العشق المظلم قصص مغربية

Part 40: اريج و ياسين

الجزء 40
اريج و ياسين
الكوبل ديال اريج و ياسين كانو عادي مدوزين حياتهم بحال كاع الايام و الاحداث روتينية كيخرجو كيضحكو كيدورو مكانش شي جديد من غير ياسين اللي كان شاك فادم شنو كيدير معاهم ديما فالدار و علاش كذبو البنات بتلاتة  ... فبدا ياسين كيقلب بشوية و بلا خبر تا حد كيقلب على شي دليل و لا شي حاجة و بحكم انه كان عارف فاينا مدينة كانو فاش غبرو داك العام فمكانش صعيب عليه يقلب بزاف ... مهم صيفط واحد مفتش من نوع خاص و عطاه شيك و سمية ديال المدينة و المعلومات اللي عندو و سيفطو يقلب
اما اريج فكانت غير مع ليلى (فاش يلاه تضربات )  كتعاونها و تقابلها و هي اللي تبدل ليها الفاصمة و كدا حتى ولات مزيان و رجعات تقرى عاد رجعات اريج لحياتها العادية و المستشفى رسميا  من بعد شي 15 اليوم بحال هكاك
اليوم كانت اريج خدامة كتشوف شي تحاليل ديال شي مريض عندها حتى كتسمع التيليفون ديالها كان كايصوني لقاتو ياسين
اريج : العمر
ياسين : اح على العمر كي كتخرج حلوة من فمك نشدو نمدغو مضيغ
اريج : هههه احياني عليك الهضور كتعطيهم قتلة
ياسين : قولا و فعلا هههه نشدك و نعجبك
اريج : اويلي باراكا من البسالات تلقا صحاب اتصالات كيتصنتو و يضحكو
ياسين : زبي كالا اتصالات .. الي كيعطيني شي حاجة يشدها عندو
اريج : ناري حشم شوية شنو كنقولك على تخصار الهضرة
ياسين : ههه منعاودش .. مهم شنو درنا اليوم
اريج : والله ماعرفت حيت اليوما فيا الكارد
ياسين : نسيتي يمكن بلي مول لوبيطال عشيري ..  يعني خرجي وقتما بغيتي و دخلي وقتما بغيتي
اريج : و نسيتي حتا نتا يمكن بلي شحال من مرة كنقولك انا مكانبغيش بحال هادشي و كنبغي الواحد يتعامل مهايا على حساب خدمتي
ياسين : دابا حتى على وجهي !
اريج : كتعرف تشدني من يدي اللي كضرني
ياسين : هههههه حيت عارف بنت قلبي ماتخصرش ليا خاطري
اريج : ههه يلاه دابا تلاح غايدخل عندي واحد المريض دابا تالعشية
ياسين : العشية انسيفطليك الشيفور هو عارف فين يديك
اريج : واخا العمر. يلا باي
ياسين : هه تلاحي

ياسين قطع معاها اصلا كان في الطوموبيل غادي للاوتيل كي وصل و دخل البيرو  تبعاتو  الاسيستونت ديالو  هو جلس فالكورسي و هي هزا التابليت ديالها كتقيد و تعطيه الاخبار
ياسين : و فين وصلتو فداكشي اللي وصيتك عليك
الاسيستونت : كون هاني ا ميسيو ياسين كلشي واجد  على حقو و طريقو
ياسين : مع 5 بغيتك تصيفتي ليها الشيفور
الاسيستونت : ديجا قيدتها فالنوت
ياسين : وجدتي ليها شنو غاتلبس
الاسيستونت :(مشات عندو كتوريع فالتابليت ) ختاريت هاد التلاتة من مصممين عالميين و انا متاكدة غادي يجيوها بتلاتة زوينين انا ختاريت غير لي مييوغ و نتا اميسيو ياسين تقدر تحدد اينا واحد فيهم
ياسين :(شاف واحد فالابيض تخايلها بيه و هو يبتاسم ) صافي صيفتي ليها هادا
الاسيستونت : عندك الدوق ا ميسيو ياسين ، سي بون دابا كلشي واجد .. محتاج لشي حاجة اخرى ؟!
ياسين : لا صافي قضي ليا غير الشغل يكون على حقو و طريقو
الاسيستونت : كون هاني ا ميسيو ياسين