روايه ياريت

(الحلقه السابعه) ( التناحه والبلاهه والاستعباط )

(الحلقه السابعه) ( التناحه والبلاهه والاستعباط ) <3
غير.مصرح.بنشر.القصة.الإ.معرفه.الكاتب.او.الناشر
...................
في الحلقة السابقه _
على : ايه يا كبير جايبلك سندوتيش معايا
مالك : سندويتشات ايه ، مش عاوز خلاص كلهم انت
على : طب ايه مش هتستنى مستر محمود
مالك : مستر محمود مين يابنى مستر محمود بييجى الساعه 10 ، اطلع من نافوخى بقي
على : ههههههههههههههههه لا حول ولا قوة الا بالله
................. ( السابعه ) <3
رشا : ايه يا حبيبه ، قاعده مسهمه كده ليه ؟
حبيبه : ها ! مافيش يا روشا ، انتى عامله ايه صباح الفل
رشا : صباح العسل ، يلا عشان ورانا شغل جديد مش عاوزين لكاعه بقي
حبيبه : يلا بينا
غير.مصرح.بنشر.القصة.الإ.معرفه.الكاتب.او.الناشر
..........
سعد : ايه يا كبير قاعد مسهم يعنى
مالك : مافيش يا ابو السعود بس فيه حاجه شاغله نافوخى بس . المهم اخبار الشغل ايه
سعد : شغل ايه وبتاع ايه انت قاعد على مكتبك م الصبح ومش معانا
مالك : ما خلاص ياعم هى هيصه هههههههههه اندهلنا ع الواد ده يعملنا فنجانين قهوه انا نافوخى قرب يضرب
سعد : ومين سمعك ، انا نفس الكلام
مالك : بقولك ايه ، هشام جه ولا لسا ؟
سعد : اه جه من شويه حتى اتصل علينا عشان الورق اللى سيادتك مأخره عندك
مالك : كويس اوى . انا هاخد الورق واطلعله
سعد : انت متخلف يابنى . ماتخلص الورق الاول
مالك : ياعم ورق ايه صلى ع النبى . مش مهم الورق يخلص . المهم انى اطلع دلوقتى
سعد : ليه يعنى ؟ اشمعنى دلوقتى
مالك : انت مالك انت ماتطلع من نافوخى انت كمان . فين ام الورق
سعد : ربنا يشفى ، غور يالا
مالك : ههههههههههههه انا طالع وجاى مش هتأخر
سعد : ربنا معاك
غير.مصرح.بنشر.القصة.الإ.معرفه.الكاتب.او.الناشر
..............
( مكتب رشا )
مالك : اححححم ، صباح الخير يا شوشو
رشا : مسسسسسستر مالك ؟ ازيك يا مستر
مالك : تمام يا جميل انتى اللى اخبارك ايه
رشا : بخير والله ، اخبار حضرتك انت ايه
مالك : اهو ماشى الحال ، امال مستر هشام فين ؟
رشا : جوه هو وحبيبه
مالك : ايه ؟ ليه ؟
رشا : ايه اللى ليه ؟
مالك : اقصد يعنى وراهم شغل يعنى اصل كنت عاوز مستر هشام ف شغل هخلص ورق مهم جدا
رشا : اه عادى اتفضل هما بيتفقوا على انماط الشغل انا كنت معاهم بس خرجت اجيب شويه ورق وداخله تانى
مالك : طب تمام انا داخل
غير.مصرح.بنشر.القصة.الإ.معرفه.الكاتب.او.الناشر
....
( بيخبط ع الباب )
هشام : ماتدخلى يا رشا انتى هتفضلى كل ما تيجى داخله تخبطى
مالك : لا يا مستر هشام انا
هشام : اهلا ! تعالى يا مالك ،صباح الخير
مالك : صباح الفل عليكو ، عطلتكو او حاجه
هشام : لا ابدا تعالى ،، خدى الورق ده يا حبيبه خلصيه مع رشا تحت وتعالو
حبيبه : تمام يا فندم / عن اذنكو
غير.مصرح.بنشر.القصة.الإ.معرفه.الكاتب.او.الناشر
..........
هشام : ايه يا موكا خير
مالك : خير ايه
هشام : ايه يابنى مالك مزبهل كده ليه
مالك : لا سلامتك ههههههههه اصل سعد قالى انك اتصلت عليا
هشام : اه صحيح بس ده كان بخصوص الورق اللى عندك / انت قولت انك هتطلعهولى امبارح ، اتأخرت ليه
مالك : مافيش . امبارح كان موضوع الجماعه بتوع الشركه المالكه لبخونا كلنا وكده
هشام : اه تمام صح ، خلاص تمام تقدر تخلصهولى النهارده
مالك : هحاول ان شاء الله ، اخبار حبيبه معاك ايه ؟
هشام : يابنى دانت لو معملتش حسنه واحده ف حياتك ، حبيبه دى تشفعلك ههههههههه دى تشرح القلب . دى عليها طله كده يخلى وشك يضحك لوحده ، ولا ضحكتها بقي لما انا اقول حاجه حلوه كده والاقيها بتضحك
مالك : ( متغاظ جدا وبياكل شفايفه ) ( بيتكلم ف سره : ماتخرس يابن الجزمه بقي )
هشام : رقه كده وجمال طبيعى ،،، تعرف انها مابتحطش ميكب خااااااااااااالص غير هما شويه كحل بس
مالك : ما خلاص ياعم
هشام : ايه ؟
مالك : قصدى خلاص يا ايتش . بهزر معاك ، المهم عد الجمايل
هشام : هههههههههههههه لا بعدها ماتقلقش ، هعزمهم النهارده بردو
مالك : هى شغلانه ما خلاص
هشام : انت مالك يابنى ؟
مالك : ههههههههههه لا ابدا . بهزر ياعم وبعدين لسا ماشربتش القهوه بتاعتى ف تلاقينى مش مركز
هشام : طب قوم ياعم قوم ، خلصلى الورق اللى قولتلك عليه النهارده ضرورى
مالك : تمام
هشام : بقولك ايه ، ماتيجى نسهر النهارده بره
مالك : هشوف واقولك كده
غير.مصرح.بنشر.القصة.الإ.معرفه.الكاتب.او.الناشر
.............
( مالك ف مكتب حبيبه )
مالك : ( بعصبيه ) هو فيه ايه ؟
حبيبه : حضرتك بتكلمنى يا مستر
مالك : لا لا مش بكلمك دنا بتكلم ف التليفون معلش
حبيبه : اها تمام / خضتنى ههههههههه
مالك : انتى بتضحكى كده على طول
حبيبه : يعنى ايه
مالك : مافيش بس حاولى تخفى الضحكه دى شويه
حبيبه : حاضر انا آسفه
مالك : بتتاسفي ليه ؟ عادى احنا زمايل وبحاول اقولك اى حاجه ملاحظها
حبيبه : عارفه والله ، بس هى بتطلع كده غصب عنى يعنى
مالك : منا فاهم والله وبعدين ماتكشريش كده انا مقصدش اضايقك
حبيبه : لا انا اسفه بجد انا الظاهر اتعديت حدودى
مالك : مالك يابنتى فيه ايه ههههههههههههه انا بهزر معاكى ، هى عشان ضحكه حلوه ف بقولك بطليها هههههههههههه
حبيبه : ههههههههه حاضر ،
مالك : اسيبك تشوفى شغلك بقي
حبيبه : تمام حاضر
مالك : المهم الشركه عاجباك مش كده ؟
حبيبه : اه طبعا ودى محتاجه كلام ، كفاية حضراتكو موجودين
مالك : تسلمى يارب . اى حاجه احتجتيها اطلبينى على طول ، انتى عارفه تحويلتى صح
حبيبه : الصراحه لا ، بس اكيد مع رشا .
مالك : التحويله هتلاقيها 107
حبيبه : خلاص اوكى حاضر
مالك : وانتى تحويلتك هنا كم
حبيبه : انا 407
مالك : خلاص تمام ، هتطلبينى ها
حبيبه : هههههههههههههه حاضر يا مستر والله لو احتجت اى حاجه مش هتردد انى اكلم حضرتك
مالك : طيب تمام ، اسيبك بقي معلش طولت عليك
حبيبه : تمام حاضر ولا يهمك
مالك : اه صحيح انتى ظبطتى الكحل فين هههههههههههه
حبيبه : يادى الكسوف ههههههههههه هنا ف الحمام اللى بره
مالك : ههههههههههه طب ايه كنتى نزلتى بسرعه م البيت ولا باظ منك ف الطريق ولا ايه
حبيبه : ههههههههههه اه قومت متأخره ومالحقتش
مالك : لا بس كان شكلك حلو اوى الصراحه
حبيبه : احححم متشكره جدا ، دى شهاده غاليه
مالك : بقولك ايه بقي انتى هتفضلى حاطه نقط ع الكلام كده كتير
حبيبه : يعنى ايه
مالك : يعنى حضرتك ومستر وشكرا ومتشكره ، ايه يابنتى احنا زمايل ، يعنى فكى لسانك شويه
حبيبه : حاضر يا مست اقصد حاضر
مالك : اسمى مالك على فكره ، وزميلك ف الشغل مش مديرك ولا حاجه ، يعنى قولى حاضر يا مالك
حبيبه : هههههههههههههه لا لا مايصحش
مالك : ياستى يصح
حبيبه : خلاص حاضر يا مالك
مالك : ايوه تمام ،،، على فكره انا حاسس اننا اهبل . كل شويه اقولك هسيبك هسيبك وبردو لسا واقف مكانى
حبيبه : ههههههههههههههههههه ههههههههههههههههههههههه
مالك ف سره : ( الله اكبر يخربيت كده )
حبيبه : ههههههههههههههههه ، على فكره حضرتك اللى بتبقى قاصد تضحكنى اهو
مالك : بصراحه اه هههههههههه ضحكتك حلوه يابنتى
حبيبه : متشكره جدا يا مالك ربنا يخليك
مالك : الا صحيح انتى فودافون ولا اتصالات
حبيبه : ههههههههههههه فودافون
مالك : حلوه فودافون صح ؟
حبيبه : ههههههههههههه جدا
مالك : حلوه كده وارقامها حلوه ومش معقده ، مش كده
حبيبه : هههههههههههه جدا والله ماقولكش ، ارقام جميله
مالك : طيب ايه ؟
حبيبه : ايه
مالك : ايه ؟ ولا حاجه ، عارفه يا حبيبه انا اكتر حاجه بتخنق منها ايه
حبيبه : ايه يا مالك
مالك : التناحه والبلاهه والاستعباط
حبيبه : ههههههههههههههه ههههههههههههههههههه محدش يقدر يستعبط على حضرتك
مالك : لا احيانا كده والله ساعات بتتجبر انك تعمل حاجات انت مش عارف عملتها ليه ؟
رشا : استاذ مالك ؟ انت حضرتك لسا هنا
مالك : اهلا يا رشا اهلا ،، كنت بتطمن على زميلتك اشوفها عامله ايه ف الشغل
حبيبه : ههههههههههههه نورتنا يا مستر مالك والله
مالك : طيب !
رشا : ( بتبصله وساكته )
حبيبه : ( بتبصله وساكته )
مالك : ايه بتبصولى كده ليه ؟ اه انا المفروض امشى اشوف شغلى معلش
رشا : ههههههههههههههههه
حبيبه : هههههههههههههههههههههه ههههههههههههههه
مالك : بتضحكوا عليا ؟ ماشى عن اذنكوا
غير.مصرح.بنشر.القصة.الإ.معرفه.الكاتب.او.الناشر
.............
حبيبه : ( ف سرها ) انت بتغير عليا يابن اللذينه ولا حكاية امك ايه ههههههه
مالك : ( ف سره ) شكلك هتجيبى آجلى يخربيتك
غير.مصرح.بنشر.القصة.الإ.معرفه.الكاتب.او.الناشر
.............
( بعد ساعه )
( مالك بيتصل على تحويلة حبيبه )
حبيبه : الو
مالك : ايه يا حبيبه معلش انا مالك ، هى تحويله مستر هشام كام ؟
حبيبه : طث ثوانى احولك عليه
مالك : لا لا كام انا نسيتها
حبيبه : 109
مالك : تمام متشكر
غير.مصرح.بنشر.القصة.الإ.معرفه.الكاتب.او.الناشر
.......
سعد : ايه يابنى بتسال مين على تحويلة هشام ؟ انت مش عارفها ؟
مالك : خليك ف حالك والنبى
سعد : ههههههههههه ده ايه الواد العبيط ده
غير.مصرح.بنشر.القصة.الإ.معرفه.الكاتب.او.الناشر
.......
( بعد 10 دقايق )
مالك : الو ! حبيبه هى تحويلة رشا كام
حبيبه : هههههههه 108
مالك : طب متشكر
غير.مصرح.بنشر.القصة.الإ.معرفه.الكاتب.او.الناشر
..........
( بعد 10 دقايق )
مالك : الو ! بقولك يا حبيبه انا بتصل على مستر هشام مابيردش هو موجود ولا ايه
حبيبه : اه موجود ، تليفونه مرنش انا ماسمعتش حاجه
مالك : ايه ؟ مش عارف بقي يمكن العطله من تليفونى انا ،
حبيبه : هههههههههههه ممكن بقي
مالك : طيب تمام ،
حبيبه : حاجه تانيه يا مستر اؤمرنى ؟
مالك : لا لا متشكر
غير.مصرح.بنشر.القصة.الإ.معرفه.الكاتب.او.الناشر
..........
سعد : انت فيه ياالا انت ماتقعد وتركز كده
مالك : هو انا مش قولت كل واحد يخليه ف حاله
سعد : روشتنى ياعم مش عارف اشتغل . ماتخلص ميتين الشغل اللى طلبه منك هشام
مالك : اه صحيح فكرتنى . واهى حجه عشان اطلع
سعد : تطلع فين ؟
مالك : مالكش دعوه
غير.مصرح.بنشر.القصة.الإ.معرفه.الكاتب.او.الناشر
...................
ليلى : مالك ! خلصت عقود الناس الجديده
مالك : اه بعتهالك ع الميل
ليلى : طيب تمام ، بقولك
مالك : ايه
ليلى : وراك حاجه بالليل
مالك : ايه ؟ اه ورايا والله رايح لواحد صاحبى كده
ليلى : ياواد ! واحد صاحبك بردو ؟
مالك : هههههههههههه اه والله جماعه اصحابى كده مواعدهم انى هروحلهم النهارده
ليلى : طيب ايه هتخلص على امتى
مالك : مش عارف بس مش قبل 2
ليلى : ع العموم ممكن تلاقينى مسهره لو خلصت بدرى رنلى كده
مالك : اوكى
غير.مصرح.بنشر.القصة.الإ.معرفه.الكاتب.او.الناشر
..................
( الساعه 3 )
ندى : الو !
حبيبه : الو ! ايه يا حبيبتى
ندى : ايه يا حبيبتى خلصتى ولا لسا
حبيبه : اه يا روحى خمس دقايق وهقوم امشى
ندى : طب ايه اعدى عليك ؟ انا قايمه مروحه من عند ساره قولتلها هاجى بالليل عشان اسهر معاها شويه
حبيبه : يا حبيبتى مش مشكله انا كده كده هركب اى عربيه واجى ، كملى انتى ع الطريق
ندى : لا لا انا كده كده ف طريقك ، انا قدامى 100 دقايق واكون عندك ،
حبيبه : طيب يلا مستنياك ماتأخرنيش بقي
غير.مصرح.بنشر.القصة.الإ.معرفه.الكاتب.او.الناشر
...........
( ندى بتطلع ع الشركه وبتشوف عربية مالك اللى وصلت ابوها امبارح )
( الاستقبال )
ندى : لو سمحتى الانسه حبيبه خلصت ولا لسا
امل : اه حضرتك فترة العمل خلاص هى اكيد نازله
ندى : متشكره جدا
غير.مصرح.بنشر.القصة.الإ.معرفه.الكاتب.او.الناشر
.......
( مالك بياخد عربيته وبيمشى )
......
حبيبه : ندوووووووش ! يلا بينا
ندى : يلا
غير.مصرح.بنشر.القصة.الإ.معرفه.الكاتب.او.الناشر
غير.مصرح.بنشر.القصة.الإ.معرفه.الكاتب.او.الناشر
...........
( ف التاكسي )
ندى : بقولك ايه
حبيبه : ايه
ندى : انا مش فاهمه حاجه
حبيبه : ههههههههههههه حاجة ايه انتى سخنه
ندى : فاكره العربيه اللى وصلت ابوك امبارح بالليل
حبيبه : عربية ايه ؟
ندى : يا متخلفه افهمى . مش انا وسمر كنا واقفين ف البلكونه لما ابوك كان راجع م القهوه وقولنالك ان فيه عربيه كانت بتوصله
حبيبه : اه اه افتكرت . مالها يعنى
ندى : انا لقيت العربيه دى واقفه ف باركن الشركه وانا داخله .. بس وانا خارجه مالقيتهاش
حبيبه : تلاقيها شبهها بس ولا حاجه
ندى : ممكن بردو ، ع العموم انا لقطت نمرتها هههههههههههههه عشان لو شوفتها تانى ابقى عارفه هى ولا مش هى
حبيبه : ههههههههههههههه يا آروبه انتى ... لا بس اكيد عربية شبهها مش هى ، ايه اللى هيجيب ابوك ف عربيه تبع الشركه هنا ههههههههههه
ندى : ممكن ، المهم الشغل عامل معاك ايه النهارده
حبيبه : هههههههههههههه اسكتى دنا عندى حكايات وروايات . حاجه كده خيااااااااااال هحكيهالك لما نروح
غير.مصرح.بنشر.القصة.الإ.معرفه.الكاتب.او.الناشر
.................
عاوزين تفاعل مع الروايه عشان تكمل وشارك برأيك
انتظرونا ف الحلقه الثامنه بكره الساعه 8
الكاتب. احمد سعد
الناشر. محمد فريد