الجزء 28
اسراء قفزات من حدا ماماها و مشات نيشان عند علي و ادم ، و معا هي و قفات و شافها ادم بدا كيبكي عليها و يتراما عليها باغي يمشي عندها
اسراء: (بتوتر ) عطيه ليا نشدو عليك
علي: (خنزر فيها ) شكيت عليك
اسراء : ماكاتشوفش باغي يجي عندي
علي : فين كيعرفك باش يجي عندك و نتي مساكنا تا مع موك
ملك :(دخلات بيناتهم ) هانا جبت ليه الحليب ، عطني الامانة ديالي ا خويا .
علي عطا الولد لملك و شد اسراء من ذراعها و تم غادي بيها مبعد عليهوم
علي (رما اسراء مع الحيط تاتزداح ضهرها ) : شنو واقع
اسراء:(مافاهمة والو ) كيفاش ؟!
علي: قلتي غادي تشرحي كلشي و شرحي دابا
اسراء: واش من نيتك قلبك مناش مصنوع ، انا اختي كتحارب الموت الداخل و نتا كتقوليا شرحي
علي : ختك مغادي يوقع ليها والو كاينة معاها سارة و اريج لداخل ، هضري دابا و قولي شنو كاين
اسراء: افكاري مخربقين دابا ، مانقدرش
علي: تقاي شري ا اسراء و شري روحك معايا ، راه مانعقلش عليك ، اللهما قولي شنو كاين دابا
اسراء: حتى تقوليا بعدا علاش ديما هاز معاك سنسلتي كيفما هازها دابا ياك
علي :(تصدم ، كيفاش عرفات ) علاياش كتهضري
اسراء: بغيتي تعرف كيفاش لقاونا ايوا اسيدي بسبابك
علي : ( كيضحك ) مايمكنش حيت انا كلفت امين يختارق التيليفونات دياولكوم كاملين و قدر انه يديزاكتيفي الجيبي اس من عند كلشي
اسراء:(ردات عليه بنفس الضحكة ) لا اشريف ماشي كاع داكشي (قربات ليه تالعند ودنيه و نطقات ) السنسلة اللي كتهز معاك ديما هي السباب باش عرفونا فين كاينين حيت فيها جي بي اس
علي: (عينيه حمارو و العروق بداو يبانو ليه ) كضحكي عليا ياك ، خليتيها داك النهار بلعاني فالوتيل و فاش حطيتها ليك مرة اخرى رديتيها ليا
اسراء: (دورات راسها للجنب ) ماشي انا اللي كلعب للاسف الحياة اللي كتلعب معانا اكبر لعبة
علي :(ضرب يديه مع الحيط من الجيهة اللي كتشوف حتى قفزات ) بغيت مرة وحدة ا اسراء نخرج تعادل معاك او والو ، حتى كنبدا لقا ليك اعذار و كتقوديها فاللخر معايا
اسراء: انا مادرت والو و عمرني اديتك ولا دارت شي حاجة معاك بلعاني الظروف اللي كاتجيبني حتى لعندك ...
جنان :(تسلطات عليهم ماعرفوها منين خرجات ) شنو واقع هنايا
اسراء: والو اماما كنهضرو و صافي
جنان : (شافت ف علي ) علي ؟!؟
علي: (ماهزش فيها تالعين ) اه كنا كنهضرو ا خالتي
جنان : (شافت فيهم بجوج ) ماتبقاوش واقفين هنايا يلاه قدام البلوك
و فعلا داكشي اللي دارو مشاو كاملين جلسو فالكراسا و ملك كانت مع ياسين كيلعبو مع ادم اما امين و مهدي فكانو مشاو عند فهد للتحت باش مايبقاش بوحدو
اما للداخل البلوك كان كلشي مصدوم من سرعة الاحداث و حتى واحد مافهم شي حاجة
مساعدة : كنفقدو المريضة أدكتورة .. قلبها توقف .
سارة : (كتشوف فالجرحة و الدنيا كدور بيها .. نطقات و لسانها ثقيل) عطيني ديفيبغيلاتور (جهاز الصدمات الكهربائية)
مداتوليها الممرضة حطاتو على صدرها و بدات تضربها بيه .. مرة و جوج و ثلاثة .. كتهز حتى الفوق و تلطخ .. عاودات مرة اخرى و بدون جدوی .. و كان داك صوت الطنين المزعج اللي كايرن فودنين اريج خلا ناقوس الخطر يضرب قلبها .. تزییرات و عینیها وولات حمرة ، تصدمات .. ذاتها حساتها فاارت من الثوثر و الضغط و الخلعة عليها .. وقفات شوية كتشوف .. كحزات داك الريدو و شافت فوجهها .. قلبها ساکت .. ماعندهاش نبض .. لا تحرك ساكن!
اريج : (بامر لسارة ) حيدي لهيه
سارة : (كتبكي ) اريج ماعندنا مانديرو صافي
اريج : لا لا مايمكنش تموت ليا فيدي ، عطيني داك ديفيبغيلاتور
سارة :( كتحاول تمنعها ) خليها ترتاح ا اريج باراك عليها
اريج: (غوتات بحر جهدها ) بعدي لهيه
و فعلا بعدات سارة و هي كتبكي على ليلى و هزات اريج داك ديفيبغيلاتور بدات كضرب و تهضر
اريج: فيقي ا ليلى فيقي ، خاص ضروري تفيقي لا ماكانش علا ودك على ودنا ماملين عفاك فيقي ( كضربها كطلع حتى الفوق و ترضخ بدون جدوى ) (اريج بدات تبكي ) لا لا ليلى ماتموتيش عافاك لا ....لا (حطات الجهاز و بدات كدير ليها مساج ضغط الدم بيديها و بدون فائدة حتى عيات و تكات على صدرها كتبكي )
اريج : علاش ا ليلى خليتيني علاش ، عارفة راسك كنتي كتر من ختي و صاحبتي و بنت خالتي ، علاش خليتينا ... شنو غنقول دابا ل اسراء ... و باينا وجه غادي نشوف خالتي .... و شنو نقول ل ادم فاش يبكي و يقلب عليك .. علاش ا ليلى استسلمتي داغي علاش
شوية و هوما يبداو يسمعو صوت دقات القلب جايين من الجهاز !!!!!
واش كيحلمو و لا كيتخايلو واش مع التوتر بداو كيسمعو هادشي و لا بصح هداك الجهاز ديال قلب ليلى ، ضارو يشوفو لقاوه فعلا قلب ليلى رجع للنبض يعني مزالا حية ، اريج هازات راسها شافت باش تأكد و بدات كتبكي بالفرحة ، اصلا كلشي تأتر فهاد اللقطة
اريج : كنت عارفاك قوية ، كنت عارفاك مغاداش تسمحي فيا بهاد السهولة
سارة :(بامر) يلاه كل واحد يرجه بلاصتو خاصنا نشفو الجرحة من الدم و نخيطوها سربيو
اريج : كملي نتي العملية
سارة : لا غير كمليها نتي بديتيها نتي تكمليها (شدات ليها فكتافها و هضرات بهدوء ) تقدري اريج غير كمليها
اريج حتى هي مكانتش من العاكزين تحزمات ليها و بدات الخدمة تاني ، هي خدامة و المساعدين كيمدو ليها ماع لكاتحتاج ، شفطات كاع الدم اللي كان دخل بين الاعضاء و بدات تخيط في طبقات الجلد حتى وصلات للاخيرة و مسحاتها و دارت ليها الفاصمة و اخيرا تنفسو الصعداء سالاو ليها العملية
أنت تقرأ
العشق المظلم قصص مغربية
Roman d'amourاليوم قصة جريئة 🔞🔞 كتجمع ما بين الحب ❤️ و الدراما 🎭 و الاكشن و المافيا 🔫 و الضحك و النشاط 😂 و الرومانسية و التفرشيخ و اكيد محبوبتكم السفالة 🔞🔞 ( انا بحالي بحالكوم قريت بزاف ديال القصص و كنت كنتخايل سيناريوهات فراسي بالليل باش نقدر نعس فراني...
