صرخات مكتومه

بارت 26

صعدت للغرفه  طالعه الدنيا من عيني
  راسلتني عمتي  
- شهد الصبح من تكعدين من النوم تعالي بيت جدج
-  ليش شكو  وبعدين تدرين ما احب اشوف خلقته الفهد
- تعالي نحجي ويا جدج  وفهد ميجي  للعصر يدخل للمكتب وميطلع لليل
- انتي حاجي جدي  ليش اني  مو حاجيته وشمرني على فهد
- يا عمه سمعي مني وتعالي   وهم حتى ليكول تغيرها  مجرد مصلحه شبيج متفهمين
- تمام  الصبح يمج

سديته و فكرت كلت هم صح وهاي اخر  فرصه  حتى اذا طلعت منا  ما الوم نفسي او اتندم

  رحت نمت  وطفرت الصبح عمه تتصل الساعه عشره 
عزه هاي شكد دانام هاي الايام 
غسلت ونزلت رحت كبل  البيت جدي
احيت ادخل من باب المطبخ   سمعت عمه صفيه تحجي ويا عمه فاطمه
.. سمعي فاطمه الي ببالكم ميصير   مستحيل  اخليكم تسووها والله العب فلك
.. واني شعليه صفيه ذاك ابو وذاك جده   لا تدخلوني بمشاكلكم

.. لا عليج فاطمه عليج  و..
دخلت عليهم اني عمه صفيه خزرتني وطلعت
   هاي شبيها وثول
صبحت ع عمتي وكلتلها شبيها عمه صفيه كالت معليج بيها متلاغيه ويا عمج
    سوتلي ريوك 
خلصت ورحت يم بيبي
  احب  حضنها  احس  باحساس محاسته قبل ما مر عليه جبت عمري كله خايفه   
   بين السوالف  والضحك  دخل جدو رحت سلمت علي وبست راسه
طبعا تعليمات عمه فطم
    ظليت احوس اريد عمه تحجي ماكو  اجيت اطلع صاحني جدي
  .. تعالي  يمي يبويه   كعدي هنا  ، ياشرلي على مكان بصفه 
رحت كعدت  اباوع بوجها منتضرته يحجي
كال عمتج  حجتلي وكالت فهد مراضي    انا راح احاجي اليوم  بس اذا مرضى اريد هالموضوع ينغلق بعد 

    كتله جدو انت الك كلمه علي حاول اتقنعه  لا يدمر مستقبلي بسبب اوهام 
  خزرتني عمه فاطمه سكتي يعني
استاذنت و طلعت
كالت مو كلشي تحجينه بالتفصيل اصبري
   ظليت للغده سمعت صوت فهد وجان اطفر غرفة  عمتي
    فتحت البرده وداباوع من الشباك  ودخلت عمتي   كلتلها مو كلتي هالمسموم ميجي هسه  يتاخر    ودرت وجهي عليها
وجان اشوفه فهد  مكتف ايدي  ورافع حاجبه
عزه   وين انطي وجهي
راح اتجه للباب عبالي يريد يطلع   اتنفست
شو هذا سد الباب واجه يمي
وين اولي  
كتله شوف اصرخ و الم العالم وربي   فهد روح بعيد
  مستمر يتقرب لحد ما وصل   غطيت وجهي  
   كالي شنو حضرتج مشتكيه الجدي
.. لا وربي ابد بس كتله يقنعك
.. امم يقنعني بشنو يقنعني   ست شهد
.. دراستي  فهد والله متميزه بيها اني حرامات
..   جر خصله من شعري كال انتي بكلشي متميزه اصلا   بس كلمتي وحده دراسه ماكو يعني ماكو ولا تعبيني يوم جدي يوم عمتي 
يحجي وانفاسه اطخ بركبتي    جسمي ظل يرجف  
وخرت ايدي  عن وجهي وباوعتله
فهد دراستي   ومستقبلي  مو شغلت عناد هيه  ، كوه داحجي
  قرب وجهه حيل يم اذني وكال  تؤ 
وجان اطب عمتي
كالت هاي شنو شديصير
    معبالك عمه الي دخلت لا غركانه جنت وهيه طوق نجاة
طفرت على الجربايه واركض وراها وكفت  كلتلها حاجي  ميقبل
دار وجها وكالله عمه العندي حجيته وطلع 
عمه وكفت  متخنصره وتباوعلي بنص عين  اي شهد اطربيني
..    ميقبل   عود هو شعلي بيه بله

..  ليش حاصرج يم الحايط     ولج احجي

.. عزه عمه   شحاصرني تره ديهددني جان 

..  ابتعدي عن فهد  عمه  ولا اتظلون وحدكم بعد

..  صدك دتحجين عمه هو يا يوم شفتيني متقربه منه تره لو ما موضوع المدرسه ادل دربه  وين 
     صدك ضجت  من كلامها 
طلعت رحت بيتنه لكيت  عهد و زوجها ديتغدون   
رحت كعدت يمهم   اخذت تفاحه وسلمت 
زوجها كلش  انسان محترم و خوش ولد  

اجت مياسه  خزرتني و تاشر براسها
  عبالي جابت العنوان طفرت

كالت ليش مكابله رجل البنيه  وكاعده
كلتلها كبر لفج  عبالي جبتي العنوان
    عفتها اهز بيدي وصعدت فوك هم عايزه اخلي عيني على زوج اختي  

  شويه وصعدت عهد كالت ........