العشق المظلم قصص مغربية

Part 27 : هل ستموت ليلى ؟

الجزء 27

كلشي سمع داك الصوت ديال الهيلوكبتر جاي من شي بلاصة قريبة شوية و هوما يسمعو صوت القرطاس بدا من شي سلاح رشاش من الفوق جاي من نفس الهيليكوبتير اللي سمعو صوتها ، خلا قلوب البنات يقفزو و يبداو يشهدو اما الدراري فا بحالا رتاحو نسبيا لان القرطاس لي كان كيتضرب مكانش عليهم كان كيتضرب فالملتمين كيجيبهوم طايح ، سلوى و اريج و ليلى كانو غايسكت ليهم القلب منظر جديد عليهم مولفين كيشوفو هادشي غير فالفلام ، دابا HD اما اسراء فكانت مزال جسد بدون روح غير كتشوف و صافي (واقفة مازل شادا ف علي ) امرهم علي يمشيو يتخباو حدا الشجر و فعلا داكشي اللي دارو حتى طاحو كاع الملتمين اللي كانو قدامهم ف الارض عاد خرجو من حدا داك الشجر و هي تهبط هديك الهيليكوبتير قدامهوم
وقفات فالارض ديك الهيليكوبتير و لكن بقات مزال خدامة و الكليكة كيساينو شكون يهبط منها و هو يبان ليهم بصح شي واحد هابط اللي غير شافوه تصادمو ، اخير واحد توقعوه يكون راكب معارفينوش حتى كيدار تا عرف بلي هوما راهم هنا علاش اصلا يعتقهم وحدة فيهم اللي غير شافتو مشات عندو كتجري تلاحت فالاحضان ديالو و بدات تبكي ، فالوقيتة اللي هي كانت ودعات فيها الحياة و استسلمت امام الامر الواقع جا عتقها ، الحب ديالها اللي ماعمرها ما نساتو شكون من غيرو كريم مجاهد
اييه كريم مجاهد اللي عتق الكليكة ، اللي النص فيهم مصدوم حيت عتقهوم و النص الاخر مصدوم فسارة الي مشات تلاحت عليه و هما مافاهمين والو ، زيد عليها اصلا ماعندهومش الوقت اللي يفهمو شي حاجة
كريم : (بعد سارة شوية و شد ليها وجها بين يديه ) الحمدالله ما وقع ليك والو (عاود جرها عندو و باسها من جبهتها )
علي :(كيشوف فيهوم و عاقدهم ) شنو واقع هنا
كريم : (جار سارة معاه لناحية ديال الطيارة ) قصة طويلة ، اللي نقوليكم دابا هو طلعو حيت راه مزال جاي الضوبل ديال هادشي اللي قتلت
فهد : (ضار عند مهدي ) ياك قلتي نتا كاين 20 واحد فالتوتال
مهدي : و حيت داكشي اللي كاين
كريم : مهدي عندو الحق و لكن انا فاش كنت جاي تاهوما كانو جايين ر الفرق دالوقت الي كان بيناتنا هو 5 دقايق ، انا كنت صابقهوم بيها
امين :(شاف محمر في سارة ) اجي نتي بعدا الهنا
سارة حاولات طلق من كريم و تمشي عند امين و لكن ما خلاهاش شدها من يدها و هضر مع امين
كريم : ماجاياش (قالها بتحدي )
امين : شكون قالك راكبين معاك اسيدي هي عشرين باغيين نموتو
ليلى :( كطير بحال العادة ) لا لا اخويا امين شكون شكا عليك انا ماباغاش نموت ، موت غير نتا ......
ماجات فين تكمل هضرتها و هو يسد ليها فهد فمها
فهد: بغيت غير شي نهار تسكتي فحالك فحال كاع البنات
سلوى:(قربات لامين و هضرات معاه غير بشوية ) امين راه الفرصة الوحيدة باش دابا هي نركبو معاه
علي : الهيليكوبتير ماغاديش تهزنا كاملين
كلشي تبعظ ف علي مكانوش متواقعينو انه غيتقبل يركب معاه داغيا
كريم : ماشي مشكل نركبو تبعدنا غير شوية نحسو بيها بدات تعيا نهبطو
علي : لا احسن حاجة اننا نتقسمو على جوج سلوى و اريج و ليلى و اسراء و نتا تمشيو و انا و ملك و سارة و امين و فهد نبقاو
كريم :(فهمو شنو بغا يدير ) باش نجيكوم نيشان لا ماطلعاتش سارة هي اللولة هد الهيليكوبتير كاغاديش تحرك
يلاه جا امين يهضر و هو يبان ليه شيواحد باغي ينيش بالقرطاس على ليلى حيت هي اللي كانت فالطرف ، ماجا فين يجري لعندها و يهضر باش يحذرهم و هي تسمع طراق ... تضربات
داكشي داز في لمح البصر و للاسف هاد المرة ماخرجاتش سالكة ، تضربات اكثر وحدة كانت خايفة من الموت جاتها قرصاسة فجانبها تسمعات غير واحد اه خفيفة واخا كان حداها فهد ماقدر يدير ليها والو ، اصلا كان كلشي عقلو غير مع كريم و تواحد ما رد البال لهضرتو انه بصح جايين واحدا اخرين ، ليلى هزات عينيها ف فهد و شدات فبلاصة الضربة و طاحت بالعرض البطىء ، ماجات فين توصل للارض حتى شدها فهد لي كان مصدوم ديال بصح ، الاحداث جاو بسرعة كبيرة خلات كلشي مضهشر من غير واحد الي هو علي كان جبد السلاح ديالو حتى هوا و خوا الفردي ديالو فداك الملتم و هادشي كامل داز قدام اسراء اللي كانت اصلا غير مصدومة و ساهية مكاتهضر مع حد ما والو كتشوف غير في نقطة وحدة و مع الضربة عاد فاقت ، شافت نفس السيناريو ديال ختها الكبيرة ميساء كيتعاود مع ختها الصغيرة ليلى بلا ما تحس حيدات يد علي و مشات عندها كتجري حتى وصلات هي و اريج قد قد
اسراء:  (بذعر) ليلى .. ليلى .... حبيبة ديالي حلي عينيك عافاك ماتخلينيش ، ليلى عافاك متموتيش ...ماديريش ليا بحال ميساء عافاك اختي ماتخلينيش بوحدي
ياسين : (كيغوت حتى هو حس براسو تغدر ، كيفاش غفل عليها ما فهمش ) اريج ديري شي حاجة (شاف فيها و بدل نبرة ديال صوتو ولات حنينة ) عندك توقع ليها شي حاجة ، مزال صغيرة باش تموت راك سمعتيها مزال ما شافت ما تشوفت
جات حتى سارة لعندهم
سارة : (بامر ) اريج غير حيدي نتيا مستريسيا ماغادي تنفعيها فوالو (شافت فسلوى و ملك اللي كانو واقفين حداهم ) شدهوم البنات باش يخليوني نشوف هادشي
علي :(مشا عند كريم ) غادي تهزنا كاملين ؟!
كريم :على حسابي
علي : قد معايا شغل دابا و من بعد نتحاسبو انا وياك
كريم : حتى هادي هضرة مزيانة
علي ديك الساعة مشا عند الدراري علمهم بالخطة بداو كيركبو فالبنات هوما اللولين و كيديرو ليهم السماطي واخا لقاو مشكلة مع اريج و اسراء بقات غير ليلى و سارة و فهد و علي اللي ماركبوش
علي هز ليلى و حطها فالارض عند رجليهم مسارحا و جلسات حداها سارة باش تبقا مقابلاها و تحاول توقف داك النزيف و طلع علي و فهد و مشاو نيشان للمستشفى ديال عايلة الرايس (هداك الي كانت مكلفة بيه سارة ، حيت اصلا هوما بالطيارة من ديك المدينة لمدينتهم كاينة غير شي 20 دقيقة ) و فعلا وصلو كان كلشي و كانو بزاف ديال الاطباء و المساعدين اللي كايساينوهم فالسطح ديال المستشفى فين هبطات بيهم الهيليكوبتير
هزو ليلى بحذر داروها فوق ديك الناقلة و بقاو غاديين بيها كيجريو و كيهضرو الاطباء فوق راسها و معاهم سارة و اريج
وحدة من المساعدين : دكتورة سارة من فوقاش النزيف حبس
سارة : هادي شي 7 دقايق
اريج : يمكن عندها نزيف داخلي
طبيب اخر : و من فوقاش فقدت الوعي
اريج : ملي تضربات شي 20 دقيقة
سارة : و النبض ديالها غادي و كاينقاص سربيو خاص دابا دخل للبلوك
اريج : (شافت فيهم ) موجدين بعدا البلوك ياك
المساعدة : بيان سوغ ادكتورة كلشي واجد
سارة :( بامر ) لا اريج نتي مغاداش دخلي ل اوبغاسيون شوفي حالتك مامستعداش ، غلاط واحد نقدرو نفقدوها
اريج :( حتا هي شافت فيها و نطقات بجدية ) اكزاكتومون غلاط واحد و نقدرو نفقدوها و انا ماغانسمحش لهاد الغلط يكون
سارة عرفات ان اريج مغاداش تراجع على قرارها و حتى هي قررت دخل معاها للعملية ، غادي يديروها ليها بجوج مع المساعدين ، دخلو ديك ساعة عقمو حالتهم و لبسو حوايج العمليات و فهادوك الاثناء كانت حتى ليلى كيحيدو ليها الحوايج اللي لابسة و لبسوها لباس خاص بالعمليات كي سالاو ليها جات عندهم سارة و اريج مستعدين و دخلوها للبلوك هاد المرة ، جا البناج قاد ليهم مستويات البنج باش غادي يخدمو و دارو ليها ديك اللعيبة على نيفها و فمها ، كيخدمو بسرعة و كولشي كيدوز من قبالة عينين اريج طاير ، اريج اللي كانت بصح عيانة و مخلوعة بزاف عارفة انه يقدر غير حركة بسيطة تنهي حياة ليلى و حتى سارة كانت هكاك بحالها و زيد عليها كانت ممتأكداش من قرارها ان اريج هي اللي دير العملية شخصيا .
شافت فيه وحدة من الممرضات .. م: واجدین ادکتورة
اريج : (غمضات عينيها و رجعات حلاتهم ماقادراش تشوف فليلى . تلفتات لعند سارة و طلبات منها لأول مرة طلب غريب) دوزو الريدو غطيولها وجهها
سارة :(فهماتها ) سمعتوها شنو قالت
حركو ليها راسهوم باليجاب و مشاو ديك الساعة دوزو ريدو
اريج غاتكون هادي أصعب عملية كديرها كلشي مجموع عليها ، العيا و الخوف و القلق و المسؤولية و احساس الموت اللي قريب
اريج : عطيني المقص
سارة : (زادت قربات عندها و حطات يديها على كتفوها و همسات فوذنیها بشوية) انا معاك .. كولشي غايدوز مزيان (و بتاسمات ليها ) .
اما برة عند الكليكة فكانو كلهم جالسين امام غرفة العمليات من غير علي اللي كان مشا حتى هو يحيدو ليه الرصاصة من يديه و داواوها ليه مزيان ، اما فهد بالرغم من انه حتى هو كان حالتو حالة مابغاش يمشي يداوي بغا يبقى تم حتى يخرجو البنات و يقولو ليه راه ليلى ولات مزيان و حتى اسراء كانت نفس الحاجة وخا كان خاصها تاخد مهدئات بقات كتبكي تم و طلب ف علي باش مايخليهومش يقيصوها و فعلا قالهم مايقيصوها و بقات تم معاهم
سالا علي المعاجة ديال يديه و مشا عند الكليكة مقصد كريم شنق عليه
علي : (ضربو بكروشي للوجه ) باش عرفتينا القواد حنا تما و شنو بينك و بين سارة
غير شافو علي هكاك ناض كلشي كيجري باغي يفك. حيت كيفما كان الحال كانو فالمستشفى مايصلاحش يديرو زعما بحال هكا
كريم :( قاس فمو بان ليه كينزف وخا هكاك كان مزال محافظ على الهدوء ديالو) انا عرفتكم تما حيت كنت تابعكم ، انا كانبغي سارة و حتى هيا كتبغيني واخا مابغاتش تعرفوها كتبغيني السيدة قالت ليك ما بغاتش تخسر عائلتها اللي مربينها
سلوى : كيفاشش ؟؟!؟ امين واش سارة ماشي ختك الحقيقية
امين : بصح انا و ياها مامشاركينش الدم و لكن كتبقى ختي
اسراء : (شدات فعلي كتبكي ) عفاك بعد منو انا غادي نشرح ليك كلشي
علي :(غير سمع بحال هكا قال اتكون عندها يد ف هادشي ) (كان مزال شانق على كريم )  واش باغا تجهلي ديل مي نتي ا شيخة هادشي كامل اللي وقع و مزالا غير زايدة ، نسالي مع هاد زبي و ندوز ليك ، و قسما بالله و يكون عندك يد حتى ف هادشي مانرحمك
كريم شاف اسراء و هو يتفكر واحد الميساج وصلو من عند البوص " ايلا عرف علي عندو ولد بسبابك ، غادي تموت سارة من الاحسن تراجع على اللعبة ديالك " قرر انه مايحطش راسو براس البوص حيت هو هادا ماشي الهدف ديالو كتر من انه ينتاقم
كريم : و نزيدك انا الي كنت صيفت ليك ديك البواطة فيها السكاتة ، قلت زعما لا عرفتي عندك ولد اتفكر تخلى على سارة و لكن نتايا ماتسوقتيش
علي :(بدا كيلعب ليه على الفيزيبلات ديال عقلو ) (زادو كروشي اخر و بدا كيهضر ) حتى نتا يا زمل بغيتي تلعب ، داير فيها نويزق ولا كيفاش ، حتى كون كان عندي بصح ولد كنت اناخدو من ديك مو و نربيه
كريم :(ابتاسم ليه تاهو و شاف ف اسراء اللي كانت فحالة دهشة من كلام علي ) دابا كتقوليا مو مسكينا مكاتهمكش كتر ماكيهمك الولد
علي: اه ولدي كيبقى ولدي ، ولد الرايس تكون مو قحبة ولا شيخة و لا وزيرة ... ماشي شغلي ناخدو عندي و نربيه انا و الحبيبة ديالي (و غمزو )
كريم: (بدا كيسعر حتى هو شنق عليه ) ماتجبدهاش على فمك ( و هو يعطيه كروشي للوجه )
علي حتى هو باش ضربو رجع ليه الدقة و جرو عندو من حوايج و زاد دخل فيه بروسية و بقاو كيدابزو و الناس كيتجمعو و الغوات و الدراري كيحاولو يفكو ماقدروش كل واحد كيقول الجهد عندي انا اما السيكيريتي وخا جاو ماقدرو يديرو والو حيت اللي كيدبزو هو مول السبيطار ما لقاو مايديرو بقاو غير واقفين (اصلا الميت ما عندو مايدير قدام غسالو ) بقاو هكاك حتى سمعوها غوتات
سارة :(كانت خارجة من العملية و الصباعيات ديالها كلهم دم ) (بالغوات ) : بااارااااكا
غير سمعو صوتها كلشي ضار عندها و بدات كتبكي
سارة : (كتبكي و كتهضر بالغوات ) باراكا ، باراكا من الصداع ، حنا لبنت كتموت لينا لداخل و نتوما دايرين هاد الشوهة (شافت ف علي ) و زعما نتا مول العقل و مول لوبيطال لا ماهمتكش البنت الي كتموت لداخل خاص تهمك السمعة ديالو لوبيطال ديالك (شافت فكريم يلا كان باغي يهضر و هي تهز يديها زعما ستوب ماتقول ليا والو ) عفاك لا كنتي كتبغيني كيفما كتقول سير من هنا ، نبغي فاش نخرج من البلوك مانلقاكش هنايا (و شافت فالسيكريتي ) و نتوما شنو واقفين كتفرجو من الاحسن تفرتكو عليا هاد البشار و لا نتوما لي غادي تفرتكو ، يلاه دابا شنو كاتسناو .
سالات هضرتها و دخلات تاني لغرفة العمليات من مور ما عقمات راسها مرة اخرى مشات نيشان تاكدات من كاع المؤشرات الحيوية ..مشات عند اريج الي كانت حاسة بالالم كيقطع فيها إنش بإنش .. الوقت كايدوز و من قبيلة و هي فالعملية اي حركة منها تقدر تخسرها فرمشة عين .. قطرات العرق كاتصبب من جبينها ، شاد راسها غير بالزز .. الممرضات فجنابها كايمدوليه اللي بغات و يمسحوليها العرق على جبينها و سارة مركزة معاها فكل كبيرة و صغيرة و مستاعدة تدخل فأي لحظة غلبات عليها العاطفة و خانها التركيز و هي بين يديها ختها الصغيرة.. مرت دقائق طويلة حتى نطقات الممرضة لي كانت مراقبة المؤشرات الحيوية.
مساعدة : دكتورة الضغط كيرتافع ... و دقات القلب كيتزايدو (بارتباك كتشوف فاريج ) كنفقدو المريضة ا دكتورة
اريج :(توترات بدات كتزرب و كتهضر مع ليلى ) كوني قوية كيفما عارفاك عافاك ا حبيبة ، خاصك تبقاي معانا ... كنواعدك غير تفيقي ندير ليك الي بغيتي و نشري ليك الحوايج الي بغيتي كوني قوية عفاك
مساعدة : (بهدوء) الوضع راه استقر شوية
کملات خدمتها بتركيز .. العملية كانت صعيبة بزاف، خصوصا ان القرطاسة قاست ليها كلوة مابقى فيها مايتعتق .. الحل الوحيد اللي لقات عندها انها تحيدها ليها و تكمل بكلوة وحدة .. داكشي اللي كان .. بعدما استأصلات الكلية المتضررة .. غادية دقة دقة باغية تسد الفتحة و تخيطها .. حتى ماعرفاتش كي طرا ..حتى طوشليها الدم على وجهها و جهاز دقات القلب بدا كايسمع منه طنين و ذبذبات غير متوازنة .. تخربق حتى تحبس و تسمع فبلاصته داك الطنين الطوييييل .. مع خط دقات القلب استقم و دقات قلبها بغاو يوقفو معاها تا هي.. كولشي طرا بالزربة .. الكل مصدوم .. من الممرضات و من سارة و منها حتى هي لي بقات واقفة فبلاصتها بحال شي جماد على نفس الحركة .. وذنيها كيصفرو .. و مافهما والو .. كيسمع صوت الممرضة كتغوت كتجيها غريق ..
مساعدة : كنفقدو المريضة أدكتورة .. قلبها توقف ...
فهاد الاثناء على برة كانت الكليكة كاملة حتى و من علي كاين الا كريم الي مشا بحالو من مور ما دخلات سارة للبلوك ، كولشي جالس كايساين شي خبار على ليلى فهد كان جالس على اعصابو عزات عليه كيقول مع راسو ديك البنت مزالة صغيرة و كتبغي الحياة بزاف مازالة باغا تشوف شحال من حاجة فهاد الدنيا ماتستهلش هادشي الي وقع ليها و لكن انا علاش كنحس براسي بحال هكا ، علاش حاس بقلبي هو اللي كينزف فبلاصة الجرحة ديالها ، علاش خايف نخسرها لهاد الدرجة ...
اما اسراء كانت عينيها تنفخو بالبكا ولات كلها حمرة و كتفكر ان نفس السيناريو ديال ميساء كيتعاود خواتاتها بجوج ماتو قدامها كيفاش غادي تحمل تعيش مع هاد تانيب الضمير ، حاسة براسها هي السباب و كون هبطات داغيا فاش تقال ليها راه هاجمين كون ماوقع حتى حاجة من هادشي و بقات كتقول مع راسها كون درت هادي كون كاع ماتوقع هادي .... كون ... كون ... كون شوية و هي ضحك فعز السهوة ديالها بدات كضحك كلشي تعجب فيها قالو هادي صافي راه يمكن حماقت و هي تشوف فسلوى
اسراء : كون كان كينكو
سلوى :(تغرغرو ليها عينيها و كملات الجملة ) كون كلانا كاملين
شوية ديك الضحكة اللي ضحكات اسراء رجعات عليها بالبكا ، مشات سلوى نيشان لعندها عنقاتها كتواسيها حيت هاد الجملة "كون مان كينكو كون كلانا كاملين " ليلى الي كتقولها دايما زعما كون كان داك الوحش الي سميتو كينكو كون راه كلا كلشي ، دايما كانت كتقولها ليهوم بالضحك فاش كيبقاو يدمرو عليها و يقولو ليها زعما كون درنا هادي كاع مايوقع هاكا و كون مادرناش هادي ماطراش هاكا ...
شوية و هوما جالسين حتى كتسمع واحد الصوت جاي من بداية الممر فين جالسين كيقول كيعط ليها بسميتها : اسراااء
مع ضارت و هي تبان ليها ماماها جنان جات كانت كتبكي و هزا فيديها وليد صغير اه ولدها ادم حتى هو جابتو
اسراء: (كتبكي ) ماماا ....(مشات عندها كتجري عنقاتها و بدات تبكي هي و ياها اسراء كانت حاسة بحال الحكرة و ماماها كانت حسة بكية بنتها الولة ميساء و بنتها ليلى الصغيورة اللي مزال كتصارع الموت )
فيقهم من داك البكاء غير صوت ادم اللي كان كيبكي حتى هو حيت قنطوه بالبكا ديالهم و هو مسكين صغيور ماعارف والو ، جات سلوى كتجري خدات الولد من عند جنان و مشات المشكلة فاش ضارت لقات كلشي كيشوف فيها و فالولد ، اييه المرة عرفوها الام ديال ليلى و اسراء و لكن الوليد شكون ، دراري شي بدا كيشوف فشي مافهمين والو اما سلوى ماحدها كتقرب لبلاصتها ماحد العرقة كطلع معاها ، اسراء محذراهم مايمكنش علي يعرف بالولد و زيد عليها كلشي سمع الهضرة اللي قال لكريم ، يعني %100 ايخدو ليها و هي مايمكنش تسمح بهادشي
مع جلسات سولها امين
امين : (بتساؤل) شكون هاد الولد ؟؟(هو سول و لكن كلشي كان كيساين الجواب ديالها )
سلوى (العرقة شداتها ) : هادا .. اه .. راه ولد جارتهم فالعمارة مسكينة خدامة ماكتلقا معامن تخليه ، او ولات كتخليه مع خالتي جنان مقابلاه و حتى هو كيونسها
علي :(بحال شك فشي حاجة ) و لكن اليوم الحد و السيدة بنتها كتموت ، علاش مو مخلياه ليها فهاد الضروف
سلوى : (كتصرط ريقها ) ماعرفتش بحالي بحالك ياك حتى انا كنت معاكوم
ملك : انشوف الوليد ناري كنحماق على الوليدات الصغار (و مشات عند سلوى بغات تخدو من عندها بغات تشوفو حيت سلوى شداه هي كتشوف فالكليكة و ادم حط ليه راسو بالعكس على كتفها )
سلوى :(بتوتر ) لا غير خليه باينة فيه باغي ينعس اصلا هو ماكيبغيش يمشي عند الناس بزاف
ملك: (جراتو من عندها بالخف ) غير اريه متخاقيش (شداتو و دوراتو لعندها و هي تبهض ) وو مشاء الله يا مامي على وليد شحال غزال و على عوينات عندو (و هي ضورو لجيهت الدراري ) كانتشابهو تقولو انا هي ماماه و بدات كضحك
فهد (اصلا كان معصب غير بوحدو ) : واش من نيتك نتي واش وقت هادشي ، البنت لداخل عالم حالتها غير الله و نتي كضحكي هنايا
ملك : انا ماقصدت والو حتى انا بقى فيا الحال على ليلى ، راها ولات صاحبتي حتى انا
فهد : لا باينة فيك صاحبتك من هاد الضحك الي كضحكي ، مها و ختها مشويين عليها كيبكيو و نتي هامك الولد
ملك :والله ماقصدت شي حاجة ا خويا انا راه غير ...
فهد : مكاين لا خويا لا زب..
علي:(مزال مكمل فهد هضرتو عرفو شنو ايقول و هو يلقمو) سير البرهوش بدل الساعة بخرى
فهد :(ابتاسم ليه ) نتا اصلا نتا كاتجي غير من خواتاتك
علي: ماتحمقنيش البرهوش و سير تخرج
فهد :(بتحدي ) لا ماخرجش اسيدي اللي عندك عندي فهاد لوبيطال
علي مازادش معاه كلمة وحدة و شدو شنق عليه
علي : اشوف ازبي راها طالعة ليا بلا ماتخليني نقود السوايع معاك ، و سير تقود بالخاطر قبل مانسيفط اللي يهزك(رخف منو علي )
فهد : كتحكر عليا ياك عقلها فيها مزيان (و هو يخرج بحالو )
ملك :(كانت مزالة شادا ادم ) والله اخويا ما نويت شي حاجة (بدات كتبكي ) حتا انا عزيزة عليا ليلى بزاف و مادوزتش معاها قليل
علي:(عنقها ) صافي ماديريش فبالك راك عارفاه نتي كيداير كتر مني
(مع التعنيقة مع ادم بدا كيبكي ماعندوش مع الدحاس و كترة التعناق و البوسان )
ملك : باينة جاه الجوع عرفتي شدو هاكا نمشي نجيب من عند مامات اسراء الساك ديالو بانت ليا هازاه
علي : شفتي فاش و لينا داكشي اللي بقا ليا ، سيري عطيه لسلوى
سلوى : (نطقات ) اه عندو الحق اريه ليا انا حسن
ملك : ( بالضحك ) لا لا نتي لا شديتيه كاع ماكتبغي طلقيه و ( شافت فعلي ) هاك اخويا شدو عندك امانة لميمة لا كنت عزيزة عليك
علي : اري اري نشوف عاد العجب كي كايتهز ( عطاتو ليه شدو بين يديه العراض و بقا كيتامل فيه ، ادم كان كيغرنك كيبكي داك البكا ديال تبوحيط ماكيطيحش الدموع غير الصوت و هو يضحك عليه علي ) نتا فيك الجوع و حنا حمقنا
و هو يسكت ادم وخا مافهمش علي و لكن ديك الضحكة ديالو بان ليه راه كيضحك معاه و هو يبدا ادم يدير دوك الاصوات ديال الدراري الصغار و يضحك (غغغ غغغ )
علي : (زاد وسع الابتسامة ديالو ) هاي هاي هاي على البرهوش مطور مع راسك
ياسين : (كيطنز ) ههه جا معاك الدور ديال الاب ههههه
مهدي : داكشي اللي بان لي حتا انا السي علي الرايس كيسكت فالبراهش
سلوى حسات راسها بقا ليها غير شوية و تسخف صافي لا شافتو اسراء هزو تكمل اللي بقا ليها
فهاد اللحظات كانت جالسة جنان و اسراء عاودات ليها كلشي كيفاش وقع و شي ناس هجمو عليهوم ماعرفاتش علاش واخا جنان ماتفهمش ليها هادشي شكون هاد الناس الي بغاو يهجمو و كيفاش ان الماضي كيتعاود من جديد مع بنتها الصغيرة و لكن قدرات تكون مطمئنة شوية حيت عرفات ان بنتها بين يدين امنة ، بين يدين اريج اللي كانت القراية ديال العائلة و دايما ضابطة شغلها بالاضافة انها كتبغيها بزاف اذن غادير المستحيل باش مايوقع ليها والو
جنان : (كتحاول تواسي راسها و تواسي بنتها ) صافي ابنتي ماتبكيش ليلى كبدتي بنت قوية و زايدون الي كدير ليها العملية راه اريج لي عمرها فشلات فشي وحدة قبل
اسراء: (كتنخصص حيت عيات بالبكا ) عارفة اماما و تايقة فاريج بزاف و لكن راه بسبابي اماما ماتت ختي الولة و هاهي حتى التانية غاتمشي
جنان : (بصرم ) مسحي دموعك عليا و جمعي راسك ، حنا ما عندنا ما نديرو حيت اللي مكاتبها الله هي اللي غادي تكون ، ختك الولة ماتت حيت داكشي كان مكتاب عليها من نهار تزادت و بيك و لا بلا بيك كان هداك النهار هو النهار اللخر فحياتها ، بغاها الله و داها ابنتي و ليلى ختك حتى هي كان مكتاب انها تعيش هادشي و لا كان مكتاب ليها ابنتي تموت راها غادي تموت و لا كان مكتاب ليها تبقى حية راه غاتبقى حية ، و هادشي كامل اللي كنعيشوه غير امتحان من عند الله و لا بغيتي تعاوني ختك سير بدلي عليك هاد الحالة و توضاي و صلي و دعي مع ختك ، الدعاء ثم الدعاء ثم الدعاء
اسراء سكتات من البكا و عنقات ماماها بقات متكية عليها كتاخذ ديك جرعة الحنان اللي كانت محتاجة حتى وقفات عليهم ملك
ملك : احم سمحوليا اسراء تقدري تعطيني الصاك ديال داك الوليد ادم راه فيه الجوع
اسراء عاد طلعات معاها اما هي نسات كاع ولدها و علي اللي كلين و الروينة ضارت باش تشوف فيها و هي يبان ليها علي هاز ادم ضارت بيها الدنيا امتاش سهات على ولدها لدرجة عرفاتو ملك و شادو علي باباه بين يديه.
اللي بغاني نخلي شخصية ليلى حية يكتبها لي فالكومونتير و اللي بغاني نقتلها يكتبها تاهو فالكومونتير و القرار الي صوتو عليها بزاف هو اللي غيحدد مصير ليلى !!!

يتبع        ...