روايه ياريت

(الحلقه الثانيه ) ( أول الأوجاع )

غير.مصرح.بنشر.القصة.الإ.معرفه.الكاتب.او.الناشر
...................
في الحلقة السابقه _
حبيبه : بصى يا ستى !! الحكايه بتبدأ كنت انا مقدمه على شغل ف الشركه اللى احمد كان مسؤول ف ال H R فيها ، وهو المسؤول عن ملفات الموظفين اللى مقدمين وظايف يعنى وبيعمل معاهم مقابله شخصيه
كنا حوالى 4 بنات
انا فضلت لغاية أخر واحده
كانت كل بنت تدخل تقعد بتاع ربع او تلت ساعه وتخرج مبسوطه
لغاية ما لقيت السكرتيره بتقولى اتفضلى ي انسه دورك
دخلت ولقيته قاعد على مكتبه
وابتدت الحكاية اللى هحكيهالك دلوقتى
غير.مصرح.بنشر.القصة.الإ.معرفه.الكاتب.او.الناشر
................. ( الثانيه ) <3
( المقابله )
مالك: صباح الخير يا استاذه !!!!!!!!!! ( بيقرأ اسمها ف الملف ) حبيبه ،
حبيبه : صباح النور يا فندم
مالك: انتى عندك كم سنه
حبيبه : 24
مالك: ماشاء الله واشتغلتى ف حته قبل كده ؟
حبيبه : اه يا فندم اشتغلت ف شركه كومبيوتر بس سيبتهم
مالك: ممكن اعرف سيبتيهم ليه ؟ وبصراحه مين اللى استغنى عن التانى . انتى ولا هما ؟
حبيبه : لا بصراحه انا اللى مشيت ،
مالك: ليه ؟
حبيبه : مالقيتش من ناحيتهم أى إبداع ، شركه معتمده على البيروقراطيه والروتين الممل اللى بيقتل اى ابداع . انا طاقتى كانت اكبر من طموحهم ، عاوزه شركه تطور من مهارتى مش افضل فيها عمرى كله عاوزه الراتب اخر الشهر وبس
مالك: ( منبهر بكلامها ) ماشاء الله ، والملف بتاعك قدامى بيقول ان تقديراتك كويسه ف الكليه ، دانتى المفروض كنتى اشتغلتى معيده
حبيبه : ههههههههههه متشكره لحضرتك يا فندم بس انا فضلت اشتغل بره الجامعه
مالك: ده من حظنا يا استاذه حبيبه وانشالله هقعد انا والاستاذ محمود ونشوف مين اللى هنقبلهم ف التعيينات ..
حبيبه : اوكى يا فندم / ان شاء الله .. عن اذن حضرتك
مالك: استاذه حبيبه انتى ،،،
حبيبه : خير يا فندم
مالك : لا اصل الملف بتاعك هنا مش مكتوب فيه حالتك الاجتماعيه . انتى مرتبطه او حاجه ؟
حبيبه : لا انا لسا سنجل ، ماتقلقش حضرتك مافيش حاجه ممكن تعطلنى عن هدفى بسهوله .
مالك : اه تمام . لا مش مشكله دنا كنت بستكمل البيانات .. المهم هنبلغك النهارده لو وقع عليك الاختيار
حبيبه : تمام جدا ! متشكره لحضرتك يا فندم / عن اذنك
مالك : اتفضلى اتفضلى
غير.مصرح.بنشر.القصة.الإ.معرفه.الكاتب.او.الناشر
................
( ليلى السكرتيره بتدخل عليه )
ليلى : ها يا استاذ مالك استقريت على بنت معينه ؟
مالك : انتى ايه رأيك يا ليلى . شايفه مين اصلح انها تكون الاسيست بتاع المدير العام ، دى وظيفه كبيره ولازملها سكرتيره لبقه وفاهمه وعندها خبره ف كل حاجه ومقبوله شكلا لانها هى اللى هتتعامل مع كافة البنوك
ليلى : اممممم انا شايفه أول واحده دخلت لحضرتك اللى اسمها سمر ، ماشاء الله حلوه وجميله وعندها من الخبره ما يكفى
مالك : فعلا بس ماعندهاش تطلع ولا عندها استعداد انها تطور من نفسها .
ليلى : طيب حضرتك نمره اتنين .. شيماء ؟
مالك : ولا شيماء ، مش لبقه ف الكلام واى حد كلمها بسرعه بتتلبخ ومابتعرفش ترد بلباقه كده ،
ليلى : طيب مين يا فندم ؟
مالك : اتصلى على الاستاذه اللى اسمها حبيبه دى وخليها تيجى تخلص ورقها بكره ، احنا قبلناها خلاص
ليلى : طيب مش هتعرض الكلام على المستر محمود ؟
مالك : هههههههههههههه مستر محمود بيوقع جنب توقيعى بس يا لولا .. خدى خدى الورق ده طلعيه لمستر هشام المدير وقعيه وتعالى اتصلى على حبيبه
ليلى : طيب تمام . عن اذنك
مالك : اتفضلى
غير.مصرح.بنشر.القصة.الإ.معرفه.الكاتب.او.الناشر
...............
( مكتب المدير العام )
هشام : تعالى يا ليلى اتفضلى . خير
ليلى : خير يا مستر ! ده ورق تعيين الموظفه الجديده الاسيست بتاعة حضرتك ، هتوقعهالنا بس عشان نعتمد ونتصل عليها
هشام : طب تمام ! هاتيها . الاستاذ مالك هو اللى قابلها ولا مين ؟
ليلى : اه يا فندم / وبيشكر فيها
هشام : هو دماغه حلوه ماشاء الله ، خلاص على البركه وادى ياستى التوقيع بتاعتى . اتصلوا عليها خلوها تيجى
ليلى : تمام ! عن اذن حضرتك
هشام : اتفضلى
غير.مصرح.بنشر.القصة.الإ.معرفه.الكاتب.او.الناشر
............
( بترجع حبيبه ل شقتها واللى موجوده ف حاره شعبيه وبيت قديم متهالك )
ندى ( أخت حبيبه واكبر منها بسنتين ) : ايش ايش جايه مبسوطه يعنى ! هما قبلوك ولا ايه ؟
حبيبه : قولى يارب ههههههههههههه بس باين انها شركة محترمه أوى أوووووووى
ندى : ههههههههههههه اوباااا دانتى شكلك شوفتى حد كده ولا كده وعجبك شكله يا صايعه
حبيبه : هههههههههههه بت عيب !
ندى : انا أختك الكبيره يا واطيه ولازم تقوليلى بدل ما اتصل على بنات خالاتك ونيجى نعملك حفله هنا زى مانتى متعوده
حبيبه : طب هشش اخرسي بابا جاى
ابو حبيبه : ايه يا بنتى عملتى ايه
حبيبه : بخير يا بابا اهو روحت وعملت المقابله الشخصيه ولو فيه خير هيكلمونى ان شاء الله
ابو حبيبه : ان شاء الله يا بنتى ربنا هيسعدك ، يلا يا بنات مع امكو عشان تجهزوا الغدا
ندى : تعالى يا حبيبه يلا
حبيبه : حاضر دقيقتين بس اغير هدومى وراجعه
..
ابو حبيبه : (ف سره ) ربنا يعدلهالكو يا بناتى واشوفكو مبسوطين وف بيت عرسانكو قريب
غير.مصرح.بنشر.القصة.الإ.معرفه.الكاتب.او.الناشر
..................
مجدى : ألووووووووو ! ايه ياض فينك خلصت شغل ولا لسا
مالك : لسا قدامى ربعايه كده / انتو فين ؟
مجدى : مافيش اهو متلقح ع القهوه ، بقولك ايه عندنا سهره النهارده بنت جزمه زى بتاعة امبارح
مالك : ههههههههههههههه اخرس بقي انت كل سهراتك سكه وطريق يابن المبقعه ، البنات بتوع امبارح اى كلام لا شعر ولا جسم ولا اى نيله على دماغك جاتك نيله
مجدى : هههههههههههههه أعمل ايه ماهو الواد ابن الجزمه اللى اسمه سامح فضل يحلفلى ويقولى معرفش ايه وف الاخر انا اتدبست زيك ، بس اهو فرفشنا شويه
مالك : ودى اسمها فرفشه بردو يا راجل ، عليا النعمه لو سهرة النهارده انضربت كمان لاقطع علاقتى بيكو يا شوية أوباش
مجدى : لا ماتقلقش ، هستناك على 8 كده تخلص وتنزلى
مالك : اشطا ،، سلام
مجدى : سلام
غير.مصرح.بنشر.القصة.الإ.معرفه.الكاتب.او.الناشر
..................
ليلى : ايه يا استاذ مالك ، انت مروح ؟
مالك : ايه استاذ دى يابت ؟ ماحنا بره الشغل خلاص هههههه ايه الاحترام اللى ماسكك ده النهارده
ليلى : بس يخرب عقلك هتفضحنا هههههههه
مالك : وراكى حاجه النهارده ؟
ليلى : لا ! ناوى على ايه
مالك : عندك حد ف البيت ؟
ليلى : هههههههههه اه اختى الصغننه جايه تبات معايا النهارده عشان عندها ورق ف الكليه بكره هتخلصه وتمشى .. ليه كنت عاوز حاجه ؟
مالك : ههههههههه كل خير
ليلى : اه يا جزمه ، انت طماع على فكره
مالك : لازم اطمع ، حته فراولايه يا ناس بتشتغل معانا
ليلى : بس بقي ، انت المره اللى فاتت صحيت الصبح مالقيتكش جنبى واتخضيت وقولت راح فين ده ، هههههههههههه خدت غرضك منى ومشيت
مالك : ههههههههههههههههههههه لا مش قصدى بس كان لازم اروح ابات ف البيت ، المهم لو غيرتى رأيك النهارده وكنتى لوحدك ابقى عرفينى ،
ليلى : من عنيا يا موكا
مالك : شوية احترام بقي احنا ماشيين وسط الناس
ليلى : هههههههههه يا عينى
غير.مصرح.بنشر.القصة.الإ.معرفه.الكاتب.او.الناشر
...............
ندى : ها بقي يابت انتى ؟ احكى ايه اللى حصل بقي
سمر ( بنت خالة حبيبه ) : احكى يا ماما يلا كل حاجه وكل فسوايه حصلت النهارده وماتسيبيش حاجه ، دنا ندى اتصلت علينا قالت تعالو عندنا حفله النهارده ههههههههههه
حبيبه : ههههههههه ياخراااااااااااابى فيه حتة واد حليوه كده وعيونه تجنن كنت هبوسه وانا قاعده قدامه
ندى : اوباااااااا مين ده بقي المدير بتاعك يعنى لو قبلوك
حبيبه : ياريت ياختى . بس ده بتاع ال H R اللى عمل معايا المقابله الشخصيه . واد كاريزما كده وتقيل ف نفسه وعيونه مليانه حنيه وضحكته صافيه
سمر : ياسيدى ياسيدى ، وبعدين ؟
ندى : اه لو لعبت معاك يابنت المحظوظه ، حبيبه عاوزه اقولك حاجه
حبيبه : حاجه ايه ؟
ندى : ماتخليش تجربتك الاولى تاثر عليك ف قراراتك المستقبليه ، مش معنى ان محصلش نصيب بينك وبين سامح ف اول مره يبقى تجذعى من كل التجارب اللى بعد كده او يبقى عندك شعور بعدم التوازن ومايخلكيش تفكرى كويس ،
حبيبه : ندى ! انا نسيت خلاص ومآمنه جدا انه نصيب ، مش كل شويه بقي هتفكرونى بميتين أم دى حكاية انا اتعقدت بسببها ، فيه ايه ؟ انتو مش شايفينى طبيعيه قدامكو ، ماتخلونيش اكره ابوك وامك بقي خلاص خلصنا ، انا لا عايزه اتجوز ولا عايزه اتنيل على دماغى . انا هشتغل وهنجح لوحدى
زى منا متعوده طول عمرى ، اتعودت انى ارتبط بنفسي واحبها
ومهما حصل ليا اكتر واكتر من كده بردو هفضل واقفه على رجلى
اقولكوا حاجه
اوقات كتير بشوف شريط حياتى اللى جاى مش اللى فات بيمر قدام منى
اوقات كتير بشوف انا هيحصلى ايه
او هكون فين
او هروح فين واجى منين
فيه ناس كده مهما عليت وكبرت إلا انها بتفضل ف امتحان طول عمرها
يخلصوا من واحد يدخلوا ف امتحان تانى بعدها بأيام
اوقات بشوف حياتى من غير ابوك وامك
اوقات بشوف حياتى لوحدى ! لوحدى جدا لدرجه العجز والقهر
كتير بكون نفسي ف لحظه طبطبه لانى مش لاقياها ،،
انا هلكت وروحى هلكت يا ندى
اقرب ناس ليا واللى المفروض كانو هما اللى هيعيشو ويسندونى كانو أول ناس طعنونى ،، يا شيخه ملعون ابو الفقر والحوجه اللى ممكن ف لحظه تغير نصيب او تمنع قدر ، وعارفه انه نصيب وقدر كده كده هيحصل بس لو كانت الاسباب تتغير جايز ماكنتش اتوجعت وفضلت موجوعه اوى
الشركه اللى انا فيها دى جديده ، ومن ساعة ما دخلتها وانا شوفت نفسي فيها
كون بقي ان خالتك هى اللى شافتلى الشغلانه دى بسبب انها تبقى صاحبة مرات المدير المالى ف ده مش هيغير حاجه ،، لانى مش هعتمد على وساطه ، انا هشتغل وهنجح ،
ندى : ماتزعليش منى يا روحى بس كان لازم اقولك لانى شكيت انك ممكن تكونى لسا بتلململى جسمك بعد ما خرجتى م التجربه الاولى ومش مركزه
حبيبه : لا انا كويسه ومش عايزه حاجه ، سامح ! ربنا معاه الله يسهله خلاص ، لانا ولا هو خوننا العهد ، بس الظروف زى مانتو شايفين كانت عامله ازاى ، ولو هفضل فاكراه ف انا هفضل فاكراه بالخير وانه كان وقت كويس ف حياتى ومكملش ، ومش زعلانه لانى عارفه ان ربك بيعوض
سمر : ايه الكلام ده يا بيبه هههههههههههههه لا دنا اجيب خالتك وبنات خالتك ونعملك مزيكا حسب الله هنا ،، وبكره لما يقبلوك لينا عزومه يابت انتى
حبيبه : ياستى قولى يارب يقبلونى بس .. ايه ده استنى . ده تليفون الشركه بيرن عليا . استر يارب ويكون اللى ف بالى بقي
ندى : بسرعه بسرعه ردى !
حبيبه : ألو !
سكرتارية الشركه : ألو ! استاذه حبيبه معايا ؟
حبيبه : اه يا فندم مين
سكرتاريه الشركه : حضرتك انا بتصل بيك دلوقتى عشان ابلغك ان تم قبولك للعمل معانا ف الشركه ف وظيفه الاسيست الخاص بمستر هشام المدير العام . وياريت تكونى موجوده بكره الساعه 8 عشان نستوفى بقيه الاوراق والتعيين
حبيبه : بتتكلمى جددددددددددددددد ؟ خلاص حاضر من عنيا . الساعه 8 بالدقيقه هكون موجوده ، متشكره يا وش الخير انتى . قوليلى بقي اسمك ايه عشان نبقى اصحاب انا وانتى
سكرتاريه الشركه : ههههههههههههه مبروك . انا اسمى مى
حبيبه : متشكره جدا ليكى يا مى يا وش الخير انتى متشكره جداااااااااا يا قمر
مى : ولا يهمك . اتفضلى . عن اذنك
حبيبه : مع السلامه يا جميل
غير.مصرح.بنشر.القصة.الإ.معرفه.الكاتب.او.الناشر
...........
حبيبه : بابااااااااااااااااااااااااااا باركوووووووووووولى انا اتعينت ف الشركه
ندى : ههههههههههههههه مبروك يا قلبي والله وبايضالك ف القفص
ام حبيبه : مبرووووووووك يا قلبى ( لولولولى )
ابو حبيبه : مبروك يا حبيبتى الف مبروك ، . ربنا يبارك فيك وف عمرك يا حبيبتى
حبيبه : ربنا يخليكو انتو ليا يارب واحاول اسعدكو انا والبت الجزمه دى
ندى : هههههههههههه مبروك يا حبيبتى .. تعالى بقي نشوف هتلبسي ايه بكره
حبيبه : ههههههههههههههههه يلا
غير.مصرح.بنشر.القصة.الإ.معرفه.الكاتب.او.الناشر
..........
عاوزين تفاعل مع الروايه عشان تكمل وشارك برأيك
انتظرونا ف الحلقه التالته بكره الساعه 8
الكاتب. احمد سعد
الناشر. محمد فريد