العشق المظلم قصص مغربية

Part 2 : لقاء و ارتواء

الجزء 2
نرجعو شوية عند البطلة ديالنا لي كانت مشات عند صاحبتها سلوى للشركة فين خدامين بجوج و ملي جات و هوما طايحين على ديك الخدمة بلان مورا بلان كانت مرة مرة كتصوني لحاتم و الو واش جاوبها بدات كتخلع عليه او ولات كتبان فيها ماشي هي هاديك حتى فيقاتها سلوى من السهوة ديالها
سلوى : اويلي مالكي مدهشرة ا صاحبتي عاد دخلات معاك الخلعة د العرس
اسراء: ههه لا اصاحبتي غير حاتم من الصباح و انا نصوني و تقول واش جاوبني من البارح بالليل ماهضرناش
سلوى: و صافي سيري للدار عند واليديه سولي فيه
اسراء: لا مابقاش ساكن معاهم منين كرينا ديك الدار اللي غانسكنو فيها تحول هو ليها
سلوى:ايوا صافي راه ما غايكون واقع والو اشاءالله ، عرفتي شنو سيري للدار شوفيه واش كاين و انا نكمل هادشي لي بقا ديجا راك عاونتيني بزاف
اسراء : لا لا خلي نكمل معاك و نخرجو بجوج ف دقة
سلوى: اويلي لا اصلااااااا راك تعاملتي معايا منين جيتي للخدمة تعاونيني نهار عرسك ( و عانقاتها و بقات كتبوس فيها ) الصراحة نعمة الصديقة
اسراء: ( حتى هي بادلاتها العناق) اويلي ماتقوليش هاكا لا ماوقفناش ما بعضياتنا شكون ايوقف معانا

اسراء و سلوى كانو قراو بجوج ف ايسطا و كانو دايرين نفس الديبلوم فبفعل القراية و لاو صحابات مع العلم ان سلوى انسانة ظريفة و بعقلها من داك نوع المتبت و مرزنة ، سلوى عندها 23 عام جمالها فحالا برازيلي عويناتها عسليين مجبدين و الفورمة هيا هاديك خادماها بسبور ، المهم داوزو بجوج بزاف دالحوايج الزوينين و الخايبين و متقدرش وحدة تفرط فالاخرى مهم من مور ما سلاو القراية جات اسراء لشركة berrada architecture بالعربية برادا للهندسة المعمارية ( هي الشركة فين خدامين فيهادابا ) دوزات فيها stage و عجباتهم شادوها تخدم معاهم و بقات سلوى غير ف les stages حتى كان واحد البوست فارغ فالشركة تواسطات ليها و دخلات حتى هي تخدم معاهاو بقاو بجوج حتى لدابا )
سلوى : (تغرغرو ليها عينيها منين بقات كتفكر ذكراياتها مع صاحبتها ) و صافي صافي نتي اليوم طايح عليك واحد الحنان فشي شكل ، هداك غير الخلعة ديال ليلة الدخلة هههه
اسراء: ههههه واييه و لكن بيناتنا يوقع لي بغا يوقع حلف نكلها اليوما ما يقول ليا لا عيان لا والو
سلوى: لا قال ليك عيان ما نتي ف خير ههههههههههههههه
اسراء: تلاحي تلاحي نمشي نشوف زماني و نتي جلسي هنايا شوفي شكون يبردو ليك ههههه
سلوى: هههه سيري سيري الله يعطينا وجهك
اسراء : ها هي غادا تشاو بيلا
و خرجات اسراء من البيرو و مشات جيهت المصعد باش تهبط بحالها ما تلاقا غير بالمدير سي برادا ( رجل كبير فالعمر و محترم راسو )
المدير : لالاة العروسة واش ماكاين عرس و لا شنو
اسراء: ههههههه ماحنا علا فالك و الي راه الي معاكم تالعرس و ماكايديروش ف خاطرو
المدير: و شنو جايا كديري هنا
اسراء:(عاودات ليه كلشي لي وقع لسلوى ) ايوا و صافي لقيتيني يلاه هابطا نمشي بحالي و نقضي شغالي
المدير : ايوا صافي ابنتي سيري و الله يكمل عليك بالخير
اسراء:اميييين ، اتجي بعدا ياك ؟
المدير : وا ضروري على شحال عندنا من اسراء
اسراء: ربي يخليك ، مهم انا مشيت
المدير : يلاه بالسلامة
و طلعات اسراء فالمصعد و مشات ل لاكاف تهز طوموبيلتها تخرج باش تمشي للدار ديالها هي و حاتم يلاه اتصوني ليه و تاني مكايجاوبهاش تخلعات لا تكون وقعات ليه بصح شيحاجة و كسيرات نيشان فالاتجاه ديالو
و فهاد الاثناء عند الام ديالها مان كلشي واجد بقاو غير اللمسات  الاخيرة و العروسة و العريس يحضرو
اريج : خالتي جنان شنو انديرو دابا حنا واش نصبقوها الكوافورة و لا شنو
جنان : والله معرفت ابنتي هاديك راه اتحمقني قالت ليك تشوف حاتم عاد اتجي
ليلى: اويلي بسلامة مزال ما شفتو
جنان: هانتي كتشوفي الله يدوز هادشي على خير و صافي
اريج : و فين كانت ؟!
جنان : فالشركة مع سلوى كايقادو شي حاجة
سمعو تيليفون ليلى كيصوني و هازاتو تجاوب
ليلى : دكر الكلب و وجد الزرواطة
سلوى: و مالكي على هاد ضريب المعاني
ليلى: و نتي لي مخادما معاك عروسة نهار عرسها
سلوى: و نتي مشات ليك شي حاجة ، ياختي لسانك مبري منك
ليلى: العفووووو
سلوى : مهم راه ساليت حتى انا شنو دارنا واش نتلاقاو عند الكوافورة
ليلى: واخا ، اوا قولوليلي ا سلواتي اتجيبي لي صاك لي قالت ليك
سلوى: ههههههه وجهك صحيح واخا الالاة و لكن غير طلقونا را اصلا تعطلنا
ليلى : ههههه وعلى مابان لي حنا انساليو المصاوبة و العروسة باقي تا ماجات
سلوى: مهم تلاحي ندوز لدار نجمع قشي و ندوز عليكم
ليلى: اوكي الحب يلاه باي
سلوى: باي بيبي
ليلى : يلاه ا اريج نوجدو راسنا و حوايجنا الي انلبسو سلوى غير شية و تكون هنا
اريج : واييه هاديك كلشي عندها بالخف
و مشاو يقديو شغلهم باش دوز عليهم سلوى و من يمشيو للكوافورة ( و هادي هي الشلة او المجموعة ديالهم ديما خالقنها بربعة و حتى سلوى دايرة بحال شي فرد من العائلة)
نرجعو لعند سي علي لي كان سايق تاهو الطوموبيل ديالو فاتجاه الصبيطار هو و صاحبو ياسين غادي مابيه ما عليه حتى كضوبلو واحد كليو حمرة( ديال اسراء) باينة سايقاها بنت  و ماينطق غير ياسين
ياسين: فاخير ايامك ابا علي ولاو كيضو بلوك البنات
علي دار لعندو ماهدارش حتى معاه غير خنزر فيه و هو يلابدها و هو يضور تاني كيشوف ف الطريق كيقلب على ديك كليو يكاليها شوية فالطريق ساعة غبرات من قدامو المهم بقاو غاديين حتى وصلو لاكبر صبيطار كاين فالمدينة بقاو شحال جالسين الدراري بجوج فالطوموبيل بلا حتى كلمة فحالا كيستعدو المواجهة حتى حل علي الباب خرج و تبعو ياسين و غاديين ف الطرق بكل شموخ
علي هو واحد الدري لي عندو 29 عام عندو واحد الجسم متكامل الطولة و الكتاف عراض باينة فيه خادم عليها ماكاين غير لا السبور ( و فعلا هو كيدير البوكس ) ملاميحو كحلين و لكن عينيه زورق ساعة ديما مخنزر بيهم الله يستر ، عندو واحد الهيبة فالشخصية ديالو بلا ما تكون كتعرف كتحس بيها او واحد الكاريزما عندو غالبا البنت اللي شافتو كدوخ
و كاين حتى ياسين عندو 31 عام شوية ضعيف عليه و لكن باينة فيه سيكسي و الحالة عندو واحد الضحيكة خطيرة لحجر و و كدوبو و هو من النوع لي ضحوكي بالطبع ديالو 
المهم كانو غاديين فالاتجاه د الباب د المستشفى حتا كيسمع علي واحد الصوت كيعرفو مزيان
.......: العود
علي : (بلا مايدور ) عشيري هههه
ضار عندو علي بقا كايتمشا حتى وصل لعندو و هو ينطق داك الشخص
........: طولتي الغيبة و لا ضروري كان خاص نوصلو الموت باش تجي
علي : ياكما اتبدا تبكي عليا كي للولية و فيق معايا ازبي
امين : هادي هي توحشتك اولد خالي
علي : (جرو عندو عنقو عناق رجولي  ) توحشتك اولد خالي
علي : بقات بلاصتك العود
ياسين : ولا ولا شفتكم لحتوني فالتوش
امين : (مشا لعندو حتى هو باش يعنقو ) ههههه اجي اجي تنتا راك عزيز
ياسين : لا لا ما تعنقنذ ما نعنقك بنتي ليا بحالا راك لوبيا عاطيها غير لتعناق من قبيلا
امين : و اجي عندي نوريك لوبيا ولا لا
علي :و القلاوي ماغاتهانوناش
امين : (جبد واحد جوانات ديجا مصاوبهوم ) هاكو وجدو ليا راسكوم للمعركة لداخل
خدا واحد من عندو و يلاه بغا ياخد ياسين و خنزر فيه علي باش ما ياخدش ( حيت ياسين كان مدمن على المخدرات الجوانات و كاع داكشي دالهلوسة و مزال لحد الان كيعاني من الاتار الجانبية ديال الاقلاع ) ايوا و صافي كماو داكشي و بقاو كيهدرو (امين و ياسين اما علي غير ساهي ) لمهم بقاو هاكاك حتى نطق علي و هو كيصوط الدخان : يلاه ندخلو
صافي لاحو داكشي (حتى سالاو) و مشاو يدخلو

و فجيهة اخرى كانت اسراء يلاه وصلت للعمارة فين كاينة الدار تلاقات بالكونسييرج سميتو منصور
اسراء :سلام عمي منصور لباس
منصور : لباس ابنتي و نتي لحمدلله
اسراء:عمي منصور مبانش ليك حاتم ف الدار
منصور (بتوتر) : بان ليا ابنتي البارح مع شي ناس كانو سهرانين فالدار
اسراء:(متفاجاة) كيفاش سهرانين واش الموسيقى و داكشي ، و شكون هاد الناس
منصور: (حشمان ) معرفتش ابنتي سمحيلي
اسراء: صافي ماشي مشكل انا طالعا نشوف
و بقات طلعا و هي كتعير فخاطرها : ياك الزامل انا مخلوعة عليك و نتا عطيها ليا لقصاير مع الدراري داير ليا حفل العزوبة انا غنوريك طلعات او وصلات للدار يلاه غادي دق و هو يقوليها راسها حلي بالساروت و داكشي لي دارت حلات الباب بشوية و بقات كتشوف الدار كلها مرونة و هي كتعايرو فخاطرها كرفس ليها الدار و هي مزال حتى ما سكنات فيها دخلات للبيت الاول ما بانش ليها قلبات فالكوزينة لايكون كاياكل مالقاتوش قالت مع راسها وايلي واش يكون مزال ناعس ، مشات فاتجاه بيت نعاس ديالهم مستقبلا ، هي غدا و بدات كتسمع شي اصوات الضحك و الهضرة ديال جوج د ناس راجل و الصدمة بنت معاه  قالت معا راسها واش يكون حاتم خلا الدار لشي صاحبو حتى مبغاتش تحل الباب لا تصدق محاشمة مع شي واحد و هي تقول مع راسها ياك الدار داري هو اللي يحشم على راسو مشات راجعة و هي تحل الباب بالزربة و بقات مبلوكية كتشوف الزوج المستقبلي حاتم عريان ناعس مع شي بنت حتى هي و كيضحكو حتى رقفات عليهم
اسراء : حاا. ت ت. ممممم

فنظركم شنو غادي دير اسراء مع حاتم ؟
واش مزال ايديرو العرس ؟
نتسانكم تجاوبو فالتعليقات
        يتبع .....