العشق المظلم قصص مغربية

Part 20 : ما بين حب و كره

الجزء 20
مشا كريم و خلا سارة طايحة فبلاصتها تبكي و تندب على زهرها و على هادشي اللي وقع دابا بإينا وجه غادي تشوف فناس اللي صرفو فيها غير الخير الناس اللي بغاوها بدون مقابل و رباوها و داروها وحدا منهم بقات هكاك فديك الحالة و الناس كلشي على برا فرحان و ناشط الا العروسة اللي ماحاس بيها حد ، و فديك الجردة كانت الاحداث بدات كتكبر عند شي ناس
اسراء : (هبطات عينيها على فين حاط اديه و هي معصبة و نطقات بأمر)  زول اديبيك
عمر :( هز ادیه علیها و نطق بصوت هادئ تتسمعو غير هي ) ما عرفتش مني شفتيني ما رتاحيتيش ليا و عينيك ما تقبلونيش  تتضلميني باش حكمتي عليا .. سمعي غير شنو بغيت نقول عطيني غير فرصة و حتى الى ما كان حتى حاجة بيناتنا نبقاااو أصداااقاء ..
اسراء (بحدة ) : ما بغييتش ، اشمن لغة نقولها ليك
عمر :(عاود شدها من اديها و نطق ببرود مركز مع شفايفها ) دونك أنت لي حكمتي عليا نبقا تابعك حتى تسمعي ليا نمشي نهز الميكرو و نقولك شنو بغيييت
اسراء: (جرات اديها بعصبية ) واااش بزز !! قلت ليك أنا مرتابطة .
عمر :(بابتسامة و هدوء جوبها )توء توء ناس غادي تشوفينا وأنت معصبة .. نهضرو جوج دقايق في الجيهة الاوخرى من الجردة من بعد الى ما بغيتيش العيب عليا الى عاودت برزطتك .. وخ حتى ونتي معصبة تتفتني
اسراء (هازة حواجبها ) : ما بغيييتش .
عمر :(حل صدفة القميجة الفوقانية و نطق باصرار ) تتفرضي عليا دبا نهضر و نسمع لكلشي ماشي غير ليك .. أوكي أنت تعرفي
اسراء: (عضات شفايفها ، ما قادة على شوهة تزيد عليها الهضرة و نطقات ) جووج دقااایق و ما تحطش مزال عليا اديك
ابتاسم ليها و سرح ادیه دار ليها الطريق .. حطات طبسيلها في الطبلة و مشات معاه
امين : حمدتك يا ربي أنا قال ليا ما تحركش من هنا (كليكا على البطون ) مشاو العود للجيهة الاخرى من الجردة 
علي  (بأعصاب ) : سيررر تقو وود
اما اسراء لقاته تینتاظرها و زادو شوية حتى قربو للمسبح أو وقفات اسراء مربعة اديها، لي كارد ديال علي  بعاد عليهم تنهدات و نطقات.
اسراء : سي بوون هضر شنو عندك
عمر :(تيحك ذقنه و تيطلعها و يهبطها ، حمقاته و هو تيشوف في عنقها و فمها و معیق بشوفاته ) قاااصحة مع راسك ما عندي ما ندير لي عشقاتها العين خاص راس يصبر عليها حتى طيح في ادينا (مد اديه يسلم عليها و نطق) ماتعرفناش مزيان سميتي عمر الشاوي 
اسراء: (خلاته ماد اديه و نطقات بعصبية ) أولا نتا ممأدبش ، تطلع فيا و تهبط بشوفاتك الناقصييين تتحط اديبيك فين بغييتي يمكن راااك غالط في العنوان .. نموووت و ما نطيعش في ايدين واحد فحااالك حاسب في راسك ما نعرف شنو .. عندك تفکرها عوجة خرجت معااك لهنا ،صافي وصلتي لي بغيتي !! راه غير ما بغيتش نخسر للناس عرسهم و سميتك آخر همي .
عمر جمع اديه و ضحك حتى تسمعات قهقهة ضحكته ، بخفة هز اديه من للتحت و جمعها معاها بصقلة للوجه حتى طاحت في الأرض و جنب فمها تينزف هبط جرها من شعرها وقفها و تیهضر و عروقو غادي يطرطقو من عنقه
عمر : أنا ممأدبش !!! تمشي معايا نوريك لتقابي مك الأدااااااب و سميتي نطاطويها في جبهتك كي تشوفي وجهك تفكريني
وسط كلامه نزل عليه ياسين بكروشي بكامل قوته حتى طلق منها  حيت فاش اسراء كانت غادا مع عمر لجيهت لابيسين شافهوم ياسين و تبعهم ديجا هاد عمر ضوسيه حامض و كلشي كيعرفو كيداير ، ضرو راسو بغا يعرف اسراء شنو كدير مع داك خونا  المهم ياسين  شنق علیه مزیر و تیترعد و تيرعرع ربي لي خلقو و السكرة زایداه و هو اصلا معزيزش عليه الظلم خصوصا الا كانت مراة
ياسين : ضربتيها يا ولد القحبة
زاده ضربة آخرى و لكن خوى عليه عمر و لوا ليه اديه مزيرو
عمر : غادي تبعد من طريقي آ ولدي  حسن ليك و هاد ساطة غادي ندیها ندير ليها اعادة تهيئة
تیهدده و دفعه حتى جابو الارض ، ياسين جمع الوقفة سكران تيترعد بالأعصاب و جمع قوته و جاي عنده حتى جمعو عمر على وقفته جابه على راسه و مشی عندها شدها من اديها جرها .
علي :(غير قشعهم من بعيد هضر من بعيد بصوت عالي تيزعزع ) ولد الشاوي طلق منها||||||
عمر : (ابتاسم بمكر و زاد جرها تتنخصص ما عرفات باش تبلات كلشي داز أمامها بسرعة .. دار عنده تيشووف فيه و نطق بصوت عالي كذلك) العود خلييييك بعيييد ساطة عجباتني غادي ندیها ساليييييينا
علي تيقرب بخطاوي تقال مغدد ، مكالمي روحه بالسيف كله تيغزل ما قادرش يشوف اسراء مغطيها بجسمه و امين تابعه بالخف
علي : (نطق باستفزاااز ) تسرح ليك اللساااان !!! غا البارح جاي عندي بدموعك تتنخصص و تبوس رجلين نرييكلك
عمر : (عينيه حمارو ) اش جبدنا في هاد الهضرة مووول تااج و تيحتاااج .. قديتي معانا ميسيوون تحكم فينا .
علي (بأمر ) : طلقها و لا نكحلها على طبووون.مك ..
عمر : (داير واحد الموس صغير في ادیه و مخبي بكم تجاكيطته ، جرها قدامه حتى بانت ليه و نطق بابتسامة) : الررعدد شدني عليها ، ناخدها هاد الليلة بالخاطر و لا بالدم آبخي نصفيييو الحساب
علي غير شاف الدم في وجهها و دموعها هابطين مسرسبین و لا حول ولا قوة لها ، رجع دمه سخوون تيغلي كأنه فوق جمر هزات فيه عينيها عاجزة عن الكلام تتطلب النجدة في الصمت جبد السلااح و هو مبتاسم من فرط الأعصاب و جبد من جيبه السداد الصامت للمسدس ركبه تيضور فيه و تيهضر ببرود علي : كل نهااار ندوز دمك و ما نبردش على المااارجة لي بزلاااتك
بسرعة البرق تيرا ثلاثة القرطاساات في ثلاثة ديال لي كارد من بعيد جابهم الأرض طايحین و کمل کلامه
علي : هادو لي شافو ديلمك و ما تحركوووش ..
اسراء رجعااات تترجف ، رجليها خوااو بيها فاش عمر حط ليها الموس على عنقها و تيبرك عليها حتى تجرح لحمها من مضا و نطق تيضحك و هو تيشووف فيه
عمر : اختاريتي الدم ياااك!!!
علي ما بغاش يتحرك و هو تيشوف ياسين مقرب لعنده بخطوات خفاف ما دايرش الحس .. و نطق و هو تشتت دهنه
علي : سييير قلب على شي وحدة ما عندهاش ماااليها كبرها على يديك لي في اديك عندها مولاااها
عمر(تيضحك) : ههههه جوادي شدوني عليها ، ما كينش لي عشقتها و ما دیتهاش وقفتي في طريقي غادي تمووووت
بمحرد ما هز ادیه باش يغرسو فيها شدها ليه ياسين بكامل قوته مبعدها على عنقها و علي ضربه قرطاااسة في رجليه جابه الارض و اسراء هربات تتجري مبعدة عليهم، الخوف مسيطر عليها .
اما علي رجع سلاح لظهرو و قصدهم .. نزل على ياسين هو الأول بروسية جابه طایح و نطق مخيخ
علي : من العشرة الصباح واقف على زاام. . ل بووك ما تسخنش و عينيك معااايا ..
في نفس الوقت امين لي كان معاه جا تيجري حكم راس عمر بركبته مع الأرض ما مخليهش بتفنفن .. و تيهضر في العدسة مع لي كارد
امين : هبطو عندي دبا جیهت لا بيسن
علي  : (شاف فيه بأمر ) دبا تهبطووه للفيرما هانا جاااي..
غير وصلو لي كارد هزوه في رمشة عين امين وقف و سوله
امين : الدراري لي ضربتي ؟
علي  (بالأعصاب ضربه بقبضة اديه لوجهه حتى وجعاته ) : ينعلط بوون.مك على مهم .. وااا سييير تقو و.د من حداايا ..
علي دور عينيه ليها لقاها تترجع باللور و الخوف زاد تملكها الخوف من ملامحه لي مامفرزينش ، و نظراته لي كيحماو غضب .. قرب ليها بخطاوي سراااع و أنفاسه كثور شدها من ذراعها و صرخ بأعلى ما في صوته كيغزز في سنانه
علي : واااااش گلت لييييييك ما تحركيييش من بلاااصتك !!!! ا شيخة
دموعها هبطو خيوط طوال على خدودها ، مازال ما استوعبت حتى شنو وقع و بهاد السرعة و نطقااات تترعد و صوتها ما كاينش
اسراء: ما عرفتش اهئ اهئ
غمض عينيه زير عليهم و حلهم و طلق من ذراعها و هز عنقها تیشوف الجرحة و تيتغدد في خاطره و وجها لي طراسات فيه ادیه و بكاها لي ماحبس .. تنهد و مسح الدم من فمها بصبعه الابهام و هزات عينيها تتشوف فيه و لمسته العطوفة على جرحتها خلاتها تلاح في أحضانه بدون سابق انذار تتبكي و تتمص منه كمية الأمان لي محتاجة للروحها و تتهضر بدون شعوور
اسراء : علي تيقني أنا ما خرجتش معااااه بخاطري .. كون ما خرجتش معااہ کااان باغي يدير ليا الشوهة في العرس
علي بعدها عليه ما قادرش يصبر عليه، ما كرهش يطير يلحق عليه ، بكلامها تتزيد تزنده ، حداها و وقع فيها هادشي ، نطق بأمر
علي: حلي فمك
اسراء حلاته تترعد ، وسع خدها حتى بان ليه من الداخل ، كمش ملامحه لقا سنانها تغرسو في حنكها و جرحووه
علي : (نطق بتساؤل ) تيضرك بزاااف ؟؟؟
اسراء حركات ليه راسها بمعنى لا و كلها تترجف تحسس خدها بكفه بلطف و نطق تيطمأنها
علي : صافي ما وقع واالو .. ما كاين لاش تخاافي .. هانا معاااك دبا
اسراء بلعات ريقها تتمسح دموعها في صمت شدها من اديها جرها معاااه .. و نطق بهدوء
علي : تمشي يديرو ليك الدواء و تمشي فحااالك دبا
و داكشي اللي دارو مشاو دخلو للقصر عيط امين لاريج عاود ليها شنو وقع و باش ماتخلعش عليها ديك الوقيت كان علي جاب علبة ديال الاسعافات و بدات داوي ليها و هي توجعها اريج  اما علي كان غير ساكت و جابد واحد الكارو كيرد بيه المزاج
اسراء كمشات ملامحها و خرجات آه من فمها كنوع من الألم و شدات في يد اريج ما قادراش تزيد تستحمل تتحس بيها تتشوطها بالدواء
اريج : ماتبدايش تبوحطي عليا تاني ، بقيتي طيري تا جبتيها فراسك
علي عقد حواجبه و زفر بعصبية في وجه اريج و نطق بصوت صارم
علي : بشوية عليها ، وجعتيها (بأمر ) آري نكمل ليها
اريج : راه هي بوحاطية شنو ندير ليها
اسراء (تتسوط بمفها و نطقات بنبرة مضيومة) : فوووووو ما وجعتنييييش بالعكس ، تتداوي غير بالشوية رااااه دوا لي حرقني اففففف (تيدير شوية البرد باديه غير يخفف عليها )
اريج جرات طبلة لي فيها معدات الاسعافات عطاتها ليه و نطقات
اريج : هاهي ا خويا داويها راسك تلاقيتو بجوج  (و انساحبت بهدوء )
علي جلس ملاسق معاها و زاد جر الطبلة عنده و هز لیها راسها مزيان حتى تفرزات ليه حجم الجرحة لي في رقبتها ، هز قطن آخر و رش من فوقه المعقم و حطو عليها حتى نتافض جسدها من الحريق
اسراء (ببحة ) : احححح علي
بعد عليها القطن و هبط بفمه لمستوى عنقها و بدا تينفخ عليها كنوع من التهدئة .. غمضات عينيها متفاجئة من قربه ، استنشقات رائحته المهلكة الممزوجة مع رائحة السجائر لمدة حتى اختارقت روحها و دغدغت جسدها .. مستحلية أنفاسه الدافئة على عنقه حتى قاطع مشاعرها الغريبة بوضع القطن فوق الجرح مرة أخرى .. شدات ليه في اديه مكمشة ملامحها و كتأفف بدلع تتبوحط بدون اصطناع و هو كيمسح ليها و عينيه ف عينيها حتى هرس علي داك الصمت اللي بيناتهم
علي: بقيتي ضوري ضوري يا شيخة حتى جبتيها فراسك
اسراء:(بتاسمات ليه و جاوبت بهدوء ) خاصك تكون مع خطيبتك دابا ، ماشي تكون كداويني
علي : وا نتي يا شيخة من موصيبة لموصيبة خليتي شي حد يجلس فراحتو
اسراء : (قربات لعلي تا مابقا كيفصل بيناتهم والو ) ماعرفتش بالضبط على من كتكدب عليا و لا على راسك ، نتا عارف راسك مكاتبغيش سارة و انا عارفة هاد الروينة كاملة غير مسرحية
علي : تباركالله عليك جارية العشرة
اسراء: خلينا من هاد التخربيق كامل و جاوبنبي بصراحة (شدات ليه وجهو بين يديها و حطات جبهتها على جبهتو و غمضات عينيها و نطقات ) واش بصح ما كتحس من جيهتي والوو
و دازت واحد دقيقة صمت مكانش متوقع انها اتسولو هاد السؤال حيد يديها من على وجهو جمع الوقفة و دار يديه ف جيبو
اسراء: (بتاسمات و نطقات بهدوء) هههه بديت كنعرفك مزيان لدرجة توقعت تكون هادي هي رد الفعل ديالك
علي : هانينا ا ديك ا شيخة من الهضور سامع ليك بزاف و شايف عليك قنطار فبلا ماديري راسك براسي
اسراء: عمرك اتنسا ليا ديك الليلة ، واخا ماشي مشكيل غير المرة الجاية ندير اللي بغيت و نوقف مع اللي بغيت الجايحة اللي ضربني نتا عطيني غير التساع مزيانة ، عجباتك هادي
رمات ليه هاد الهضرة و جات خارجة بحالها حتى شدها من يدها و هو يلصقها مع الحيط و نطق معصب
علي : علاااش هاد الفعاااایل ؟؟؟ علاااش تخلي بنادم يتفرج فيك كيف بغاااا ؟؟ علاااش ما مقيمااااش روووحك ؟؟؟ لي جاء يقيم عليييك !!! طالقة لعب!! القحاب الى دارو هادشي جات معاااهم تيتخلصو عليها .. نتي فعااايل القحااب بفااابووور
اسراء (هبطات عينيها ، تيطعنها بكلامه نطقات بتساؤل) : علااااش شنو درت ؟؟؟ و نتا شنو مشكيلتك معايا !!! و شنو مشكلتك مع فعايلي و شنو دخلك فيا !! علاااش تدير ليا هكا !!! واش تنقرب ليك ! واش تنهضر عليك ! واش تنمسك فشي حاجة !!! نتا لي علاااش ؟؟؟
علي (زاااد لسقها مع السبع حتى حسات بيه موسعة عينيها و نطق بابتسامة ) : تتمسي هذا .. تتهلكيه .. والسبع عندي ما تیرحمش فاش تيخرجو عرووووقو
اسراء: ايوا خليك هكاك عمرك تحلم بيا نكون ليك عمر غادي تجمعنا شي حاجة ، للاسف جامعنا حاجة  وحدة و هادي هي الحاجة الوحيدة اللي كيبقا فيا الحال عليها (نطقات بعينين مغرغرين ) كنكرهك اسي علي الرايس كنكرهك من قلبي ( يلاه غادة خارجة بحالها و هو يهضر تاني علي من مور ما شدها من يديها )
علي : شنو بغيتي تقولي ؟
اسراء: طلق مني ماتقيسنيش
علي : ما نطلق حتى تهضري و لا ماتخرجيش من هنا
اسراء: و بعد مني مكاتفهمش بعد مني كنكرهك و مابغيتش نبقى معاك فبلاصة وحدة
علي: اسراء شري روحك معايا و قولي شنو هيا الحاجة اللي كاتجمعنا
اسراء فهاد اللحظة بغات تقوليه انه كيجمعهم ولد غزال عندو دابا 5 شهور كيشبه ليه بزاف و سميتو ادم و لكن فاخير لحظة تراجعات قررات انه شخص مايستهلش ، مايستهلها لا هي لا ولدها انسان مريض مع راسو و لا بقات معاه فهاد الحالة غير غادي تزيد تمرض و من غير هادشي هو انسان مافيوزي متمرس باينة فيه غير من السلاح اللي كان هاز و من كاتم الصوت
اسراء : شنو غايكون كيجمعنا فنظرك من غير الشراكة لي بين الشركات
علي: (حاس انها كتكدب ) اسراء عارفك كتكدبي عارفك مخابيا شي حاجة كبر من هادشي ، فمن الاحسن تقولي شنو كاين و الا كنواعدك حتى نعرف بطريقتي
اسراء فهاد اللحظة خافت بصح انه يبدا يقلب في الموضوع خافت يعرف عندو ولد و ياخذو ليها ، و هي راه ماتقدرش تخايل حياتها بلا ادم اصلا هو اللي عطا لحياتها معنا و عايشا على ودو ، قررت انها تخرج من تما و تنهي هاد المحادثة هنايا و حتى علي خلاها تمشي  ديك ساعة دازت عند البنات بتلاتة و مشاو بحالهوم لدار عند جنان
كي وصلات اسراء لقات ولدها ناعس بحال شي ملائكة و حنيكاتو حميمرين عز عليها تفيقو تكات حداه شوية بقات كتبكي و هي شدا ليه فيديداتو الصغيورين تبوس فيهم و تعاود خايفة بزاف من اللي جاي و شنو يقدر يوقع المهم بقات هكاك و ناضت تمشي حدا البنات ، لاحظو عينيها منفوخين بالبكا و كلها حمرا بقاو عليها مالكي مالكي مالكي و هي تفرجع عليهم بالبكا بدات كتعاود و ترد لقلبها عاودات ليهم كلشي على علي و انه الاب ديال ولدها (من غير انها نعسات معاه مرة اخرى ) البنات بطبيعة الحال تصدمو اخير حاجة توقعوها هي هادي و فنفس الوقت بقات فيهم اسراء و ادام ، جنان حاولات مع اسراء انها تقول لعلي شنو كاين و يلقاو شي حل على ود ادم و لكن اسراء كانت رافضة تماما هادشي
نعسو الابطال ديالنا ديك الليلة و كل واحد فاش كان كيفكر و كل واحد شنو هاز قلبو من اسرار و لكن الدنيا غادي تقول ليهوم مازال ما شفتو والو (ماخفي اعظم ) شحال من حقيقة مزال مخبية

بعد مرور يومان

     يتبع ......