صرخات مكتومه

بارت 19

 
  
   صير مره وحده بحياتك رجال وكد كلمتك ونطيني عنوان خوالي
   طفر عمي باسم راد يضربني   عمار صار حاجز بينه
.. لك وخر  عن وجي عمار لا اهينك
.. لا يابه  ما اوخر والي يريد يضربها خلي يتجاوزني اول  شبيكم انتو  كل كلمه والثانيه  ضربتوها
..   كتلك وخر لك  ادافعلها شفتها اشلون تتجاوز على ابوها وخر 
   يدفع عمار وعمار ابوجها واكف وعمه   حاضنتني  
وانا عيني على كاظم عجيب هالانسان  
  صحت هاا  العنوان لو راح اتغلس
    وكف فهد اتقرب يم عمار خزره وكاله عفيه عليك   وطلع
صاح جدي الكل يطلع      ما اريد احد
عمي باسم ما قبل بس جدي عاط وكلها طلعت 
حجه ..  شهد تعالي  كعدي گبالي
  اتقدمت و كعدت  
طك بعصاته  وباوعلي
..  شوفي جدو  انا من سمعت بوضع ابوج و شلون انتي عايشه ما رضيت و قررت اجيبكم هنا يمي وتحت عيني وحتى من فؤاد ردت اخلصج بس انتي سبقيتينه بفضيحه وغضيت النظر وكلت طفله وغلطت
انما توصل بيج  تتجاوزين على ابوج  و توكفين  بالشباك بملابس  نوم لا ما مقبوله
طك حيل بعصاته جفلت عمه فاطمه  
وهسه تعتذرين من ابوج والصار ما يتكرر وتمشين عدل لحد ما الله يسهل دربج
    وكفت باوعت الكاظم كتله مع احترامي الك بس صدكني هو المفروض يعتذر مو اني
كلت هيج وجدو فتح عيونه على وسعهن
كال من هاللحظه انتي  يتولاج فهد الظاهر  ما متربيه
عفته وصعدت
و كل  اده اجت عمتي تعتب  وتحجي وليش و ليش
  ملت وخلت و نزلت
قررت ما انزل من غرفتي 
وصدك مشت الايام انزل اكل و اصعد
ظلت مرت ابويه اتحوس ما تكدر
ظلت تحجي  وتسمعني
  على شغل البيت  وتدعي عليه 
وكم مره تجي عمه فاطمه   وتكلي يعمه نزلي غسليلها ماعون  مسحي كاونتر     وسدي حلكها    عمتي تحجي وتمل و تطلع
   استمر الوضع اكثر من عشر ايام
فكرت كلت انا ليش صدك ما اروح الخوالي   بعدين كلت هيه امي شافت الظيم امي ما حملوها  
ظلت الافكار اتجيبني و توديني 
  قررت اروح بس اشلون منين اجيب عنوانهم
   فكرت بمرت ابوي  بس هايه متطيقني 
ظليت انزل و اخبث
مثلا اكل وما اغسل و انزل للصاله  وما ارتبها  وهيه اتموت ولا نسوان عمامي يطبن و البيت مهوس
  

عمار دائما يتواصل وياي شلونج اخبارج
وساعات اطلع  بالزرع اكو مكان حلو صاير وره البيت شجره كبيره  وزرعات و ورد  ظليت كله هنا اكعد
كم مره عمار شافني ظل يكعد يمي 
ومره طلبت منه مرجوحه وصدك سوالي وحده
   شويه اتعودت علي وظليت احجيله اهواي امور بس مو كلشي
    فتره و ظلت تجيلنه حوراء 
عهد وتزوجت ومن زواجها لسه مشفناها وانا وهيه منتحاجه معقوله تجي المرت ابويه    غلست ومخليت بالي
    مرت ابويه ما سكتت عني ظلت تخلق مشاكل وياي  اتسوي اشياء وتكول  شهد ابوي  يظل يغلط و يدعي عليه ومره حتى ضربني  عفته وكتله  عادي اصلا هذا انت
مهتميت   لا اله لا المرته اصلا تمنيت يملون مني و ينطوني عنوان خوالي عجبني اجرب حضي يمهم
     حوراء  كثرت جياتها وساعات اشوفها تنظف ويا مرت ابوي
ومن يدخل كاظم  اتظل تبجي يمه شوف لو ما هالبنيه تساعدني وبتك وبتك ومليت و طكت روحي
   دائما اشوفهن يتبسبسن
ومن اتعده يسكتن   اشكد حاولت اسمع ماكو  بس مره سمعت اسم فهد   ويرحن للبيت الجبير  وياعات ترجع مرت ابوي وحدها وساعات حوراء وياها
  عمار هم ظل يجيلنه ومن يجي انزل اكعد يمه بالصاله   انتبهت مره شلون يباوع الحوراء عرفته  معجب بيها  من لمعة عيونه بس والله متستاهله ......