العشق المظلم قصص مغربية

Part 23 :ابني ادم و المافيا

الجزء 23

كل واحد فيهم هز ورقة و حلها
ياسين : انا عندي سلوى
امين : انا ليلى
سارة :ياسين
اريج : مهدي
ملك : اسراء
اسراء : و نتا ا علي مغاتلعبش
علي: داكشي اللي بقا ليا
امين : غير عاودو هادشي مامسلكش
ملك : هادا قانون اللعبة خاصك ترضى
ليلى : ايوا انا مارضياش اختي
امين : حتا انا
سلوى : حتا انا
اريج : حتا انا
ياسين : حتا انا
ملك : اوففف منكم ، يلاه ختارو اللي بغا شيواحد يمشي معاه
جاتهوم هضرتها على الكانة مشات اريج عند ياسين و سلوى عند امين ، اسراء مابغاتش تجي مع مهدي تفاديا لاي احراج قالت ليها
اسراء: صافي انا مع ليلى
فهد : اختي اسراء مع كامل احتراماتي ولكن غنديها ليك تونسني ، كاتفاجيها عليا
ليلى : مكتمركش
سارة : صافي انا مع اسراء و نتي ا ملك مع مهدي (حيت ملك قالت ليها راه داك النهار فالخطوبة عجبها مهدي )
ملك : (فرحانة ) اوكي موافقة
و اخيرا تفاهمو و تحركو هبطو جيهت لواد لقاو لي جيسكي واجدين
اريج : هاااح بعدا غنحيح مع زماني .. اه باش منساش جيتي غزالة مع حبيب القلب (غمزاتها)
ليلى : حبیب زمر راه غیر حيت مكاينش البديل
اريج : سيري سيري كون مابغيتيش كون ختاريتي اسراء مهم خليني نمشي عند العمر ديالي كيسايني . مشات اريج ... و تحرکات ليلى لعند فهد لقاتو واقف مع سلوى و امين كيكركرو ايوا صافي ركبو البنات معا دراري ... من غير علي لي بقى كيلعب البلاي فدار و كيفكر فشلا حوايج
كانت المسابقة حماسية بالأخص بين امين و ياسين لي كانو فالمقدمة..
اريج (کتغوت مستمتعا ..كتشجع ياسين ): فازي خاص نربحو..
سلوى( ناشطا كتغوت): ارييييج حنا لي غنريحو...
هيا كانت مجرد مسابقة لكن عند امين و ياسين كان تحدي.. كان كل واحد فيهوم باغي يربح باش يبين انو حسن من لاخور.. اصرارهم كان قوي... و كان خط نهاية.. بالنسبة ليلهوم هو الهدف بقات المسابقة غادا و كتشخض بالأخص مرة كيتقدم امين مرة ياسين.. حتى سالات المسابقة و دخلو بجوج دقة وحدة.. و هكا خرجو بتعادل.. شي لي خلا امين ميحملش راسو..
خرجو البنات من هاد المسابقة دايخين وحدة كتشد فوحدة و غير رجعو روحهوم شوية مشاو لجيهت الشلالات تما فين غاتبدا المسابقة التانية و قررو تاني يتفرقو نفس لي كوبل يقلبو على لي كاغط كل جوج مشاو فاتجاه
عند ليلى منوضا الحيحة باغا تربح.. كتجري و تقلب كتخلي فهد غير تابعها.. قلباتلو دماغ بالهضرة
فهد : واش مكتسكتيش.. مكتعرفيش تقلبي بلا مدوي
ليلى : ياك انا اصلا كانت مع ختي نتا الي باغيني نونسك
فهد : راه بزاف على الهضرة اوو شويا و نتي لوكلوكلوك مکتسالایش صدعتيني
ليلى : مقالك حد سمعني.. عندي حرية تعبير و منحقي نهضر
فهد :اللهم طولك يا روح.
ليلى : عقل على هضرتك و سطر عليها بستيلو حمر مزال تولي
تحلم غير تسمع صوتي و متلقانيش.
فهد حس بيها فحالا تقلقات بصح و هو مكانش قاصد يقلقها غير بغا يشد فيها شوية و هو يمشي عندها بدا يطبطب عليها باش ماتبقاش مقلقة .
فهد :(شدها من حنكها ) صافي صافي راه غير كنضحك معاك و ماتقلقيش 
ليلى: لاء ماتبقاش ضحك معايا هاد الضحك الباسل  ديالك
فهد : انا ليلى لي كنعرف قشابتها واسعة
ليلى : لا اسيدي قشابتي ماوسعاش ،عرفتي شنو عطيني غي تيساع عفاك
فهد : و صافي ا ليلى ، يلاه عرفتي طلبي مني اللي بغيتي بشرط نتصالحو
ليلى : (فرحات و كتشوف فيه شوفا شريرة) متاكد الي بغيت اللي بغيت
فهد : ههه اييه لي بغيتي
ليلى: اوك و عاود ليا على الي عطيتيها القلب و غدراتو
فهد : ايستوار قديمة ماعندك ماديري بيها
ليلى: ياك قلتي ليا الي بغيت
فهد : واخا الالة ، كنت كنعرف واحد البنت كانت كتقرى معايا سميتها ريم كانت غزالة و تقدري تقولي لقراطسة ديال ليكول (ليلى تقرصات ) مهم جينا انا وياها فالميم كلاس بقينا كنهضرو و لات كتعجبني و كدا حتا ولات بيناتنا واحد الغولاسيون واعرا و لكن للاسف ماكملاتش حيت باها كان باغي يزوجها بواحد اخر انا قلتها للواليد و قالي اصلا بنت داك السيد ماتصلاحش ليك و الحالة و مابغاش يمشي معايا قررت نمشي بوحدي و هو يجري عليا الوليد من الدار مهم فاش هضرت مع باها مابغاش و من حقو حيت قالي باش غادي تعيش بنتي و نتا كاع داكشي اللي عندك غير ديال باك و كدا ، انا مشيت و تفرجعت على الوليد و على علي حيت ديك الساعة كان رجع و حتى هو ماوفقش عليها و خرجت من دار مالقيت ماندير بديت كنبيع لادروك على و دها باش نجمع و نقدر نوفر مستلزمات الحياة داز الوقت واحد شهرين تقريبا و انا فتمارة مكانعس بحال بنادم ماكناكل كي بنادم ما والو هزيت تيليفوني لقيت تصاورها فجاع لي غيزو صوصيو انها تزوجات ، مشيت عندها باش نستفسر على شنو وقع خسرات عليا جملة وحدة ، ماكتابيناش لبعضياتنا و مشات بحالها عند راجلها و انا من ديك الساعة بقيت عطيها غير البلية و ولات حالتي حالة تالقاني علي و صالحني مع الوليد
ليلى بقى فيها مايسحابش ليها ان داك الدري الضحوكي لي ديما خالقها عاش شي حاجة تقيلة بحال هادي بقات كتشوف فيه و هي تعلا على صباع رجليها و عنقاتو و قالت ليه
ليلى : انا معاك دابا
منين قالتها ليه حس معاها بحال شي نوع ديال الامان و الدفىء عرف اناها قدرات تفهمو و تفهم داكشي اللي داز منو جمع حتى هو يديه على خصرها و عنقها مزيان و هو كيحاول يواسي راسو و يودع ريم من حياة نهائيا
اما عند سلوى و امين فبقاو غاديين كيقلبو مرة يضحكو مرة كيتعنبو
امين :جمعتي داكشي علاياش وصيتك امدام
سلوى : شنو
امين: دابا كطنزي عليا و لا شنو
سلوى: راه بصاح ماعقلتش علاياش وصيتيني
امين: لوراق لي خاصينا على ود الزواج ، نهار الاثنين نشاءالله نضاربو لاكط
سلوى : واخا و لكن واش مايمكنش نخليو حتى يجيو واليديا
امين : شوفي الدنيا راه ماشي لخاطري ، خلينا دابا نقضيو الغرض و غير يجيو واليديك ندير ليك احسن عرس مزيانة
سلوى : اه و لكن معرفتش شنو غايكون الراي ديالهم و كيفاش غادي يتقبلو هادشي
امين: ماتخافيش تيقي بيا بلي انا معاك و عمري غادي نخليك
سلوى : و علاش هادشي كامل اذن
امين : حيت خايف عليك العمر ، كاينين شي حوايج معارفاهومش و انا مايمكنش ليا نغامر بيك
سلوى: ايوا شرح ليا حتا انا نفهم ماتخلينيش هاكا
امين: فاقرب وقت العمر غادي نشرح ليك و غادي تفهمي كلشي (و باسها فراسها ) نتي بغيتك غير تيقي فيا
سلوى : (بتاسمات ليه ) انا تايقا فيك عمرك غادي تخليني
امين : عمري فحياتي غادي نديرها
و بقاو هكاك كيهضرو و يقلبو على لي كاغط اما عند اريج و ياسين فكاع ما كانو كيقلبو هادوك غا مساركلين داير يد على كتفها و هي شدا ليه فديك اليد و غاديين كيهضرو مامسوقينش
اريج: اجي بغيت نسولك
ياسين: سولي ابنت قلبي
اريج : مالك مع امين بان ليا الجو مكهرب بيناتكوم
ياسين : نساي ماشي شيحاجة
اريج : مايمكنش ، ملي عرفتكوم و نتوما بحال الخوت و دابا جيتوني فشكل
ياسين: غير و قع واحد البلان ماتفاهمناش و كل واحد صد فقنت ، التساع حسن
اريج : وسع خاطرك شوية ا ياسين نتا داغي كتعصب
ياسين: (تمر فيها ) حيت هو هضر فيك ، و انا هدا الي يهضر فيك نجبد لمو عينيه ، راه غير راعيت الخاوة اللي بيناتنا و مادرتهاش
اريج: مافهمتش كيفاش هضر فيا و انا شنو دخلني بيناتكوم
ياسين : مكاين والو هضرة و صافي راك عارفة
اريج: لا معارفة والو شرح ليا
ياسين : مايمكنش ليا نشرح ليك دابا و لكن نبغيك تجاوبيني بعدا
أريج: شنو ؟
ياسين: مامخبيا عليا والو ؟
اريج : بحالاش زعما
ياسين : معرفتش مهم واش مخبيا عليا شي حاجة مهمة اللي تقدر تحدد المصير ديال علاقتنا ؟ اه. لا
اريج : علاش هد السؤال مافهمتش
ياسين: شوفي الدنيا كاينين شي حوايج كبر مني و منك شي حوايج الي مغاديش نقدر نشرحهوم ليك دابا و لكن لا بغيتي تعرفي لي ديطاي تقدري تسولي اسراء
اريج: علاش شنو جاب اسراء لهادشي ديالنا
ياسين: اسراء هي راس الخيط ديال كلشي هادشي الي نقدر نقولك دابا و لكن جاوبيني واش مخبيا عليا نتي شي حاجة ؟
اريج : ماعرفتش الصراحة علاياش كتهضر و شنو دخل اسراء و امين فهادشي لي بيناتنا و لكن نبغيك ترتاح انا مامخبيا عليك والو و عمرني نخبي عليك
ياسين: (بتاسم ليها ) عارف ابنت قلبي عارف ( و عناقها و هي تمخشات فيها عاجبها هاد العلاقة الي بيناتهوم )
المهم بقاو هكاك مساركلين ضاربين المسابقة و الحياة بركلة بحالهوم بحال اسراء و سارة الي كانو تاهوما غير ميتمشاو كيهضرو فمواضيع عادية
اسراء: مالكي بنتي ليا بحالا عيانة شوية
سارة (ابتاسمات ) : ههه و شكون لي معياتوش الدنيا
اسراء: هههه عندك الحق هلكاتنا و مرمداتنا حطاتنا فشي مواقف عمرنا تخيلناهم
سارة : كتهضري على علي ههه
اسراء :(بتوتر) كيفاش
سارة: الكليكة كاملة عارفة بلي واقعة بينك و بين علي شي حاجة ، معارفينش بالضبط و لكن راه كانلاحظو الشوفات الي كديرو فبعضياتكم ماشي عاديين
اسراء: لا لا الصراحة مابيناتنا والو
سارة : فخبارك نتي كدخلي للخاطر عليها غادي نقولك واحد السر ، انا و علي ما بيناتنا والو و الخطوبة اللي كانت راها مجرد مسرحية دارت باش يكتشفو شي حاجة فاكوني هانية من هاد الناحية
اسراء : عارفة الصراحة هادشي
سارة : قالها ليك علي
اسراء : لا سمعتك نتي كتقوليها ..... لكريم مجاهد
سارة غير سمعات سميتو تشوكات ماعرفات راسها باش تبلات
سارة : شنو سمعتي بالضبط
اسرلء : الكونفيغساسيون ديالكم من الاول حتى الاخر
( فالاصل ماشي اسراء اللي سمعات هادشي راه اريج اللي سمعات ، حيت لوقيتة اللي كانت جالسة معاهوم سارة و جا الكارد عندها باش يكلمها تبعتها اريج كانت باغا تهضر معاها فواحد الموضوع كيخص المستشفى و بالصدفة سمعات هضرتهم كاملة و قالتها لاسراء و اسراء نبهاتها انها ما تقولها لتاواحد حتى سلوى و ليلى ماتقولهوم والو )
سارة : (تغرغرو عينيها ) و علاش ماقلتي لعلي
اسراء : الصراحة هداك موضوع كيخصك نتي ماشي من حقي ندخل انا غير بالصدفة سمعت الي سمعت و حتى لقالتها لعلي ماغادي نستافد والو و لكن شنو بينك و بين كريم مجاهد بالضبط  ؟
سارة جلسات فوق واحد الحجرة و بدات كتعاود الاسراء القصة ديالها من الاول و تبكي و ترد لقلبها حتى سالات
سارة (كتبكي ) : و انا اسراء ماعرفت ماندير بقيت بين النارين من جيهة عائلتي و من جيهة الراجل اللي كنبغي و اللي معمرني ما نسيت (شدات ليها فيديها ) شنو ندير ا اسراء عفاك عاونيني و قولي لي شنو ندير
اسراء: انا كون كنت فبلاصتك كنت غادي نتلاقا بيه و نسمع ليه شنو غادي يقوليا على الليلة الي كنا غادي نهربو فيها و من بعد نسولو علاش قتلتي السي سلمان
سارة : مغاديش نكون كنخون عائلتي هاكا
اسراء : ابدا ، هضري معاه عرفي شنو و قع و من بعد تصرفي على حسب شنو غادي يقوليك
سارة (تلاحت عليها عنقاتها ) : شكرا بزاف ا اسراء هضرت معاك خويت قلبي اما كنت حاسة براسي غادي نفاجر
اسراء: هانيا خوذي راحتك (بغات تلف الهضرة ) ههه اجي ديك ملك طايحة ف مهدي لا ههه ؟
سارة : (كتمسح فدموعها ) واييه من نهار الخطوبة شافتو و هي فارعة ليا راسي بيه ههه الناس في الناس و القرع فمشيط الراس
اسراء: هههه واييه دايرة بحال ليلى حتا هي
و بقات اسراء و سارة شادين النميمة ف مهدي و ملك هاد الجوح الوحيدين الي كان كيقلبو على لي كاغط من نيتهوم و باغيين يربحو ، بقاو غاديين كيقلبو و ملك عقلها خارج باغا غير تربح حتت شوية كتعكل فواحد الحجرة و زلقت كانت غاتجي طايح باللور على راسها كون ماشدها مهدي فاخر لحظة ، اما هي استسلمت للطيحة بقات مغمضة عينيها حتى حسات بيديه شدها حلات عينيها عليه و بقاو كيشوفو فبعضياتهم حتى هرس مهدي الصمت
مهدي : عويناتك غزالين
ملك : (حسات براسها بقا بين يديه و هي تجمع الوقفة ) هههه و نتا البنت اللي طلاقيتي بها كتقولها عينيك غزالين ( و بقات كتمشى )
مهدي : (تاهو دار يديه فجيابو كمل المشي ) هه الصراحة ايلا كانو بصح عينيها زوينين
ملك : (ضارت شافت فيه بدوك العوينات الزورق المشفرين و كضحك ) مكاتمركش ، نتوما الدراري كلكم هكا حلاوت اللسان كتعطيوها قتلة
مهدي :(بمكر ) هههه و نتي عرفتي الدراري كلهم بسلامة
ملك : (تحرجات ) لا ماقصدتش هاكا انا زعما .. بغيت .. نقول بلي ... (بقات كتمتم تما )
مهدي :( مشا عندها كيضحك على الحشمة ديالها و شدها من حناكها الي تزنكو ) ههههه غير كنضحك معاك ، نتي وليتي كي شي مطيشة
ملك : لا اما ماشي ...
علي :( حط يديه على وجهها كيحيد ليها الشعر على عينيها ) شوووو بلا ماتقولي والو ، جات معاك الحشمة ، اوغوزمون مزالين البنات فهاد الوقت كيحشمو
ملك : شكرا ههه
بقاو شوية كيضحكو يهضرو ماشي غير هوما هادا هو حال كاع لي كوبل ديالنا كلشي كان متحمس و كيقلب على رأس الخيط.. كلشي باغي يربح .. كاينة مسابقة و هدية وحدة... كان ساهل على ملك تفك الشيفرات بحكم كتموت على شيحاجة سميتها الالغاز.. لدرجة هاد الجانب مكان عارفو حتا حد.. بسهولة كانت كتشد رأس الخيط شي لي خلاهوم هوما اللوالة يوصلو لكنز..
ملك :(بفرحة و حماسطارت عنقاتو كدوي بطريقة طفولية) : لقيناها ليقيناها.. حنا لي ربحنا||||| حنا||| لي ربحنا||||||
مهدي (مستمتع من القرب ديالها ):برافو عليك مكانش كيسحابلي دكية.
بعدات علیه ملك مور معاقت براسها و صونا مهدي علمهوم فينهوم.. جاو تجمعو كاملين..
سلوى : سربیو حلو الصندوقة نعرفو شنو فيها ضغيا ضغيا راه ضرني راسي...
اسراء : اووووه برافو عليكوم كنتو كروب بورفيكت قدرتو تربحو
مهم هزات ملك صندوقا صغيرة.. حلاتها.. و جبدات دو بغاصلي واحد درجال واحد دلعيالات.. كانو بغاصلي بوغ كوبل.. هزهوم مهدي و شد يدها ركبولیها فیدها و عینیه فعينيها خدات معندو لبراصلي ديالو ركباتوليه و عينيها باقيين كيشوفو فعينيه حتا حنحن فهد و جمعات ملك راسها اما البنات بقاو غير يغمزو فيها و يضحكو
صافي سالات المسابقة و رجعو فحالهوم مالقاوش علي ماعرفوهش فين مشا و لكن ماتسوقوش ليه حيت عارفينو قاد براسو ، مهم كل واحد طلع لبيتو يرتاح و يدوشو على اساس مع 9 دليل يتجمعو يطيبو البنات شيحاجة يتعشاو و يقصرو
عند اسراء من مور مدوشات و رتاحو... كانت لابسة كسيوة جاتها