العشق المظلم قصص مغربية

Part 3 : جنازة عرس

الجزء 3
اسراء:(بتمتمة )  حااا تتت م
حاتم و البنت الي معاه تصدمو معرفو باش تبلاو
اسراء : (الدموع محجرين ليها ف عينيها ) نهار عرسنا ا حاتم علاش قول ليا غير علاش و خرجات من البيت مخليا هو بان ليه سروالو حداه لبسو داغي و تبعها كانت مزالا فدار يلاه اتحل الباب و هو يشدها من يدها
حاتم : اسراء عافاك خليني غير نشرح ليك
اسراء:(نترات ليه يديه و جاوباتو بالغوات ) ماتحطش يديك عليا ولى نقطعها ، علاش ا حاتم علاش الى مكانتيش كتبغيني علاش اطلب مني الزواج و علاش اتغدرني علاش انا تقت فيك عمرني شكيت فيك حتى شوية علاش درتي هاكا و اليوم كان خاص يكون عرسنا
حاتم : اسراء غير سمعيني انا ديك البنت مكنعرفهاش اناا.... (يلاه بغا يكمل و قاطعاتو )
اسراء: (ضحكات باستهزاء) هادشي غير ماكتعرفهاش و ناعس معاها
حاتم :(كيحاول ينقد الموقف ) اسراء انا راه ماكنت ناوي والو راه الدراري البارح جاو قاليك باغين يديرو ليا حفل العزوبة و جابو الشراب و البنات و انا مابقيتش عاقل على راسي حتى فاقت تصدمت و لقيتها حدايا
اسراء:( و هي حاسة بحالا شي حاجة واحلا ليها فحلقها ) لا باينة تصدمتي غير من التكرير ديالك واش من نيتك ا حاتم ( و هي تنهار بالبكا ) نهار عرسنا و فدارنا و فبيت النعاس ديالنا تغدرني علاش فاش غلطت معاك غير قوليا فاش ( بدات كتغاوت و الي بانت ليها حداها كتهرسها ) ماشي راجل و عمرك كنتي راجل
حاتم : (مابقا عارف مايدير) اسراء سمحيليا مكانتش فالوعي ديالي
اسراء: (غير ما كتزيد تجعر و تشخشخ ما خلات ديكورات ما خلات طابلة ديال الزاج ما خلات طابلو فالحيط ) مامسمحاش ليك سمعتيها و عمرني غانسمح ليك ، انا راه تقت فيك ، كولشي قاليا بعدي منو مايستهلاكش و انا ماسمعتش قالت ليهم كانبغيه وقفت فوجه كولشي على ودك باش نهار عرسي تغدرني
حاتم : اسراء انا راه كنبغيك
اسراء:(ببرودة) اللي كايبغي ماكايخونش
حاتم : اسراء راه حتا نتي غالطة و انا راه راجل و عندي الاحتياجات ديالي و نتي حاولت معاك شحال من مرة و ما بغيتيش ما كتخلينيش حتى نبوسك
اسراء: بزاف عليك باش تكون راجل يا الشماتة ، نتا غير انسان حقير خصك غير فين تخويه يالحيوان ، انا راه ربي دار ليا تاويل د الخير منين بينك ليا على حقيقتك قبل مانتزوج بيك و نحل ليك ر جليا يالزامل ، اخير مرة تجي فطريقي و لا تهضر معايا من اليوم ما تعرفني ما نعرفك
حلات الباب و خرجات و بقات هابطة فالدروج كتبكي و كتزرب باغا غير تخرج من هاد العمارة المنحوسة و هو تابعها من اللور كيعيط : اسراء غير سمعيني خليني غير نشرح ليك
وصلات هي للطوموبيل ركبات و سدات الباب بالخف و هو وقف ليها فالقدام و كيغوت  : ماتمشيش ا اسراء انا كنبغيك ماديريش فينا هاكا نهار عرسنا
اسراء: غادي تحرك من قدامي ولا غندخل فيك ماغنعاودهاش جوج دالمرات
يلاه بغا يهدر يجاوبها هي ديماري بالطوموبيل كانت غادي دخل فيه كون ماهربش ف اخير لحظة و هي بفات غادا مكسيريا منوضا العجاجة من موراها

اما فالصبيطار فكانو داخلين بتلاتة علي و امين و ياسين و الجو مكهرب شويا عارفين الي جاي وقفو فجيهة ديال المصعد تحل ليهم و ركبو و ما وقف بيهم حتى وصلو للطابق المطلوب و تحل المصعد تاني و خرجو منو حتى كيلقى العائلة كلها مجموعة فصالة االانتظار هوما كي شافو علي ها الي تفاجا هاللي تصدم هاللي فرح هاللي بدا كيبكي هاللي تقلق كل واحد و ردة الفعل ديالو اما علي غير شافهم حاس ببحال الهرة فالقلب ديالو حاس بالفرحة حيت شاف عائلته و حس بالحكرة حيت عاش بعيد عليهم حس بالحنين لعائلته و فلحظة حاس بالعافية شاعلة فيه منين ماشافش واحد الانسانة كانت النصف ديالو الاخر و بسباب الاخطاءديا باه ماتت الاخت ديالو علية التوام ديالو لي وقتما سد عينيه كيفكرها و كيتفكر كيفاش ماتت كولها مضروبة بالسلاح و النظرات ديالو لي كانو كلهم حنين تبدلو لتخنزيرات كي القرطاس و كلشي بقا غير ساكت تاواحد ما عرف ما يقول حتى كيتسمع صوت واحد فيهم
ملاك : ( عينيها مغرغرين بالدموع ) خويا علي
شاف فيها كتشبه لعلية بزاف حتى هي نفس العوينات الزورق و الملامح لي كوحل شفاها الي طوال كلشي تفكر اخير مرة شاف ختو ملاك كانت صغيرة يلاه عندها 12 عام و هاهي دابا شابة عندها 20 عام شاف فيها حتى شاف و نطق : ماغاداش تعنقي خوك ؟
مشات كتجري لعندو عنقاتو و بدات كتبكي و كتقول غير خويا توحشتك
كانو ضايرين بيهم ناس اخرين من العائلة الي منين شافو حتى هوما هاد اللقاء تاترو و بداو يبكيو منهم مرات خال علي سميتها غزلان (الام ديال امين )  و بنتها سارة
عماد : (خال علي و راجل غزلان الاب ديال سارة و امين ) مرحبا بيك اولد ختي بين عائلتك
بعدات ملاك من علي باش يعانقو خالو عماد
علي : خالي يا خالي مزال نتا هو نتا مزال مابغيتي تشرف
عماد : ياك بعدا و قولها لخالتك غزلان
غزلان : جاتك هضرتو على الكانة حيد حيد نعنق ولدي علي (عنقاتوو بدات كتهدر معاه) اجي يا الحبيب راني توحشتك منين مشيتي درتيها بصح و ما بقيتي سولتي  فينا (بدات كتنهصص و كتبكي ) راه انا اللي ربيتك و حتى انا عندي حق فيك
علي : صافي الحنينة هاني جيت دابا ماتبكيش
ملاك : اتبقى معانا ديما اخويا ياك
علي : يكون خير انشالله
سارة : و حنا مغتوصلناش النوبة و الا شنو
علي: نتي اللولة وايلي ( عنقو بعضياتهم و الجو بحالامتوتر بحالا منعرف شنو و باش يهرس داك الاحراج اللي بناتهم قال: كبرتي حتى نتي و زيانيتي
سارة : (بخجل ) شوية و صافي ههه
علي : و دابا شكون باقي ماسلمش علينا يجي (و شاف فخوه فهد ) كنهضر عليك البرهوش ماغتجيش تسلم ولا شنو
فهد: (مشا حتى لعندو بحال الى بغا يسلم عليه و نطق ) خويا انا مات ف ديك الليلة الي مابغاش يديني فيها معاه ( ضربو بكتفو و زاد بحالو )
فهاد اللحظة علي تفكر نهار كان خارج من القصر اخير مرة و مشا بغا يودع خوه لاخير مرة