روايه ياريت

(الحلقه الثالثه والعشرون ) ( الصحبه الحلوه )

(الحلقه الثالثه والعشرون ) ( الصحبه الحلوه ) <3
...................
(الحلقه السابقه )
حبيبه : يتحرق الشغل اكتر ماهو محروق . شغل ايه وقرف ايه دنا كنت بروح عشانه . دلوقتى كرهت الشغل ... يومين كده ولا حاجه اما اعاصبى ترتاح
ندى : احسن بردو . اهو تونسينى شويه .. نامى يلا وبطلى ترفيس وانتى نايمه بلا عبط بقي
حبيبه : طيب ياختى . تصبحى على خير
.............
( تانى يوم ف اسكندريه )
احمد : حمد الله ع السلامه يا غالى ( بيحضن مالك حضن طووووويل )
.......................... ( الثالثه والعشرون ) <3
احمد : ازيكو يا شوية صيع
مالك : ( بيحضنه ) واحشنى كتير ياض انت والله ،، المطعم ذوقه حلو اوى ايه الجمال ده
احمد : زمان نافوخكوا هيضرب صح ؟ هههههههههههه ايه يا علوه ؟
على : حبيبى حبيبى .. ابو الاملاك كلهم ،ازيك ياض .. ازيك ياض يا مجدى . لسا مش عاوز تحلق ام شنبك ده ههههههههه
مجدى : ايش عرفك ف الشياكه ياعم اجرى
احمد : اتنيل يا بغل انت وهو .اخباركو ايه ياعيال . وحشتونى يا عالم يا واطيه يعنى لازم ألعن ساسفيل جدودكو عشان تيجو تقعدوا معانا شويه
مالك : معلش بقي ، اهى الدنيا لفت لفت وجينا اهو ياعم . وهنبلط عندك شويه ، سلمى عامله ايه
احمد : الحمد لله ياخويا مربيه لاخوك الرعب هههههههههههه بخاف اتلفت حوالين منى والله لاتكون قاعدالى تحت ترابيزه ولا الاقيها طالعالى من خرطوم الشيشه . دنا بخاف افتح نفس امى عليها بكلمه واحده عشان عارف انها هتعرف
على : امممممم فعلا والله . سبحان الله بتعرف اى حاجه ازاى تحصل ف المطعم هنا معرفش
احمد : وحياة ربنا تلاقيك انت اللى بتوصللها اخبارى يا كلب البحر انت منا عارفك
مالك : ههههههههههههههههههههههه
مجدى : ههههههههههههههههههههههههههههههه يعملها والله .
احمد : ده يعمل ابوها . هو و الاهبل التانى اللى اسمه مصطفى
مالك : حبيبى والله الواد درش هو فين
احمد : لا ماهى السهره النهارده عندى . هنفضل سهرانين للصبح . كلمت مصطفى هييجى وهيجيب مراته وشوية الالاضيش اللى طلعلونا ف البخت والمقدر ومش عاتقين اللى خلفونى
مالك : هههههههههههههههه اه انا سمعت انهم حفلوا عليك من فتره بسبب النونو اللى جاى ف السكه
احمد : حفله ايه دنا قطعت الخلف .. اعوذ بالله على دى ليله . ماتفكرنيش ياعم
مجدى : ههههههههههههههه ومين بقي م العيال كانو موجودين
احمد : كلالتهم
مالك : مين ياخويا ؟ كلالتهم مين دول ؟
احمد : يعنى عندك فريده ومنه واميره والواد سعيد وعمرو وعلى ده وزياد ومصطفى واخواتى واخواتهم وكانت هيصه .. كانت معجنه يا صاحبى
مالك : يا جبروتك . وقدرت تقعد دول مع دول ازاى ؟
احمد : هههههههههههههه شوف يا موكا ... اللى يستره الرب . العبد مايفضحوش هههههههههههههه ده هو ربك اللى حنين عليا ب عشان انا ابن حلال
*الروايه ملك خاص للكاتب / أحمد سعد
ويتم نشرها في بيدح قصص و روايات للناشر محمد فريد
مالك : حبيبى يا مولانا ... ياريتنى يا اخى سمعت كلامك من زمان وفضلت هنا ... وكنت سيبت القاهره باللى فيها ... ليا ف القاهره ايه يعنى عشان افضل فيها هناك / امى واختى هجيبهم ونعيش ... لان خلاص البلد هناك مابقتش هقدر اكمل فيها ،، انا هبقى مبسوط هنا وسط اصحابى ... صدقنى هبقى مبسوط جدا
احمد : معلش . اهى الدنيا ياما بتعلم ... نجيبلك ياسيدى البت اللى بتحبها تعيش معاك عشان تبقى السفريه ليها مضمونها
مالك : ماظنش .. الدنيا متقفله بطريقه غبيه
احمد : ماهو انت جاى هنا يا روح امك عشان تفضى دماغك دى خاااااااااااالص وترجع مالك بتاع زمان .. نحاول نعملك غسيل مخ كده عشان نقدر نتعامل معاك ونعرف هنحللها ازاى
مالك : والله يابنى انا رجعت ومش عاوز ارجع للى كنت فيه من القرف والعك وقلة القيمه اللى كنت فيها
الروايه حق أصيل لبيدج هو وهى والكاتب أحمد سعـــد
احمد : طيب . احنا رجعنا وربنا تاب علينا ... بس فيه شوية ضرايب لازم هندفعها .. يبقى ندفعها واحنا راضيين ومآمنين انه اختبار ونصبر وكل حاجه هتتعدل
هو سؤال هسالهولك ... انت بتحبها ؟
مالك : بطريقه غبيه
احمد : وهى بتحبك ؟
مالك : يمكن اكتر مانا بحبها ... انا وهى زى ما نكون لقينا بعض بعد فترة كل واحده التانى فيها كان ف ملكوت لوحده ....
احمد : يا حبيبى الحب بينتصر ف النهايه دايما ... كل النهايات لازم تكون سعيده . بس نتمسك بشوية الامل اللى احنا بنبقى شايفينهم قليلين ومايعملوش حاجه
احنا اللى بنجذع ونزهق ونرجع ونمشى
عافر مره واتنين وتلاته
عافر الف مره والا ان حلمك تسيبه بسهوله
هتتعب وهتتهد وهيتمسح بيك الاراضي والشوارع . بس كل ده بيهون لاجل نظره واحده من عين حبيبك اللى ساعتها بيكون بالنسبالك الدنيا وما فيها ... ساعتها بتكون براح الدنيا كله اضيق من حضنه
عارفين يا عيال
دايما نظرتى ل سلمى مراتى دى مختلفه عن اى نظره ممكن تتخيلوها
مش نظره واحد لمراته
ولا نظره واحد ل حبيبته اللى اتلطم واتعذب وشاف الأمرين عشان يكون معاها
ولا نظره عاشق دايب
ولا نظره واحد سارح ف دنيا براحها يبقى حضن عينيها وهى واقفه معاه ف نظره ضعف بتقوله فيها بحبك
نظرتى ل سلمى اكبر من كده بكتير
نظرة واحد عليل وبيبص على دوا علته ماشي قدامه
ف يوم من الايام كلكو كنتو كده
مالك : يا أخى عليا النعمه واحشنى كلامك وواحشنى نظرتك للدنيا دى اللى كانت بتدينى أمل ان الدنيا لسا بخير .... بس يا احمد الناس اتغيرت
احمد : طبعا اتغيرت ولازم تتغير . احنا مش عايشين لوحدنا
بس زى ما بتتغير للأوحش احنا كمان نعافر ونجيبها شمال ويمين لغاية ما تتعدل بروح امها وتتظبط معانا
وهو ده الفرق .. هو ده الفرق بين عفى وضعيف
والفرق بين عبيط وناصح
الدنيا مش هتيجى تتطبطب عليك وتقولك تعالى خد اللى انت عاوزه اهو اتفضل
لا ... دانت لازم تاخد اللى انت عاوزه من حبابى عينيها ... فاهمين ولا انا بكلم ف نفسي ولا ايه . ايه ياض انت وهو متنح كده ليه يابغل انت وهو ياض
مالك : ههههههههههههههههههه طب دلوقتى . انا ممكن اعمل ايه
احمد : بص ! احنا هنقوم نتغدى دلوقتى . وهتحكيلى كل حاجه حصلت بالتفصيل واحنا بناكل
مالك : ماشى يا حب
احمد : يا استاذ مجدى اتعشم اننا ماقلقناش حضرتك يعنى وصحيناك م النوم . فيه ايه ما تصحصح يالا
مجدى : هههههههههههههههه اعمل ايه ياعم منا صاحى م الساعه 7 عشان نلحق نيجى ع الضهر ... عاوز انام
احمد : لا يا حيلة انت وهو معمولكو حفله حلوه بالليل هههههههههههههه دانتو هتتنفخو ... المهم يلا قومو نتغدى
...............
( ف مطعم )
مالك : دى الحكاية ياعم . ومن ساعتها وانا ماليش عين ابص ف وش حد هناك لما خلاص كنت بدأت اكره نفسي بجد وكرهت الدنيا واللى فيها
احمد : اممممم يعنى انت شاكك دلوقتى ان تكون الزفته اللى اسمها ليلى هى والحربايه التانيه اللى يكونوا وصلوا الكلمتين دول ل حبيبه . صح
مالك : اه شاكك
احمد : ههههههههههه لا اتطمن هما اكيد . لان ازاى هشام اتقدم لابوها وف نفس ذات الوقت مى وليلى ظهروا ف الشركه ...
بص يا موكا
العمليه دى مزدوجه
على : انت خلاص خليتها عمليه ههههههههههه
مجدى : اشجينا ياعم اشجينا
احمد : بس يا شيلحف انت وهو وركزوا
من ناحيه احنا عاوزين هشام ده ينزل من البرج العالى اللى ابو حبيبه ممكن يكون شايفه فيه من ناحية شغله واخلاقه والهرى ده كله
مالك : طب ودى هنعملها ازاى ؟
احمد : زى ماهما عملوها . هما اجدع مننا يعنى ؟ دى عيال سفله
انتو عارفين انا براهن على مين
مجدى : ماتقوليش على ابو حبيبه والجو بتاع ولاد البلد والكلام ده
احمد : لا
على : مراهن على هشام يعنى ؟ ده صايع هههههههههههه
احمد : لا . مراهن على حبيبه ذات نفسها
مالك : طب ازاى طيب ؟ اختها بتقولى انها كانت منهارة بسببى وفضلت تشتمنى . اختها قالتلى كلام خلانى حسيت انى شيطان رجيم ومش بنى ادم ..
احمد : بالعكس
كون انها توصل بالزعل ده عشان اكتشفت حاجه وحشه عنك ف ده معناه انك حاجه كبيره اوى عندها يا موكا . مش مجرد حبيب ممكن يتنسي بسرعه
يابنى مش بيقولوا الحب يصنع المعجزات ؟ اهو انت هتشوف معجزتك بقي زى ما شوفنا معجزات قبل كده ههههههههه
مالك : انا بدأت اتفائل من جديد .. عارف لو كان كلامك كله ده مجرد تثبيت عشان تخفف عنى هعمل فيك ايه
احمد : هههههههههههههه يا اخى اتنيل . ماكنتش اعرف انك ابيض اوى كده
بقا من اول هزه تعمل فيك كده ؟ يانهار اسوح ياجدعان
المهم صحيح قولى .. الواد هشام ده بيعك ؟
مالك : بيعك ايه ؟ دا استاذ .... دنا جنبه تلميذ
احمد : زغرط يا على
على : لولولولولى . بزغرط على ايه
احمد : امك هتتجوز هههههههههههههههههه انت اى حد يقولك زغرط تزغرط على طول
على : ههههههههههههههههه داهيه لما تاخدك ...
مالك : انطق ياعم . فيه ايه ؟
احمد : دلوقتى . هشام دخل ف الصوره بينك وبين حبيبه عشان سيادتك وحش وغشاش وخاين وبتاع بنات ... مش كده ؟
مالك : تقريبا مع الفرق ان ابوها هو اللى دخله ف الصوره دى
احمد : ماليش دعوه بابوها دلوقتى .. انا ليا دعوه بالبت نفسها ...
اولا احنا نطير هشام افندى ده ان الاخبار اللى عليه توصل ليها وبالمره توصل لابوها مايضرش وكده نبقى طيرنا هشام ده للآبد .... صح كده ؟
مالك : تمام .
احمد : موضوع حبيبه ده بقي سيبهالى .. هروح اقابلها وهاخد معايا سلمى مراتى البودى جارد بتاعى
مالك : ههههههههههههههههه هفطس يخربيت ام معرفتك ..
احمد : هههههههههههههه بص ... طالما ضحكت يبقى فيه أمل
مالك : انا بضحك من غلبى وربك وحده يعلم كمية العلقم اللى جوا صدرى . اقسم بالله كنت بدات ادخل ف دور اكتئاب تانى ولولا انك كلمتنى ف الوقت ده ماكنتش هرد على حد اصلا ...
احمد : عارفين يا شلة الغجر انتو انا متمسك بيكو ليه
على : عشان بتحبنا طبعا
احمد : مين ياخويا ؟ طب اتنيل
مجدى : ههههههههههههه عشان ماتقدرش تستغى عننا
احمد : ليه بروح امك كنت الاسكارف اللى انا لابسه ده ؟
مالك : انجز واخلص .. متمسك ليه ؟
احمد : عشان انا فقر ههههههههههههه
على : ههههههههههههههههههه هههههههههههههههه
مالك : هههههههههههههههههههههههه يخربيتك يا جدع
مجدى : هههههههههه بقولك ايه انا هاجى اعيش هنا ف اسكندريه . اجى اعيش تحت رجلك هههههههههههههههه
احمد : تحت رجلى ليه يا روح امك هو انا كنت امك ... وبعدين انا مخلفش الاشكالات دى . ايه الشنب ده ياض ؟ عملته ازاى ده .سبحان الله وشك صغير وشنبك اكبر من وشك هههههههههههه
مجدى : لا دى موضه عندنا ف القاهره . لسا منزلتش اسكندريه
احمد : اه ... طب ايه احنا هنفضل قاعدين كده ولا ايه . بطل اكل يا على .. خلاص يا بابا انت كلت العضم بتاع السمك الله يحرقك .. العيال يقولوا علينا ايه محرومين
ايه ده ؟ ايه اللى عملته ف السمكه ده يا مجدى ؟ ده لو كلب بياكل مش هيعمل فيها كده
مجدى : هفتان يا جدع .. هفتان
احمد : ليه ؟ هى هبه مابتأكلكش ولا ايه
مجدى : ههههههههههه هبه ما صدقت انى اتعدل ...
بعد ما قفلت معاك امبارح لقيتها هاجمه عليا بتقولى مين اللى بيكلمك
قولتلها احمد
قالتلى احمد مين ؟ قولتلها احمد يابت . حمو
قالتلى ااااااااااه حمو اللى بتحكيلى عنه ده ؟
قولتلها اه اللى بحكيلك عنه ده . اتهدى بقي
قالتلى وعاوز ايه قولتلها هروحله اسكندريه بكره انا ومالك عشان فيه مشكله كده
قالتلى لولا انك رايح ل احمد ماكنش سيبتك تمشى ... بس المره الجايه هنروح زياره . عاوزه اشوف سلمى مراته دى اللى الكل بيتكلم عنها وعن جنانها ههههههههههه
احمد : ايه ده ؟ هو انا ومراتى بقينا متسيحين اوى كده
مجدى : نار على علم هههههههههههه دانت اتسيطت تسيطه عنب
احمد : داهيه تاخدكوا .. تعالو بقي اقعدكوا على حتة قهوه . هتحلفوا بيها ... ف الاستخوبس ده . وحجر الشيشه هناك بيشعشع ف النافوخ على طول
مالك : والواد زفت مصطفى فين
احمد : ياعم سيبك من مصطفى دلوقتى لسا ف الشغل هيخلص وهيعدى علينا
مالك : اوكى .. يلا
احمد : ايه ده رايحين فين ؟
مالك : ايه ياعم ماشيين
احمد : ماشيين فين ؟ مش هتحاسبو على الطفح اللى طفحتوه انا مش معايا فلوس هههههههههههههههه
مالك : هههههههههههههههههههههههههه يخربيت معرفتك
مجدى : ههههههههههههههههه ( بيحضن احمد ) عليا النعمه لابيع شقتى ف مصر واجى الزقلك هنا يابن الحلال انت
مالك : ندر عليا لو حبيبه كانت ليا ... لاجيبها ونعيش هنا هههههههههه
................
عاوزين تفاعل مع الروايه عشان تكمل وشارك برأيك