صرخات مكتومه

بارت 46

   .....
دخلو عمامي و جدو للبيت 
   بعد السلام  حجه عمو علي
.. من رخصتك يابه اريد احاجي كاظم  فد كلمتين

اشرله جدو   بمعنى احجي

.. الله بالخير عليك كاظم  هاي كدام اخوك و ابوك  احجيها بتك مشايفه تربيه   ولا تحترم خليها عندك ربيها من جديد    
..  هاي شنو يابه من اجيت وكتلي اريدها الفهد وكتلك السان طويل  شهد ما راح يحملونها  شنو كتلي انت  مو كتلي ابن عمها  يادبها  

كاعدين و يحجون  ولا غين وجودي يحجون بصيغة الغائب
   اني هم ساكته

..  شيادب منها كاظم اصلا ابني اتورط بهذا الزواج  بتك اليوم واكفه  اتعلي صوتها عليه انا و عمتها   وقبل فتره مدت ايدها و تطاولت  على عمتها

بهالحجي ودخل  فهد   قبل ليسلم حجه

  ما عاش الي اتمد ايدها على امي واني عايش   يابه تره امي حجتلي كلشي   و هالموضوع اني سديته   مالها داعي تفتحه

وبعدين سلم واجه كعد

  رغم ضاربني   وجسمي كله ياذيني  بسببه  معرف ليش دخلته للبيت   رفرفت گلبي     نسيت كلشي بلحظه
اتمنيت اعوف كلشي و ارجع يمه صح معايشين مثل اي ثنين متزوجين بس شوفته تكفيني   

كاظم  ..  عمي فهد  اعرف بنتي اني السان طويل   و... سكت  دنك راسه وتنهد  ورجع كمل  كلشي غلطي اني

ميصير هذا وضعها كل يوم هيج ضاربها    ضرب موت هيه مو زلمه جوه ايدك  هاي بنت

كلام ابويه بسيط و اعرف يحس نفسه  عاجز يدافع عني    لان هو طردني وسلمني الهم بس كلش حسيته شي جبير ابويه كاعد يدافع عني و مراضي على فهد  اباوعله   ومثل بحلم اني هذا كاظم   معقوله

كطع صفنتي فهد من صاح  ..
ليش شهد محجيتي الابوج  كلشي

.. التفتت علي وكتله   شتريدني احجي   مثلا تره اني مسويت شي

عمو علي مخلاني اكمل 
.. شوف  صلافتها   كل الي سوته الصبح وتتكول ما سويت شي

صدك  انقهرت منه   بعد ما بيها مجال اسكت

.. اي ليش اني عطت  انت  و عمه منطيتوني مجال  انت اتكلي منزلتي حاقده على سجى و عمه اتكلي عينج على عمار   
   بدل هالحجي سئلني  ليش عمي محضرتي  حفله بنت عمج

اني هنا اكلك ليش
.. ماكو مبرر  غير انتي حاقده لان اخذناج بدون حفله 

..  عرفت هذا مو كلامه كلام عمه صفيه    ،، لا عمو غلطان  اني ما احقد على سجى اختي  قبل لتكون بنت عمي
اني محضرت لان معندي ملابس انزل بيهن   شنو انزل بدشداشه   والله لو هم نازله بدشداشه  هم ما فكيتو مني ياخه  هم جان كلتو حقوده