Cold Fire ||Completed||

Chapter 24 - သစ္စာရှိတဲ့ အချစ်ဦး

ကျန်းရာဝမ် ပြောခဲ့သလိုပဲ။ ရှောင်းကျန့် ရင်းနှီးမြှုပ်နှံထားတဲ့ မီဒီယာကုမ္ပဏီဟာ နန်ကျိုးမှာ လူသိ သိပ်မများတဲ့ကုမ္ပဏီဖြစ်တယ်။ အကယ်၍များ အကျိုးအမြတ်ရတဲ့ ပရောဂျက်မျိုးဆို ဝမ်ရိပေါ်ရဲ့ ပုံပါတဲ့ မဂ္ဂဇင်းကို လူဝယ်များမှဖြစ်မယ်။ ဒီမဂ္ဂဇင်းက နာမည်ကြီး ဆယ်လီတွေကို မငှားနိုင်ဘူး။ အဲ့တော့ လူသစ်တွေနဲ့ အလှအပရေးရာ၊ ဖက်ရှင်နဲ့ street style ကို စိတ်ဝင်စားတဲ့လူငယ်တွေရဲ့ အာရုံစိုက်မှုကို ရတယ်။

ဒီအကြောင်းပြချက်ကြောင့်ပဲ တချို့ ဖက်ရှင်ဆိုင်တွေဟာ မဂ္ဂဇင်းက ပုံတချို့ကို အသုံးပြုပြီး သူတို့ဆိုင်တွေမှာ ပြသလို့ promote လုပ်ကြတယ်။ မဂ္ဂဇင်းအတွက်ကတော့ ငွေများများ ပိုရှာနိုင်သွားတာပေါ့။ ဆိုင်တွေအတွက်က မဂ္ဂဇင်းကို ကြော်ငြာခပေးပြီး ပုံတွေကို အသုံးပြုလို့ "ဖက်ရှင်ကျတဲ့လူတွေကို" တိုက်ရိုက်ဖိတ်ခေါ်နိုင်သွားတယ်။ ပြီးတော့ တခြားမော်ဒယ်တွေကို အသုံးပြုတာထက် မဂ္ဂဇင်းရောင်းအား ပိုတက်သွားပြီး မော်ဒယ်ဖိုးကတော့ ဈေးချိုလွန်းတယ်။

အတွင်းရေးမှူးက ရှောင်းကျန့်ရှိရာလာပြီး သတင်းပို့တယ်။ ၂ နည်း ရွေးချယ်ရမယ့်ကိစ္စတွေပြီးတဲ့နောက် မျက်မှန်ဆိုင်တခုက ဝမ်ရိပေါ်ရဲ့ပုံတွေကို အရမ်းသဘောတွေ့သွားတယ်။ ဆိုင်အတွက် ကြော်ငြာရိုက်ပေးဖို့က သတ်မှတ်ချက် ၃ ခုဖြစ်တဲ့ "ဖော်စရာမလို"၊ "အန္တရာယ်မရှိစေရ"၊ ပြီးတော့ "သေချာအသုံးချရမယ်"ဆိုတဲ့ အချက် ၃ ချက်နဲ့ သွားကိုက်ညီနေတယ်။

ပြောရမယ်ဆိုရင် ရှောင်းကျန့်က မကြည်ဖြူနိုင်သေးဘူး။ ဝမ်ရိပေါ်ရဲ့မျက်နှာကို သူတယောက်တည်းပဲ မြင်ရမယ်။ သူများတွေကို ပြလိုက်ရမှာ နှမြောဖို့ကောင်းတယ်။ ဒါပေမဲ့ သူ ဒီအကြောင်းတွေ မတွေးရသေးခင်မှာဘဲ အချိန်တိုင်း ဒေါသတွေချည်း ထွက်နေမိပြန်တယ်။ သူ အဲ့ဒီ့ကောင်လေးရဲ့မျက်နှာကို သေချာကောင်းကောင်း မကြည့်ခဲ့ရဘူး။ သူ အမြဲတမ်း နာကျင်စေခဲ့တယ်။ ပြီးတော့ သူ့မှာ ယုံကြည်မှုလည်း သိပ်မရှိဘူး။

နောက်ပြီးတော့ ဝမ်ရိပေါ်ကို ရှာဖို့အတွက် ဓါတ်ပုံဆရာရဲ့ ဆုရရိုက်ချက်ကို အကျယ်ချဲ့ပြီး သတင်းစာတွေထဲ ထည့်ဝေဖြန့်ဖြူးဖို့အပေါ်လည်း သူ တွေဝေမှု မရှိခဲ့ဘူး။ အခုချိန်မှာ လူတွေ ဘယ်နှစ်ယောက်တောင် ကြည့်ပြီးပြီလဲဆိုတာ သူ မသိဘူး။