ѕσυℓмαтє

Chapter 6

Bible's pov

[ 2.6.2022 ]

9:00 pm

" တီးတောင်.... တီးတောင်.... "

ဒီအချိန်ကြီး ဘယ်သူလဲ။ တံခါးဖွင့်လိုက်တော့ ငါ့အခန်းရှေ့မှာ မတ်တပ်ကလေးရပ်နေတဲ့ Bui ကို ‌တွေ့လိုက်ရတယ်

" Build "

" Bible .... ဟို..... "

" ပြောလေ Build ကိစ္စတခုခုရှိလို့လား "

Build ငါ့ကို တခုခုပြောချင်နေတာထင်တယ်။ ဘာပြောချင်လဲမသိပေမယ့် သူကို့ကြည့်ရတာ ငါ့ကို အားနာနေတဲ့ပုံပဲ.... ငါသိတာပေါ့ Bui လေးက အားနာတတ်တယ်ဆိုတာ

" ဟို... ငါ့ကို မင်း Laptop ခဏငှားလို့ရလား "

" အော် ဒါလေးများ ရပါတယ် "

" ဟမ် ဘာလို့ငှားမှာလဲ မမေးတော့ဘူးလား "

" မမေးပါဘူး Bui ကိုယုံတယ် "

" မင်းမမေးပေမယ့်လည်း ငါကတော့ ပြောရမှာပဲ။ လချုပ် စာရင်းတွေ မနက်ဖြန် Report တင်ရမှာ အဲဒါ ဒီနေ့ရုံးမှာလဲ တခြားကိစ္စတွေလုပ်‌နေရတာနဲ့ ဒါကမပြီးသေးလို့ အိမ်မှာ လုပ်နေတာ။ အဲဒါ.... လုပ်နေရင်းနဲ့ Window ကျသွားလို့ "

Build က ငါ့ကို အရေးတယူနဲ့ ရှင်းပြနေတာ သိရတော့ ၀မ်းသာလိုက်တာ၊ Bui က လူတွေ သူ့ကို မယုံမကြည်ဖြစ်မှာကို သိပ်ကြောက်တတ်တယ်၊ တော်ရုံတန်ရုံ သူများအကူအညီ မယူတတ်ဖူးဆိုတာလဲ ငါသိထားတယ်၊ သူကပဲ အကူအညီပေးချင်တဲ့ လူမျိုး။ တခါတလေ Bui က ပြုံးနေတယ်လို့ ထင်ရပေမယ့် သူ့မျက်၀န်းတွေမှာ အားငယ်နေတဲ့ ပုံရိပ်တွေကို ခပ်ရေးရေး မြင်‌နေရတယ်။

" Bui က ဒီအချိန်ထိ အလုပ်လုပ်နေတာလား "

" အမြဲတော့ မဟုတ်ပါဘူး "

" အင်း ခဏလေးနော် "

Laptop ယူဖို့ အခန်းထဲပြန်၀င်လာခဲ့တယ်။

ခဏလေး ....

Bui ကို ဒီအတိုင်းပေးလိုက်လို့မရ‌သေးဘူး။ ငါက Bui ပုံကို Desktop မှာ Wallpaper တင်ထားတာမို့ ပုံပြောင်းရဦးမယ်။ Bui ပုံကို ဘယ်ကရလဲ မမေးနဲ့ သူ့ IG Acc က ရတာ။သူ့ IG Acc ရှာရတာလည်းမခက်ပါဘူး P'Mile ရဲ့ Following တွေထဲမှာ ရှာလိုက် ရုံပဲ။