روايه ياريت

(الحلقه التاسعه ) ( كده كتير الصراحه )

(الحلقه التاسعه ) ( كده كتير الصراحه )
غير.مصرح.بنشر.القصة.الإ.معرفه.الكاتب.او.الناشر
...................
(الحلقه السابقه )
مالك : بقولك ايه معاك رصيد
مجدى : انا تليفونى فاصل اصلا قطع شحن
مالك : مش عارف انا ناسي تليفونى خالص بدون رصيد استنى هروح اجيب كارت من المحل اللى هناك ده عشان اكلم البت اختى اقولهم مايقلقوش عليا
مجدى : ماشى يا حب
................. ( التاسعه ) <3
مالك : بقولك ايه با حب ادينى كارت من ابو 200
صاحب المحل : عيونى يا استاذ
غير.مصرح.بنشر.القصة.الإ.معرفه.الكاتب.او.الناشر
......
سمر : شايفه اللى انا شايفاه يابت يا ندى ! ايه الواد الموز ده هههههههه
ندى : اخرسي يابنت الكلب هتفضحينا هههههههههههه
سمر : يالهوى ايه ده جاى من انهى داهيه ده
ندى : معرفش شكله مش من هنا
سمر : اه طبعا مش من هنا هى الحاجات دى موجوده هنا ...
ندى : طب وطى صوتك شويه
سمر : طب اهدى انتى بقي شكله رايح ناحية القهوه اللى قاعد عليها ابوك
ندى : ياخرابى . تصدقى فعلا . ده شكله قاعد هناك فعلا
سمر : ههههههههههه طب ايه ماتيجى نشيش ع القهوه
ندى : ههههههههههههه يلا يابنت المجنونه ، يلا عشان ابويا خد باله مننا وبيبصلنا اهو بسرعه ،
سمر : والمصحف ده كده كتير ،،، بقولك ايه طب والعربيه دى مش هنعرف مين صاحبها ؟
ندى : عربية ايه بقي وهنعرفها ازاى
سمر : طب استنى خليكى هنا . تعالى نلف
ندى : سمر !! امشى ف ليلتك السوده بقي هنتفضح
سمر : ههههههههههههه لا انا هروح احرك العربيه اخليها تصفر وبعدين صاحبها هيسمع الصوت هييجى يقفلها
ندى : يا ناصحه ماهو هيقفلها بالريموت
سمر : يا حماره العربيه بعيد عنهم الناحيه التانيه واكيد هيقفلها بالريموت بس بعد ما يتأكد ان مافيش حد واقف جنب العربيه او بيحاول يفتحها او حاجه .
ندى : يابنت القرده ، طب تعالى
غير.مصرح.بنشر.القصة.الإ.معرفه.الكاتب.او.الناشر
............
( سمر بتخبط العربيه وفعلا بتصفر )
سمر : بقولك ايه ركزى بقي على القهوه شوفى مين اللى هيطلع يقفلها بالريموت
ندى : طب انزلى براسك تحت شويه عشان محدش يشوفنا
غير.مصرح.بنشر.القصة.الإ.معرفه.الكاتب.او.الناشر
..........
مجدى : مش ده صوت عربيتك
مالك : فين ده ؟ استنى ! اه هو حد بيسرق العربيه ولا ايه هههههههههههههه
مجدى : هههههههههههه قوم بص بصه كده واقفلها ياعم انا دماغى صدع
مالك : ياعم قوم انت ، خد الريموت اهو وانا هشحن الكارت لسا
مجدى : هات ياعم
غير.مصرح.بنشر.القصة.الإ.معرفه.الكاتب.او.الناشر
...........
سمر : ايه ده اللى قفل العربيه باين اهو
ندى : اه ! تلاقيه صاحب ابويا ولا حاجه
سمر : اه شكله كده ،
ندى : طب يلا عشان نروح بقي احنا اتأخرنا ،، ولسا ماجيبناش الطلب بتاع امى
سمر : استنى اما اصوره الاول
ندى : تصورى مين يابنت العبيطه
سمر : هههههههههههه والله هصوره عشان اوريه لحبيه عشان نعرف مين ده اللى معاها ف الشغل ، مش انتى بتقولى انك اتأكدتى ان العربيه دى هى اللى معاها ف الشغل
ندى : اه
سمر : طيب ، ع العموم انا صورته خلاص . التليفون ده فيه زوم ابن لذينه وجاب وشه اهو .. اياك على الله بس تكون عارفاه
ندى : طب يلا نمشى
غير.مصرح.بنشر.القصة.الإ.معرفه.الكاتب.او.الناشر
..............
( تحت البيت )
ندى : اما انا حماره صحيح
سمر : ليه ؟
ندى : احنا نسينا نصور العربيه نفسها هههههههههههههههه
سمر : ههههههههههههههه ياخرابى ع الغباء
ندى : يالهوى دنا حاسه انى حماره ... ماحنا لو كنا صورنا العربيه نفسها كانت حبيبه هتعرف صاحبها بدل الفيلم اللى عملناه ده
سمر : ياخرابى ع التخلف اللى احنا فيه . طب تعالى هروح اصورها
ندى : بقولك ايه مش ناقصه عاهات . يلا يا بت اطلعى
سمر : يابت استنى
ندى : وحياة امك مانتى رايحه ، يلا اخلصى
غير.مصرح.بنشر.القصة.الإ.معرفه.الكاتب.او.الناشر
................
( ف البيت )
حبيبه : اتأخرتو كده ليه
سمر : هههههههههههه اصل حصل كم أكشن كده
حبيبه : أكشنات ايه . تعالو طلعو البطاطس دى على ما اعمل انا البيض
ندى : هقلع العبايه بس وجايه ، امك فين ؟
حبيبه : بتصلى العشا
سمر : اسكتى مش العربيه اللى اختك شافتها عندك ف الشغل طلعت هى اللى وصلت ابوك امبارح
حبيبه : نعم ؟ بتهزروا ؟ يعنى ايه ده ؟ وعرفتو ازاى
ندى : ماحنا شوفناها واقفه هناك قدام القهوه الناحيه التانيه واتأكدت انها هى ..
حبيبه : يعنى ايه بقي انتو فاهمين حاجه ؟
سمر : ولا حد فاهم حاجه بس صورنا صورة صاحبها قولنا يمكن يكون عارفك ولا حاجه
حبيبه : فين ده ورينى كده ؟
سمر : اهو يابنتى
حبيبه : فين يابنتى الصوره مش واضحه
سمر : استنى اكبرلك الصوره لانها بعيده ، اهو ـ وضح اهو عرفتيه ؟
حبيبه : لا ! اول مره اشوفه ده ،، ده تلاقيه حد تبع المصنع او حاجه او البرمجيات ،، لكن مش معانا ف قلب الشركه نفسها ..
ندى : اه احنا قولنا كده بردو
سمر : يالهووووووووووووووووى يا بت يا حبيبه شوفنا حتة واد النهارده انما ايه مووووووووز موووووز ابن الجزم ،
حبيبه : هههههههههههههه شوفتوه فين
سمر : كان بيشترى كارت شحن من عند حماده صاصا واحنا كنا هناك
حبيبه : ههههههههههه طب وماخدتوش رقمه ليه
سمر : احنا لحقنا ؟ دا خد الكارت وجرى لو كنتى معانا كان وقف شويه هههههههههههه
حبيبه : ليه يعنى هههههههههههه
ندى : يامزه انتى اى حد يشوفك يسلم نمر اصلا ،، ياخواتى عليك وعلى طعامة امك
حبيبه : ههههههههههههههه
سمر : كنت عاوزه اصور العربيه نفسها بس نسينا ومافتكرناش غير واحنا تحت البيت
حبيبه : مش مهم مش مهم ماهو باين اهو انه زى ما قولتلكو ماعرفوش اما موضوع انه وصل ابوك وكده ف هو صدفه تلاقيه كان قاعد ع القهوه والوقت اتأخر وعزم على ابوك
سمر : هى شكلها كده فعلا
ندى : يلا بقي انا جوعت . مسرح مصر شغال تعالو نتفرج عليه
حبيبه : خلاص خلصنا اهو
غير.مصرح.بنشر.القصة.الإ.معرفه.الكاتب.او.الناشر
...............
محمد ( ابو حبيبه ) : ايه يا شباب حد فيكو فاضى ييجى اغلبه عشرتين
مالك : هههههههههههه بلاش انت ياعم محمد انا سيبتك تغلبنى المره اللى فاتت عشان مايبقاش شكلها بايخ . ف ماتفكرش انك غلبتنى ببمزاج
محمد : ههههههههههههه طب تعالى ورينى شطارتك
مالك : ياسلام ! يلا .. الشيشه يا كريم
كريم : حاضر يا استاذ
محمد : انا هلعب دومينو
مالك : العب اللى تلعبه هتتغلب بردو
محمد : ههههههههههههههه ياواد عيب ياواد داحنا بنلعب ع القهوه وانت لسا ف اللفه
مالك : جيلكو غير جيلنا احنا عارفين كل حاجه من واحنا عندنا 5 سنين
محمد : معاك حق ، العيال عيالى ماشاء الله عليهم ربنا يحميهم
مالك : ربنا يخلى ،، عندك كم ولد ياعم محمد
محمد : لا ربنا مارزقنيش بولاد ، عندى بنتين هما كل حياتى
مالك : ربنا يخليهملك ، بيدرسوا يعنى ولا خلصوا
محمد : لا مخلصين والاتنين مخلصين كلية تجاره بس التانيه بتشتغل اهى بقالها كم يوم الحمد لله
مالك : ربنا يعينك عليهم وعلى تربيتهم ، لو احتجت شغلانه للبنت الكبيره قولى بس وانا اشوفلها ف الشركه عندنا
محمد : تسلم وتعيش
مالك : على فكره ده بجد مش كلام وخلاص
محمد : انا عارف يابنى انك قدها وقدود وبعدين اهو احنا هنروح من بعض فين . دانت ياما هتتغلب منى
مالك : ههههههههههههههه طب عد ورقك ياحاج ، وأدى قفلة ومعايا البلاطه
محمد : ههههههههههههههههه لا شكلك غشيم ف لعبة الدومينو دى ،
مالك : ها العشره راحت ولا لسا ؟
محمد : لا لسا بدرى . إلعب كمل
مالك : اى خدمه يا ابو ... انا سمعت عم عادل بيقولك ابو ندى / اقولك يا ابو ندى
محمد : ايوه ، ماهى دى بنتى الكبيره ، الصغيره بقي اسمها ح.......
مجدى : اىه يا رجاله مين اللى مسيطر
مالك : هههههههههههههههه عيب عليك ، عمك ابو ندى مش عارف يفلفص منى ،، شكلها هتروح يا حاج هههههههههههههههه
محمد : لا ماشاء الله باين عليكو عيال ادرجيه هههههههههههه انت امبارح حاسبت ، انا اللى هجاسب النهارده مافيهاش كلام
مالك : هههههههههههه ياحاج بسيطه والله ف بيتها ، مش مستاهله والله انا بشترى قعدتكو دى والله ، ماتشغلش بالك
محمد : تسلم يابنى ، المهم انتو اتعشيتو ولا لسا
مجدى : لا ياحاج كله تمام ، لو ماتعشيتش قولنا بس واحنا نقوم نجيب سندويتشات لينا كلنا
محمد : عيب عليك يا ابو الشباب الواجب ده علينا احنا ، والله لولا ان البيت مش هيبقى قد المقام لاكنت خدتكو كده من ايديكو وروحنا اتعشينا سوا
مالك : هههههههههههه كأنه حصل يا حاج والله ، ماتخليهاش تكبر ف دماغى واقولك انا عازم نفسي عندك ههههههههه
محمد : هههههههههههههه طب يلا وعمك عادل يشهد على كلامى
مالك : ههههههههههه لا انت بتهرب بقي م اللعب ، انت اتغلبت اتغلبت خلاص
محمد : ياسيدى هو اللعب هيروح فين هههههههه
مالك : كده ؟ طب قوم ياحاج . بس انا اللى عازمك
محمد : عيب ياض . هتعزمنى ف بيتى
مالك : اه ! ههههههههههه المكان بيتك لكن العزومه عليا . وده كله عشان ماتحسبهاش تانى ان البيت مش قد المقام ولا غيره
محمد : لا لا مايصحش
مجدى : ياحاج خلاص مالك تربس دماغه ههههههههههه
مالك : وبعدين هنجيب سندويتشات او شويه كفته حلوين كده مع العيش . واهو يبقى عيش وملح
محمد : طب يلا
مالك : يلا ياعم عادل
عادل : لا لا اتوكلو انتو على الله
مالك : طب والمصحف ماحنا قايمين من غيرك
عادل : هههههههههههههه يا ساتر عليكو عيال
مالك : يلا بينا
غير.مصرح.بنشر.القصة.الإ.معرفه.الكاتب.او.الناشر
.......
محمد : ألو ! بقولك ايه يا ام ندى ، خمسه بالكتير وهنيجى نتعشى عندك
منى ( ام حبيبه ) : تيجو تتعشو اللى انتو مين يعنى
محمد : جماعه معارفي صمموا نتعشى سوا النهارده
منى : ده اسمه كلام يا راجل ، تدخل اغراب البيت طب والبنات
محمد : يا وليه اغراب ايه بقولك اصحابى ،والبنات نزليهم عند اختك تحت يقعدوا مع بعض شويه
منى : طيب خلاص . اعملهم عشا ايه دول ؟
محمد : لا لا احنا جايبين العشا واحنا جايين !
منى : طيب يشرفوا بالسلامه
محمد : يلا نزلى البنات تحت عند خالتهم
منى : طيب خلاص
غير.مصرح.بنشر.القصة.الإ.معرفه.الكاتب.او.الناشر
...........
منى : يلا يا بنات على تحت . اقعدو عند خالتكو
سمر : ليه يا خالتو ؟
منى : فيه ضيوف جايين مع ابوك يتعشو وماشيين على طول
ندى : اوبا ضيوف مين دول ؟ لايكون اللى ف بالى صح ولا ايه . جايبين عرسان ولا ايه هههههههههههههههه
منى : ههههههههههههههههه ياريت . ده ابوك هو اللى قالى نزلى البنات تحت ، لا هما اصحابه هيتعشو ويمشو على طول
حبيبه : طيب بردو احسن ، يلا بسرعه يا بنات قبل ما ييجو
غير.مصرح.بنشر.القصة.الإ.معرفه.الكاتب.او.الناشر
..................
( جوه بيت حبيبه )
محمد : اتفضلوا يا حبايبى اتفضلو البيت بيتكو
مالك : تسلم يا حاج ، البيت منور باصحابه
محمد : ماتدخل يا عادل انت اول مره ولا ايه يا راجل ، ادخل . ادخل يا استاذ مجدى
يا ام ندى ! يا ام ندددددددى تعالى سلمى ع الجماعه
منى : اهلا وسهلا بحضراتكو اهلا بيكو ،
مالك : اهلا بيك يا ام ندى ـ معلش جينا عليكو زى القضا كده ههههههههههههه بس نعمل ايه بقي ف عم محمد ، فضل يقولنا لو البيت ماكنش قد المقام كنت عملت الواجب الصراحه جينا بالعند فيه
منى : ههههههههههههههههههه لا هو فعلا مايليقش بيكو . تحبو تشربوا ايه
مالك : لا ولا حاجه والله لسا شاربين ع القهوه
محمد : حضرى السفره يا ام ندى يلا
غير.مصرح.بنشر.القصة.الإ.معرفه.الكاتب.او.الناشر
.......
مجدى : ايه يالا متنح ف ايه كده ؟
مالك : مش عارف ، بس صورة البنت الصغيره اللى متعلقه ع الحيط دى زى ما اكون شوفتها قبل كده او شوفت البنت دى وهى كبيره ههههههههههه فين ؟ الله اعلم ، دماغى هتضرب
مجدى : طب عدى يومك هننضرب ههههههههههههههه
غير.مصرح.بنشر.القصة.الإ.معرفه.الكاتب.او.الناشر
..................
عاوزين تفاعل مع الروايه عشان تكمل وشارك برأيك
انتظرونا ف الحلقه العاشره بكره الساعه 8
الكاتب. احمد سعد
الناشر. محمد فريد