العشق المظلم قصص مغربية

Part 43: علي و اسراء 3

الجزء 43

كي سمعات اسراء و علي صوت ادم كيبكي واحد البكا فشكل مشاو كيجريو عندو لقاوه مطيح عليه واحد الفيوز اللي كايكون حدا النموسية تقصح و بدا يبكي واحد البكا تقولي عطاوه قتلة دالعصا(بوحاطي ) ... اسراء كانت مخلوعة يسحاب ليها غير طاح حيت مؤخرا ولا حركي بزاف كيبغي ينوض كيبغي يحبو كيبغي يلعب مهم ولا مشطون و مشيبهم ... مهم طارت عليه اسراء هزاتو كتسكت فيه ناسية كاع علي اللي معاها
اسراء: هاني امامي هاني احبيبي ضربك هدا (كتشيز ليه لداك الفيوز ) واخا ا حبيبي نهرسو مو حنا كاع ( ادم بدا كيتهدن شوية من البكا ) صافي احبيبي صافي (شافتو كيحك عينيه عرفات مالو ) فيك دودو امامي ياك بغيتي ديري دودو واخا انا اندير ليك البيبرون يلاه معايا
بغات تديه معاها الكوزينة يلاه ضارت و هو يبان ليها علي واقف كيشوف و ساهي فيها عاد حسات براسها شنو من قبيلا و هي جالسة تهضر مع ادم
علي : كيفاش هاد مامي
اسراء:( كتقلب على الكذبة ) مالك مامي ! ... عادي كولشي كيقولها لوليدات الصغار
علي : و مانعرف بان ليا فحالا تيقتي راسك
اسراء: علاش مالي مجاتش معايا نكون ام
علي: لا جات معاك تبارك الله غير منين مخلية الولد بوحدو و غادة تحلي الباب كون طاح دابا شنو ديري و لا كون وقعات ليه شي حاجة .. عرفتي كون كان ولدي كون خرجت عليك
اسراء:(تقرصات ) ايوا الحمد الله منين ماشي ولدك (بغات تكمل طريقها للكوزينة و شدها )
علي: اريه و سيري قادي ليه شنو خاصو لا تصدقي مكفحة عليه شيحاجة
اسراء: لا بلاش ادم مامولفش الناس البرانيين
علي مدهاش فيها و مد يديه باش ياخذ ادم و حتى ادم ترما لعندو خلا اسراء غير كتشوف ... مشات للكوزينة كتصاوب لادم البيبرون ديالو و تهضر فخاطرها
اسراء:(فخاطرها ) بسيف راكم طاسيلة و انا غا مسخرة هاد الولد مجايب فيا تاوزة و شوفي ليك البرهوش هادشي غير معارفوش باه و كي كايتراما عليه اما كون يعرفو و يخذو ليا داك خينا والله حتى ينساني و الله لا كانت ليكوم بجوج بلا بيا
سلات ليه المقادة ديال الرضاعة و مشات لعند علي بغات تاخذو منو ترضعو سعا مابغاش و حكر عليها باش هو يرضعو اصلا علي عزازين عليه لي بيبي
اسراء فهاد اللحظة فاش علي كيرضع ادم حسات بواحد الاحساس فشكل و قلبها ضرها تمنات كون كانو عائلة و معايشينش هاد التخربيق كامل .. حسات فحالا الدنيا ظلماتها و غير ماكتزيد ظلمها فهاد اللحظة بغات غير تبكي و لكن حتى هادي مامنحقهاش ديرها و لا سي علي ايحس بشي حاجة ماشي تالهيه ... بان ليها غير تيليفونها حداها و هي تبتاسم ... هزاتو و دخلات للكاميرا و هي تصورهم ... علي حتى شاف الفلاش ضرب عاد هز راسو فيها ... اما هي فقلبات الكاميرا للجيهة ديال السيلفي و جلسات حدا علي و ادم قريبة بزاف و هي تصور تصويرة وحدة اخرى جاتهم غزالة بزاف كيبانو عائلة حقيقية تما ..
علي مفهام والو فهاد القطة المتوحشة مرة مهدنة مرة متوحشة مرة كطبطب عليه مرة هي اللي كتكون سباب جرحو ... بقا غير كيشوف فيها حتى نطق و هو ضاير لعندها جنب
علي: علاش زعما ؟!
اسراء:(كانت شادة التيلي كتشوف ف التصويرة كيف جاتهم و مع هضر ضارت لعندو حتى هي جنب و كانو قراب بزاف حتى كانو غايتلامسو الشفاه ديالهم ..اسراء توترات و هي كتشوف ليه ففمو ) كيفاش علاش ؟
علي : علاش صورتينا هكا
اسراء: (معلابالهاش زعما ) والو غير بغيتها تكون ذكرى لينا و صافي و زيد عليها نتا قليل فين كنشوفك هكا مهدن فبغيت نوثق اللحظة
علي : (بقا كيشوف فيها شحال و هو ينطق ) بغيتي تكوني ام ؟
اسراء:(استغربات من السؤال ديالو ) و شكون اللي ماتبغيش هداك راه اجمل احساس فالدنيا (حسات على راسها ) على ماكايقولو .. علاش ؟
علي: (ابتاسم ليها ) الصراحة مافيكش كاع المقومات باش تكوني ام ... (بدا كيضحك ) انسانة مضطربة نفسيا شنو غاتسنى منها
اسراء:( ضرباتو لكتفو ) بزاف عليك و لهلا يحيك دابا نعجبك
علي:(شدها من خصرها و زاد قربها منو و هضر و هو فمو فمها ) علاش نتيا عاد اتعجبيني ...!؟ ( و هو يعضها فشنوفتها حتى خرجات واحد آه ) مزال تاني مدرنا والو بديت كتوجعي عليا ( و طلقها )
اسراء:(كتعوج فيه ) الماسخ لاخر
علي:(شاف فادم و لقاه نعس ) شفتي كي ناعس مهدن