روايه ياريت

(الحلقه الواحد والعشرون ) ( ايه العيال دى ؟!)

(الحلقه الواحد والعشرون ) ( ايه العيال دى ؟!) <3
...................
(في الحلقه السابقه )
ليلى : مش انا عرفت الزفت اللى اسمه هشام ناوى على ايه يعمله مع مالك وأهله واهل حبيبه وصاحبه
مى : ازاى ؟ وهيعمل ايه
ليلى : باعتلى ع الواتس .. اهو انا غيرت ام التليفون مخصوص عشانه لقيته باعتلى رساله ع الواتس . اول ما لقط نت الرساله وصلت
............. ( الواحد والعشرون ) <3
مى : وفيها ايه الرساله دى بقي
ليلى : كاتبلى ياستى بيقولى " انا برن عليك تليفونك مش مجمع ليه .. قريب اوى هسمعك اخبار حلوه عن الواد مالك ده ... هعلم عليهم كلهم علامه عمرهم ما هينسوها "
مى : حدوته ماسخه والله العظيم مش عارفه ايه القرف ده يابنتى ماتخلعى نفسك من وسط الناس دى
ليلى : والله العظيم ححاولت اكتر من مره اخلع نفسي ومش عارفه .اعمل ايه طيب اولع ف نفسي
.....
( احمد وسلمى بيخبطوا عليهم جايين يزوروهم )
مى : ايه ده ههههههههههه منورين يا جماعه
سلمى : حمد الله ع السلامه يا ليلى وانشالله خير يارب
ليلى : متشكره اوى يا سلمى وزيارتك دى فرحتنى والله ..
احمد : ها ياعم الدكتور هيخرجك امتى من هنا
ليلى : هو قالى انه شويه كده هييجى يشوف مكان العمليه ولو تمام هخرج النهارده
احمد : طيب حمد الله ع السلامه
ليلى : ماشاء الله ابنكو زى العسل
احمد : ايوه ماهو ابننا على فكره انتى مش شايفه امه عامله ازاى
سلمى : هههههههه بس بقي
ليلى : لا بجد ربنا يخليكو ومش عارفه لولا وجودكو حوالينا ف الوقت ده كان زمانى رحت فيها
احمد : وبعدين قوليلى هنا يا ليلى . يعنى انتى جايه من اخر الدنيا عشان تيجى جنبنا والزايده بتاعتك تفرقع
مى : ههههههههههههههه والله العظيم احنا كنا مستنيين فعلا الاجازه دى عاوزين نخرج من الضغوط شويه اللى علينا
سلمى : ضغوط ايه بقي
ليلى : ماتشغليش بالك يا سوسو هبقى احكيلك بس لما نقوم ان شاء الله
احمد : ماشاء الله .. سوسو كمان ؟
ليلى : ههههههههههه ماهى زى اختى بالظبط
سلمى : ايوه زى ماهو زي اخوك بالظبط ها
مى : هههههههههههههههه
سلمى : ايه بتضحكو على ايه ... لا بقولكو ايه وحياة امى ادب ايدى ف كرشك اجيب المراره والقولون مع الزايده اهى كده كده هتبقى خربانه
ليلى : هههههههههههههههههههههههههه ( ضحك رقاصات ) ااااه مش قادره اضحك حرام عليك
سلمى : ايوه احنا جيران حلوين مزقططين مع بعض . غير كده هبلغ عنكو هههههههههههههه
ليلى : هههههههههههه ربنا يخليكو لبعض يارب . وهو زى اخويا والله
سلمى : ماشى ! هتمشو من اسكندريه امتى بقي مش كنتو تقعدو شويه يابنتى
ليلى : هههههههههههههههههه حرام عليك يا سلمى والله كفايه بقا مش قادره والله
مى : ههههههههههههههه انا هجيبلكو حاجه تشربوها
احمد : لا ولا اى حاجه احنا كنا جايين نتطمن . المهم خدى هنا
مى : ايه ده مين ؟
احمد : هو انا بكلم حد غيرك هنا ؟ خدى تعالى قربي
سلمى : فيه ايه انت اتجننت ؟
احمد : هششش اسكتى انتى ... خدى يا مى قربي
مى : ايه يا جماعه فيه ايه انا بدات اخاف هههههههههههههههههه
احمد : افتحى ايدك
مى : ما تقول ياعم فيه ايه
احمد : دى ال 50 جنيه اللى كنت واخدها منك
مى : انت بتهزر صح ؟
احمد : بهزر ايه مالفلوس ف ايدك خلاص
مى : ههههههههههه لا ياعم مش قصدى بس عيب والله
سلمى : هو انت خدت منها فلوس امتى
احمد : امبارح نزلت اشتريلهم عصير وحاجات وماكنش معايا فلوس
سلمى : خدى الفلوس يا مى .. ده هو عمره ما عملها اصلا وخد فلوس من اى بنت بس لولا الظروف بس هههههههههههههههه
ليلى : انتو اتعرفتو على بعض ازاى بقي . اصلكو ماشاء الله شبه بعض اوى .. ومش شبه طبع بس . لا شبه شكل كمان .
سلمى : دى حكايه طويله . لو لينا عمر ان شاء الله هبقى احكيلك ..
احمد : اه ! لو ماموتيش يا ليلى ان شاء الله هنحكيلك ..
ليلى : ههههههههههههه ماشى ومتشكره جدا والله انا مبسوطه بوجودكو والله ومش عاوزاكو تمشو
احمد : احنا هنستاذن بقي . خارجين احنا واصحابنا شويه .... لولا ان هما كتير كان زمانى جبتهملك دلوقتى يزوروك .... بنت حلال اهو واحد منهم بيكلمنى اهو . لو قريبين والله هقولهم يطلعو يسلمو
ليلى : هههههههههههههههه ايه الجمال ده ياعم
مالك : الو ! انت فين يا عم اتأخرتو ليه
احمد : ف المستشفى اهو انتو فين
مالك : داخلين عليك
احمد : طب ما تطلع تسلم ع الناس عيب كده
مالك : مش هنلحق . الفيلم لساله 10 دقايق وهيبدا ومش هنعرف ندخل والبنات قاعدين بيفركو .. ومصطفى واسماء سبقونا على هناك
احمد : خلاص اسبقو انتو وانا وراكو
مالك : ماتتأخرش بقي
احمد : لا لا خلاص وراك نازلين اهو
.....
احمد : معلش يا ليلى بقي دى عيال متشرده اساسا
ليلى : ههههههههههههههه لا لا اخرجو انتو وان شاء الله تتعوض . لما اخرج ان شاء الله حضرو نفسكو عشان هنعزمكوا
احمد : نعزمكو ؟ عليا النعمه انتى شكلك مابتعرفيش تطبخى الرز اساسا عامله زى مراتى .. لكن البت اللى واقفه هناك دى شكلها شاطره ونفسها حلو ف الاكل واراهنكو
ليلى : ههههههههههههه انت عرفت كل ده ازاى
احمد : عيييييييب . المهم حمد الله على سلامتك . هنستاذن احنا بقي
ليلى : ماتحرمش منكو يارب ..
سلمى : ( بتبوسها ) حمد الله ع السلامه يا حبيبتى
.........
( احمد وسلمى خارجين من المستشفي )
سلمى : ايه مالك ؟ سرحان ف ايه
احمد : مش عارف ! شعور غريب كده وكانى سمعت صوت البت ليلي دى قبل كده بس فين وامتى وازاى ولا اعرف . انا باينى اتجننت
سلمى : طب عدى يومك على خير وامشى قدامى
احمد : هههههههههههههههههه طيب امشى
................
( بعد السينما )
احمد : مالك ! هات جماعتك وع المطعم بتاعنا بقي عشان هنتعشى كلنا هناك
سمر : ايوه والنبى عاوزه اشوف المطعم بتاعكو ده
احمد : طب يلا انا كلمت على هو مجهز كل حاجه
.............
( وهما بيتعشوا )
مصطفى : احكيلكو حكايه بمناسبه اللمه الحلوه دى
حبيبه : ياريت يا درش
مالك : ههههه ايوه اشجينى بس بلاش حكايات من اللى بتجرسنا فيها دى
احمد : ده يموت لو ماجرسناش . ده رمه .. لا مؤاخذه يا سوسكا
اسماء : لا خد راحتك يا حمو هههههههههههههههه
سلمى : ههههههههههههههه احكي يا عم . الحكايه عن مين الاول
مصطفى : عن واحد صاحبنا كده عارفينه مش غريب
كنا جوه الجامعه ف سنه أولى وتقريبا قبل ما نتعرف علي باقى الشله
او تقريبا ماكنش حد من اللى قاعدين معانا دلوقتى موجودين لسا ف حياتنا
فيه واحده بنت حلال اعجبت بصاحبنا ده
سلمى : ( بتسيب الاكل وبتركز ) كمل كمل شكل الحكايه هتقلب بنكد ف الاخر وهتبقى ليلتكو سوده
احمد : هو فيه ايه انتى بتبصيلى ليه وانا مالى . بيقولك صاحبنا . صاحبنا . انا مال امى انا
سلمى : وحياة امك ؟ كمل يا مصطفى كمل دانت وقعتك هباب انت كمان معاه
احمد : كمل ياعم خلينا نخلص بس وحياة امك بلاش ال .. ها . يعنى اتقى ربنا وبلاش ال ها . اللى بالى بالك
سلمى : هششش اسكت انت . كمل يا مصطفى .. خلى جوزك يكمل يا اسماء
اسماء : صاصتى ! كمل كل حاجه واوعى تنسي حاجه واحده اد تدهون بقي
احمد : اه ! اتمايصتى عليه يا اسماء ؟ كده ضمنت انى رايح ف دايهه ماهو زى الاهبل وبيروح بسرعه
حبيبه : ههههههههههههههههههههههه
مالك : هههههههههههههههههههه انا عارف الحكايه بس هستنى رد الفعل ف الاخر
سمر : هههههههههههه انا هيجرالى حاجه .. كمل يا عم الروايه ملك ل بيدج هو وهى فقط
ندى : هههههههههههههههههههه
سمر : وبعدين بقي .. ها احكو
مصطفى : قوم ايه بقي يا جدعان . البت بدات تتلون .. بتحبه بتحبه يعنى مافيش هزار
احمد : اللهم طولك يا روح .. ما خلاص ياعم عدينا ام السيره الزفت دى عرفنا انها بتتهبب بتحبه . اخلص
مصطفى : ههههههههههههههههههههه سالت على عنوان بيته عشان توصله بأى طريقه
سلمى : ( بتتعدل وبتقرب من احمد وبتمسكه من ياقة القميص ) كمل كمل .. طبعا راحتله
احمد : ياشيخ الله يحرقك روح اكتر مانت محروق
مصطفى : طبعا راحت تعسس وراه وتسال مين . تسال صاحبه الروح بالروح اللى هو مين
احمد : اللى هو انت دى حتى قامت بايساك من بؤك وقالتلك متشكره يا احلى صاصا ف الدنيا . كمل كمل يا صاصا
اسماء : نعم ياخويا ؟
مصطفى : والمصحف ما حصل ده كداب ابن كدابه
اسماء : لا حمو مابيكدبش ... باستك من بؤك ياعنيا ؟ ودينى لنا نافخاك
مصطفى : ( بيسيبهم وبيقوم يجرى )
اسماء : ( بتجرى وراه ) خد تعالى هنا
مالك : ههههههههههههههههه
حبيبه : ههههههههههههههههههههههه انا مش قادره والله على كل الضحك ده كل شويه
سمر : هههههههههههه يخربيت كده يا جدعان
مالك : انا عارف بقية الحكايه ههههههههههههههه
سلمى : كمل كمل يا موكا انت
مالك : بعد البت ما خدت العنوان من مصطفى وهو زى الجردل وقع كده ف لسانه
البت يا عينى اكتشفت انه ماكنش عنوان احمد اصلا
احمد : اه . ده طلع عنوان الشقه اللى انت ومصطفى كنتو مأجرينها انتو والواد مجدى والبت فضلت معاكو للصبح
حبيبه : بتقول ايه ياخويا ؟
مالك : وحياة امى ما حصل ده كداب ابن كدابه
حبيبه : لا حمو مابيكدبش . خد تعالى هنا
مالك : ( بيسيبها وبيجرى ورا مصطفى واسماء )
حبيبه : ( بتجرى وراه )
سمر : والمصحف الشريف قلبى هيقف منى ( بتتنطط برجليها من كتر الضحك )
احمد : ( بكل برود بيكمل أكل ) تاخد حته جمبري يا على ؟
على : حبيبى يا سيد الناس معايا ... تاخد شوربه ؟
احمد : معايا يا حبيبى ... ناولنى البلطيايه اللى جنبك المبطرخه دى
على : حبيبى حبيبى مد ايدك ,, خش عليا انت ب طبق السبيط اللى جنبك ده
احمد : عيونى
سلمى : ( متابعه احمد وعلى وبتشتمه ف سره ) اه يابن اللعيبه
احمد : بتقولى حاجه يا سوسو
سلمى : ابدا يا روح سوسو
مصطفى : ( بييجى جرى من بعيد ) والله العظيم العيال دى احمد وعلى هما اللى خدو البت وخرجو معاها وودوها سينما كمان
( احمد وعلى بيسيبو الترابيزه وبيجرو .... ووراهم سلمى وخطيبة على وبقية البنات )
......................