روايه ياريت

(الحلقه الثالثه ) ( ليلة العمر )

(الحلقه الثالثه ) ( ليلة العمر ) <3
...................
(في الحلقه السابقه )
احمد : اهو شوفتى ( بيخبطه على ايده )
مالك : ااااااااااااااااااااااااااااه الحقونى ياللى بره الاتنين دول عاوزين يموتونى
حبيبه : هههههههههههههههههههههههههههههههه مانتو محدش هيقدر عليكو . تقوم بس بالسلامه وانا هربيك من أول وجديد
احمد : ابسط يا عم هتتربي احلى تربيه
مالك : وانا والله موافق
احمد : اتوكلنا على الله
................ ( الثالثه ) <3
( بعد شهر ف قاعة الفرح )
( احمد ومصطفى ومجدى وعلى وأحمد صاحبهم وكل شلة الجامعه )
احمد : ( ف المايك ) سمع هووووووووووووووس
النهارده فرح الغالى ابن الغاليين
على الغاليه بنت الغاليين
النهارده سهره صباحى يعنى مافيش نوم
حتى العريس والعروسه مش مروحين النهارده يعنى اى حاجه بتفكر فيها يا عريس تنساها خالص
( مالك وحبيبه ف الكوشه )
مالك : يابن الجزمه هههههههههههههه هيفضح امى
حبيبه : هههههههههههههههه انا هموت م الضحك ايه اللى هو عامله ده هو واصحابكو دول لابسين زى بعض لبس غريب اوى
مالك : دول حالفينلى دنا هتفضح فضيحة المطاهر النهارده استرى عليا والنبى ههههههههههههههههههه
حبيبه : انا بصراحه مستمتعه ... واحمد بردو كان مصمم اننا مانتدخلش ف ترتيبات الفرح وقالنا سيبو الفرح ليا انا وانا هظبطكو . شكلها هتبقى مفرمه النهارده ههههههههههههههههه نا ابتديت اخاف انا كمان
مالك : ربنا يستر
احمد : ( ف المايك ) يلا يا جماعه كلنا هنغنى مع بعض اغنيه حلوه عاملينها مخصوص للعريس والعروسه ولسا جديده .. مع بعض بقي
احمد : بطلوووووووده واسمعووووووده
يامااااا قولنا وشوفناااااا ياماااا
الغرااااااااااااااب يا وقعه سوووووده جوزوووووه أحلى يمامه
مالك : ( بيسيب الكوشه وبيجرى ورا احمد )
احمد : ( بيسيب المايك لمصطفى وبيجرى ) كمل انت يا مصطفى
مصطفى : هى كانت فين عينيكى يايمامة
لما دورتى بايديكى ع الندامة
الصدامة اللمامة
مالك : ( بيسيب احمد وبيجرى ورا مصطفى )
مصطفى : امسك المايك انت يا احمد ( صاحبهم التانى )
احمد ( المنصوره ) : انتى عاجبك فيه جنانه ولا لخبطته ف كيانه
ولا تعويجة سنانه
بطلوا ده واسمعوا ده
مالك : جرا ايه يا ولاد الهبل بوظتولى الفرح
( كل القاعه ضحك هيستيرى من المنظر )
( حبيبه وسلمى بيتنططو ف الكوشه م الضحك )
( ندى وسمر بيقعوا على الارض ومش قادرين يتكلموا )
( ام مالك وام احمد وام حبيبه قاعدين بيضحكوا بشكل هيستيرى )
مالك : ( بيمسك المايك ) طبعا انا متأسف جدا ع اللى حصل ده يا جماعه بس زى مانتو شايفين كده اللى له اصحاب زى العالم اللاسعه دى ف هو مفضوح . الهى ربنا ما يفضحكوا فضيحتى دى
احمد : ههههههههههههههه ( بيشيله وبيرميه على ايادى اصحابه وبيشيلوه وبيرفعوه لفوق )
احمد : اللى له واجب عند مالك يخلص يا جماعه محدش واخد باله
مصطفى : ايوه انا ليا واجب افترا . المعفن كان بينتقم منى يوم فرحى
احمد : داروا على مصطفى يا جماعه . ادخل يا درش خلص خد حقك
مالك : وحياتكو يا ولاد الكلب اللى هيقربلى لنا نافخ أمه
احمد : ههههههههههههههههه ابو حميد . ادخل بيندهوا على اسمك
احمد ( المنصوره ) : اه والله دنا جايب معايا جريدة نخل ههههههههههههه خد ياض هنا ياض
مالك : نزلونى يا ولاد الكلب انا اتفضحت الله يحرقكوا
احمد : لا ماتقلقش محدش واخد باله ... عروستك بترقص مع البنات هناك .... ظبطوهولى بقي عشان ادخل اوجب معاه انا كمان
مالك : لا . انت لا . بلاش حمو والنبى .. والنبى يا مصطفى الحقنى
مصطفى : اثبت ياض ههههههههههههه
مالك : يا خراااااااااااااااااااااابي ...
احمد : الحمد لله تمت المهمه بنجاح ... كده خالصين يا معلم
مالك : وحياة امك لو مسكتك منا عاتقك
احمد : ركز ف ليلتك النهارده شكلك هتفضحنا يا كلب السكك انت ومش هترفع راسنا .. هتنام جنب مراتك زى اخوها
مصطفى : لا وانت الصادق زى اختها
احمد : ههههههههههههههههههههه هههههههههههههههههههههه هموووووت
احمد ( المنصوره ) : وعاملى فيها شبح وانت طلعت نيلة خالص . قوم ياض استر نفسك
مالك : حتى انت يا درش . ليكو يوم يا ظلمه انا مش قادر اقف على رجلى
............
( حبيبه بتحضن سلمى جامد )
سلمى : ايه يابت بتحضنينى ليه كده
حبيبه : ههههههههههههه انتى مش شايفه الفرحه اللى احنا فيها .... وبعدين خدى هنا مين البت المزه العسل اللى طالعه من عينى دى من ساعة ما جات
سلمى : ههههههههههههه نوران . مرات احمد صاحبهم بردو . ماهما كلهم كده مع بعض
حبيبه : يخربيت كده . البت حته بسكوته . ههههههههههههه هو انتو كلكو عسل كده ياخرابي عليكو
سلمى : لا ماحنا محدش بيدخل دايرتنا غير المزز يا حلوه والا ماكناش هنوافق بجوازك من مالك ...
حبيبه : ههههههههههههههه ايه هو كان لازم ياخد رأيكو ؟
سلمى : نعم ؟ طبعا . ده كان احمد جابه من قفاه وقاله مافيش جواز ههههههههههههههههه
حبيبه : النهارده انا فرحانه فرحة عمرى يا سلمى ... واسماء مرات مصطفى دى حتة بسكوته اوى . ايه يا جدعان ده . ايه البنات دى ههههههههههههه
سلمى : السهره لسا صباحى ماتقلقيش . احنا كمان عندنا دخله حريمى كده .
حبيبه : نعم هتعملو ايه . وانتى ومين
سلمى : ههههههههههههه كلنا .. انا ونوران واسماء ومنه وساره وفريده وليلة كبيره داحنا بقالنا شهر بنرتب للدخله دى
حبيبه : لحقتو ترتبو امتى كل ده
سلمى : ههههههههههه لا المعلم احمد هو اللى رتب . احنا بننفذ بس
( احمد بيغمز ل سلمى )
سلمى : عن اذنك بقا احمد بيغمزلى . اتفرجى وانتى ساكته
حبيبه : طب بالراحه طيب هترقصي ازاى وانتى حامل كده ههههههههههه
..................
الروايه ملك حصرى ل احمد سعد وصفحة الادمن الشخصيه فقط
و يتم نشرها في بيدج قصص و روايات للناشر محمد فريد
احمد : ايه يا سلمى كله تمام
سلمى : اه
احمد : البنات عارفين يعنى هيعملوا ايه
سلمى : ااااااااه
احمد : طب تمام .. بسرعه عشان دخلتكو قربت ..
سلمى : ( بتصوت بصوت عالى ) ااااااااااااااااااااااااه الحقنى انا شكلى هولد
احمد : يا نهار اسود ومنيل
( مالك وحبيبه ومصطفى واحمد ونوران واسماء بيتلمو )
مالك : يعنى جايه النهارده وتولدى .. منكو لله هتبوظولى الفرح
حبيبه : ههههههههههههههه الف سلامه يا قلبى
( المزيكا بتفصل والمعازيم بتتلم وبتسود حالة من الضحك )
احمد : دكتووور بسرعه ... بسررررررعه البت وشها ازرق
مالك : انا كنت فاكر ان انا اللى فقر .. طلعتو انتو اللى فاقرينى هههههههههههههه
احمد : بس يالا .... قومى معايا ( بيشيلها وبيطلع بيها على بره )
( مالك وحبيبه بيطلعو وراهم . مصطفى واسماء واحمد ونوران وعماد ومراته وام حبيبه وام احمد وام مالك )
......................
( ف المستشفى )
نوران : شايفين احمد قاعد ازاى يابنات ؟ ايه ده . ايه الحب ده ؟ ده كأنه هو اللى بيولد
حبيبه : مهما قابلتى وشوفتى وقرأتى عن قصص حب يا نوران مش هتلاقى ف قصة الاتنين دول
نوران : يا قلبي ! والله العظيم صعبان عليا .. احمد جوزى عمال يهديه ومعاه مصطفى ومش عارفين
حبيبه : اللى عرفته عن احمد وسلمى ان لو حد فيهم تعب التانى بيتعب معاه . يا شيخه دول علمونى احب ازاى واتمسك بحبى ازاى
منه : ( بتعيط )
ساره : بتعيطى على ايه انتى كمان اهدى .. ان شاء الله هتبقى كويسه وهتجيبلنا احلى واد ف الدنيا لابوه وامه
.............
مالك : ما خلاص بقي ياض . انت اول ولا اخر واحد مراته تولد يعنى . مانابنيش منكو غير الفرح اللى باظ الله يخربيت معرفتكو
مصطفى : اجمد كده يا عم وقوم اقعد ع الكرسي انت قاعد كده ليه
احمد ( صاحبهم ) : يا عم انا الدنيا بتغيم فوق راس امى لما بشوفك مغيم وزعلان كده . فيه ايه ان شاء الله هتقوم وهتجيب حتة واد لمض زي ابوه كده وخفة دمه وجمال امه . اجمد كده
احمد : عارفين !
فكرة ان سلمى موجوعه دلوقتى وبتتوجع حتى لو كان عشان هتجيب الواد اللى ياما استنيته منها مرعبه اوى
انا حاسس ان نفسي انا اللى بيروح وعيونى مش شايف بيها
دى مش مجرد بنت حبيتها وعشقتها وعشقت النفس اللى بيدخل ويخرج منها
ولا مجرد براءه متمثله ف صورة بنت شايفها وحاسسها بعنيا
ولا مجرد حبيبه كانت بتنشلنى من الوجع والضعف اللى كنت فيه وبلاقيها دايما واقفه قصادى بتقوينى بضحكتها
يابنى اللى زي سلمى اتخلقوا بس عشان احنا نحبهم ونديهم اعمارنا واحنا مبسوطين
تقوملى بالسلامه عشان انا مش حاسس بحد فيكو
ومش شايف غير سراب قدامى منتهى حدوده هو باب اوضتها
مستنى بشره من حد تقولى مبروك المدام بخير قبل حتى ما تقولى مبروك جالك ولد
هى اللى خلتنى أحب نفسي
وآمن بنفسي وكنت كل ما الدنيا تيجى عليا وتدوس جامد بلاقيها جايه تتطبطب خاطرى ولا كأنى عيل صغير
انا فعلا ف حضنها ببقى أكبر عيل
اقسم بالله لحظات بعيشها ف الجنه ونسيمها وانا ف حضنها
مسحة ايديها على شعرى وانا مسلملها نفسي خالص وعايش بره الدنيا
عايش لحدودها هى وبس بتجبرنى ... بتجبر خاطرى اللمسه دى
سلمى مش مجرد اسم يا اخواننا
دى روح واتفصلت على مقاسي بالمللى وفصلت نفسي عليها
( بيبكى زى العيال )
...
نوران : يخربيت كده . ايه الكلام ده
حبيبه : ( عيونها مدمعه والكحل سايح ) انا جسمى قشعر . منك لله يا احمد عليك انت وكلامك .
ساره : هتقوم يا حمو . والله لاتقوم بالسلامه وتجيب احلى واد ف الدنيا
( الممرضه بتخرج بالبشاره )
الممرضه : مبروك يا جماعه
احمد : ( بيقوم جرى عليها ) اخبارها ايه ؟
الممرضه : الحمد لله جابت واد زى القمر ماشاء الله
احمد : وهى هى عامله ايه
الممرضه : لا هى الحمد لله صحتها كويسه . كانت ولاده سهله الحمد لله .. عن اذنكوا
مالك : حموووووووووووووو الف مبرووووووك يالا
احمد : ( بيضحك بدمووووع ) ههههههههههههههههه انا كنت عارف انها هتقوم بالسلامه اصلا بس ياض انت وهو ياض
مالك : ياخى اتوكس دانت كنت بتولد من شويه
احمد : هههههههههههههه وحياة امك منا عاتقك ..... بقولك ايه يا عروسه انا عاوز اشوفها
الممرضه : كمان شويه بس عن اذنكوا
..........
( اوضة سلمى احمد بيدخل عليها والواد جنبها وهى باصه على احمد )
سلمى : حبيبى ! ( بتمسك ايده وهو واقف ) ايه ده انت بتعيط
احمد : ( بعين منهاره ) لا طبعا بعيط ايه بس
سلمى : كنت خايف عليا ؟
احمد : لا . لانك كنتى بين ايد اللى خلقك . انا كنت خايف عليا انا ... انا ماليش عيش دقيقه واحده من بعدك يابت فاهمه ولا لا
سلمى : مع كل وجعه اتوجعتها كنت شايفاك معايا كنت حاسه بيك
ماغيبتش عن بالى لحظه طول منا بولد
كان كل همى انى اقوم بالسلامه واشوف قدامى حته منك
ع فكره انت كل ده لسا مابصيتش ع الواد
احمد : مهما كانت غلاوته ولهفتى عليه وانى مستنيه بقااااااالى عمر بحاله بس انتى الاغلى والاهم عندى ف اللحظه دى ( بيبوسها من جبينها ) حمد الله ع السلامه يا ست البنات يا نن عين حياتى كلها
سلمى : ( بتعيط ) بس بقي ! انا ماعيطيش كده وانا بولد
احمد : ههههههههههههه الواد مالك ومراته عمالين يدعوا عليك بره يقولوا بوظت الجوازه
سلمى : ههههههههههههه احمد ! بس والنبى مش قادره اضحك ارحمنى
احمد : ههههههههههههههه ( بيشيل الواد ) ايه يا سلمى انتى جايبه الوحاشه دى منين
سلمى : هههههههههههههههه اخص عليك وحاشة ايه بس . دا كفايه انه ابنك . بص لعينه كده ... شبه عين مين ؟
احمد : هههههههههه مش عارف
سلمى : واخد عيونك جدا
احمد : وانتى لحقتى ركزتى ف عيونه
سلمى : طبعا ! دنا كنت بدعى طول منا حامل انه يطلع شبهك ونسخه منك عشان لما تكون بعيد عنى ابصله واكلمك
احمد : واخد بياض امه ... ايه التركيبه دى الواد ده هيعمل ازمه ف البلد لما يكبر
سلمى : هههههههههههه قول ما شاء الله بس هاته بقا ف حضنى شويه
احمد : اجيب مين ! يامه بقي . انا كتر خيرى انى سيبتهولك 9 شهور بحالهم
سلمى : ههههههههه بقا كده لما اقوملك بس
احمد : ايه ده
سلمى : ايه
احمد : العيال ولاد الجزم واقفين ورا الباب بيسمعوا احنا بنقول ايه
( كل العيال بيدخلوا عليهم )
مالك : ايوه مبسوطه انتى ياست سلمى . بوظتيلى فرحى وعماله تضحكى انتى حضرتك دلوقتى انتى والاخ ده ....
حبيبه : هههههههههههه ده طلع بيحبك اوى ياسوسو تشوفيه بره قاعد عمال يعيط تقولى ان هو اللى بيولد
ساره : ( بتعيط ) سووووستى ( بتبوس سلمى ) مبروك يا قلبي .. هات يا حمو الواد اشيله شويه
احمد : يلا عند امك
ساره : حموووووو والنبى والنبى
احمد : مش قولنا عند امك .. محدش يشيل ابنى غيرى . دنا ما صدقت جالى الدنيا شويه كده
ام احمد : مبرووووك يا قلبى مبروك يا سوسو . ( بتعيط ) عيشت وشوفت عيالك يا حبة عينى
احمد : المهم يلا يا مالك خد عروستك واتوكل على الله
مالك : عروسة مين بقي . منين ؟ دنا اتخضيت خضة عمرى النهارده بسببكو . منكو لله .( بيخرج من الاوضه ) منكو لله .. منكو لله
الجميع : ( ضحك هيستيرى من منظر مالك وهو خارج )
احمد : ورا جوزك يا حبيبه بقي . وراه وعيشى ايامكوا ف فرح .
حبيبه : ( بتبوس سلمى ) حاضر . عن اذنكوا يا جماعه
.....................