رواية ياريت

(الحلقه الثلاثون ( الأخيره ) ) ( ياريت )

(الحلقه الثلاثون ( الأخيره ) ) ( ياريت )
...................
(الحلقه السابقه )
سمر : ( بتشوش ندى ) اقسم بالله هروح ابوسه
احمد : مش عارف انتو ليه بتضحكو كلكو النهارده .. ع العموم نتقابل وقت تانى يكون فيه فرح وبهجه وسعاده يا جماعه ... وانشالله ماتتوجعوش ابدا وخلو حملكو على الله .. هنستاذن بقي
..................... ( الأخيره ) <3
( اوضة البنات )
ندى : يابختك ب مالك يا حبيبه ، مجرد كلمتين نزلتيهم وقولتى عاوزه اشوفك قريب قرر انه ييجى ويشوفك ،، يارب بس يكون صاحبه ده بيتكلم بجد ومش مجرد تطمينه
حبيبه : ان شاء الله . وبعدين ده صاحبه بتاع اسكندريه . كان دايما يحكيلى عنه ويقول عليه كلام كويس . وفعلا باين انه بيتكلم بجد . كان ماشاء الله مبسوط وهو بيتكلم .. مالك نفسه وشه كان فرحان . ده مش وش واحد المفروض حبيبته هتروح منه كمان كام يوم
سمر : اهو انا عاوزه اتجوز صاحبه ده هههههههههههه عليا النعمه واد عسل . انا وهو لو اتجوزنا هنبقى خطر ع الكوكب بدماغه دى ههههههههههههه دنا فطست وهو عمال يحكى ومش عارف ان اللى بيحكى عنهم دول يبقو احنا
حبيبه : هههههههههههههههه داهيه لاتكونى فاكره انه كان بيتكلم كل الكلام ده وهو مش عارف انه احنا يا متخلفه . لا يا حلوه دا عارف وكان بيتكلم بثقه وكان بيوصل رسايل لينا كلنا
وصلنى رساله ان مالك بيحبنى وكان هيتجنن عليا ومش عارف يعمل ايه وكان بعيد عنى الفتره اللى فاتت دى عشان يشوف صرفه للكلام ده .. ده ف حد ذاته فارق معايا جدا ان بيوصلنى ان مالك بيحبك بالفعل مش بالكلام بس . كان ممكن يفضل جنبى ويقولى ماتزعليش وحقك عليا وبس. لكن لا . هو قرر انه يعمل حاجه تقربنى منه ...... ومن ناحيه تانيه بيوصل رساله ل بابا ان الموضوع اللى انت متكتف بيه لقيناله حل .. حل ايه بقي معرفش ... بس انا الفضول هيموتنى .. عاوزه اعرف هما ناويين يعملو ايه ف الفرح . باين كده انهم عيال مخها لاسع
ندى : بس بجد !!! يابختهم ببعض لو فعلا لسا فيه صحاب بالشكل ده
ويابختك ب مالك
ويابخت مالك بيكى
سمر : ويابختى انا بقي ب صاحبه ده هههههههههه
..............
( يوم الفرح ف الكوافير )
امانى : معقوله يا كلبه كنتى هتعمليها وتتجوزى من غيرى ؟
حبيبه : مووووووووووووونى وحشتينى ياجزمه يا حماره . وحشتينى جدااااااااااااااااا رجعتى امتى ؟
*الروايه ملك خاص للكاتب / أحمد سعد
و يتم نشرها في بيدج قصص وروايات للناشر محمد فريد
امانى : من الطياره ل هنا . استحاله يوم زى ده يعدى من غيرى . قولت ل عبدالله يلا . وعملتهالك مفاجاه .. وحشتينى يا حبيبتى وحشتينى . وربنا يتمملك على خير
سلمى : مساء الخير ! مبروك يا عروسه
حبيبه : اهلا وسهلا بيك يا قمر . اتفضلى .
سلمى : لو سمحتى ممكن دقايق بس
حبيبه : اه طبعا . اتفضلى
امانى : طيب يا حبيبتى انا بره وماتتأخريش عشان زمان عريسك جاى ياخدك بالعربيه
حبيبه : تمام حاضر
..
سلمى : ماشاء الله زى القمر
حبيبه : حبيبتى تسلميلى ... متشكره جدا
سلمى : انا سلمى . مرات احمد . صاحب مالك
حبيبه : اهلا اهلا بيكى . انا مش فاهمه حاجه . هما بيدبروا وبيعملوا ايه ؟
سلمى : هههههههههههه ان شاء الله خير ... المهم عاوزه منك حاجه تعمليها ضرورى ... ماتركبيش صحباتك معاكى ف العربيه . ركبى باباك وانتى وعريسك بس
حبيبه : طيب واخواتى وصحباتى
سلمى : هاتيهم معايا . انا معايا عربيتى ...
حبيبه : افهم بس فيه ايه هيحصل ؟
سلمى : ههههههههههه كل خير ... انتى اركبى عربيتك وسيبى نفسك للى هيحصل
حبيبه : هههههههههههههههههه وبعدين بقي . انا بدأت اقلق
سلمى : بالعكس يا حبيبتى ان شاء الله الليله هتعدى زى الفل
..................
( هشام بيدخل يجيب عروسته وبيركب العربيه وحبيبه بتصمم ان ابوها اللى يركب معاها جنب السواق )
....
احمد : الله اكبر ... الف مبروك يا عرايس
حبيبه : هههههههههههههه
محمد : الله اكبر
هشام : ايه هو فين السواق
احمد : مراته بتولد يا هشام بيه ، قولتله خد تاكسي وخليك معاها
هشام : طيب اسم الكريم ايه بقي
احمد : حمو يا باشا .. اسمى حمو
هشام : طب بسرعه بقي والنبى يا سي حمو اتأخرنا
احمد : عيونى
.....
( ف العربيه )
احمد : مساء الفل ياعم محمد ان شاء الله تبقى ليلة زى الفل ... استنو بقي اشغلكو حاجه حلوه عشان احنا خلاص قربنا ع القاعه
هشام : ايوه والنبى حاجات حلوه كده
احمد : عيونى يا هشام بيه
( بيشغل الفيديوهات على شاشة العربيه وبيشوفوا الكلام والصوت والصوره )
هشام : ايه ده ؟ انت مين يا بنى انت وايه التسجيلات دى وجبتها منين
احمد : اخرس خالص يا روح امك واسمعنى كويس ... البنت اللى جنبك دى تسيبك منها . دى عروسة واحد تانى . وبصراحه كده انا خاطفها عشان اجوزهاله ... ف هتطلع زى الشاطر كده وتلم الليله وتاخد بعضك وتمشى كان بها .... عملتلى فيها عنتر ابن شداد وحبيت تعمل نمره يبقى التسجيلات دى هتوصل الصبح للنيابه وهى تتصرف . دى فيها حبس وجنايه يابن الكلاب .. انت فاكر انك عايش ف الدنيا لوحدك ... ها قولت ايه ؟ القاعه على يمينا اهى . هتنزل تلم الليله ولا اخلى اللى ما يشترى يتفرج عليك وبردو العروسه سيبك منها لانها مش ليك .... والراجل الطيب اللى جنبى ده سامع وشايف كلامى ...
محمد : لا اله الا الله
هشام : طيب واسمى والفضيحه
احمد : مش مشكلتى ! زى ما عملت فيها اراجوز عشان تتجوزها مش هتغلب يا هشام بيه
هشام : طب واضمن منين ان الكلام ده مش هيوصل للنيابه بعد ما الم الفرح
احمد : مالكش ضمانات .. هو ده اللى عندى
هشام : طيب وقف العربيه . وقفها
احمد : ثانيه واحده .. الو ! مجدى ! تعالى سوق انت العربيه وانا نازل مع العريس انا وابو حبيبه عشان اتأكد من اللى اتفقنا عليه ....
حبيبه : احمد : خليه يجيب صاحبتى امانى
احمد : ميجو هات اللى اسمها امانى . راكبه ورا مع سلمى .. وخد انت حبيبه ل مالك .. ف القاعه اللى جنبنا .. بمعازيمنا احنا بقي .. مالك هتلاقيه واقف بره
مجدى : حاضر يا حب . ثوانى
( هشام سامع الكلام )
...........
هشام : يا جماعه . لظروف خارجه عن ارادتنا بعلن ان الفرح اتأجل لظروف معينه ... معلش واسف على كل ده بس فعلا خارجه عن ارادتنا
ها يا باشا ؟ تمام ؟
احمد : لغاية دلوقتى تمام
هشام : طب والفيديوهات دى . اوصللها ازاى ؟
احمد : قول يارب
هشام : طيب ثوانى
..
هشام : الو ! اسمع اللى هقولك عليه ونفذه بالحرف الواحد .... القاعه اللى جنبنا .. الواد مالك مش عاوزه على وش الدنيا خلال 5 دقايق ... بسرعه . هتلاقيه واقف بره القاعه وعامللى فيها عريس بروح امه ،، حادثه يا محمود ،، عاوزها حادثه
...........
( بعد 25 دقيقه )
مجدى : احمممممممممممممممد ، مالك اتخبط بعربيه . انا خدته ف عربيتى وطايرين
احمد : انت بتقول ايه يا مجدى ؟ مجدى . الو الوووووووووو ..
يابن الكلااااااااااااااااااااب ياهشام
............
( احمد بيدخل يجيب هشام ومعاه مصطفى من وسط الناس وبيدوله علقة موت والناس بتحوشهم عن بعض )
( سلمى بتجرى تاخد احمد من وسط الناس )
سلمى : احمد احممممد تعالى بس
احمد : يابن الكلاب يا وسخ لو طولت امك مش عاتقك ، وهوديك ف ستين داهيه يا بن الاوساخ
سلمى : تعالى يا احمد تعالى
.........
( ف المستشفى )
( حبيبه بتقطع كلامها وحكايتها مع امانى : ( بعياط ) اهى هى دى كل الحكايه يا امانى
امانى : يا حبيبتى ! كل ده مريتى بيه . طب وماكنتيش بتحكيلى ليه يا حبيبه
حبيبه : احكى اقول ايه . الحكايه كلها من اولها لاخرها وجع . ادعيلى والنبى قلبى مايتكسرش تانى
مالك لو راح منى مش هسامح نفسي
حاسه بخنقة رهيبه
حلمك قدام منك وبيقرب ويبعد مليون مره ف الدقيقه
ماشوفتنش كان شكلى عامل ازاى واحنا بنقرب ع القاعه وشايفه مالك واقف
كنت حاسه بنعيم الدنيا دى كلها ، كنت فرحانه اوى وقلبى كان فرحان . اول مره يفرح من زمان اوى كده
لانى كنت خلاص استويت وعلى اخرى من كميه الوجع اللى محاوطانى
وماشوفتيش وشى كان عامل ازاى لما شوفته يا عينى بيتخبط قدام منى
انا اللى عملت فيه كده
انا السبب
امانى : طب يا حبيبتى قومى كده وتعالى . سلمى اللى كنت راكبه ف عربيتها سامعه صوتها . وتقريبا احمد اللى بتقولى عليه ده بره هو كمان
........
احمد : مجدى ! ها يا مجدى ايه الاخبار . فينه مالك دلوقتى
مجدى : ( ساند ضهره على الحيط ) : لسا جوه يا احمد ،،
احمد : الدكتور مطلعش ؟
مجدى : طلع من شويه وقالنا 488 ساعه هيتحط ف الملاحظه وادعوله
احمد : قاعده كده ليه يا ست الكل . مالك كويس وهيبقى كويس ،،لوكا . اخوك هيبقى كويس يا لوكا
ام مالك : ياااااااارب . انا هيجرالى حاجه يا احمد
ملك : يااااااااااااااارب
......
احمد : فين يا حبيبه يا جماعه !!
محمد : تعبت ووقعت من طولها ، الممرضه ركبتلها محلول وامانى صاحبتها جوه .. على ما ندى اختها تيجى
احمد : طيب اندهولها بعد اذنكو . ادخلى هاتيها يا سلمى
سلمى : حاضر ثوانى
.....
( اوضة الطبيب )
الدكتور : مش هينفع يا استاذ تدخل والله
احمد : يا دكتور والله ما هنعمل اى صوت . مجرد بس انى حاسس ان المريض دلوقتى محتاجنى انا وحبيبته جنبه . محتاج صاحبه ومحتاج حبيبته .. عشان خاطرى واوعدك ان مافيش اى صوت هيطلع او اى محاوله اننا نضايقه ..
الدكتور : خلاص .. بس هما 5 دقايق
احمد : اقل من كده كمان ... متشكر ل حضرتك ،، تعالى يا حبيبه
.......
( بيدخلوا على مالك متعلقله محاليل وف شبه غيبوبه )
احمد : ( عينه بتدمع بغزاره )
سلامتك يا صاحبى ألف سلامه
انشالله انا ولا انت يا حبيبى
انشالله انا ولا انت
حقك عليا سامحنى
حقك عليا انى معرفتكش حقيقة الدنيا اللى احنا عايشين فيها
احتاجتنى اكتر من مره وكنت بنشغل عنك
سافرت وسبتك ف اكتر وقت كنت محتاجنى فيه
عارف يا مالك !
مش عارف انت سامعنى دلوقتى او حاسس بيا ولا لا
بس هقولهالك كلمه
وحق مين جمعنا سوا وخلانا نبقى اصحاب وكل واحد يرتبط بالتانى بالشكل ده ما هسيبك تانى
بس قوملى بالسلامه
قوملى وماتحرقش قلبى ولا تكسرنى اكتر منا مكسور
كفاية واحد من صحابنا راح يا مالك .. كفايه واحد يا موكا مش هيبقوا اتنين
مش هقدر على كده وهتلاقينى محصلكو قريب
موكا .. موكا انت سامعنى ؟
ماتعملهاش يا مالك وتروح ، صاحبك قلبه موجوع ولسا الوجع مألمش ف عشان خاطرى يا اخى ارجعلى . وارجع ل حبايبك . وارجع ل حبيبتك اللى مستنياك عشان تكملوا حياتكو مع بعض
دنا ما صدقت يا اخى قولتلى انك بتحب وهيمان
( بيبوسه على جبينه )
وحق صحبتنا دى اللى عمل فيك كده هساوى الارض بيه
موكا !! ماااالك ! ( بيعيط ) ورحمة ابوك يا شيخ ماتسيبنى ( بيقعد على الكرسي اللى جنبه )
..
حبيبه : مالك !
انا حبيبه يا مالك
حبيبتك
تعرف !
الفتره اللى فاتت ماوضحتش انك انت اللى كنت عاوزنى ومحتاجنى جنبك اد منا اللى كنت محتاجاك جنبى
دايما كنت ببصلك من اول يوم شوفتك فيه على انك امانى ف الدنيا وسندى وحمايتى
ببصلك على انك الحاجه الحلوه اللى ظهرت وخايفه انها تضيع من ايدى
مالك ! انا مش هقدر اكمل حياتى وانت مش فيها
فاهمنى ! مش هقدر اكمل حياتى وانت مش فيها
سامحنى يا مالك انى جيت عليك
عارفه انى اسفى قصاد وجعك غلبان
وعارفه انى مهما قولت وحكيت وشكيت مش هيكون ذره قصاد اللى انت حسيت ومريت بيه
مالك .. سامعنى يا بابا ؟
طب قوم طيب . قوم اتخانق معايا واشتمنى
قوم انا راضيه بأى حاجه
احكيلك سر اول مره هتعرفه وصاحبك اهو شاهد عليا
اول مره ادخل فيها الشركه
ولقيتك انت اللى هتعمل الانترفيو معايا
فرحت اوى . ليه وعشان ايه معرفش
اوعى يعنى تكون مفكر نفسك واد حليوه يعنى والبنات كلها هتجرى عليك
لا يا بابا . انا فرحت لانى اتخطفت
انت خطفتنى ياواد
كنت كل ما تدور وشك وتبص ف الورق كنت املى عينى منك واشبع من ملامحك
وحشتنى اوى يا مالك ومش عارفه اعمل ايه لاجل ما الوجع يروح منك
يا حبيبى خلى الوجع ليا بس قوم
انا راضيه اخد وجعك العمر كله
( بتمشى ايديها على شعره )
وبعدين انا زعلانه منك
ازاى تسيبنى الفتره دى كلها بلطش ف الدنيا وسيادتك بتتفسح عند صاحبك ده ف اسكندريه
مش انا كنت اولى انك تاخدنى تفسحنى معاك ( بكسره نفس ودموع )
( احمد سامع كلامها وموجوووووووع وعينه غرقانه )
ايوه يعنى اللى هو ازاى تسيبنى ف الظروف دى وتروح اسكندريه
قوم انت ياخويا بالسلامه وانا حسابى معاك بعدين
اما اشوف اخر سرمحطتك دى ايه يا استاذ انت
امبارح واحنا بنتعشى كلنا واحمد كان عمال يتكلم عليك يا عينى انت والبنت اللى بتحبها وخايف انها تروح من ايدك . كنت بملى عينى منك وانت قاعد زى ما اكون لقيت ابنى
ياريت اتقابلنا بدرى
ياريت قلبى وقلبك ماتكسروش قبل كده
ياريت ماتشوفش وحش وشر ابدا يا حبيبى
وتقوم بالسلامه ونكبر سوا ونعيش سوا
ماتكسرش قلبك صاحبك ويلا قوم بقي . شوفت قاعد ازاى
ماتكسرش قلب مامتك واختك
ماتكسرش قلب حبيبتك
حبيبى
" ياريت الزمن يرجع ساعه واحده ساعتها هاخدك من وسط البشر ونعيش ف دنيا لوحدنا مامعاناش غير حبايبنا وبس . مش عاوزين حاجه تانيه غير حبايبنا وبس "
بابا
حبيبى
بردو مش عاوز ترد !
طب زعلان منى طيب
طب قوم قول انك مسامحنى ونام تانى
المهم تقوم
مالك !
موكا
موككتى
حبيبى قوم بقي بطل رخامه
( بتقعد جنب احمد وبتعيط )
...
احمد : اتطمنى هيقوم
والله العظيم هيقوم
هيقوم عشان ياخد حقه م الدنيا اللى كان محروم من كل حاجه حلوه منها
حبيبه : ( بعياط ) " يااااااريت "
...
الممرضه : خلاص يا جماعه كده من فضلكوا
احمد : حاضر . يلا يا حبيبه
حبيبه : خلينا شويه
احمد : شويه كده وهندخل تانى .. مش كده يا انسه ؟
الممرضه : ان شاء الله ....
احمد : ثوانى كده .. مش عين مالك بتفتح ولا انا بيتهيالى
الممرضه : فين ده ..؟
ياخبر
( بتجرى تنده ل دكتور سعيد ) دكتووووووووووور سعيد دكتور سعييييييييييييييييد من فضلك ثوانى
احمد : يا أخى حمد الله ع السلامه يا اخى رعبت ميتين اللى خلفونا ( عينه بردو غرقانه دموع )
حبيبه : ( بعياط ) حمد الله ع السلامه يا قلبى
مالك : انا فين ..؟
احمد : انت ع البيسين ف شرم الشيخ . ..
......
دكتور سعيد : عن اذنكو يا جماعه اتفضلو بره عاوزين نشوف شغلنا
..........
(النهايـــــــــــــــــــــه )
الى لقاء ف روايات اخرى الكاتب. احمد سعد
الناشر. محمد فريد