روايه ياريت

(الحلقه العشرين ) ( الخير ما بيروحش)

(الحلقه العشرين ) ( الخير ما بيروحش) <3
...................
(في الحلقه السابقه )
ليلى : مى ! مى ! ياااااااماااااااااى اااااااااااااااااااااااااه
مى : ( بتيجى من الاوضه جرى ) ايه يا لولا خير يا حبيبتى بتصوتى كده ليه
ليلى : إلحقينى يا مى جنبي وجعنى اوى بموووووووت
مى : يا نهار اسود طب اعمل ايه انادى على مين انا مش عارفه اتصرف ... هروح للى جنينا بس يارب يكونو جم من بره
................... (العشرين ) <3
( شقة احمد )
سلمى : ههههههههههههههه الباب بيخبط نزلنى
احمد : باب ايه ده بيخبطو كده ليه فيه ايه ؟
سلمى : معاك حق فعلا ايه الخبط ده ؟
احمد : استر يارب ( بيجرى على الباب )
مى : استاذ احمد الحقنى ابوس ايدك . ليلى عماله تصوت من جنبها وبتعيط عياط هيستيرى . انا مش عارفه اتصرف ولا اعمل ايه ولا اتصل بمين
احمد : خير خير تعالى ( بيروح هو وسلمى ومى على شقة ليلي )
( بيلاقى ليلى لابسه لبس خفيف جدا .. بيغطيها وبيقولها طب معلش استحملى لغاية ما اتصل بالاسعاف
ليلى : اااااااااااااااااااه مش قادره الحقونى
احمد : سلمى ! بسرعه هاتيلى مفاتيح العربيه مش هتستحمل هى تستنى الاسعاف
سلمى : حاضر ...
احمد : بقولك ايه
مى : ايوه
احمد : قدامك دقيقه واحده بالظبط تلبسيها حاجه تستريها كده لغايه ما مراتى تجيب المفاتيح عشان هاخدها المستشفى
مى : حاضر حاضر
احمد : بسرعه وانا بره
..............
( بعد خمس دقايق )
( احمد بيدخل يشيل ليلى وجرى على العربيه هو ومى )
سلمى : دقيقتين يا احمد هلبس العبايه بسرعه وجايه
احمد : لا لا خليك مش هنلحق البت مابتنطقش
..............
( ف العربيه )
احمد : دى شكلها الزايده على فكره
مى : ( بتعيط ) باين كده
احمد : ان شاء الله نلحقها ماتقلقيش
مى : يارب
..............
( قدام المستشفى )
احمد : ( بيشيل ليلى وبيجرى بيها على جوه المستشفى )
................
( الدكتور بيحجزها وبيقول اتطمنو يا جماعه دى الزايده اديناها مهدأ وهنعملها العمليه دلوقتى )
........
احمد : فيه ايه انتى كمان ما الدكتور قالك اتطمنو اهو
مى : انا مش عارفه اشكرك ازاى يا استاذ احمد والله ربنا بعتك لينا م السما
احمد : لا ماتقوليش كده ... مع انى لو اعرف انها هى ماكنتش اتحركت من كانى
مى : ليه كده
احمد : جايه تصحينى الساعه 9 الصبح تقولى خد الكاتل بتاعكو ده يرضي ربنا ده
مى : ( بتنسى نفسها وبتضحك )
احمد : اححم اتلمى شويه بقي ايه الضحكه دى ... خليكى جنبها انا نازل اجيب شويه عصاير وحاجات عشان هتحتاجهم وانتى كمان تشربي
مى : متشكره جدا والله ..
احمد : طيب ايدك على 50 جنيه
مى : هههههههههههههه
احمد : هجيبهملك ياحلوه لما اروح انا مامعاييش غير مفاتيح العربيه . وناسي البطاقه والفلوس ونازل بالشورت وفانله داخليه معرفش ايه النيله دى . حتى نسيت تليفونى اتصل على مراتى اتطمنها .. فضحتونى ف البلد كلها منك لله انتى وصاحبتك . انتو جايين من اخر الدنيا تعملو الزايده عندنا هنا
مى : ههههههههههههههههه انا عارفه .. طب لو عاوز تتطمن مراتك خد كلمها من تليفونى
احمد : فكره بردو ! خلاص ثوانى بس لما اجيب الطلبات دى واجى
مى : ولو حضرتك عاوز تروح انت خلاص اتفضل انت ربنا يكرمك لغايه هنا
احمد : لما تطلع بس عشان لو جرالها حاجه ولا حاجه اخلصلك انا اجراءات الدفن وكده
مى : هههههههههههههه ربنا يسامحك
.............
( بعد ربع ساعه )
احمد : خدى ياستى اشربيلك حاجه انتى دمك اتصفى من الخضه النهارده
مى : متشكره جدا يا استاذ احمد ..
احمد : هاتى تليفونك بقي اتصل على مراتى
مى : اه طبعا اتفضل
.....
احمد : ايه ده .... ده مافيهوش رصيد
مى : هههههههههههههه يا نهار احراج
احمد : ايه الفقر الازلى بتاعكو ده يا عالم يا شحاته
مى : هههههههههههههه خلاص بقا يا عم . خد تليفون ليلي اهو معايا بردو ولسا جايبالها خط جديد
احمد : فيه شحن ولا ايه ؟
مى : هههههههههههه فيه فيه ماتقلقش انا اللى شحنالها
احمد : ماشى . سوسو !
سلمى : ايوه يا بابا البت عامله ايه دلوقتى
احمد : جوه بتعمل الزايده .. الحمد لله لحقناها على اخر تكه
سلمى : طيب يا روحى انت بتكلمنى من تليفون صاحبتها ده ولا تليفون مين
احمد : لا ده تليفونها هى . كان مع صاحبتها واديتهولى اكلمك منه عشان ماتقلقيش
سلمى : طيب يا بابا . اجى طيب ولا ايه ؟
احمد : لا لا مالوش لزوم . انا هستنى بس هى تطلع وهتلاقينى عندك . وكده كده صاحبتها هتبات معاها
سلمى : خلاص ماشى يا حبيبى ... مستنياك
احمد : بحبك
سلمى : وانا كمان بحبك
...........
احمد : خدى ياستى متشكر
مى : انا اللى متشكره .
احمد : انتو ايه بقا جايين ف زياره ولا فسحه ولا اجازه ولا ايه
مى : امممم يعنى حاجه زى كده . ليلى متعوده تيجى كل سنه مع امها واختها يصيفو هنا يقعدوا بتاع اسبوعين تلاته شهر بالكتير لانها شغاله ف شركه كبيره ف مصر
احمد : ماشاء الله ! طب وانتى بتشتغلى ايه
مى : لا انا مابتشغلش . انا صاحبتها القريبه منها يعنى ومن صغرنا مع بعض
احمد : ربنا يخليكو لبعض بس انا ليه حاسس انكو انتو الاتنين مختلفين عن بعض
مى : هههههههههههههه جدا . مختلفين عن بعض جدا بس صدقنى بنحب بعض . بس ليه بتقول مختلفين بقي هو انت لحقت شوفتنا وقعدت معانا
احمد : لا مش الفكره بس بتبان بردو ... طريقتك وطريقتها مختلفه عن بعض .. هى عندها سنة جراه شويه حتى ف طريق الكلام وطريقة الوقفه حتى والمشي ههههههههههههههه يعنى انتى بتتكسفى من خيالك وده بان جدا لما جيتى اول مره تطلبى الكاتل .. انما هى مش عارف حسيتها بجحه كده هههههههههههههههه
مى : هههههههههههههههههه ياخرابي عليك انا ماشوفتش حد كده بصراحه عليك مصطلحات كده
احمد : ههههههههههههههه ان شاء الله تقوم بالسلامه وتيجو تاخدو شنطتكو اللى جيتو بيها وترجعو مصر مش عاوزين نفس وزحمه ... كفايه انى عندى ناس اصحابي وحبايبى بقالهم اسبوع اسبوعين مبلطين عندنا مش عاوزين يرجعو مصر بردو
مى : هههههههههههههههههه حاضر يا عم بتطردنا انت
احمد : الصراحه ماشوفتش من وراكو غير تعب الاعصاب اهو واخرها احنا ف المستشفى اهو
مى : ههههههههههههههه ماشى ماشى لما ليلى تقوم بس هقولها كل الكلام ده
احمد : قوليلها واحنا هنخاف يعنى ولا هنخاف
...........
( شقة مالك )
مالك : انتو ايه لسا صاحيين
سمر : اه . حبيبه نامت ؟
مالك : لا خارجه اهى
ندى : هههههههههه
سمر : احم! انتو كنتو بتتخانقو من شويه
مالك : لا ! وعدى ليلتك بدل ما اشحنك على مصر لوحدك
حبيبه : ايه سامعاكى يام لسانين انتى بتقولى ايه
سمر : مافيش ياختى كنت بسال جوزك بقوله كنتو بتتخانقو من شويه ولا ايه
حبيبه : ههههههههههه اه يا واطيه انتى بتتجسسي علينا بقا
سمر : بتجسس ايه انتو اللى كان صوتكو عالى ههههههههههههههه بس ماسمعناش والله حاجه
مالك : لا انا هتصل على ابوكو ييجى ياخدكو مش عاوزين قلبة دماغ بقي ..
ندى : هههههههههههههههههه دى بت سوسه اقسم بالله
سمر : المفروض اننا نروح نقعد عند حد من اصحابك اليومين دول ماينفعش كده اقسم بالله . انتو لسا عرسان . ماينفعش شوف حد من اصحابك نروح نقعد عنده احسن . عيب بقا كده
مالك : ههههههههههه حد زي مين يعنى
سمر : يعنى ! زى حمو وسلمى كده ههههههههههههههههههه
مالك : يا واطيه انتى اساسا بتعملى البوليكه دى عشان تروحى تقعدى معاهم صح . هههههههههههه بلاش احمد وسلمى بالذات لان سلمى غير اى بنت تعرفيها او عرفتيها او هتعرفيها ف حياتك .... ممكن بجد تعمل فيك حاجه لو عرفت انك بتقربى من احمد
سمر : دى حبيبتى دى اطلع انت منها ياخويا
مالك : وبعدين انا جعان مافيش حاجه تتاكل ولا ايه
سمر : ماحنا متعشيين سوا بعد البحر ههههههه جوعت تانى ليه ها ليه
مالك : خلى بنت خالتك تلم لسانها يا حبيبه لاحسن يمين الله هقوم اجيبها من شعرها هههههههههههههههههههههههههههههه
.............
( اوضة ليلى ف المستشفى )
مى : حمد الله ع السلامه يا لولتى ... خضتينى عليك يا جزمه انتى
ليلى : عمر الشقى بقي يا ميوش .. هو فين ؟
مى : هو مين يا قلبى ؟ هههههههههههه
ليلى : هههههههههههههههههه اللى لحقنى . مش قادره اضحك هو فين . مشى صح ؟
مى : لا لسا بره انا دخلت اتطمن وهو قال طمنينى عليها مارضاش يمشى قال لما يتطمن عليك الاول
ليلى : جميله ده عمرى ما هنساه
مى : كان بيسوق زى المجنون والله . وخصوصا لما انتى غيبتى عن الوعى من كتر الوجع يا عينى .... شالك مرتين وجرى بيك من البيت للعربيه . وشالك من العربيه للمستشفى
ليلى : طب نادى عليه والنبى اكلمه كلمتين قبل ما يمشى
مى : طيب ثوانى
.......
مى : استاذ احمد .ليلى عاوزه تشكرك بس قبل ما حضرتك تمشى
...
احمد : صباح الخير يا عم . ايه . ساعتين قاعدين جنبك انا وصاحبتك دى خضتينا فيهم . ليه ان شاء الله .
ليلى : ههههههههههه مش قادره اضحك والله ... متشكره جدا يا احمد مش هنسالك اللى عملته النهارده ده . ف رقبتى العمر كله
احمد : بلاش كلام خايب الجيران لبعضيها واحنا الباب ف الباب ... بس انا قولت ل مى بره انى لو كنت اعرف انك انتى اللى بتصوتى ماكنتش اتحركت من مكانى
ليلى : ياساتر ! ليه كده بقي
احمد : علشان اللى عملتيه الصبح . بقا فيه بنى ادمه طبيعيه تصحى ناس م النوم تقولهم خد الكاتل بتاعكو .. دنا كنت عاوز اضربك بالنار ساعتها
ليلى : هههههههههههههههههههه مش قادره اضحك حرام عليك . مكان الجرح هيتفتح تانى
احمد : ( بيقرب من سريرها وبيطبطب على رجليها وهى نايمه ) ع العموم حمد الله ع السلامه وانشالله ماتشوفيش شر ابدا لانتى ولا صاحبتك .. هستأذنكو انا بقي . انا كلمت الدكتور وقال على بكره بالليل تقدرو تيجو ع الشقه بس هتكون ف راحه بقي . تتعبي صاحبتك دى شويه .... وماتقوليش لاهلك حاجه ماتخضيهمش ع الفاضى
ليلى : الله يسلمك يا احمد يارب .. حاضر يا كبير
احمد : يلا عن اذنكو بقي .
............
مالك : ما يلا يابت انتى وهى الفجر اذن ادخلو نامو
حبيبه : ( واقفه ف البلكونه بتلمح عربيه احمد ) ايه ده هى دى عربية احمد يا مالك ولا ايه
مالك : عربيه احمد فين دى ... لا دى شبها . استنى كده . اه دى ارقامها صحيح . بيعمل ايه الواد ده الساعه 4 الفجر .. خير يارب استنى ارن عليه
( بيرن عليه وسلمى اللى بترد )
مالك : الو ايوه ياسلمى انتو كويسين
سلمى : اه يا مالك ليه خير ؟
مالك : اومال انا شايف احمد راجع بعربيته ناحيتكو ليه . كان فين ولا كنتو فين وبعدين هو مش ده تليفونه ولا ايه
سلمى : ايوه ايوه ماتقلقش . دول جيراننا كده تعبو وهو راح يا عينى معاهم المستشفى ونسي تليفونه وفلوسه وكل حاجه يدوب خد العربيه وطار يوصلهم لانهم كانو تعبانين اوى
مالك : اهاااااا طيب الحمد لله خضتينى . طب ايه كويسين جيرانكو دول ولا ايه
سلمى : اه هو كلمنى قبل ما يركب العربيه وقالى انه جاى اهو وقال خلاص دى كانت الزايده وطلعو م العمليات خلاص
مالك : طب الحمد لله ... يلا تصبحو على خير
سلمى : وانت من اهله سلملى ع البنات
...............
سلمى : حمد الله ع السلامه يا روحى
احمد : حبيبتى انتى ! الواد نام
سلمى : اه يا بابا . البت كويسه ؟
احمد : اه فاقت . سيبتها مع صاحبتها وجيت . هيخرجو بكره
سلمى : طيب كويس مجيتهم هنا جايه علينا بخساره ههههههههههههههههههه
احمد : حرام عليك هههههههه دى البت وشها ازرق وهى ف العربيه دنا اترعبت قولت هيجرالها حاجه ف عربيتى وهتبقى وقعه سوده
سلمى : الحمد لله ... احححم
احمد : انا عارف انا الحححم دى هههه زعلانه انى شيلت البت وجريت بيها صح
سلمى : ههههههههههههههه ( بتعضه من خده ) مانت ناصح اهو
احمد : عيب عليك هههههههههههههه صدقينى لو كنت استنيت الاسعاف ييجى كانت البت خلصت . ده الدكتور اول ما شافها فضل يزعق ويقول عمليات بسرعه عمليات .. الخير مابيروحش يا قلبى .. الخير مابيروحش صدقينى بيتعوض وبيرجعلك ف اهلك وف عيالك وف اخواتك وف كل حبيب ليك . اى خير بتعمله هيرجعلك
سلمى : خلاص براءه ! انا عارفه ومقدره بس غصب عنى اعمل ايه
احمد : ههههههههههههههه انت اللى ف القلب ياعم الحاج
سلمى : متأكده من حاجه زى دى . انت رهان عمرى يا حمو اللى عمرى ما خسرته ابدا .. كل مره كنت بتثبتلى ان رهانى عليك دايما كسبان .. ربنا يخليك ليا ويديمك ف حياتى يا نن عينى
احمد : ايه الكلام ده بقي . بقولك ايه ما تيجى نكمل الكلمتين اللى كنا هنقولهم قبل حوار المستشفى ده
سلمى : ههههههههههههههههه تعالى
احمد : ايوه والساعه داخله على 5 الصبح اهو . والوقت ده بيكون فيها احلى كلام هههههههههههههه
سلمى : ههههههههههههههههههه
.......................
( تانى يوم )
ليلى : مش انا عرفت الزفت اللى اسمه هشام ناوى على ايه يعمله مع مالك وأهله واهل حبيبه وصاحبه
مى : ازاى ؟ وهيعمل ايه
ليلى : باعتلى ع الواتس .. اهو انا غيرت ام التليفون مخصوص عشانه لقيته باعتلى رساله ع الواتس . اول ما لقط نت الرساله وصلت
................