صرخات مكتومه

بارت4

كلتها سري اسمعي مني قبل كلشي   عافتني وراحت وبقت امها تغلط وتسب وثريه اتردها دخل ابو علي وهيه سكتت وكالتله اتزوج بس مو هاي  كاللها رجعي للبيت  وياي السيد انا شو هيه صرخت يبووو  وشكت هدومها اخذها دفع للمطبخ  وثريه واكفه اتهز بيدها وتعلج  عاوجه حلكها معاجبها الوضع  اجه ابوي ودخل السيد وفرحان على شنو فرحان على كسرتي مثلا
دخل ابو علي  اجت ثريه  يمي كالت امشي اطلعج منا   اخليج بمكان محد يعرفج بي  باوعتلها  بخوف   صفنت انا صدك ارتاحلها بس تبقى ثريه  وحده مو زينه وبنت ليل  هيه ممحافظه على نفسها اتحافظ عليه انا شلون
كلتلها لا  الي كاتبه الله يصير
شوي وصاحني ابويه ودخلت    للصاله  السيد كاعد بالاستقبال      شفت ابو علي كتله وين  التنازل  كال وقعت ورحت متشوفين ابوج  واكف  كتله الظمان شنو مترجع تحبسه
ضحك  وكال ذيبه مثل ابوج   شمر عليه اوراق     بديون ابويه كلها عده ورقه وحده كال هاي بعد العقد انطيها الج
  هزيت راسي بالموافقه ودخلت  وراهم للاستقبال بده يعقد السيد   و وافقت  وكال مبروكين  وطلع وهلهلت ثريه
وانا مثل الي جنت منومه ساعة العقد  سمعتها هلهلت لو كهربتني  طعنتني
كمت صرخت كلتلها على شنو  اتهسترت   ظليت الطم و اصرخ يبووووي من كل گلبي
اجه ابو علي  ضربني بكل قوه    دخلت ثريه رادت  تبعده عني مكدرت
  يضرب وهو يصيح  شنو ولج  اتلطمين ميتلج احد  يضرب ويغلط   اخر شي تعب وكف طلع اخر ورقه من جيبه شكها وتقدم على ابوي  كاله  هاي هيه اتصافينه ابو شهد ومن رخصت اريد مرتي
طفر ابوي كاله شنو مو هذا الاتفاق  ظل يتصايحون
باوعت اضحك  وابجي  كتله عيني ياابه   انت بعت وخلصت بعد الحمل  يشيله المشتري البايع يتفرج وبس
  دنك راسه عود مقهور  كال لا مو متفقين بعد السادس
طفرت ثريه اووي عيني اووي يالحنين خاب دنجب  وانت ابو علي دخذ مرتك الحابسها بالمطبخ و ولي وخلي هاي البنيه   اجهزها و اجيبها بيدي
  كالها لا يابه ما اظمنها لا هيه لا ابوها كالتله  انا الي داحجي وياك  ضحك  بصوت عالي كال هلوو لج انا شهد ما اظمنها اظمن وحده كحبـ.....   ردت علي والله اشرف منك ومن ابوها انا ما اذيت الا نفسي بس انتو اذيتو هاي البنيه
وجان بهالحجي يندك الباب   انا  جنت كاعده بالكاع ملابسي  مملخه شعري مكفش وجهي   بي ضربات وابجي   واتحسر على عمري 
صاحت ثريه منو  ؟  طفر ابو علي فتح الباب بدون ما ينتظر وهو ياشر عليه يله كومي اجه علي  وجان يطلع فعلا علي بس مو ابنه الي جان منتضره لا رجال طول عرض  اناقه  مبين ابن  خير و واصل عمره  نهاية الخمسينات  ودخلت وره المره الي اجت الصبح   للمستشفى  كلها بقت صافنه المره والرجال وابو علي
  صاح الرجال لك كاظم هنا ابوي   صدك طفر لا ظل يرعش
  همس علي  اشوف هاي المره ظلت تنحب بصوت عالي ولك خويه  وينك كطعت گلبي
بجت  وابوي يبجي  وهذا السمه علي يبجي 
ابوعلي مثل الخاف اجه يمي كال تمشين وياي بهدوء وسكته بدون صوت
  لا والله هنا اسويلكم فضيحه  و اكللهم  راد يورطني ببنت  حته استر عليها وتعرفين انتي منو يدخل ببيتكم
صفنت بوجها على كمية الخبث  والحقد  والجذب
كتله رايحه  اصلا ما اطيق وجود صاحبك  كمت رحت للبوري  غسلت وجهي   حجت ثريه اي عيني شنو  السالفه احد يفهمني  اجيت يمها كلتلها   سينما ببلاش  شتفهمين   كالت عرفونه  منو انتو وشكو  ردت المره كالت انتي زوجة كاضم  ضحكت كتله رد يله بس اويلي على ثريه  طكتها ضحكه من هاي الرنانه كالت وين يعيني اتمنه بس هو يحب الحرام     اشوف ابوي اتبلعم ويخوزر بثريا  وهاي العالم صافنه  و ابو علي يستعجلني وهو راح فتح الباب المرته
رد الرجال كاله كاضم معقوله بعدك وولك ما بطلتهن   مو كبرت
هاي المره بس تبجي    وتصيح اويلي عليك خويه مبهذل روحك  طلعت مرت ابو علي هجمت عليه  اتريد تضربني  وصارت ثريه بالنص  وذاك الغلط والفشار الزين  والرجال يصيح علي ابو علي  و على ابوي يريد يفتهم وجان يدخل الولد الي الصبح اجه للمستشفي انا صحت اااي كملت يله السبع يطلع دم
شوهذا عاف الكل و اجه عليه 
اكلج انتي ليش ممحترمه  كتله دروح مني اووي وجان امشي  رجع جرني مو داحجي وياج  طفرت بوجها كتله منو اصلا انت وتحاجيني  وصارت كل ثنين  يحجون سوه وهوسه  وتالي مرت ابو علي عافت الدنيا واجت على هذا الي يتعارك وياي عرفت اسمه عمار اتكله ترباية كحا....  شتتوقع منها   رديت كلتلها  ربيت بيتكم تره    وهيه عاطت يبوووي بعدها ما دخلت للبيت وتتهمت شرفنه بناتي راحن بيها
  وما انحلت الا بدخول علي ابن  ابو علي اخذ امه وراح   وانا ابو علي جرني مثل الخروف  بيده
صاحو  علي الناس وين ماخذها
كاللهم مرتي  صدك انصدمو
هذا عمار كال عود صدك سويتوها  بس   انكسر گلبي وانا اشوف   نظرت عطف بعيونها اتجاهي  ما اشفتها بعين ابوي    اخذني ابو علي وطلعنه البيتهم  وانا جثه من دخلت وشفتها صارت صدك  .....