روايه ياريت

(الحلقه الخامسه عشر) ( بتتقفل )

(الحلقه الخامسه عشر) ( بتتقفل ) <3
غير.مصرح.بنشر.القصة.الإ.معرفه.الكاتب.او.الناشر
...................
(الحلقه السابقه )
هشام : تمام كده . عسل اوى كده . قولتلى فين العنوان
حسن : مع حضرتك ف الورق ...
هشام : تمام .. اخلع انت . كأنى ماشوفتكش نهائي
حسن : تمام يا كبير .. عن اذنك
.................. ( الخامسه عشر ) <3
هشام : الو ! بقولك ايه يا ليلى
ليلى : ايه يا اتش
هشام : عاوز اشرب معاك فنجان قهوه بره النهارده
ليلى : خير يعنى ولا ايه ؟
هشام : خير جدا
ليلى : طيب ايه . اشوفك فين طيب بعد الشغل ؟
هشام : بعد الشغل ايه ؟ لا دلوقتى . موضوع مهم كده
ليلى : تمام . فين ؟
هشام : انتى لو ف ايدك حاجه خلصيها وانا ربعايه بالكتير ونازلك ..
ليلى : خلاص تمام .
هشام : اه صحيح بقولك ايه .. الو
ليلى : ايوه يا هشام معاك
هشام : بقولك .. ماتعرفيش مالك انك جايه معايا
ليلى : مالك ؟ اشمعنى
هشام : لما اشوفك هتعرفي
ليلى : تمام تمام . ربعايه بالكتير وهكون مستنياك
هشام : تمام . باي
ليلى : باى
غير.مصرح.بنشر.القصة.الإ.معرفه.الكاتب.او.الناشر
..................
( في كافيه بجانب الشركه )
ليلى : ايه يابنى خضتنى . ايه الموضوع . بتحن لايام زمان ولا ايه ههههههههه
هشام : يا لولا انتى طول عمرك ف العين والقلب . وحشانى وحياة امك
ليلى : هههههههههههه انت أكتر يا حبي . ها بقي ايه الموضوع
هشام : تشربى ايه الاول .
ليلى : اى حاجه .
هشام : هطلبلك قهوه عشان تمخمخى كده معايا عشان الموضوع اللى هقولهولك ده فيه مصلحه حلوه ليك
ليلى : مصلحه ؟ لا قول قول اطلبلى قهوه ياعم هههههههههههه
هشام : ماشى .... اتنين قهوه مظبوط لو سمحت يا ريس
...
ليلى : ها بقي
هشام : اسمعى ياستى
انا عاوز حبيبه
ليلى : حبيبه ؟ حبيبه مين ؟ قصدك حبيبه . حبيببببببه ؟
هشام : اه بالظبط . بس فيه مشكله
ليلى : مشكلة ايه استنى بس . فهمنى بس معنى جملة عاوز حبيبه , عاوزها زى منا فهمت كده ولا عاوزها جواز وكده
هشام : لا طبعا جواز وكله ف النور .
ليلى : اها تمام خضتنى .تمام . ايه المشكله ف كده بقي
هشام : انا شايف ان فيه بداية استلطاف بينها وبين الواد مالك ... ف بصراحه مالقيتش غيرك انتى تجيبيلى الخلاصه
ليلى : بصراحه انت جيت للخلاصه كلها هههههههههههه فعلا انا شاكه ف كده من فتره بس قولت اتأكد الاول
هشام : شاكه ف ايه بالظبط .. بينهم حاجه ؟
ليلى : مش بالظبط . بس زى مانت قولت كده بداية استلطاف . تصدق انى شوفتهم امبارح قاعدين ف الكافتيريا اللى ورانا هنا بيشربوا نسكافيه بردو بعد الشغل هههههههههههههه
هشام : بجد ؟
ليلى : اه والله حتى دخلت كلمتهم ولقيت مالك اتغير كده وقالى ان العزومه كانت للكل وانت كنت معاهم ... كلامك دلوقتى عرفنى انه خايف انى اعرف اللى بينهم
هشام : طب وبعدين ... انا عاوز حبيبه بجد . دخلت دماغى ف ايه رايك . تقدر نعملها ازاى ؟
ليلى : هشام ، المصلحه بتاعتى الاول عباره عن ايه ههههههههههههههه وانا اقولك الخلاصه واقولك اللى يخلى حبيبه تكره مالك كره العمى وماتبقاش عاوزه تبص ف خلقته
هشام : قصدك يعنى على علاقته معاك ؟
ليلى : معايا بس ؟ . يابنى مالك عمل كتير وممكن لو خليناها تتأكد من اللى كان بيعمله هتكرهه وتقرف منه ...
هشام : تمام .. المهم انا مش عاوز ابان ف الصوره
ليلى : ماتقلقش .. كله تمام وبالحب
هشام : تمام . والمصلحه اللى تشاورى عليها اعتبريها عندك
ليلى : ههههههههههههه يا حبيبى انا بس اشوفك قاعد ف الكوشه معاها ساعتها بقي تجيلى عربيه موديل السنادى وطبعا عارف الماركه بتاعتى
هشام : بس كده ؟ اعتبريه حصل
ليلى : حبيبى يا اتش ، ماتيجى اعملك مساج افكلك ضهرك ده ههههههههههه
هشام : احترمى نفسك يابت هههههههههههه
ليلى : يا جامد
*الروايه ملك خاص للكاتب / أحمد سعد
و يتم نشرها الناشر / محمد فريد
هشام : يلا قومى عشان ارجعك وانا ورايا مشوار كده هعمله
ليلى : ماشى يلا بينا
...............
( على القهوه )
هشام : تمام كده يا عم عادل ولا ايه ، ف انا عندى عربيات عاوز اشغلها ، ف كنت عاوزك تختارلى سواقين كده تثق فيهم عشان الشغل تقيل
عادل : تمام يا هشام بيه ، معارفنا كتير ،، اهو جه اهو بنفسه ، تعالى يا محمد
محمد ( ابو حبيبه ) : اهلا وسهلا . صباح الخير يا جماعه
هشام : اهلا وسهلا بحضرتك ياعم محمد
عادل : الاستاذ هشام رجل اعمال كبير وداخل على مشروع كبير ف بيحاول يختار سواقين وموزعين وكده بنفسه يثق فيهم بقوله اولهم عم محمد صاحبى وحبيبى ويخدمك بعنيه ومش هيقصر معاك
محمد : دى حاجه تدينا شرف يا استاذ هشام والله ،، بس طبيعة الشغل ايه
هشام : شوف ياعم محمد ، احنا هنديلكو عربيات ، فيه منها نقل تقيل وفيه منها نص نقل وهتبقوا موزعين ما بين المحافظات ،، احنا بنختار فوق ال 200 سواق دلوقتى لان العربيات بتتشحن من بلادها وعلى وصول
محمد : ماشاء الله ! 2000 عربيه ؟ دى شركة ايه دى ، ربنا يباركلكو
هشام : ههههههههههههه ماتقلقش ياعم محمد / العربيه هتبقى معاك ملازماك وهتبقى عهدتك ، مقابل كم شيك بالمبلغ بتاعها على اقساط ، ده ضمان لحق الشركه بس .. اما بالنسبه للحساب بتاعكو ف هيبقى بالنقله او بالشهر حسب ما نتفق واللى مش هيكون اقل من 15 ألف
محمد : عظيم جدا
هشام : ها يا عم محمد نقول مبروك
محمد : هههههههههه من بدرى يا استاذ ،، متشكر يا عادل ياراجل يا طيب
هشام : عن اذنكو ثوانى بس هعمل مكالمه
محمد : اتفضل
.....
محمد : ايه يا عادل انت وقعت ع المصلحه دى ازاى
عادل : هههههههههه معارفى كتير يا ابو عمو ، واحد تبع الراجل ده قالى ع المصلحه وقصدنى اختارله سواقين وكده وبصراحه انت اول واحد جيت ف بالى
محمد : الهى ربنا يكرمك ، ام البنات هتفرح اوى ، لا بس واضح ان الراجل ده تقيل اوى . والعربيه اللى راكبها بالشئ الفلانى ، لا ابن ناس ابن ناس يعنى
عادل : بقولك ايه ! ماتحاول تشوفه كده
محمد : قصدك ؟
عادل : ايوه ياعم ، دلوقتى اخطب لبنتك ولا تخطبش لابنك ، ومين عالم ! يمكن يشوف واحده م البنات يعجب بيها ويطلبها منك
محمد : ده يبقى طاقة القدر اتفتحتلها واتفتحت لابوها ههههههههههه
عادل : طب ومستنى ايه ؟
محمد : طب اعمل ايه طيب
عادل : اعزمه ف البيت او كلمه كده شوفه خاطب متجوز ، ماشاء الله بناتك يتاقلو بالدهب يا راجل واى حد ف الدنيا يتمناهم ، وحلال ربنا يا محمد ، البنات حملهم بيزيد عليك كل شويه وانت مكابر ومقعدهم جنبك
محمد : ربك يسهلها من عنده ، واللى فيه الخير يقدمه ربنا ،
عادل : على خيرة الله ، انا هسيبكو تفضفض معاه شويه
محمد : ماشى
.......
هشام : امال عم عادل راح فين
محمد : راح كده وجاى ، اتفضل اقعد اطلبلك حاجه تشربها
هشام : ههههههههههههه متشكر ياعم محمد والله ،
محمد : طب ايه بتشيش ولا ايه
هشام : بصراحه بنشيش بس القهوه هنا مضمونه يعنى ؟
محمد : عيب عليك هههههههههه هخلى الواد يغسلهالك بنفسه ،، واهو ندردش شويه
هشام : خلاص يبقى حجر معسل وكوبايه شاى ف الخمسينه
محمد : كرسي دخان وشويه ف الخمسينه ياض يا أكرم
اكرم : حاضر يا ابو ندى
...
محمد : قولى بقي ! مين صاحب الشركه دى
هشام : دى هتبقى مشروعى الخاص ياعم محمد ، لان الشركه اللى انا ماسكها دلوقتى بتاعة ابويا ف مش حاسس ان عملت حاجه بايدى ، فاهمنى طبعا
محمد : الله عليك : عاوز تعتمد على نفسك يعنى ، ونعم الشباب ، مش شباب الايام دى
هشام : تسلم
أكرم : الشيشه والشاى يا حضرات
محمد : تسلم ياواد يا اكرم ، غسلتها كويس
اكرم : عيب يا ابو ندى كله تمام
محمد : قولى بقي يا استاذ هشام الشركه اللى انت ماسكها دى فين ؟
هشام : ورانا هنا ، شركة المناره
محمد : المناره ؟ دى بنتى شغاله هناك
هشام : بتتكلم جد ؟ اسمها ايه
محمد : حبيبه !
هشام : حبيبه ؟ انت بتهزر صح
محمد : ههههههههههه والله دى بنتى ! ايه مالها انت تعرفها ولا ايه ؟
هشام : اعرفها ايه ياعم محمد دى المساعده بتاعتى ههههههههههههه
محمد : ( بيتبسط ) انت بتتكلم جد والله
هشام : والله بتكلم جد ، لسا متعينه من فتره لان المساعده القديمه راحت الفرع التانى عشان كده قدمنا طلب على مساعده جديده تكون فاهمه يعنى
محمد : سبحان الله ، يعنى دلوقتى هتشغل عندك البت وابوها
هشام : عيب عليك يا راجل يا طيب . ماسمهاش تشتغل عندى اسمها تشتغلوا معايا ، وبصراحه كده سبحان الله بعد ما اتأكدت ان فيه حاجه إلهيه ف الموضوع لانى ماكنتش عارف اعمل ايه ، انا بصراحه عاوز حبيبه على سنة الله
محمد : ( باستغراب ) بسرعه كده ؟
هشام : المعدن الطيب وولاد الاصول بيبانو بسرعه ياعم محمد ، وبصراحه مش هلاقى احسن منها تشيل اسمى وتكون معايا ، وان يكون ليها اب زى حضرتك كده ده طمنى أكتر ،،، انا مش طالب منك اى رد دلوقتى ، بس انت شوف كده ، انا مستعد لاى طلب تطلبوه ، اى طلب مهما كان ، عم عادل قالى قبل مانت تيجى ان الظروف مش اد كده وفيه ديون على حضرتك ومعرفش ايه ،، كل ده ممكن ف غمضة عين يتبدل والعربيه اللى هجيبهالك دى اعتبرها هديه منى غير مهر حبيبه مالهمش علاقه بالكلام ده / ده حاجه تانيه ..
محمد : والله انت فاجاتنى جدا ، وانا عمرى ما هلاقى عريس محترم وابن ناس زيك كده بس سيبنى اقلبها ف دماغى شويه واشور ع البت وامها وانشاء الله اللى فيه خير يقدمه ربنا
هشام : طلب اخير ياعم محمد معلش
محمد : اؤمر
هشام : ماتقولش ل حبيبه على موضوع شغلى معاك ده والعربيات والكلام ده ، انا اتعاملت مع حبيبه يومين تلاته اهو وقدرت اعرف ان نفسها عزيزه وممكن تشيل الكلام ده وتزعل منه
محمد : لا ماتقلقش انا ماكنتش ناوى اقولها اصلا انى شوفتك ، ادينى اسبوع كده وهرد عليك
هشام : تمام يا راجل يا طيب ،،، بكره هبعتلك العربيه ومعاها التفويض بتاعك ، وهبعتلك كم شيك بس تبقى توقعلى عليهم مع اللى هيجيبلك العربيه عشان طقم المحاسبين اللى عندى بس مش اكتر ،،، العربيه دى هتتنقل ملكيتها ف ثانيه مقابل البشاره اللى هتبشرنى بيها قريب
محمد : ان شاء الله خير
هشام : انا هقوم استاذن بقي
محمد : اتفضل يا بنى اتفضل . شرفتنى الشويه دول
غير.مصرح.بنشر.القصة.الإ.معرفه.الكاتب.او.الناشر
.........
هشام : الو ! ايوه يا لولا ، انا عملت اللى عليا ، شوفى انتى بقي هتعملى ايه
غير.مصرح.بنشر.القصة.الإ.معرفه.الكاتب.او.الناشر
...............
عاوزين تفاعل مع الروايه عشان تكمل وشارك برأيك
انتظرونا ف الحلقه السادسه عشر عشر بكره الساعه 3
الكاتب. احمد سعد
الناشر. محمد فريد