العشق المظلم قصص مغربية

Part 44 : اسراء و علي 4

الجزء 44

دازت شي ايام على اخر ملاقية لعلي و اسراء كان كيسول فيها غير باغ تيلي و على ادم كي بقى و صافي اما من داك النهار ما تلاقاو .. اما اسراء فردات ادم لعند ماماها من بعد ما شرخات ليه المشكل اللي وقع بينها و بين اريج و تفاديا للمشاكل و ان علي يعيق بيها ماماها قبلات تشد ادم اما فاللول وقفات ضددها و جات من جيهة اريج و قالت ايها بلي ماعندهاش الحق دير هاكا ف جوج د الناس كيبغيو بعضياتهوم و قالت ليها ايما تلقا شي حل ايما غتصرف من راسها حيت عيقات اسراء بهادشي حتى ايمتا ...
كملات اسراء حياتها هاد الايام فالتوتر و عقلها خدام فشحال من حاجة و ناسية العالم حتى اليوم كانت خدامة ما بيها ماعليها حتى جابت ليها السكريتيرة ديالها اوراق الطيارة لفرنسا عاد تفكرات انها عندها اجتماع في فرنسا هي و شي مسؤول من شركة الرايس مع الشركة الي غاتكون مسؤولة على بناء البروجي الي سانينو بجوج ... عاد صونات على مهدي مجاوبهاش و معرفاتوش فين كاين بغات غير تقوليه راها غادة حيت باينة فيه هو نسا هاد الاجتماع
مهم ناضت ديك الساعة خرجات من الشركة و مشات لدارها بدات كتجمع كاع داكشي اللي خاصها فلي فاليز باش يلاه تلحق الطيارة حيت معندهاش بزاف ديال الوقت مهم قدات داكشي الي بغات و بدلات حوايجها و خرجات هبطات بحالها .. و مع هي خارجة من العمارة وقف عليها غير علي بطوموبيلتو
اسراء:(مفاجاة) علي شنو كدير هنا !
علي: يمكن عندنا انا و ياك اجتماع غدا ففرنسا
اسراء: (زادت تفاجات ) واش نتا اللي غاتمشي ؟!
علي: نسيتي بلي انا مول البروجي و خاصني نوقف على شغلي .. مهم دابا ركبي نمشيو من بعد و سولي
اسراء مزادتش معاه كلمة و ركبات بحالها ديجا تعطلات و مهدي مجاوبهاش ... مشات هي و ياه مسافة ديال الطريق و كانو تما فالمطار هبطو بقاو غادين و اسراء غير تابعة علي اللي ديجا لقا الكارد الخاص بيه كيساينو تما
علي:( لاح ليه سوارت ديال الطوموبيل ) كولشي واجد ؟!
الكارد : (شد السوارت ) كيساينوكم غير نتوما
علي: (غادي و كيهضر معاه ) لا كانت شي حاجة علمني
و كمل علي طريقو و اسراء تابعله مقاتلة مع واحد الفاليز قد السخط علي عيا ما يميك و قرر ياخذها من عندها يجرها عليها بانت ليه تقيلة
علي : مالكي واش معمراها بالحجر
اسراء: و راه هزيت كاع داكشي اللي يقدر يخصني دكشي علاش
علي : علابالي هاد اللقاء فيه غير يوماين حتى لتلاتة ماشي عام
اسراء: شحال ولا فيك ديال النكير عرفتي شنو عطيني اخويا نجرها راسي
علي : (ابتاسم ليها بشر ) علاش الخوت كيديرو داكشي اللي كنديرو
اسراء:(عاودات هضرتو و هي كتعوج فيه ) علاش لخوت كيديرو داكشي اللي كنديرو ( رجعات كتهضر عادي ) وليتي نكار و ماسخ
علي فضل مايجاوبهاش عطاها تاهو غير الفاليز دارها ليها قد فمها و رجعات كتمشى و مقاتلة معاها حتى وصلو للبلاصة ديال الدخول و دوزها علي من واحد الجيهة VIP مقلبو ليهوم لا باسبور لا بييي .. مهم هبطو المدرج ديال الطائرات و بقاو كيتمشاو حتى وقفو قدام طائرة خاصة
علي : (شاف فاسراء ) طلعي نتي انا شوية و نجي و غير خلي لفاليز ديالك دابا يطلعوها حتى هي
اسراء:(شافت فيه مندهشة ) واش غانمشير فهادي
علي: و شنو بان ليك ...لاش ناس كيشريو طيارات يمكن باش يمشيو بيهوم
اسراء: بلاتي بلاتي دابا واش حتى هادي ديالك
علي: لا بغيتي زعما
اسراء ماتوقعاتش كاع هاد الخير عندهم لهاد الدرجة مع العلم ليلى قالت ليها على الطوموبيل لي شرا علي و عطاها لفهد ... مهم دارت اسراء داكشي اللي قالها علي و طلعات شدات بلاصتها ... صونات على مهدي والو مجاوبهاش و قررات تصوني على ملك قالت ليها شنو كاين و مع هي قطعات دخل علي جلس قدامها
علي : معامن كنتي كتهضري لدرجة شفتيني و قطعتي
اسراء: فخبارك وليتي منوي غير بوحدك .. و زايدون علاش انقطع فاش نشوفك شكون نتا !
علي : (قرب ليها و هضر ) انا اللي حواك معرفتيش كاع شكون .. و دابا قولي معامن كنتي كتهضري ؟
اسراء : (رجعات للور تكات فكورسيها و ربعات يديها و بتاسمات و هضرات ) ياك داير ليا لوجيسييل فتيليفوني باش يوصلوك كاع ليزابيل و لي مسج ديالي سير شوف من تما
علي:(حتا هو رجع تكا على الكرسي ديالو مبتاسم ) شنو زعما بغيتي توصلي ليا بلي عارفاني شنو داير ..
اسراء:لا بغيتي زعما
علي: عارفك حتى نتي مديزاكتيفيا داك اللوجيسييل .. و باش يديزاكتيفا خاص يكون شي واحد معلم و برو خدام مع الهاكرز ... يدك طويلة مع راسك قيدي عندك
اسراء : عادي مايمكنش ليك بكل سهولة تقرى ولا تعرف الخصوصيات ديالي
علي: فالحب و الحرب كلشي مباح
اسراء: و مازال مابغيتي تجاوبني واش حنا حالة حب و لا حرب
علي: خليها للوقت (غمزها )
مع قال هاد الكلمة جات عندهم واحد المضيفة خاصة باش تخدمهم طول الرحلة طلبات منهوم يديرو السماطي حيت ايقلعو ... دارو داكشي اللي تطلب منهوم و قلعات الطائرة و من بعد شي ساعة تقريبا و شي حاجة كانو هبطو (charles de gaulle airport)مطار شارل دي غول كاين ف باريس .. لقاو واحد السيارة كتساينهوم تما و داتهوم لافخم فندق بباريس ... اييه باريس مدينة الحب و الرومانسية و من لا يعرفها
مهم كانو طول الطريق مكايهضروش و لا هضرو كيهضرو ناقص حتى وصلو الاوتيل و دخلو .. كانت عوالة اسراء انه باينة علي غايكون واخذ غرفة وحدة ليهوم بجوج (مابقاتش كتحشم ) ساعة صدمها منين مد ليها كارط للغرفة ديالها و هو خدا كارط للغرفة ديالو و مشا و خلاها بلا مايقول ليها حتى كلمة ... مفهمات والو صدمها و بحالا نقص منها بحالا وقتما بغا راه ايجي يدوز بيه الوقت و لا ما بغاش راه مغايديهاش فيها بحال دابا ... اسراء بقات كطلع و تهبط فيها حلفات حتى ترد ليه الصرف بطريقتها
طلعات للغرفة ديالها كانت ملاسقة مع الغرفة ديالو .. و كي دخلات اول حاجة دارت حلات ديك الفاليز و بدات تقلب فيها و تشتت فالحوايج حتى لقات داكشي اللي بغات و ابتاسمات ... دخلات للدوش شلللات غير صحتها بلا ما تفزك شعرها و دهنات لحمها مزيان و عطراتو و لبسات داكشي علاياش كتقلب و دارت واحد المكياج خفيف و خرجات مشات عند علي ... استجمعات انفاسها و دقات عليه المرة اللولة و التانية حتى لتالتة عاد خل ليها ... كان لاوي واحد الفوطة على الخصر ديالو و شعرو كيقطر بالما و لي زابدو فازكين باينين كيلنعو ... كايبان سيكسي اسراء شافتو بقات غير تسرط ف ريقها داكشي فاش كانت باغا طيحو صدقات طايحة فيه حيت كانت غادة عندو بواحد شوميز دو نوي سيكسي زعما باش تخليه هو يقلب عليها ساعة هي معامن ... علي شافها و هو يجرها من يديها بجهد دخلها و زدح الباب
اسراء :(شادة يديها منين جرها و كتهضر بتحلوين ) ايي ضريتيني
علي:(طلع و هبط فيها ) علاش خارجة هكا
اسراء: كنت باغا نعس و لكن فكرت قبل ما نعس نهضر معاك و خرجت هكا
علي: المرة الجاية نلقك كضوري هكا رجليك نقطعهوم ليك ا اسراء
اسراء: اويلي واش من نيتك حنا زعما راه ففرنسا دابا و ماشي جديد عليهوم يشوفو شي وحدة لابسة هكا
علي : (مغنزر ) زبي ماشي فرنسا ..
اسراء قربات ليه و دورات يديها علا عنقو و هي تبوسو بوسة خفيفة ففمو
اسراء : سمحليا (زاتو بوسة ) ماقصدت فيها والو (زداتو بوسة ) عارفني مانبغيش نقلقك
علي بكثرة ما فهم فيها والو داير يديه على جبهتها كيقلب واش طالعة ليها السخانة و لا شي حاجة ...
علي : شنو كتحاولي ديري دابا !؟
اسراء: كيفما قلت ليك انا جيت نهضر معاك .. كيفما عارف غاندوزو انا و ياك دابا يوماين و لا كثر غير الراس فالراس فمابغيتش ندوزها معاك و حنا مناكرين و لا شي حاجة
علي :(طلع حاجب و هبط لاخر ) علاش شنو الفرق كنهضرو و لا لا مكانهضروش ياك جايين على خدمة نقضيوها و نمشيو (غمزها )
اسراء زادت شعلات فيها العافية من للداخل تلوحي عليها وقيد تفركع عارفاه بلعاني كايدير ليها هكا و لكن سير ماشي موشكيل
اسراء:(بابتسامة و برود ) الفرق هو انه ايما ندوزو هاد الرحلة مملة كل واحد ساد عليه فبلاصتو ايما (مشات قربات ليه كتهضر و تحسس فصدرو ) ايما نخدمو و نستفدو منها حسبها بحال داك الفيلم ديال فريندز ويذ بنفايت شنو بان ليك ( friends with benefits تفرجو فيه البنات واعر بزااااااف )
علي: و شنو من مور هادشي
اسراء: شنو غيكون موراه والو بطبيعة الحال حتى انا بنت و كنبغي فين نفرغ الاحتياجات ديالي و مانلقاش حسن منك (غمزاتو ) شنو قلتي ؟
علي :(ابتاسم ليها عجباتو الفكرة ) (دور يدين على خصرها و قربها لعندو ) انا من جيهتي نبداو هاد الاتفاق من داابا
اسراء: (دورات حتى هي يديها على عنقو ) صراحة مكرهتش ولكن عارف نهار كامل كنت خدامة و الفول فعيانة (قريات ليه لودنو و هضرات ) نتا كتشدني كتهلكني و انا هاد الساعة مانقدرش حتى على واحد
علي: (هبط حتى هو باسها فعنقها و هضر بشوية ) و منين ماقدراش علاش من قبيلا و نتي جاية كتلواي عليا
اسراء: (بعدات عليه شوية ) جيت غير باش نعرف راي ديالك فهادشي و صافي ( بعدات عليه شوية و كملات هضرتها ) و دابا منين نتا متافق معايا حتى لغدا و نبداو الاتفاق ديالنا ..(و جات غادة بحالها حتى شدها من يدها و جرها عندو حتى تزدحات فيه )
علي :(مبتاسم ) يسحاب ليك دخول الحمام بحال خروجو (طلقها ) هاد الليلة اتباتي هنا واخا منبداوش الاتفاق ديالنا اليوم اتبقاي معايا طيبي ليا نعاسي (غمزها )
اسرلء :( ولات باغا تهرب لا يصدق بصح شادها مفلعصها ) ماكرهتش ليك و لكن خليت الشومبر ديالي محلولة خاصني نمشي نسدها و كدا (تمات غادا )
علي : (جرها تاني عندو ) تبتي شوي شومبر ديالك ماكاينش اللي يقرب ليها و نتي قلت ليك اتبقاي هي غاتبقاي مانعاودش الهضرة (طلقها و تم داخل بحالو للدوش ) نخرج مانلقكش نقود معاك السوايع اسرء
اسراء:(دورات عينيها ) اوكيي
دخل علي للدوش و هي تخشات ديك الساعة فالنموسية تغطات اصلا كانت لابسة غير داك الشوميز و فرنسا فيها البرد على المغرب اما علي فكان دخل للدوش عاد لبس حوايجو و مع خرج قلب عليها عاد رد ليها البال ناعسة فالنموسية ... مشا تكا حداها يصحاب ليه بلعاني ساعة لقاها ناعسة بصح ... مع كانت اصلا عاطياه بالضهر شدها حتى هو و عنقها من اللور و خشا وجهو فعنقها كيخد الجرعة اليومية ديالو من ريحتها حتى داه نعاس....