روايه ياريت

(الحلقه الرابعه ) ( انا مالى ! )

غير.مصرح.بنشر.القصة.الإ.معرفه.الكاتب.او.الناشر
...................
في الحلقة السابقه _
ليلى : مستر محمود طالع ع الفرع التانى ، اخلص والبس وتعالى . قدامك ساعه بالكتير
مالك : طب غورى بقي
ليلى : هههههههههه لما تجيلى يا مز انت
مالك : هتعملى ايه يعنى
ليلى : هستفرد بيك ، عاوزه ابوسك هههههههههه
مالك : نص ساعه وهتلاقينى عندك
................... ( الرابعه ) <3
غير.مصرح.بنشر.القصة.الإ.معرفه.الكاتب.او.الناشر
ليلى : ناموسيتك كحلى يا استاذ
مالك : اعمل ايه بس ، مالحقتش انام والله
ليلى : كنت سهران ف انهى نيلة امبارح
مالك : حتة مكان ، فاجر هبقى اخدك معايا مره
ليلى : ماشى ،
مالك : الجماعه بتوع الشركه المالكه جم ولا لسا ؟
ليلى : على وصول
مالك : تمام
ليلى : اتصل على مستر هشام بقي عشان طلبك وانا قولتله انك ف الحمام او مش عارفه فين ،، قالى لما ييجى يكلمنى
مالك : طيب استنى
ألو ! ايوه يا مستر هشام
هشام : ايوه يا مالك فينك
مالك : موجود يا فندم اهو ، اؤمرنى
هشام : بقولك ! مستر محمود راح الفرع التانى دلوقتى ، هبعتلك ورق دلوقتى مع رشا تخلصهولى بسرعه ، عشان حبيبه محتاجاه جدا ،
مالك : حبيبه مين يا فندم ؟
هشام : هههههههههه حتة البونبونى اللى انت وظفتها امبارح / لا انا بهنيك بجد على البنت دى ، نظرتك عمرها ما خيبت
مالك : اااااااااه هى استلمت شغلها خلاص
هشام : اه يا سيدى م الصبح وهى مع رشا استلمت منها الشغل وقاعده مع ساره بقالها فتره اهى بتفهمها الدنيا . بس كانو محتاجين الورق ده يتوقع من ال H R عشان يكملو ورقهم
مالك : لا تمام ، ابعتهولى وانا هخلصه لحضرتك
هشام : تمام ،
غير.مصرح.بنشر.القصة.الإ.معرفه.الكاتب.او.الناشر
................
ساره : كده تمام يا استاذه حبيبه /
حبيبه : تمام جدا ، انا متشكره جدا يا استاذه ساره وبجد استفدت منك كتير
هو انا ممكن اسألك سؤال
ساره : اكيد اتفضلى
حبيبه : انتى سيبتى المكان هنا ليه وهتروحى فين . انا سمعت من مستر هشام انك هتتنقلى
ساره : ههههههههههه اه عادى حركة تنقلات بتبقى ف الشركه بصفه دوريه كل سنه
بس انا رايحه لمكان يعتبر احلى ، رايحه فرع الشركه التاني اللى ف الزمالك وتقريبا هناك الدنيا حلوه اكتر واكتر ، ده غير امتياز جديد ف مرتبى هيخليه يعلى
حبيبه : اها تمام ... لا يا حبيبتى الف مبروك وانشالله نلحقك عن قريب
ساره : هههههههههههه ان شاء الله . المهم لو احتاجتى اى حاجه انا معاكى وهتلاقينى جنبك على طول ، اطلبينى بس
حبيبه : اكيد من غير ما تقولى طبعا . متشكره اوى
ساره : يلا انا هستأذنك بقي . عاوزه حاجه
حبيبه : اه هاتيلى رقمك بقي
ساره : ههههههههههه اه نسيت معلش . اكتبى عندك ياستى
غير.مصرح.بنشر.القصة.الإ.معرفه.الكاتب.او.الناشر
............
( بعد الضهر )
هشام : الو ! رشا خلصتو اللى وراكو ؟
رشا : اه يا فندم حبيبه استلمت من ساره وخلاص يعتبر بقت معانا الحمد لله
هشام : طب جهزوا نفسكو يلا هنخرج نتغدى بره النهارده احتفالا بحبيبه النهارده واهو يبقى عيش وملح
رشا : ههههههههههههه اوكى يا مستر
غير.مصرح.بنشر.القصة.الإ.معرفه.الكاتب.او.الناشر
..........
رشا : جهزى حالك يا بنتى هنتغدى مع مستر هشام
حبيبه : ايه ؟ دى اول مره هقعد مع حد غريب كده لوحدنا
رشا : اولا ده مش غريب ده مديرك المباشر ومدير المكان اللى احنا كلنا شغالين فيه
ثانيا انا معاكو اهو
ثالثا وده الاهم اتعودى على كده لان شغلك ف الاساس هيبقى علاقات عامه وهتقابلى ناس وهتقعدى مع ناس
لازم يكون عندك مرونه شويه
حبيبه : ماشى ياستى بس انا متوتره بس
رشا : لا يا حبيبتى ولا تتوترى ولا حاجه منها غدا ومنها دردشه شويه ومنها زي ما قال كده عيش وملح
حبيبه : خلاص تمام طالما انتى معايا انا متطمنه
رشا : يا روحى ماتقلقيش
غير.مصرح.بنشر.القصة.الإ.معرفه.الكاتب.او.الناشر
.............
حبيبه : الو ! ايوه يا ماما انا هتأخر شويه
ام حبيبه : ليه يا حبيبتى
حبيبه : خارجه مع زمايلى كده ومع المدير بتاعنا عازمنا النهارده على الغدا بمناسبة قبولى ف الشغل . زى احتفاليه كده
ام حبيبه : مديرك ؟ ومعاكى زمايل اد ايه وولاد ولا بنات
حبيبه : لا يا حبيبتى بنات ، هو بس عاملنا عزومه كده بيقول عيش وملح وبداية شغل وتعارف وكده
ام حبيبه : طيب يا حبيبتى خلى بالك من نفسك
حبيبه : ايوه والنبى قولى لبابا عشان مايقلقش عليا
ام حبيبه : ماتقلقيش .
ندى : هاتيهالى يا ماما اكلمها
ام حبيبه : حبيبه ! خدى اختك عاوزه تكلمك
ندى : الو ! ايوه يابت ياصايعه هههههههههههه رايحه فين كده من أولها
حبيبه : ههههههههههه مافيش يا حبيبتى هنتغدى مع المدير بتاعنا انا وزمايلى بمناسبه تعيينى الجديد وكده
ندى : طب بقولك ايه . طبقى الكلام اللى قولتهولك ، لا تصدى ولا تردى يعنى خلى كلامك منظم وبسهوله ، خلى بالك من نفسك يا بيبه
حبيبه : حاضر يا نودى ماتقلقيش على اختك
ندى : ماشى يا حبي . مع السلامه
حبيبه : مع السلامه
..............
هشام : يلا يا جماعه
رشا : يلا . جاهزين
حبيبه : تمام اتفضلوا
غير.مصرح.بنشر.القصة.الإ.معرفه.الكاتب.او.الناشر
...........
( ف المطعم )
هشام : ها يا حبيبه ازاى كان أول يوم النهارده ف الشغل ؟ اتبسطتى ؟
حبيبه : بصراحه يا فندم الواحد مايحلمش بأكتر من كده بصراحه
الكم ساعه اللى قعدتهم النهارده ف لشركه فادونى جدا
على اد ما الشركه كان فيها احترافيه شديده ف الشغل ومعاملات كويسه مابين العاملين اللى فيها وبين الناس وبعضها ... غير كل الدعم والاسلوب الحلو اللى شايفينه من طقم الاداره وعلى راسهم حضرتك
هشام : ان شاء الله تبقى بداية تعامل حلو وبشرة خير عليك
قوليلى بقي اشتغلتى ايه قبل كده ؟
حبيبه : ف شركه كده بس بصراحه ماكنتش ع المستوى اللى الواحد مستعد يقضى فيه وقت اكتر من كده ..
هشام : لا ماتقلقيش . عندنا مش هنخليك تقولى كده وهتمسكي فينا بايدك وسنانك
حبيبه : ههههههههههه دى حاجه انا متأكده منها يا مستر .
هشام : ايه يا رشا ساكته ليه ؟
رشا : هههههههههه مع حضرتك يا فندم ،
هشام : المهم ! اطلبولنا حاجه بقي على ما اقوم ادخل الحمام دقايق وراجع
رشا : اتفضل يا فندم
غير.مصرح.بنشر.القصة.الإ.معرفه.الكاتب.او.الناشر
.............
ليلى : ها مروح
مالك : هو انا لحقت اجى اصلا . انا ايه اللى جابنى نفسي افهم ماكنت نايم
ليلى : اهو جيت وخلصت اللى وراك لان ماكنش ينفع ماتجيش النهارده
مالك : يلا ! هنعمل ايه بقي ، وبعدين انتى كل يوم بتحلوى كده ليه ـ اتلمى بقي
ليلى : عينك ياض ، انت دابب عينك فين احترم نفسك ههههههههه بطل سفاله
مالك : هو انتى مخليانى عارف ابطل حاجه ، ارحمينا بقي ،
ليلى : وراك حاجه الليلادى
مالك : هشوف الجدول واقولك ههههههههههههه
ليلى : اه يا واطى ، ايه ؟ مابتحنش
مالك : ايه الضعف ده ، بلاش اغراء بقي . انتى عارفانى مابتهزش
ليلى : هتيجى النهارده انا عارفه ... هستناك
مالك : ماشى ! هشوف واقولك
ليلى : اسكت ! مش هشام سارح بالبت الجديده هههههههههههه
مالك : ( باهتمام ) ايه ؟ حبيبه ؟ ازاى ؟
ليلى : هى علقت ف دماغك ولا ايه ؟ اه سارح بيها خدها هى والبت رشا النهارده عزمهم على الغدا ، ال ايه بمناسبه قبولها ف الشغل
مالك : ما يمكن يكون عشان قبولها فعلا
ليلى : جرى ايه يا عم مالك انت تايه عن هشام ، ده حوت كبير
مالك : مش تايه عنه . بس كبيره هيعمل ايه يعنى ؟ هيديها قرشين يزغلل بيها عيونها . النوع ده مش كده
ليلى : هى بصراحه ومن غير نفسنه البت حلوه وزى القمر ويتطمع فيها بصراحه ههههههههههههه
مالك : ايه ؟ اه فعلا . .. انتى مروحه ولا رايحه حته تانيه ؟
ليلى : لا رايحه عند اختى عازمانى النهارده . هتغدى وابقى اروح هبقى اكلمك
مالك : تمام ! هسيبك بقي ، عشان هعدى على واد صاحبى هنا عاوزه ف مصلحه
ليلى : يخربيت مصالحك ياض . ماشى . ابقى رنلى
مالك : ماشى . باى
ليلى : باي
غير.مصرح.بنشر.القصة.الإ.معرفه.الكاتب.او.الناشر
......
مالك : ألو ! ازى حضرتك يا مستر هشام
هشام : مستر هشام مين يابنى احنا بره الشغل . ايه يا موكا انت هتصدق انى مديركو هههههههههههههه دنا كمالة عدد ياعم عشان ابويا مايزعلش
مالك : ههههههههههههه ماشى يا إتش ، بتعمل ايه وراك ايه النهارده
هشام : مافيش انا قاعد مع البنات اهو بنتغدى
مالك : بنات ؟ بنات مين ؟
هشام : رشا وحبيبه ، بنتغدى يا سيدى احتفالا بحبيبه ، اللى انت اختارتها تشتغل معانا هههههههههههههه
حبيبه : ( بتسمع المكالمه باهتمام )
مالك : ههههههههههههههه يعنى ايه ماستاهلش انا كمان العزومه دى ولا ايه ؟
هشام : ياسلام / لو قريب تعالى ، احنا ف المطعم اللى جنب الشركه عارفه انت طبعا
مالك : اه تمام تمام . عشر دقايق واكون عندك اطلبلى استيك على ماجى هههههههههههههه
هشام : انجز بقي
....
رشا : ايه ده هو استاذ مالك جاى ؟
هشام : اه ياستى . بيقولى لازم احتفل معاكو انا اللى اختارت حبيبه
رشا : ( بسعاده ) طب تمام
حبيبه : ينور , هو شخصيه محترمه اوى وكان جنتل اوى معايا
هشام : هههههههههههههه يا حبيبه انتى تفرضى ع الكل انه يحبك او يعاملك باسلوب كويس .
حبيبه : متشكره جدا لذوق حضرتك
غير.مصرح.بنشر.القصة.الإ.معرفه.الكاتب.او.الناشر
...........
( مالك سايق عربيته ورايح المطعم وهو مش عارف هو عمل كده ليه )
............
هشام : اهو مالك وصل اهو . تعالى يابنى
مالك : ايه يا جماعه مساء الخير عليكو
رشا : مساء النور يا ريس
مالك : ريس ايه يا رشا انتى صدقتى ... مساء الفل يا انسه حبيبه
حبيبه : مساء الخير يا استاذ مالك / اخبار حضرتك ايه ؟
مالك : حظك بقي انى ماشوفتكيش النهارده ، ماكنتش اعرف انك هتيجى على طول كده دنا كنت لسا عامل معاك المقابله امبارح
هشام : ياسيدى انا بشكرك لتانى مره النهارده اهو وقدام حبيبه ، ماشاء الله عليها غير انها فاهمه شغلها وخبيره فيه ، الا انها بتقدر تفهم الشغل عاوز ايه وده اللى انا عرفته النهارده
مالك : لا واضح انها لهلوبه زى ما بيقولوا هههههههههههههه المهم فين الأكل انا جوعت
هشام : ههههههههههه اهو وصل اهو ، ابن حلال
غير.مصرح.بنشر.القصة.الإ.معرفه.الكاتب.او.الناشر
........
( نهاية العزومه )
حبيبه : انا هضطر استاذن بقي يا جماعه ومتشكره جدا ع العزومه دى ،
هشام : طب استنى استنى اوصلك
حبيبه : لا يا فندم مش لازم انا عارفه هركب ايه والبيت مش بعيد اوى يعنى
مالك : لا عن اذنك يا مستر هشام انا هوصلها ، وحضرتك وصل رشا بقي لانها ف نفس طريقك . انتى ساكنه فين يا حبيبه
حبيبه : يا جماعه متشكره جدا والله انا هروح زى منا بروح كل يوم ، معلش
مالك : ههههههههههههه يلا يلا بلاش دلع احنا زمايل . تمام يا مستر هشام ولا ايه ؟
هشام : اه طبعا اتفضلى انتى معاه يا حبيبه وانا هوصل رشا
حبيبه : يا جماعه بس..
مالك : ايه يابنتى كل الكسوف ده يلا
رشا : يلا يا بنتى ايه فيه ايه هههههههههه
حبيبه : اوكى خلاص اللى يريحكو . اتفضل
غير.مصرح.بنشر.القصة.الإ.معرفه.الكاتب.او.الناشر
..............
(ف العربيه )
مالك : ايه بقي ، ليه كل الكسوف ده
حبيبه : بصراحه انا لغاية دلوقتى مش عارفه انا راكبه مع حضرتك ازاى لوحدنا ، عمرى ما عملتها
مالك : طيب وفيها ايه ؟ وبعدين بلاش كلمة حضرتك دى اولا بتحسسنى انى عجوز ثانيا انتى مش مقتنعه ليه اننا بقينا زمايل ولازم نخاف على بعض واكتر من اخوات ، ف فكيها شويه محدش هيخطفك
حبيبه : انا عارفه والله وكلكوا ماشاء الله شخصيات محترمه بس احنا طبيعتنا ممكن تكون مختلفه شويه ، انت اكيد عارف
مالك : هههههههههه انتى بتكلمينى على اساس انى مولود طول عمرى ف المعادى وف بؤى معلقه دهب ؟ ماتقلقيش انا ابن بلد بردو وخدناها من تحت ، اى نعم ابويا سايبلنا قرشين كويسين وكويسين جدا كمان بس انا تربية شوارع زى ما بيقولوا ههههههههههههه تربيه شوارع دى معناها حاجه حلوه مش وحشه هههههههههه ف ماتخافيش يعنى
حبيبه : هههههههههههههه اه حضرتك فاهمه . انا بس متاخده شويه من الجو والحاله الجديده اللى دخلتها ،، خصوصا ان الشركه اللى اشتغلت فيها قبل كده كنت ف حالى يعنى ماكنش ليا اختلاط مع حد
مالك : لا ياستى ان شاء الله تعمرى معانا ف الشركه وتتبسطى معانا
حبيبه : ان شاء الله
مالك : قوليلى بقي انتى ليكى اصحاب قرايب حد بتحكيله وتشكيله كده ولا بردو منعزله
حبيبه : هههههههههههه انا ليا اختى اكبر منى بسنتين وليا بنات خالتى متربيين كلنا مع بعض ف هما دول اصحابى
مالك : تمام جدا // المهم المره دى اعتبريها عربون صداقه ، تسمحيلى اوصلك كل يوم كده
حبيبه : متشكره لحضرتك جدا بس مش هينفع
مالك : ليه كده ماحنا تقريبا نفس الطريق .. مش انتى هتنزلى هنا ؟
حبيبه : اه
مالك : طيب انا هنزلك وهكمل . مش بعيد يعنى . نفس الخط
حبيبه : معلش مش هقدر والله ، هى النهارده بس جات كده ولغاية دلوقتى متلخبطه والله ومش عارفه عملت كده ازاى ؟
مالك : خلاص اوكى اللى يريحك .. اشوفك بكره بقي . ده الشارع تقريبا صح ؟
حبيبه : اه هنا تمام .. متشكره جدا وتعبتك معايا
مالك : لا ابدا ماتقوليش كده . اتفضلى
حبيبه : باى
مالك : باى
.................
غير.مصرح.بنشر.القصة.الإ.معرفه.الكاتب.او.الناشر
مالك ف سره : هو فيه ايه ؟ ايه البت دى ؟ وايه البراءه دى ؟
حبيبه ف سرها : قلبى هيقف ، منك لله يا بعيد انت وعيون أهلك دى )
غير.مصرح.بنشر.القصة.الإ.معرفه.الكاتب.او.الناشر
................
عاوزين تفاعل مع الروايه عشان تكمل وشارك برأيك
انتظرونا ف الحلقه الخامسه بكره الساعه 8
الكاتب. احمد سعد
الناشر. محمد فريد