صرخات مكتومه

بارت 20

   مرت ايام  اوقات مملل و اوقات اكشن و صارت حوراء تقريبا جزء من هالبيت وتخابر عهد والضحك و السوالف وما تخله من المسامير طبعا
       عمار هم ظل يجي و يطول كعداته    كم مره ردت اسئله بس اتردد  اكول زحمه اتدخل بشي خاص
انا  الصبح اكعد متاخره يعني للساعه  عشره او فوك 
ذاك اليوم  كعدت من وقت  نزلت جوه  اسوي اريوك وسمعت حوراء تحجي
كلت يا ستار  شكو مغبشه اجيت ادخل  للمطبخ  وستوقفني كلامها
   ..  عمه فدوه  لحكيلي مظل شي ما سويته   هالفهد  حتى ما يباوعلي
  ..    والله انا هم خلصت افكار الي ابراسي اخاف جدج يسويها و يزوجهم و تفلسين من كلشي  وحرامات   فهد هالمعدل ياخذ هالبومه 
.. وداعتج عمه اذبحها وما اخليها اتصير اله
.. انزين لعد وعمار    اذا نجحت الخطه شتكليله بعد
.. خلي يولي  هالفطير   مصدك روحه  لو اتسمعينه شلون   يشعرلي تالي الليل اتموتين ضحك 
          متت قهر  عمار ميستاهل لج ليش  
وبعدين شنو هاي الخطط الي ديسونها عود يوكعنها براس فهد  ولا يكلولي كح....  دتعالو شوفو بنت البييوت المتربيه
مردت يعرفن اني سمعت رجعت للدرج و كحيت   شويه وطبيت
لكيتهن يحجن عن فصالات  حيايه و كاعدات مو نسوان يبخن سم
   سويت ريوك و كعدت بالصاله  اجت حوراء
كالت اكلج انتي داخله على يهود
اللكمه بحلكي  اشرتلها  براسي بمعنى شنو
..   طبيتي علينه لا سلام لا كلام    شنو مو بعينج احنه
.. بلعت لكمتي  ،   هسه مو انتي الطبيتي انا كعدت بالصاله مشفت احد
.. لا انا اقصد   بالمطبخ  دخلتي وسويتي ريوك  عيب تره خليلج اخلاق شويه
   باوعت فهمت شتريد  اتريد مشكله و يدخلون وهم انضرب
..  انتي جنتي بالمطبخ اتصدكين ما شفتج 
.. ما شفتيني لو تكرهيني لاني احسن منج     انا الي ما اشوفج اصلا بس اجيت حتى اعلمج الادب 
  تحجي ومتعصبه    وخابصه الدنيا   ولا اتريد اتعلمني الادب وهيه لاعبه على الولد و ابن عمه تهي يا ربي
  .. حوراء ولي من يمي و اتقي شري احسن الج مالي خلكج
  على الهوسه طلع كاظم   صاح هاي شكو من اصباح الله
ركضت حوراء  شوف عمو طردتني من بيتكم لان اساعد خاله مياسه    
رديت و ياريت اتحسين  ، انا هم عزفت على الوتر مالتها لان لو احجي راح اطلع اني الكذابه  ،  اخذت كوبي و داصعد الجاي حار بيدي 
جرني  كاظم من كبوس السويتر وندفعت للوره  والجاي حرك ايدي
صدك روحي شاغت التفتت اشوف الحقيرات يضحكن وكاظم مستمر يدعي عليه و يغلط 
شمرت الكوب  بالكاع فلشته كتله هو ثنينه ما نرهم لو انت لو اني لازم واحد منه الله ياخذه
وصعدت  وعفته يعيط وزوجته  ابدعت بالحنيه 
طبهم مرض  
  انقهرت على عمار  هاي الحقيره د تلعب علي اذا اتحب فهد شكو تضحك على عمار و تنطي امل  واذا اتزوجت فهد شراح يصير بي هذا ابن عمه و صديقه 
كلت لازم اكل العمار كلشي
انتظرت البيت يصير هدوء   
شويه ودخلت عمه فاطمه شنو وشصاير
حجيتلها  المشكله بس ما حجيت سالفة فهد و عمار وشنو اتفاقهن كلت اشوف عمار اول
شويه وراحت عمتي وما تخله طبعا من النصايح  
صار هدوء نزلت جوه محد اكو  راسلت عمار ايدي محتركه اريد عصاره 
رد كال انا بالمعمل اخلص و اجيب وياي  كتله تمام من تجي   رمش عليه اطلع انتظرك بالمرجوحه 
عرفتهم بالبيت الجبير  ومنظفين الكزاز   والجاي
  صعدت فوك غسلت و بدلت وظليت انتظر عمار  الجماعه هناك ما اجو الظاهر معزومين على الغده
وين الا اتصل عمار كال قريب اوصل
ركضت رحت للمرجوحه  انتظره وجان ......
.
.
.
.
.
.