صرخات مكتومه

بارت 42

الايام اتمر  يمكن عند البعض عاديه   اني لا  جانت ايام غير
حسيت  نفسي اميل الفهد  
احتواء و نصائح فهد   خلتني  احس بشي  غريب   باتجاها

صرت احب وجوده احب من   ينتبه الشعري للبسي  
   صرت حتى احب يطلب مني  شي
الي بالبيت حسبو هذا خوف  بس هو لا  معرف افسر احساسي لكن  الي اعرفه هو رضى نفسي
،،

فتحت ويا موضوع ابرة السكر   و وافق وبالعكس كال اتمنه تتقربين من ابوج 

وهذا الصار   اني   صح شفت اهواي من ابويه بس  ما اكرها  يبقى ابويه 
ظليت كل يوم الصبح اروح اضربه ابره   وحتى عهد اتغيرت وياي واحسها اتريد تتقرب مني   بس مياسه اه يا مياسه    دائما اتبعدها عني

  كل عاده رحت ضربت ابويه الابره و رجعت  بيت جدو
شفت عمار   درت وجهي منه
صاح   ما رديت اجه يمشي مشيت سريع هو ركض 
واني هم طكيتها ركض  
لحد ما دخلت  اجيت اسد الباب ملحكت دفعه  وكال

.. خبالوو شبيج وثول  مو داصيحج

.. ماريد احجي وياك مو متزاعلين

.. دمشي    ولي جيبيلي مي  وتعالي اريدج بسالفه  وبعدين بكيفج متزاعلين   

.. كتله اي متزاعلين  اني الي ميصدكني   ما احب اكلمه

..    هسه غير تستقر  حليفة الاتحاد السوفيتي

.. هاي وين اكو هيج شي   منين جبت هالمنصب 

.. اكو كلشي اكو  شعرفج انتي  روحي جيبي مي وتعالي 

.. رحت جبت مي و رجعت لكيت فهد واكف يحجي يمه

   اخذ الكلاص من ايدي  وكاله   اريد  شهد بفد سالفه
 
.. فهد كتف ايدينه ورفع حاجبه   اي وشنو هالسالفه بله

.. وانت شكو   بيني وبينها  تراها بت عمي اصلا زايد مني استاذن    منك 

وصدك جرني من ايدي و  اخذني دنطلع بره باوعت الفهد  يضحك ويهز بايده واشرلي روحي 

.. كعدنه بالمرجوحه   كتله احجي شبيك عمار

.. شهد   اريد اكلج شغله  بس امانه متطلع

.. سجى  مو

.. لا يا شيطانه شعرفج

.. هيه كالتلي  ،، بس عمار احذرك من  حوراء تره دتحجي براسها 
.. شتححي يعني والله معندي شي وياها وانتي اتعرفين التفاصيل  افصم ظهراها لو حجت زايد 
وبعديت اتولي  هاي  ،،ابتسم وكال شنو بله حجتلج عني شنو ماخذه فكره عني

..  رفعت عيوني فوك عود اباوع للشجر وحجيت كلمه وحد   ،، ملطلط ،،

.. فز من مكانه  جفلني  ، شنو  ولج شتكول

.. باوعت ردت اكمل بس لا هذا مو ادمي   شكله يخوف الوجه   صاير دم من الاعصاب شبيهم اولاد عمامي نار