعد و ماتقولي لعلي والو حتى نلقا الوقت المناسب  لحقاش دايما ملك وقتما كانت تجي تشوف ادم كتقوليها قوليها لعلي اليوم قبل من غدا و لكن اليوم ملك كانت فرحانة بالخبار الي جابت اسراء و قالت ليها اوكي غير ماتعطليش حيت راه من حقو يعرف ولدو ...

مهم دازت اسبوع على هادشي و كان فعلا هضر مهدي مع ملك فالتيليفون اصلا السيمانة كاملة و هوما يهضرو و العنب كان غير كايتشاير و هاد النهار قررو انهم يتلاقاو
مشات ملك لبسات كسيوة زرقاء ما قصيرة ما طويلة و جاية مع لون عويناتها و قادات مكياج خفيف و مشات متاجها للكافي فين قررو يتلاقاو فيه
و كي وصلات بان ليها مهدي كيتسناها و مع كانت متوترة شوية بحكم اول لقاء تنفسات مزيان عاد دخلات عندو  ...... هو غير شافها و هو يوقف مبتاسم كانت جاية معاها ديك الكسيوة بزاف و يلاه عطاتو يديها باش يسلمو غير باليدين شدها منها و جرها لعندو و تسالمو بلابيز و كلسو كيدويو
لا مهدي لا ملك مارضو البال الاعين لي كانو حاضيينهوم  هضرة تجيب هضرة حتى نطق مهدي
مهدي: ملك الصراحة انا رتاحيت ليك و ارتاحيت معاك و مكرهش نوتخ غلاسيون طور لشي حجا كتر من اميتيي(صداقة)
ملك : (تزنكات حشمات من هضرتو) بحالاش زعما
مهدي : راك عارفة علاش كنهضر بيان سيخ لا كنتي موافقة
ملك : (حركات راسها باه)
مهدي : (هز يديها باسها ) جو سوي سيخ غتكون شي حجا زوينة
ملك : و لكن ا مهدي نتا عارف عائلتي و خوتي شوية صعاب واش نقدرو نخليو هادشي غير بيناتنا
مهدي: و لكن ا ملك حنا مكانقتلو مكانسرقو زعما مكانديروش شي حاجة خايبة
ملك : اه عارفة و لكن انا متأكدة انهوم مغاديش يبغيو خصوصا علي الي غادي يقوليا الا كان بصح باغيك يجي لدار و كيفما كتشوف حنا يلاه باديين باقي بكري على هادشي
مهدي : اوكي الي بغيتي واخا انا ماموافقش على هادشي و لكن على ود عويناتك كولشي يكون و لي مكان نكونوه ههه
ملك :(عجبها الحال ) عندك مع حلاوة اللسان كون راه كاع لبنات قلتي ليهوم هادشي ههه
مهدي : لا ماشي كلشي غير النص
ملك : هههههه حقير
مهدي : من اللول بدينا بحقير و ماشي بحبيبي شفتي
ملك : ههههه من بعد و نسمع لحبيبي الي بغا (و غمزاتو )
مهدي :(شد قلبو زعما ) اححح قلبي و معامن طاح