العشق المظلم قصص مغربية

Part 4 : الف ليلة و ليلة 🔞🔞

الجزء 4

خلاها و مشا فاتجاه الغرفة ديال باه و رجليه تقال عليه بشوية بشوية حتى وصل للباب بقا وقف شحال عاد تجرا يحل الباب و هو يضرو خاطرو من المنظر اللي شاف ، الاب ديالو لي ماكايهزو ريح مكاتاثر فيه حتى حاجة هاهو ناعس دابا ف غرفة من غرف المستشفى دايريين بيه كاع الاجهزة و غير صوت الات اللي كيتسمع

سلمان الرايس و من لا يعرفه الزوج ديال حياة و الابب ديال التوام علي و علية و عاد فهد و ملاك هو  شخص صارم و مكاين حتى كلام فوق كلام و لاقال الحاجة مكايتراجعش عليها هو انسان محترم السمعة ديالو سابقاه ديما كيدير الخير و كايعاون الناس و كلشي كيشكرو حيت عندو منين ، عندو مجموعة من الشركات ديال المجوهرات و البناء اللي كان وراتها من عند باه  (اييه لباس عليهم ابا عن جد بحال طه ايسو ) ، المهم راجل عند كلمته و تا حاجة ما كتهدو المهم  هو عائلة كايبانو العائلة المثالية و لكن ما خفي كان اعظم و كيفما كنعرفو لكل عائلة اسرار و هادشي لي كان ، الاب ديال سلمان الرايس ( الجد ديال علي ) كان عضو ف مافيا كبيرة و فاش مات سلمان ورث من عند باه حتى ديك العضوية ديال باه في المافيا و بقى هكاك رجل اعمال كبير من برة و عضو مافيا من للداخل ( تراه رجلا عاديا لكنه يخفي الاسرار ) و هاد المافيا لي فيها دابا كيديرو كلشي تهريب الاسلحة ، المخدرات ، التجارة فالاعضاء البشرية ، تهريب النفط ( المهم كلشي ) و هادشي واخا كان ضد المبادئ ديال سلمان الا انه ماكان عندو حتى خيار اخر الا حاول يخرج و بغى يبقى حي خاص يضحي بعائلته  ( اي يسلمهم للمافيا شخصيا و هوما يقتلوهم ، حيت عارفينهم كايبغيو عائلتهم و مايقدروش يديروه حاطين هاد الشرط عليهم ) واحد المرة فكر ينتاحر باش يخرج من ها المعمعة و العائلة ديالو تعيش مزيان و لكن لا غير كيموت الاب كياخذ بلاصتو الاب او الابنة ديالو حيت كل عائلة عندها الدور ديالها ف ديك المافيا و هو كان عارف علي ماكيحملش هادشي دالقتيلة و المافيات حيت هو ولد نقي من الداخل ديالو و لهذا قرر سلمان انه خاص يبقى حي لاطول وقت ممكن باش ميدخلش ولدو ف هادشي و لكن ولدو قتل اول مرة نهار ماتت علية يعني مابقاش عندو كيدير يخرج و واخا علي خرج من الدار كان ديما مكالي عليه الصهد (دابا تعرفو كيفاش ) و ها هو اليوم ناعس كانه جثة هامدة

مشا علي كيقرب بشوية بشوية كيشوف باه واخا كاع داكشي لي وقع كيبقى باه و عندو بزاف ديال الدكريات الزوينين ، عز عليه باه يشوفو ف ديك الحالة فابغا يخرج من البيت شداتو بحال الخنقة و هو يسمع واحد الصوت ماسمعوش هادي 8 سنين
سللمان :(بزز باش قادر يهدر ) علي
علي :(تصدم و جمد فبلاصتو واخا هكاك مكانش مستعد يهدر معاه ، بقا واقف شحال عاد دار و قال )الواليد
سلمان : ( كيحاول يحيد جهاز التنفس تاني باش كيقدر يهدر ) شننو بلنا اخير مرة ياك لا على موتك لا على موتي و الراجل هو الي يشد فكلامو
علي :( و هو كيرد للباه جهاز التنفس ) رتاح ليك دابا و من بعد و نهدرو فهادشي ، دابا خاصك تصحاح على وديت الناس الي كايساينوك برا
سلمان : و نتا
علي: (شاف حتى شاف ) للاسف كتبقى الاب ديالي و مانبغيش شي حاجة خايبة توقع ليك
سلمان: (فهم ولدو مزال مجروح ) بغيت نمشي لداري
علي : (عارف الاب ديالو لا دار شي حاجة فراسو غايدرها تنهد و قال ليه ) انا غنهضر مع الطبيب