روايه ياريت

(الحلقه الرابعه والعشرين ) ( الجانب المظلم من الحياه )

(الحلقه الرابعه والعشرين ) ( الجانب المظلم من الحياه ) <3
...................
(الحلقه السابقه )
احمد : ماشيين فين ؟ مش هتحاسبو على الطفح اللى طفحتوه انا مش معايا فلوس هههههههههههههههه
مالك : هههههههههههههههههههههههههه يخربيت معرفتك
مجدى : ههههههههههههههههه ( بيحضن احمد ) عليا النعمه لابيع شقتى ف مصر واجى الزقلك هنا يابن الحلال انت
مالك : ندر عليا لو حبيبه كانت ليا ... لاجيبها ونعيش هنا هههههههههه
................... ( الرابعه والعشرين ) <3
( الشركه )
ليلى : ازيك يا روشا . مستر هشام جوه ؟
رشا : اه يا لولا جوه
ليلى : ايه ده هى حبيبه ماجتش النهارده ؟
رشا : لا . اتصلت عليها الصبح . اختها ردت عليا وقالتلى انها تعبانه .....
ليلى : طيب وهو مستر هشام عارف ؟
رشا : اه انا كلمته وطلع عارف .
ليلى : طب تمام عن اذنك انا داخله
........
ليلى : ايه يا نجم . نقول مبروك ولا لسا ؟
هشام : هههههههههههههه يعنى . ابوها منفوخ بيا . بس لسا شويه
ليلى : اصل الواد مالك . ماجاش النهارده بردو
هشام : اه منا عرفت من ابوها ان مالك كان معاهم هناك ف المستشفى .. تلاقيه زعلان عليها الحنين
ليلى : لا بس مالك خد درس عمره ما هينساه
هشام : اه صحيح فكرتينى .. هديتك محفوظه ماتقلقيش
ليلى : لا انا مش عاوزاها دلوقتى الا لما اشوفك عريس كده ومتهنى بعروستك ههههههههههههههه قلب الام بقي ..
هشام : يااااااااااااه ساعتها هتشوفى هدايا كتير تانيه
ليلى : الا قولى يا اتش . انت ليه دونا عن بقيه البنات . البنت دى دخلت دماغك
هشام : مش عارف ... بقيت نفسي متعلق بحركاتها ومتعلق بطريقة كلامها
وعاوزها قدامى 24 ساعه
او بمعنى اصح كده غيرت من ان بنى ادمه زى دى تحب حد غيرى
استخسرتها ف حد تانى . انا اللى هدلعها وهوريها النعيم اشكال وانواع
ليلى : على ماما يا بابا ؟ ههههههههههههه انت بس تلاقيك خدت الموضوع على اعصابك لما لقيتها بدات تهتم بمالك ,,
هشام : ممكن ..
ليلى : ايه ده انت بتغير من مالك ؟
هشام : اغير من مالك ايه ؟ لا طبعا . اغير ايه وبتاع ايه . وبعدين هو فين وانا فين . اغير من مين بلا هرى وكلام فاضى
ليلى : هههههههههههههه ماشى ماشى .. المهم هتعمل ايه النهارده
هشام : النهارده هروح ازورها ف البيت .. واجيب هديه محترمه كده وافتح الموضوع بشكل رسمى اشوف رد فعلها .. اضرب ع الحديد وهو سخن
ليلى : يا جامد ..
هشام : وبعدين معاكى بقي مش هتبطلى تحلوى انتى كمان
ليلى : هههههههههههههه ايه . الشوق بيهفك ولا ايه .. لو الشوق هافك ما تيجى تبات عندى النهارده انا قاعده لوحدى
هشام : هشوف كده واكلمك ... لو موضوع النهارده خلص وكله تمام هجيلك . لو اتعكننت بقي مش هاجى ههههههههه
ليلى : ماشى يا اتش ..يلا اسيبك بقي ... المهم هتعمل ايه ف غياب مالك ده هتحسبه ايه . مرضى ولا هتخصم
هشام : مش هو ماتصلش على حد وقال انه مش جاى ؟؟ يبقى هيتخصم طبعا . وهبلغ رشا بالكلام ده عشان تبلغ الحسابات
ليلى : يا جامد .. طب يلا سلام
..................
( بيت حبيبه )
محمد ( ابو حبيبه ) : اخبارك ايه يابنتى النهارده ؟
حبيبه : الحمد لله .
محمد : واخبار الدوخه اللى كانت عندك امبارح ايه ؟
حبيبه : لا الحمد لله مافيش حاجه
*الروايه ملك خاص للكاتب / أحمد سعد
ويتم نشرهاةفي بيدج قصص و روايات للناشر محمد فريد
منى ( ام حبيبه ) : الحمد لله قدر ولطف
ندى : الحمد لله . ربنا عداها على خير
محمد : ايه بقي يا حبيبة ابوك مش ناويه تحكيلى حاجه
حبيبه : حاجه ايه .. ماعنديش حاجه
محمد : طيب . المهم بعد العصر جاى مديرك الاستاذ هشام يتطمن عليك
حبيبه : يتطمن عليا ليه ؟ هو كفاية انه يعرف وبعتتلى ورد اهو عاوز ايه هو تانى ..
محمد : انتى مالك يا بنتى ؟ مالك . عاوزه ايه ؟ فيه ايه معشش جوه نافوخك ده . الراجل محترم جدا وبيتكلم بكل احترام غير انه مديرك واتعاملتى معاه واكيد عرفتى اخلاقه وابن ناس .
حبيبه : مايهمنيش الكلام ده كله ... ولا يفرق معايا .. انا عاوزه اكمل حياتى وابنى ذاتى وانجح الاول قبل ما حتى افكر ف ارتباط
محمد : ده من امتى ان شاء الله . انتى داخله على 255 سنه . ناويه تبنى حياتك لغاية امتى ؟
انا ان عيشتلك السنادى مش هعيشلك السنه الجايه
حبيبه : بابا ! مش كل مره حضرتك هتقولى الكلمتين دول . دى حياتى انا . كفاية انى سكتت ورضيت انكو تتدخلوا ف حياتى مره قبل كده . ومش عاوزه حياتى تخرب تانى
محمد : وهو انا لما اتدخل ف حياة بنتى الخايبه اللى مش عارفه مصلحتها عشان ارجعها عن قرار ممكن يدمرها ويضيعها ابقى كده بتدخل ف حياتك .. حياة مين يا ام حياة انتى انا اللى غلطان واستاهل انى ربيتك انتى واختك على ان كل واحده مالكة قرارها .. بس امور الطبطبه والدلع دول انتهوا من هنا ورايح
اه صحيح نسيت ... مش انا كلمت هشام مديرك ف موضوع الواد مالك ؟
وقالى كده بالحرف ده واد بايظ واخلاقه مش اد كده . والشركه كلها مالهاش سيره غير عن اللى عمله .... بقا هو ده اللى عاوزه ترتبطى بيه ؟
حبيبه : انا لا مرتبطه ب ده ولا ده ؟ ولا عاوزه حاجه اصلا . وبعدين هو ماله ومال مالك ولا غيره . احب اللى احبه واكره اللى اكرهه
منى : يا محمد خلاص وطوا صوتكوا
محمد : ما تشوفى بنتك ... قليلة الادب اللى محتاجه تتربي من جديد
كلمه واحده ، الراجل جاى بعد العصر عشان يتطمن ويقولك حمد الله ع السلامه ... كلمة زياده مش عاوز
حبيبه : يا بااااااااااااااااااااااااى . اووووووووووف
محمد : غورى يابنت الكلب ابو تربيتكو تربية وسخه
............
( اسكندريه )
سلمى : الوووو ! احمممممد انتو فين ؟
احمد : قاعد مع شلة المقاطيع اهو ، أشكال ضاله يا شيخه .
سلمى : ههههههههههه طب بقولك . اتغديتو ولا لسا
احمد : اه تمام الحمد لله . بقولك . شويه كده واسماء هتعدى عليك
سلمى : اه يا روحى منا كلمتها .. هتجيب سالى اختك ويعدوا عليا . انتو ناويين تيجو امتى
احمد : يعنى . على 9 كده ولا حاجه تكون العيال جات ...
سلمى : طيب يا حبي خلو بالكو من بعض
احمد : خلى بالك انتى من نفسك . انتى روحتى ولا لسا
سلمى : لسا طالعه م الشركه اهو
احمد : طيب اعدى عليك اروحك طيب ؟
سلمى : لا يا روحى ماتقلقش
احمد : بالراحه وانتى سايقه ...
سلمى : حاضر ..
احمد : مع السلامه
................
احمد : بقولكو ايه !! انت تعرف اى حاجه عن هشام ده ؟ يعنى لما بيبقى عاوز يخلبص بيخلبص فين ؟
مالك : فيه بار كده متعود يروحه
احمد : طيب يا حلو ماهما صورتين يتصورهم وهو بيشرب وكده عال اوى ... بس مش ده المهم بردو . الهم ان واحده تروح توصل نفس الكلام ل حبيبه او ابوها على علاقاته النسائيه دى
مالك : ودى هنجيبها ازاى ؟
احمد : ماتشغلش بالك دى ليها تصريفه تانيه ههههههههههههههه
على : هههههههههههههه انا حاسس اننا قاعدين مع فريد الديب محامى المحاميين كلهم . فيه ايه ياض ماتتلم بقي . فيه ايه
احمد : يابنى لازم شوية مخمخه ،، بقولكو ايه . مصطفى زمانه طلع ، هكلمه يغير هدومه ويجيب الكوره اللى عنده ونروح نلعب شويه ف الملعب اللى ورانا . هتصل على الواد هانى يجيب فريقه ... بس وحياة امى لو ما لعبتو زى الناس لاكون مبلغ عنكو يا شويه عاهات
على : هههههههههههههههههههه عيب عليك
احمد : ياعم اجرى .. اكبر حارس مرعى فيكى يا جمهوريه .. بتفكرنى بالواد اللى كان ف مرجان احمد مرجان . يا شيخ اتلهى
مالك : عيب عليك ياسطا انت نسيت ولا ايه
احمد : اتنيل انت كمان مانت عامل زى احمد فهمى ف فيلم المتحف ده ههههههههههههه كل شويه وحياة امك وحياة امك وحياة امك ورجلك سبحان الله بحس ان فيها حول رهيب
مالك : هههههههههههههه مفترى
احمد : ايه ساكت يعنى يا مجدى ؟
مجدى : انت عاوز ايه من زفت منا قاعد ساكت اهو . هو انا فتحت بؤى
احمد : الاستاذ مجدى يا حضرات اكتر واحد يطلع ميتين اللى خلفونا وكل شويه يقع ع الارض ويمسكلك رجله كانه انضرب بالرصاص ... وتقعد تلحلح وحالتك كرب ..
مجدى : انا ايه اللى جابنى هنا نفسي افهم هههههههههههه
احمد : طب يلا يا حلو انت وهو . تعالو نغير ف البيت عندى كم طقم كده حلو ..
مالك : يلا
................
( بعد العصر بيت حبيبه )
محمد : اتفضل يا استاذ هشام اتفضل
هشام : متشكر يا راجل يا طيب
محمد : معلش البيت مش قد المقام
هشام : لا عيب ياعم محمد ، ده بيت كله خير وبركه كده ، ربنا يكرمك
محمد : تشرب ايه يا استاذ هشام
هشام : استاذ ايه ياعم محمد . هو انا هبقى استاذ عليك
محمد : بردو العين ماتعلاش عن الحاجب
هشام : لا لا لو عاوزنى اقعد يبقى انا اسمى هشام بس
محمد : ماشى . تشرب ايه بقي
هشام : مالوش داعى والله . ودى حاجه بسيطه بس مش قد المقام كرمال ان الاستاذه حبيبه قامت بالسلامه
محمد : مالوش لزوم والله
هشام : لا لا ازاى بقي ... ؟ ( بيوشوشه ) عملت ايه يا عم محمد كلمتها ولا لسا
محمد : استنى شويه لسا . انا اديتها فكره
هشام : اها تمام
.........
محمد : حبيبه ! قومى يابنتى سلمى على مديرك جاى يتطمن
حبيبه : مش قادره . انا عاوزه انام
محمد : يعنى الراجل جاى لغاية عندك يتطمن عليك تكسفيه كده ؟
حبيبه : هو مش جاي عشان يتطمن عليا . ده جاى يتطمن علي نفسه ...
محمد : طب قومى عيب .؟ قومى عشان منظر ابوك مايبقاش وحش
حبيبه : اووووووووووووف حاضر
.......
( بتغير حبيبه هدومها عشان تطلع بتجيلها رساله على تليفونها من رقم مجهول مكتوب فيها : على فكره هشام اللى ناوى يتقدملك ده اوسخ بنى ادم ممكن تقابليه ،، سكر وشرب ونسوان ، وقريب الكلام ده هيوصلك صوت وصوره )
ندى : ايه يابنتى وقفتى ليه ؟
حبيبه : خدى كده اقرأى الرساله دى
ندى : رسالة ايه ؟
حبيبه : دى ...
ندى : ايه ده ؟؟ وده معناه ايه . مين اللى باعت الرساله
حبيبه : معرفش ده رقم مجهول
ندى : طب اكشفى ع الرقم كده شوفى مين صاحبه
حبيبه : استنى !
بردو الرقم مالوش اسم .. دى شريحه مالهاش اسم
ندى : طب قومى بس قومى لاحسن ابوك ييجى يسمعنا كلمتين مالهمش لازمه قومى
حبيبه : انا مش عارفه ايه القرف اللى اتزرعت فيه ده . انا مالى بكل ده
..................
محمد : تعالى يا حبيبه ! تعالى يا حبيبتى
هشام : اهلا .. ازيك يا حبيبه اخبارك ايه النهارده ؟
حبيبه : اهو بخير الحمد لله . متشكره اوى لحضرتك يا مستر
هشام : طب عال عال الحمد لله ، ربنا يجعلك على طول كويسه .. ماتنزليش الشغل الا لما تحسي انك كويسه ع الاخر . ماتشغليش بالك ولا تشيلى هم
حبيبه : متشكره اوى .. فعلا انا عاوزه كم يوم كده لانى حاسه انى مش مظبوطه
هشام : طيب تمام اوى .. وقت ما تحسي انك عاوزه تنزلى الشغل انزلى ف اى وقت
محمد : فين الحاجه الساقعه يا ام ندى . عن اذنكوا ثوانى يا شباب
هشام : اتفضل يا عم محمد
....
حبيبه : ممكن اسال حضرتك سؤال بما اننا لوحدنا
هشام : اتفضلى يا حبيبه
حبيبه : انت اى حد بيتعب ف الشركه او بيحصله حاجه بتعمل معاه كده ؟
هشام : لا طبعا .
حبيبه : طب اشمعنى انا ؟
هشام : عشان انتى اكيد عرفتى انا قولت لوالدك ايه . انا جاى داخل البيت من بابه واختارتك تكونى شريكتى .. ومش عاوز منك او منكو اى حاجه غير انى اكمل عمرى الباقى معاك . مع الانسانه اللى الواحد ممكن يآمن معاها على حياته وبيته ونفسه
حبيبه : اممممم وبعدين
هشام : بس ! عشان كده كان لازم اتطمن عليك . وجيتلك المستشفى وكنت هدخل بس قولت الورد كفايه عشان ماتحسيش انى بضغط عليك او حاجه
حبيبه : مستر هشام ممكن سؤال وياريت ماتزعلش منه
هشام : اتفضلى يا حبيبه . اللى عندك كله اسأليه انا عاوزك تكونى متطمنه
حبيبه : انت ليه قررت تشغل بابا عندك وتمضيه على كمبايالات وشيكات ... مش غريبه ؟ وليه تحط سداد ديون ابويا ف مقابل انى اوافق بجوازى منك ... معنى الكلام ده ايه ؟ انى لو ماوافقتش ممكن تسجنه مثلا ؟
هشام : انتى ليه فكرتى فيها كده ؟ اعتبريها مهر منى لابوك على انه رباك وجابك الدنيا . بكافأه ع الهديه دى .. ايه كتيره عليا ولا على ابوك ؟
حبيبه : بصراحه موضوع غريب من اوله لاخره
هشام : ع العموم انا قولتلك اللى عندى وشوفى انتى الموضوع اللى يريحك واعمليه ...
حبيبه : بجد ؟
هشام اه بجد ..
حبيبه : طيب حضرتك يعنى لو انا مثلا قولت انى مش موافقه وانى مابفكرش ف جواز خالص دلوقتى وانى لسا ماقابلتش البنى ادم اللى ممكن افكر انى ارتبط بيه .. وانى مش عاوزه اخسر الشركه اللى شغاله فيها اللى المدير بتاعها كان عاوز يتجوزنى . حضرتك ممكن ترد على الكلام ده وتقول ايه ؟
هشام : عادى . هخرج من حياتك وهيبقى تعاملى معاك على قد الشغل وبس
حبيبه : طب والشيكات اللى على بابا والعربيه اللى اديتهاله ..
هشام : كأن شيئا لم يكن . عادى نرجع زى الاول وهاخد الحاجه منه وهبعد عنكو بطريقه شيك جدا زى ما دخلتها
حبيبه : بجد ؟ لو فعلا ده حصل يبقى انت كده عداك العيب
هشام : المهم اندهيلى على باباك بقي عشان انا لازم انزل دلوقتى
حبيبه : اوكى . ثوانى
.........
( تحت البيت ف عربيه هشام )
هشام : الو ! بقولك ايه ... اعمل اللى اتفقنا عليه .... عاوز الفجر اسمع خبر العربيه دى ... مش عاوزه يفكر ف اى حاجه غير انه ييجى يطلب منى ان انا اللى اتجوز بنته عشان ماسجنوش .... تولع ف العربيه النهارده .. فاهمنى ......؟ وماتسيبش وراك دليل
..................