Cold Fire ||Completed||

Chapter 31 - ချစ်ခဲ့ခြင်းရဲ့သက်သေ

Warning : Forced sex, abuse, သွေးထွက်သံယိုနဲ့ ရိုင်းစိုင်းသော အသုံးအနှုန်းများ ပါဝင်တာမို့ Read at your own risk ပါနော်။

ရိုင်းစိုင်းသော အသုံးအနှုန်းဆိုတာက ဆဲဆိုတာမျိုးကို ပြောချင်တာပါ။ အတတ်နိုင်ဆုံးတော့ ထိန်းရေးထားပါတယ်ရှင့်။

*****

၃ ရက်လုံးလုံး ရှောင်းကျန့်ဆီက ဘာသတင်းမှ ဝမ်ရိပေါ် မကြားဘူး။

အမြဲတမ်း စကားလုံးတွေရဲ့အဝေးမှာ နေခဲ့တဲ့ ဝမ်ရိပေါ်ဟာ သတင်းစာ၊ မဂ္ဂဇင်းစာအုပ်တန်းမှာ ဟိုဒီသွားရင်း သတင်းစာတွေ၊ မဂ္ဂဇင်းတွေထဲ လှန်လှောဖတ်တယ်။ သူသာ ကြည့်ကောင်းချောမောတဲ့သူ ဟုတ်မနေရင် ဆိုင်ရှင်အရောင်းသမလေးဟာ သူ့ကို ကြက်မွှေးနဲ့ ရိုက်ထုတ်လောက်မှာ သေချာတယ်။

"ရှင် ဝယ်မှာလား?"

သူ မသွားချင် သွားချင် ထွက်လာခဲ့တယ်။ ပြီးတာနဲ့ နောက်စာအုပ်ဆိုင် တဆိုင်သွားပြီး ဖတ်ပြန်တယ်။ သူ ရှော့ပင်းမောလ်ထဲ ဝင်တဲ့အခါ သူ့မျက်လုံးတွေဟာ TV သို့မဟုတ် Screen အကြီးကြီးတွေကနေ အကြည့်မလွှဲဘူး။ ဒါပေမဲ့ ရှောင်းကျန့်ကို ဘယ်လိုလို့ မြင်ရပါမတဲ့လဲ။

အားချင်းက သူ့ကို သေချာတွေးကြည့်ဖို့ နားချတယ်။

"ရှောင်းကောမှာ လုပ်စရာတွေ အများကြီးရှိနေတာ။ ကျမတို့က နားမှမလည်တာ။ အဲ့တော့ သူ့ကို အလုပ်ပိုတွေ မပေးမိစေနဲ့"

ပြဿနာတွေမှာ နောက်ထပ် ပြဿနာတွေ ထပ်ပေါင်းထည့်ထားသလိုပဲ။ သူ ရှောင်းကျန့် လုပ်ချင်တဲ့ရည်ရွယ်ချက်ကို သေချာဆန်းစစ်ကြည့်တယ်။ ဘာဖြစ်လို့လဲဆိုတော့ ကျန်းရာဝမ်က ဘယ်လိုတွေ တိုက်ခိုက်လာမယ်ဆိုတာ သူမသိလို့ပါပဲ။ သူတို့နှစ်ယောက်ကို media တွေက မိထားတာဆိုတော့ ရှောင်းကျန့်က သူ့ကို အနားမှာထားတုန်း တခုခုပြဿနာတက်ချိန် သူ စိတ်မထိန်းနိုင်လို့ ပြဿနာထပ်တက်ရင် ဘယ်လိုလုပ်မလဲ။ ဆိုတော့ ပရော်ဖက်ရှင်နယ် လုံခြုံရေးအဖွဲ့ကို ငှားတာက ပိုကောင်းပါတယ်။ အဲ့တော့ သူ တခြား ဘာလုပ်နိုင်သေးလဲ။ သူ ချစ်တဲ့လူကို နောက်ကွယ်ကနေ ကြည့်နေရင်း ထိုလူကို တိုက်ခိုက်ဖို့ လှိုင်းလုံးကြီးတွေ တလိမ့်လိမ့်တက်လာနေတာမြင်လည်း သူ ဘာမှကူညီမပေးနိုင်ဘူး။