روايه ياريت

(الحلقه الأولى ) ( نهاية وبداية )

أبطال المسلسل :
حبيبه : بطلة الروايه
مالك : بطل الروايه
ندى : أخت البطله
مجدى : صاحب البطل
امانى : صاحبه البطله
والمزيد من اصحاب الابطال وشخصيات كتير هنقابلها
وبتدور الرواية ف محافظة القاهره
غير.مصرح.بنشر.القصة.الإ.معرفه.الكاتب.او.الناشر
.............. (الحلقه الأولى ) <3
( بتبدأ الرواية ب حبيبه لابسه فستان فرحها غرقان دم وبتجرى تدخل المستشفى ومالك راقد على عربيه الاسعافات الخاصه بالمستشفى وداخلين بيه )
حبيبه : ( بعياط ) دكتووووووووووور ! فين الدكتور اللى هناااااااااااااا ،حد يلحقنااااا حد ينجدنااااااااا ( عياط وانهيار )
دكتور الاستقبال : من هنا من هنا يا محمد ، ( عمليات بسررررررررررررررعه )
الممرضه : بسرعه يا دكتور انا هنده على دكتور سعيد
دكتور الاستقبال : بسرعه يا زينب بسرررررررررعه الحاله بتروح مننا
...
الممرضه : دكتور سعيد إلحقنا / وصلت حالة ودكتور عبد الرحمن دخلها العمليات وعاوزك
دكتور سعيد : ( بيقوم يجرى من على الكرسي ) بسرعه انا جاى ، حادثه دى ولا ايه
الممرضه : شكلها حادثه يا دكتور ،
غير.مصرح.بنشر.القصة.الإ.معرفه.الكاتب.او.الناشر
.............
( امام غرفة العمليات )
دكتور عبد الرحمن : رايحه فين يا استاذه استنى هنا
حبيبه : ( بعياط ) لا هدخل ، سيبونى محدش يحوشنى هدخل معاكو
دكتور سعيد : لو سمحتى ساعدينا شويه عشان نلحق الحالة اتفضلى ، خلو الامن يمسكوها شويه مش عارفين نشتغل يلا يا دكتور عبد الرحمن
دكتور عبد الرحمن : يلا يا دكتور ،،، ( بيمسك ايد حبيبه ) عشان خاطره هو اهدى واستنى هنا .. وادعيلنا
حبيبه : ( بتقعد على الارض بيأس شديد ) حاضر
والنبى والنبى اعملوله حاجه خلوه يرجع
قولوله عشان خاطر حبيبتك
دكتور عبد الرحمن : حاضر اهدى .
حبيبه : ( وشها بيشحب وبيغمى عليها والدكتور بينادى على الممرضه تفوقها )
غير.مصرح.بنشر.القصة.الإ.معرفه.الكاتب.او.الناشر
............
( بعد نص ساعه )
ام مالك : ( بعياط ) ابننننننننننى فين ابنى ؟
ابو حبيبه : جوه ف العمليات يا ام مالك / ادعوله
ام مالك : ( بتقعد على ركبتها ) يااااارب ، يارب ماليش غيره ف الدنيا ونيسى وحبيبى ودنيتى
ماتضرنيش فيه يا ارحم منى عليه
ماتضرنيش فيه يارب
يارب !
يارب سامحنى انا اللى معرفتش اننا كسرناه الا متأخر
يارب خدنى مكانه ولا تضرنى ف ابن قلبى
يارب
وكلتك امرى
ارحمنى ياررب ، ارحمنى يارب
ملك ( أخت مالك ) : ( عياط وشهقه وكتمه نفس ) يااااااااااااارب ! ياااااااااااارب ( وبيغمى عليها والممرضه بتجرى عليها )
مجدى ( صاحب مالك ) : ان شاء الله هيقوم بالسلامه / قومى انتى يا طنط اقعدى على الكرسي وان شاء الله هنتطمن عليه
غير.مصرح.بنشر.القصة.الإ.معرفه.الكاتب.او.الناشر
.............
أمانى ( صاحبة حبيبه ) : اصحى يا حبيبتى خضتينا عليك ، ايه اللى عملتوه ده
حبيبه : مااااااااالك ! مالللللللك !!
امانى : يا حبيبتى ؟ صحصحى انتى بس
حبيبه : خرج م العمليات ولا لسا ؟
امانى : لا لسا ! كلهم بره ، بيدعوله / قومى يلا انتى كمان ادعى
حبيبه : طب خدينى لعندهم
امانى : ما بلاش يا حبيبتى ! مامته بره واخته
حبيبه : مش مهم ! المهم ابقى جنبه عشان لما يصحى يلاقينى جنبه
امانى : عريسك فض الفرح والمعازيم كلها فضلت تسال ايه اللى حصل ، وابوك بيجرى وراكى عشان يلحقك ، ومامتك وقعت من طولها
حبيبه : خدينى عنده يا امانى انا مش قادره أتكلم
امانى : تعالى يا حبيبتى قومى
غير.مصرح.بنشر.القصة.الإ.معرفه.الكاتب.او.الناشر
.................
( بعد ساعتين )
ابو حبيبه : اوضة العمليات اتفتحت يا جماعه ،
ام مالك: يارب طمنا
( وش الدكتور جاى من بعيد مش مبسوط وباين على وشه قلة الحيله )
دكتور سعيد : والله يا جماعه احنا عملنا كل حاجه نقدر نعملها ، احنا وقفنا النزيف لانه كان بينزف من كل حته ، وم المخ ، 48 ساعه هيتحط تحت الملاحظه وف العناية المركزه وفيه اتنين ممرضات مالهمش شغلانه غير ابنكو ، ادعوله ان ال 48 ساعه دول يعدوا على خير ، هو دلوقتى ف زمة اللى خلقوا ،، هو أحن عليه من أى حد ادعوله هو محتاج الدعوه دلوقتى
ام مالك: ( بتسلم امرها لله وبتقعد على الارض ) لله الأمر من قبل ومن بعد ، لله الأمر من قبل ومن بعد
ملك : ( ايديها بتترعش )
مجدى : ( بياخد جنب وبيسند على الجدار )
ابو حبيبه : ( بيمسح بايده على عينه الدموع اللى نازله )
حبيبه : ( بحسره) دكتور ! ممكن ادخله
دكتور سعيد : معلش مش قبل 24 ساعه على الأقل ، هو مش معانا دلوقتى ،
حبيبه : ( بعياط ) مش هتكلم ! هفضل جنبه ، هو عاوزنى جنبه ، عشان خاطرى يا دكتور
دكتور سعيد : معلش مش هينفع ، عن اذنكوا
غير.مصرح.بنشر.القصة.الإ.معرفه.الكاتب.او.الناشر
................
ام مالك: لو حصله حاجه مش هسامحكوا العمر كله
لو حصله حاجه مش هسامحكوا العمر كله ( بتعيط )
ابو حبيبه : هدى نفسك يا ست ام مالك
ان شاء الله هيقوملك ويقوملنا بالسلامه
ام مالك: انت اللى بتقول كده ؟ حسبى الله ونعم الوكيل
ابو حبيبه : ابنك يقوم بالسلامه وكل حاجه هتتعدل ،
كل حاجه هتتعدل
صدقينى مافيش اصعب من لحظه زى دى تمر ع البنى ادم تخليه يعيد نفسه وحساباته من الأول
يا أم مالك ابنك ادانى درس عمرى ما هنساه ف حياتى
ادانى درس بنفسه هو
علمنى يعنى ايه اتمسك بحقى ف الحياه وماتخلاش عنه مهما حصل
وحياة بنتى اللى ما عندى أغلى منها ف الدنيا دى يقوم بس هو وكل حاجه هتتعدل
كل حاجه هتتعدل
مجدى : كل الكلام مالوش اى وزن دلوقتى يا ابو حبيبه ، يقوم هو بس ، مش عاوزين اكتر من كده
ابو حبيبه : هيقوم يا حبيبى هيقوم ،
امانى : عن اذنكو يا جماعه ، هاخد حبيبه بس تشرب حاجه لان شكلها عندها هبوط تانى
ابو حبيبه : روحى معاها يا بنتى وماتقلقيش كلنا هنا
غير.مصرح.بنشر.القصة.الإ.معرفه.الكاتب.او.الناشر
...........
امانى : خدى اشربى العصير ده / الدكتور قالى شربيها سوايل ،، بقولك ايه اجمدى بقي
حبيبه : صورته قدامى
نظرة عينه قدامى ف اخر لحظه قبل ما يحصل اللى يحصل
كسرة عينه ودموعه اللى كانت نازله لما شافنى
زوغان عينه اللى خلاه مايشوفش قدامه
لو حصله حاجه مش هقدر اعيش يا امانى
مش هقدر اعيش ( بتعيط )
امانى : للدرجادى ؟ طب يا حبيبتى انا مش فاهمه الحكاية دى بدأت وابتدت منين وازاى ، ماتعرفينى حكايتك انتى وهو
حبيبه : مش قادره ! مش قادره اتكلم ولا انطق
امانى : يا حبيبتى مانتى اهو شايفه الدكتور قال مش قبل 48 ساعه يقدر يتكلم او يكون موجود معانا .. وبعدين لازم تروحى وترتاحى كفاية اللى حصل النهارده ،
حبيبه : طز ف اى حاجه حصلت ، مش مهم ، المهم انى اتطمن عليه
امانى : طب تعالى روحى ارتاحى طيب
حبيبه : سيبينى ف حالى يا امانى وقومى انتى روحى ، انا مش ماشيه من هنا غير وهو معايا
امانى : يا حبيبتى مش كده ، مش كده والله وجودك جنبه مش هيفيده ولا هيضره ، تعالى ارتاحى النهارده وبكره نيجى انا وانتى من أول اليوم عشان نعرف نكمل ونفضل معاه
حبيبه : مش هقدر ، انا هنا . ف المكان اللى هو فيه هفضل فيه ، كفاية اللى حصل وكفاية كل الوقت اللى فات ده ،
امانى : كده ؟ طب استنى ! خدى اشربى العصير ده كمان .. واحكيلى بقي حكايتكو دى ، احكى كل تفصيله وكل حركه صغيره لغاية ما وصلتو لهنا
حبيبه : بصى يا ستى !! الحكايه بتبدأ كنت انا مقدمه على شغل ف الشركه اللى مالك كان مسؤول ف ال H R فيها ، وهو المسؤول عن ملفات الموظفين اللى مقدمين وظايف يعنى وبيعمل معاهم مقابله شخصيه
كنا حوالى 4 بنات
انا فضلت لغاية أخر واحده
كانت كل بنت تدخل تقعد بتاع ربع او تلت ساعه وتخرج مبسوطه
لغاية ما لقيت السكرتيره بتقولى اتفضلى ي انسه دورك
دخلت ولقيته قاعد على مكتبه
وابتدت الحكاية اللى هحكيهالك دلوقتى
غير.مصرح.بنشر.القصة.الإ.معرفه.الكاتب.او.الناشر
................
عاوزين تفاعل مع الروايه عشان تكمل وشارك برأيك
انتظرونا ف الحلقه التانيه بكره ف نفس الميعاد
الكاتب. احمد سعد
الناشر. محمد فريد