رواية ياريت

(الحلقه الثانيه والعشرون ) ( عرفت منين )

(الحلقه الثانيه والعشرون ) ( عرفت منين ) <3
...................
(في الحلقه السابقه )
سلمى : ( متابعه احمد وعلى وبتشتمه ف سره ) اه يابن اللعيبه
احمد : بتقولى حاجه يا سوسو
سلمى : ابدا يا روح سوسو
مصطفى : ( بييجى جرى من بعيد ) والله العظيم العيال دى احمد وعلى هما اللى خدو البت وخرجو معاها وودوها سينما كمان
( احمد وعلى بيسيبو الترابيزه وبيجرو .... ووراهم سلمى وخطيبة على وبقية البنات )
................... (الثانيه والعشرون ) <3
سلمى : خد تعالى ! وحياة امك منا سايباك
احمد : اجرى يا علوه لو مسكونا هينفخونا ههههههههههههه
على : كله من مصطفى الكلب ههههههههههه
احمد : خلاص يا سلمى بقا . الواد سيبتيه فين
سلمى : واد ؟ واد مين دنا هطلع عينك
حبيبه : هتروح منى فين انت كمان ودينى منا عاتقاك
مالك : ماتقول حاجه يا كبير
احمد : كبير مين الله يخربيتك . انتو مزنقين علينا كده ليه يا بنات . وحدو الله
اسماء : اعترفوا باللى حصل بجد واحنا نعفو عنكو
احمد : كده يا اسماء تكدبونى ؟ عيب . عيب انا قولتلكو الحكيكه
سلمى : حكيكه ؟ حكيكة مين يابو حكيكه ؟ بقا انت والاخ اللى جنبك ده اللى روحتو معاها سينما بقا وياترى دخلتو فيلم ايه
على : عندليب الدقى
احمد : اخرس . محصلش .. والله ما كان عندليب الدقى
سلمى : ( غصب عنها بتضحك ضحك هيستيرى هى واسماء وحبيبه )
احمد : قصدى يعنى محصلتش الخروجه دى من اساسه .. يا وليه انطقى الواد فين \
سلمى : مع ندى . ركز انت ف اللى انت فيه ورد وانفد بعمرك
احمد : طب تعالو نرجع الترابيزات بقي عيب كده الناس تقول علينا ايه . شله بنات بتتحرش بشله ولاد . عيب ماينفعش كده
حبيبه : ها يا سوسو نرجع ؟
سلمى : اممممممم ! دانت وقعتكو طين . تعالو تعالو . عاملينلى فيها شويه حبيبه بقي وبتخرجو وبتلاغو
مالك : الحمد لله انا براءه صح
حبيبه : براءه ؟ تعالى تعالى دانت وقعتك هباب انت كمان
احمد : هو فيه ايه يابت منك ليها هو عشان ساكتنلكو يعنى هتسوقوا فيها . لا يا ماما مش احنا . مش احنا اللى نخاف من بنات
سلمى : ( بتقرب منه ) بتقول حاجه يا احمد ؟
احمد : احنا مابنخافش غير من بنات اساسا خلى بالك
سلمى : هههههههههه
احمد : ضحكتى اهو . تعالو بقا السمك كان يجنن انا جوعت اكتر
سلمى : الليله تاخد اصحابك وتروحو تسهروا ف اى حته .. هاخد البنات ونروح نسهر الليلادى ف الشقه عندى . وهتصل على منه وساره وفريده .. وسالى وندى اختك
احمد : احسن بردو . هنروح نسهر نلعب بلاي ستيشن عند مصطفى .
مصطفى : يااااااااه شويه برطعه براحتى ف الشقه بقي . بدل ما انتى وابنك كاتمين على مراوحى يا اسماء هههههههههههههههه
اسماء : ما بلاش لاحسن هتبقى ليلتك هباب زى صحابك
احمد : هى البنات دى بتكرهنا كده ليه يا اخى
...................
( اخر السهره ف شقة البنات )
سمر : هههههههههههههه هو انتو عسل كده ليه يا بنات
فريده : الله اكبر ماتشوفى قريبتك يا حبيبه
حبيبه : ههههههههههههههههه يا سمر يا حبيبتى ده العادى بتاعهم
سمر : لا بس كلكو عسلات يعنى . الا مافيه واحده فيكو شعرها نص نص ولا شكلها مش اد كده دنا حاسه انى عره اوى هههههههههههههههههههههه
سلمى : لا انتى عسليتين يا مرمر وندوش كمان والمزه بتاعتنا حبيبه
اسماء : بصى يا حبيبه انا كنت زيكو كده كنت بتحسر انى ماكنتش موجوده مع الشله دى ايام الجامعه بس نعمل ايه بقي المهم انى انضميت ليهم وبقيت منهم
سلمى : طبعا يا سوسكا ..
حبيبه :يا ترى الرجاله بيعملو ايه دلوقتى طبعا مقطعين نفسهم علينا صح وعاوزين يرجعو
سلمى : اومال
حبيبه : اه وتلاقى مالك دلوقتى يقولهم عاوز اروح اخد حبيبه مراتى ونروح البيت هههههههههههههههههه
اسماء : ياسلام طبعا
سمر : وحمو طبعا هيتجنن عشان ييجى ل سلمى
فريده : ده اساسي
حبيبه : ومصطفى طبعا مش قادر يقعد على بعضه عشان بعيد عن اسماء مش كده
سلمى : اومال ! دا الصح الصح طبعا
سلمى واسماء ومنه وفريده وساره وسالى : ( ضحك هيستيرى بغباء )
سلمى : تعالى تعالى يا حبيبه .. العيال دى لما بيتلمو على بعض بينسو انم متجوزين اصلا تعالى اقعدى
حبيبه : لا يمكن . انا متأكده ان على الاقل مالك وحمو دلوقتى هيقطعو نفسهم علينا
.............
( شقة مصطفى )
احمد : ماتقوم ترقص ياض يا مالك
مالك : احترم نفسك والعب وانت ساكت انا راجل محترم
احمد : ياجدعان مافيش عيل يغلبنى يا جدعان . دا خامس ماتش انا زهقت من كتر ما بكسب
مصطفى : الواد على اتأخر ليه ماكانش بطايه دى راح يجيبها بروح أهله
احمد : ياااااااه ياض يا مصطفى اخيرا هتدوقنى من ايدك بط هههههههههههههههه
مصطفى : اهو شوفت .. وبعدين ماتقوم تورينى شطارتك انت مش قولت كنت بتطبخ وانت ف السعوديه
احمد : يااااااه احلى طبيخ
مالك : اتنيل . هتلاقيك كنت مقضيها مكرونات مادى اللى فالح فيها
احمد : لا والله كنت بعمل صوانى هناك . خصوصا انى كنت ف سكن لوحدى وكنت بزهق . لان شغلى كان بالعربيه من بلد لبلد اربع مرات ف الشهر .. وكل مره بقعد فيها 3 ايام . يعنى الاسبوع متقسم 3 ايام سفر و3 ايام أنتخه ونوم ف كنت بطبخ بقا ف ال 3 ايام دول
مصطفى : طب ايه هتعرف تتعامل مع البطه دى . انا مش عارف ايه اللى طلعها ف دماغك يعنى عاوز تاكل بط
احمد : الله ! ماكلتوش من زمان ياعم وسلمى كتر خيرها هريانى اندومى ومكرونات لما اتنحل وبرى .. حاسس ان بطنى جبست . عاوز احس انى عايش كده
مصطفى : طب قوم اتعامل الواد على جه اهو
.............
( شقة البنات )
اسماء : ها يا بنات مين هتيجى تساعدنى ف صينيه الجمبرى دى
حبيبه : انا جايه استنى عاوزه اعرف بتعملوها هنا ازاى
اسماء : تعالى !
حبيبه : طب ايه مش هنعمل أكل ونبعته للشباب
سلمى : لا هما زمانهم بيطبخو وعايشين حياتهم . سيبك منهم انتى
حبيبه : هما مين دول اللى بيطبخو
سلمى : رجالتنا
حبيبه : رجالة مين ؟ ده مالك مابيغسلش كوبايه ميه بيشرب فيها
سلمى : هههههههههههههههههههه قولى يارب بس مايكونش احمد مخليه يغسل المواعين لان احمد اللى هيطبخ
حبيبه : مالك . ويغسل المواعين ؟ انتى واعيه لكلامك يا سوسو هههههههههههههههههههههه
سلمى : وحياة امى واعيه يا روح سوسو
فريده : ههههههههههههههههههههههه
بصى يا بيبه ! بما ان احمد هو الشيف بتاعنا
وبما ان على هو اللى هيجيبلهم الطلبات والاكل ده ف حالة اذا هما قررو يبعتو يجيبو اكل مش موجود عند مصطفى
وبما ان مصطفى فاهم شويه ف المطبخ ف هو هيساعد احمد ف تقطيع بصلتين يعمله صلصه طماطم يغسل الرز . كده يعنى
وبما ان مالك هو الصايع اللى فيهم ف اكيد اكيد احمد هيخلى مالك يغسل المواعين
حبيبه : اهاهاهاهاهاهااااى استحاله
سلمى : لا بقي دانتى
فريده : استنى يا سلمى ! تراهنينى ؟
حبيبه : اراهنك وع اللى انتى عاوزاه
فريده : طيب لرهان على ايه
سلمى : وانا داخله ف الرهان ده مع فريده
سالى : ههههههههههههه وانا مع فريده
اسماء : هههههههههههههه للأسف يا حبيبه انا مع فريده
حبيبه : وانا متأكده ان مالك استحاله هيمد ايده ف كوبايه يغسلها او يقف معاهم ف المطبخ عموما يعنى .... بجد مابيعرفش يمسك كوبايه يغسلها ف المطبخ وبيمسكها بطريقه غريبه كده بقعد اضحك عليه . استحاله .. استحاله ماتحاولوش نيفر ايفر
سلمى : اسماء ! هاتى مفتاح شقتك وتعالى .. هنروح انا وانتى وحبيبه نشوفهم بيعملو ايه زى المره اللى فاتت فاكراها
اسماء : هههههههههههههههههههههههههه طيب ثوانى
سلمى : خلو بالكو م الواد يا بنات 10 دقايق مش هنتأخر . وانتى يا سالى كملى صينيه الجمبرى بقا عاوزين نرجع ناكل على طول
فريده : اوعو تتقفشو بس هههههههههههههههههه
................
( بعد 10 دقايق سلمى بتتسحب ناحية باب الشقه وبيفتحو الباب وبيلاقو الشباب قاعدين جوه ف الريسيبشن ع الارض فارشين جرايد وبياكلو وبيتكلمو ومش شايفين اللى بره )
سلمى : ( بوشوشه ) هششش بالراحه اهم بياكلو لسا
حبيبه : ماحنا كده ماعرفناش مين اللى طبخ ولا مين اللى هيغسل
اسماء : الشقه مليانه دخانه اهى شكلهم كانو بيحمرو فراخ ولا ده شكله بط يعنى ... اسكتو اسكتو انا سامعاهم بيتكلمو
......
احمد : يااااااه شويه بط يرمو العضم
مصطفى : لا بس حلوه الطريقه دى يا مولانا . عملتلها مورته كمان ههههههههه يا جبروتك
احمد : يابنى يا حبيبى انا مستنى فرصتى بس . ربنا يسامحها سلمى بقي دى لما بتعمل مكرونه وتحمر بانيه بحس انها طبخت انجاز . اسكت اسكت ههههههههههههههههههههه
مالك : لا ياعم انا مراتى شاطره الصراحه نفسها حلو ف الاكل
ااحمد : ماشى ياخويا . ايه الكرش ده ياض يا على
على : كرش ايه بس دنا أكلت اكل يا جدعان . مش قادر خلاص هفرقع هههههههههههههههههههههههههه
احمد : ولع ع الشاى بقا ياعم مالك وانت بتغسل المواعين والاطباق
مالك : عيونى ! فيه سلك ناعم جوه ياض يا مصطفى ولا مافيش
مصطفى : فيه ياعم كل حاجه
مالك : خمس دقايق بالكتير وهتلاقى المواعين دى بتبرق واحلى كوبايه شاى
( سلمى واسماء وحبيبه ماسكين نفسهم من الضحك بالعافيه )
احمد : هى الستاره دى بتتحرك كده ليه ياض انتو مربيين عفاريت
مصطفى : سيبنى ف حالى والنبى انا مش قادر اتحرك . بس شويه لوبيا محصلوش اقسم بالله
احمد : ومين سمعك .. انا هلعب بالريال الماتش الجاى . حد فيكو يرصلنا حجر بقي على ما مالك يعمل الشاى ويخلص المواعين
( البنات بيتسحبو وبيخرجو م الشقه بعد ما سمعوا كل حاجه )
.....................
( البنات داخلين شقة سلمى وبقية البنات مستنينهم )
سلمى : ( داخله مش قادره تتكلم اساسا من كتر الضحك )
اسماء : ( ماسكه جنبها من كتر الضحك ومش قادره تنطق وبتضحك ضحك رقاصات )
حبيبه : ( بتقع ع الارض من كتر الضحك )
اسماء : اقسم بالله حرام عليكو اللى بيحصل ده مش قادره خلاص
سالى : هههههههه احكو احكو ايه اللى حصل
فريده : مين كسب الرهان بس اول حاجه
سلمى : عيب عليك ( ضحك رقاصات متواصل )
حبيبه : انا اتصدمت صدمه عمرى هههههههههههههههههههههههه ده مالك عارف السلك الناعم والسلك الخشن . وبيقوله هعمل الشاى على ما اشطبلك ع المواعين
كل البنات : ضحك هيستيرى
سالى : طب يلا يلا غيرو هدومكو عشان نتعشي
سلمى : ايوه والله انا كتر الضحك اللى ضحكته ده جوعنى
حبيبه : ومين سمعك انا بردو مش قادره . هموت م الجوع
.......
مالك : خد ياض انت وهو الشاى ... اه نسيت . حسك عينك انت وهو كلب فيكو يغلط ويطلع سيرة بره ان مالك اللى غسل المواعين . عليا الحلال من دينى بص هعلم عليه علامه عمره مش عاوزين فضايح
احمد : وهو مين اللى هيفضحك فضيحة سوده زى دى . دانت تلاقيك راسم دور انك ابن ناس قدام مراتك هههههههههههههههههههههههههه
مالك : بريستيجى بردو يا اخى مايسمحليش دنا مفهمها انى بقرف اغسل كوبايه ميه
احمد : هههههههههههههههههههههههههه بلاش نسيح بقي ..
صدقنى يابنى الرجوله بمفهومها الشامل هو الاحتواااااااااااااء
احتوى كل اللى حواليك مش بس بتكلم عن حبيبتك او مراتك
لا تحتوى اهلك وتحتوى اصحابك وتحتوى حبايبك وحبيبتك
انت موجود يبقى كل وجع الدنيا وقهر الدنيا يترمى عليك انت وهما لا
هما يعيشو ف خيرك وف نعيمك
اوعى تحسس حد انك موجوع وده لسببين
السبب الاولانى هو لو عرفت حد بيحبك انك موجوع هيتوجع علشانك وهيزعل وده هيزود وجعك من الاساس
والسبب التانى انك لو عرفت حد بيكرهك انك موجوع هيشمت وهيفرح فيك
لما تيجى تزعل ازعل لوحدك .. اقفل على نفسك اوضه وعيط فيها عياط يجيب دم مش هقولك لا .. لكن بعد كده افتح الاوضه واخرجلهم اسد جامح مابيهابش حد ف الدنيا
اوعى يا مالك انت ومصطفى وعلى الدنيا تميل عليك تقوم مايل .. اوعاك تميل معاها لاحسن جايز ماتقدرش ترجع ترفع راسك من تانى
خليك كده عفى . وانت والله العظيم بص ع الدنيا من بره هتلاقى حقك بيجيلك وانت واقف
مالك : ايوه انا مال امى انا بكل الكلام ده انا بقولك محدش يقول لمراتى انى غسل المواعين
احمد : يا شيلحف مانت ليه واخدها عيب يعنى . دنا امبارح قبل ما اروح المسشتفى بالبت جارتنا دى كنت بعمل بيتزا لسلمى عشان كان نفسها فيها تقوم انت تقولى معرفش ايه جاتك نيله
مالك : هههههههههههههههههههههههه مش وقته ياعم لما اتدلع شويه المهم ايه حكايه جارتكو دى انا جيتلك كم مره وماكنش حد ساكن جنبكو يعنى
احمد : دول بنتين جايين تقريبا ف شغل بيخلصوه وماشيين . يومين كده وماشيين
مالك : مزز ياض ؟
احمد : فيهم واحده من طينتك سبحان الله هههههههههههههههههه تنفعك دى بس ياخساره يا تلحقها يا ماتلحقهاش احتمال تموت تصدق المروض كانت تخرج النهارده او زمانها خرجت . هتصل بسلمى اخليها تتصل عليها تشوفها خرجت ولا لسا عشان تقولها حمد الله ع السلامه لو كانت ف البيت
مالك : لا صاحب واجب
احمد : استنو بقي !
الو !
سلمى : الو ! ايوه يا بابا . البط كان حلو ؟
احمد : بقولك ايه مش المفروض البت اللى اسمها ايه دى جارتنا خارجه النهارده
سلمى : ااااااه صح تصدق فكرتنى . رقمها متسجل عندى هتصل كده اشوفهم رجعو ولا لا .. لو رجعت هاخد البنات ونروح نسلم عليها
احمد : ايوه يا حبيبتى ده واجب
سلمى : ماشى يا روحى .
احمد : بايباى يا قلب قلبى اممممممموه
سلمى : ههههههههههههه اممممممواه
مالك : ههههههههههههههههههههه واخد بالك ياض يا مصطفى
مصطفى : عيال فاقده اعوذ بالله
مالك : ايه مالك يا ابو الشباب سرحت ف ايه
احمد : ايه ؟
مصطفى : ايه ده ماله ده ؟ مالك ياض انت لونك اتخطف كده ليه هار اسود ههههههههههههههههههههههههههههههه
احمد : ايه ؟
على : ايه ده ؟ انت مالك يالا ؟
احمد : هى سلمى عرفت منين اننا واكلين بط
مالك ومصطفى وعلى ف نفس واحد : ايه ؟
...........
اللى عمره ما ضحك زى ضحك النهارده ف حياته يورينا نفسه
تفتكر ليلى ممكن تشوف حبيبه بكره ولا هتحصل مفاجأأأأه ؟
استنونا ف الحلقه الثالثه والعشرون ( قبل الأخيره )