رواية ياريت

(الحلقه الواحد والعشرون ) ( 100 ضبه )

(الحلقه الواحد والعشرون ) ( 100 ضبه ) <3
غير.مصرح.بنشر.القصة.الإ.معرفه.الكاتب.او.الناشر
...................
(الحلقه السابقه )
محمد : قاعد كده ليه يا مالك يابنى ؟
مالك : مافيش ياعم محمد ، قولت اجى اشرب فنجان قهوه ،
محمد : معلش تعبتك معايا ،
مالك : عم محمد انا عاوز اقولك على حاجه ، لازم تكون عارفها دلوقتى
محمد : حاجة ايه ...؟
................. ( الواحد والعشرون ) <3
مالك : اول مره اشوفك فيها كان ع القهوه اللى جنب بيتكو مش كده
محمد : مظبوط
مالك : ودخلت بيتكو مش كده
محمد : تمام
مالك : كل ده كان صدفه والله ياعم محمد . ولغاية دلوقتى معرفش هى صدفه ازاى ؟ وربنا كان مرتب الترتيبه دى ليه ؟
فضلت اسال نفسي ليه طيب .
اشمعنى ف اليوم ده اجى والعب معاك واتعرف عليكو وتعزمنى ف بيتك
واجى اتعشى معاك ومع اهل بيتك
مع العلم انك تبقى ابو الانسانه البريئه اللى اشتغلت معايا ف الشركه من كم يوم
محمد : قصدك انك زميل حبيبه ؟
مالك : بالظبط ...
وقسما بدينى ياعم محمد لما دخلت بيتكو ماكنتش اعرف انت مين
ولا انك ابوها اصلا ..
. حتى لو تفتكر انى سالتك عن صاحبة الصوره الصغيره دى واتفاجأت انك ابوها
محمد : اهاااا تمام .. كمل
مالك : حاسس انك مش مصدقنى ؟
محمد : لا مصدقك يابنى كمل .. وبعدين ؟
مالك : ولا قبلين . انا حبيت اقولك عشان بعد كده ماتفكرش انى كنت بضحك عليك او مش عارف ايه عشان ادخل بيتكو والكلام ده .... بنتك ست البنات وبصراحه كده عاوز افاتحك ف موضوع ؟
محمد : موضوع ؟ موضوع ايه ؟
مالك : بس لما نتطمن على حبيبه بس الاول وربنا يحلها من عنده
محمد : حبيبه هتبقى كويسه ان شاء الله انا لسا سائل الدكتور قبل ما انزل .. قول انت موضوعك ايه يمكن اقدر اريحك انت كمان . بدل مانت تعبان من ساعة ما لقيتها تعبانه
مالك : بصراحه انا طالب ايد حبيبه منك
محمد : اممممممم ! هات شويه شاى يابنى وحجر شيشه الله يباركلك
مالك : !!!!!!!
محمد : ياريت
مالك : يعنى ؟
*الروايه ملك خاص للكاتب / أحمد سعد
ويتم نشرها في بيدج قصص و روايات للناشر محمد فريد
محمد : طبعا انت عارف ان انت زين الشباب واى اب يتمناك عريس لبنته
بس يا مالك انت جيت متأخر
مالك : يعنى ايه ؟
محمد : حبيبه شبه مخطوبه ...
مالك : نعم ؟ ازاى ؟ ولمين
محمد : مديرها . اللى هو المدير بتاعك انت كمان على ما اعتقد .. جه وطلبها منى . ده حتى انا وهو داخلين ف شغل جديد
مالك : ( مصدوم ) ازاى ؟ وامتى طلبها منك ؟ وشغل ايه ده ؟
محمد : معرفش . هى صدفه بردو زي الصدفه بتاعتك كده
مالك : ياعم محمد انا والله العظيم صدفه . انما هو لا . اكيد لا مش صدفه
ومشوار الشغل اللى بينكو ده كلام ع الفاضى عشان يقرب منك
هشام مابيسيبش حاجه للصدف
ده عاوز كل حاجه
محمد : غريبه ... مع انه باين عليه كويس وابن ناس
مالك : ياعم محممم
محمد : اسمع يامالك يابنى
انا مش هحاسبك على مشاعرك تجاه بنتى ...
انا مش راجل صغير ولا برياله
انا ابن سوق واعرف الكفت ،
وعارف ان موضوع تعب بنتى اللى هى فيه ده له علاقه بالكلام اللى انت قولته دلوقتى
والظاهر كده انك كنت سبب من ضمن اسباب كتير ف اللى حصلها
لو كنا ف ظروف تانيه كنت اتصرفت معاك تصرف تانى مش هيعجبك
بس خوفك على بنتى وعياطك عليها وجريك بيها بلهفه وانت بتقول الحقوها ..
ده الوحيد اللى هيشفعلك عندى ..
لكن صدقنى يا مالك ،
حبيبه بس تفوق وتقوم بالسلامه وساعتها وحياة بناتى
لو طلعت انت السبب ف كسرتها دى وزعلها مش هرحمك
مالك : ياعم محم
محمد : انا كلامى خلص .. مش عاوز اشوف وشك تانى ... لو سمحت
غير.مصرح.بنشر.القصة.الإ.معرفه.الكاتب.او.الناشر
...............
( بيقعد مكسور ع القهوه ومش عارف يتحرك )
مالك : الو ! مجدى انت فين ؟
مجدى : ع القهوه انت اللى فين
مالك : طب تعالى وصلنى مش قادر اسوق ..
مجدى : انت فين ؟
مالك : هبعتلك الموقع ع التليفون ، تعالى إلحقنى
مجدى : طب ابعت ..
............
مجدى : ايه مالك يابنى ؟
مالك : مافيش يا صاحبى ،، ( بيضحك بسخريه ) بس كل حاجه راحت
مجدى : كل حاجه راحت ؟ يعنى ايه ؟
مالك : يعنى كل حاجه راحت ، تعالى روحنى يا مجدى انا مش قادر اشوف ورجلى مش شايلانى
مجدى : ياحبيبى ماتعملش كه ، كله هيتصلح . تعالى بس اركب ...
احكيلى ايه اللى حصل
مالك : وصلنى والنبى يا مجدى
روحنى البيت وخلينى انام
مجدى : مممالك ! مالك يالا انت هتخوفنى ليه ؟
..........
( المستشفى )
محمد : ايه بقي الجميل بتاعنا اخباره ايه ؟
حبيبه : الحمد لله
ندى : اهى من ساعة ما صحيت وهى بتتدلع علينا ومش عاوزه تاكل
محمد : لا يا حبيبتى لازم تاكلى مش عاوزين نطول هنا
حبيبه : مش قادره وماليش نفس
محمد : لا يا حبيبتى لازم يبقالك نفس عشان فيه كم خبر حلو كده هقولك عليهم بس لما تقومى بالسلامه
حبيبه : اخبار ايه ؟
محمد : قومى انتى الاول
غير.مصرح.بنشر.القصة.الإ.معرفه.الكاتب.او.الناشر
...
( الممرضه بتدخل ببوكيه ورد وفيه كارت )
محمد : من مين الكارت ده يابنتى ؟
الممرضه : مش عارفه يا حاج . بس هو واحد وصله ومشى . وقالى ادى الكارت ده للأنسه حبيبه
محمد : طب ورينى
حبيبه : من مين يا بابا ؟
محمد : هههههههههههههههه ابن ناس فعلا
حبيبه : مين ؟
محمد : ( بيقرا الكارت )
" إلى أرق مخلوقه نورتنا ف شركتنا ، حمد الله على سلامتك ويارب ماتشوفى شر ابدا "
حبيبه : مين يا بابا اللى ماضى ع الكارت
ندى : ( بتبص على حبيبه وبتوشوشها ) بقولك ايه ممكن يكون الواد مالك ؟
حبيبه : ممكن اه هو ...
ندى : الواد بيحبك يا حبيبه بجد ومخه اتلسع بسببك .
حبيبه : انا عارفه ... بس زعلانه منه اوى
ندى : طيب ماتقسيش عليه اوى . مهما عمل ف احنا متفقين اننا هنحاسبه من ساعة ما عرفك
حبيبه : مش وقته الكلام ده
سمر : مين ياعمو اللى ماضى ع الكارت
محمد : هههههههههههههه خطيبك يا بيبه اللى ماضى ع الكارت
ندى : هههههههههههههه هو انتى اتخطبتى من ورانا ولا ايه يا بيبه
حبيبه : هههههههههههههه ممكن تصدقو . طب حتى كنتو قولولى
محمد : هههههههههههههههههههه اه يا جزم . انتو فاكرينى بهزر
ندى : يعنى ايه ؟
محمد : مش فيه واحد كده حبيبى اتعرفت عليه من كام يوم
وجه قالى يا عمى انا مش قادر اعيش من غير حبيبه ههههههههههههه
حبيبه : ( بتتكسف وبتسكت )
ندى : ايه ده شكل الواد عملها وقال لابوك فعلا ولا ايه ..
حبيبه : شكلها كده ، مش طايقاه بردو وزعلانه جدااااااااااااا
ندى : استنى بس .. وبعدين يا بابا
محمد : ههههههههههه اتارى الباشا يبقى مع بنتى ف الشغل وعمل الفيلم ده عشان يتقرب منها . حركات العيال بتوع اليومين دول مفقوسه اوى يا ام ندى مش كده
منى : ههههههههههههه اه والنبى ياخويا
محمد : ها ايه رأيك يا حبيبتى ؟
حبيبه : رايي ف ايه ... مش عاوزه اتجوز
محمد : هههههههههههههه ماهو لما يكون اللى بتكلم عليه ده يبقى مديرك الاستاذ هشام يبقى مافيهاش كلام . وهو صاحب الورد ده
حبيبه : ( بتتصدم ) مين ؟
ندى : هشام مين يا بابا ؟
محمد : المدير بتاعها
واد ابن ناس وقيمه ومركز وشاري اختك وبيحبها
وانا وافقت ،،،
ولا انتى ليكى رأي تانى يا حبيبه
حبيبه : اه ليا رأي تانى
محمد : اللى هو ايه ؟
حبيبه : انا مش هتجوز حد . ومابفكرش ف الجواز ده دلوقتى
محمد : حبيبه مش عاوز صوتى يعلى .. ممكن اعرف ايه سبب تعبك ؟
منى : يا محمد ده مش وقته
محمد : استنى انتى يا ام ندى ،،، مش هتتجوزى حد ليه يا حبيبه وردى عليا ؟ تعبتى ليه ؟ ودخلتى المستشفى بسبب مين ؟
بسبب واد صايع زى اللى روحتى تحبيه قبل كده
لف عليك بردو ودخل عليك بطريق الحب مش كده يا حبيبه
حبيبه : ( بتعيط وساكته )
محمد : انا مش بقولك كده يابنتى عشان تعيطى
انا ماليش غيركو ف حياتى اخاف عليه
لكن توصل للدرجه اللى انتى فيها دى يبقى انا لازم اتدخل
لازم انا اللى اخاف على بنتى طالما هى مش عارف تخاف على نفسها
كلمه اخيره
تشدى حيلك وتقومى بالسلامه عشان نحدد معاد ل هشام ييجى هو وعيلته يطلبوك رسمى
وكلمه تانيه منك مش عاوز اسمعها
اما بالنسبه للى اسمه مالك ده ف انا لو شوفته تانى مش هيحصل كويس
وياويله ويا سواد ليله لو عرفت انه كان السبب ف تعبك يابنتى
غير.مصرح.بنشر.القصة.الإ.معرفه.الكاتب.او.الناشر
مش هرحمه
..............
ندى : حبيبه ! اهدى يا روحى وبطلى عياط بقي .. باباك خرج وماما معاه بره
سمر : ايه يا جماعه القفله اللى احنا فيها دى . هى اتعكت كده ليه
ندى : انا اللى نفسي افهمه هو عرف منين على موضوع مالك
وعرف ازاى ان ممكن مالك يكون له يد ف اللى حصلك
وعرف هشام ده منين ؟ هو فيه ايه ؟
حبيبه : انتو بتسألونى انا ...انا مش عارفه ايه القرف اللى انا فيه ده
وليه كل ده بيحصللى ؟
غير.مصرح.بنشر.القصة.الإ.معرفه.الكاتب.او.الناشر
.....
منى : يا محمد مش كده . انت كده بتدمر البنت
محمد : بقولك ايه . بنتى وبلحقها من نفسها
لعب العيال اللى هى شغاله فيه ده مش عليا
مش هسمح لحد تانى يكسر بخاطرها ويكسر قلبها .. فيه ايه ؟
انا بوفرلها حياه كريمه مع انسان شاريها
لو سمحتى يا بنتى فين الدكتور . كنا عاوزينه يشوف الحاله اذا كان ينفع نمشى ولا لا
هبه : تمام يا حاج ثوانى هبعتهولكو
محمد : تسلمى
فهمتى يا منى ؟ فهمتى ؟ بنتى وانا أولى بيها من اى حد يكسر قلبها
مش هسمح لحد يكسر قلبها
منى : طب ايه موضوع مالك ده . هو كان يعرف بنتك منين
محمد : لا ده موضوع طويل . هقولك عليه لما نروح . لما ناخد حبيبه ونروح
منى : ربنا يستر ع البنت
غير.مصرح.بنشر.القصة.الإ.معرفه.الكاتب.او.الناشر
.............
( ف البيت )
محمد : حمد الله ع السلامه يا ست البنات . بيتك نور
حبيبه : متشكره
محمد : ايه ده زعلانه منى ولا ايه
حبيبه : لا ابدا
محمد : ههههههههههه طب يلا اعملولنا عشا يا بنات يلا ..
حبيبه : ماليش نفس
محمد : لا هتاكلى معانا ... وصحصحى شويه بقي عشان عاوز اسالك على كم حاجه
حبيبه : انا مش قادره انكلم مش قاااااااادره
منى : يا ابو ندى سيبها ترتاح والبنات هيخلوها تاكل معاهم كمان شويه
محمد : خلاص على راحتك يابنتى ... انا قايم نازل شويه وجاى
منى . بالسلامه يارب
غير.مصرح.بنشر.القصة.الإ.معرفه.الكاتب.او.الناشر
...........
( شقه مالك )
ملك : مالك مش هتقوم تتعشى
مالك : سيبينى شويه يا لوكا دلوقتى . انا شويه وهقوم اكل
ملك : مالك طيب ؟
مالك : مافيش يا حبيبتى .. سيبينى بس شويه
ملك : ماشى
غير.مصرح.بنشر.القصة.الإ.معرفه.الكاتب.او.الناشر
..............
احمد : الووووو ! انت مابتردش على رسايل أمى ليه ياض انت
مالك : معلش ماليش نفس ابص للتليفون اصلا
احمد : ليه خير ؟ مالك ؟
مالك : ( بيضحك بسخريه من غلبه ) اهى يا حمو بقي ماشتغلش بالك ،، اتقفلت عليا ب 100 ضبه ، انا كرهت نفسي
احمد : بقولك ايه يا مالك ؟ اتظبط يا روح امك بدل ما اظبطك . البت اديتك على قفاك ولا ايه . قول قول سرك ف بير هيبتك مش هتروح
مالك : ياريت كانت زعقت ولا شتمت ..دنا طلعت واطى اوى ( صوته باين عليه الدموع )
احمد : مالك !
مالك : ايوه
احمد : هكلم مجدى دلوقتى تجولى انتو الاتنين اسكندريه بكره . حضر نفسك
مالك : اجى فين بس ولا قادر اتحرك ولا افكر ف اى حاجه
احمد : ايوه يا حب مش عاوزك تفكر ف اى حاجه . انت هتركب العربيه مع مجدى والاقيكو انتو الاتنين عندى ع الضهر ... اقفل ونام شويه وانا هكلم الزفت التانى
مالك : يا احمد بس
احمد : ياض خلاص بقي ابو تناحتك . اقفل ونام .
مالك : ماشى
غير.مصرح.بنشر.القصة.الإ.معرفه.الكاتب.او.الناشر
.............
احمد : الو ! انت يا زفت
مجدى : حبيبى
احمد : انت مالك ياروح امك انت وهو . مش مظبوطين ليه بقالكو مده
مجدى : ياعم مافيش
احمد : مجدددددى ؟ مالك ماله ؟
مجدى : مالك حالته منيله بستين نيله
احمد : طب ها احكى ؟
مجدى : دلوقتى ؟
احمد : ماتحكى يابن الهبله .. ولا لازم انزل اطرقعلك
مجدى : ههههههههههههه ابو شكلك ... اسمع
غير.مصرح.بنشر.القصة.الإ.معرفه.الكاتب.او.الناشر
...............
مجدى : هى دى الحكايه ،، وروحت جبته النهارده من ع القهوه .. الظاهر واخد دش على دماغه من البنت او من ابوها . معرفش لسا
احمد : يخربيوتكو ... هتموتو الواد الله يحرقكو .. بقولك .. بكره الصبح بدرى تنزل تعدى عليه وتجولى انتو الاتنين
مجدى : نيجى فين ياعم وهو مش هيوافق اصلا يتحرك
احمد : لا انا كلمته وفهمته انك هتعدى عليه الصبح .. ع الضهر الاقيكو هنا .. فاهم
مجدى : حاضر يا مولانا ... هو محتاج فعلا يخف الضغط ده شويه
احمد : لا دانت ليلتكو سوده معايا لما تيجو .. مستنيكو ..
مجدى : ههههههههههههههه حبيبى والله
احمد : يلا سلام
مجدى : سلام
غير.مصرح.بنشر.القصة.الإ.معرفه.الكاتب.او.الناشر
..................
عاوزين تفاعل مع الروايه عشان تكمل وشارك برأيك