صرخات مكتومه

بارت 50

   

  

صاح عليه عمار  التفتت  منتظرته لانه ديتقدم   باتجاهي 
اتقرب يمي  ووحك لحيته وحجه

... اكول شهد انتي ليش ما رحتي بيت كويظم

..ليش شنو صاير هناك

.. ماكو مصاير شي بس على مودج اني

مخليته يكمل ابتسمت بوجها وكتله
.. فديت اخويه اني الي شايل همي    بس لا تهتم  الموضوع عادي تره 
راد يحجي مخليته  كتله وغلات سجى غير السالفه واذا ممحتاج شي خلي اصعد انام نعسانه وباجر ورانه تعب

   كال لا هاي هيه تصبحين علي خير  عفته ومشي وهو ظل واكف  يباوع عليه ما احب نظرات العطف  تحرك روحي

  دخلت للغرفه   خنكتني   مجرد ما اتذكرت   هو راح يروح يم مرته  وحبيبته     كرهت الغرفه والبيت  

اني ليش هالعناد البيه ليش ما اروح بيت  ابويه ليش داتحمل اشوف كل هذا

  رحت نمت بس شنو من نومه كل دقيقه اطفر مخترعه   ممرتاحه بنومتي لحد ما صار الصبح

لكيت فهد نايم بمكانه فرحت  مدري ليش باوعت وكلت يا ريت كلشي حلم   وانزل  كلشي ماكو بس للاسف مو حلم واليوم زواج فهد

   العروسه متروح صالون اتفقو يعدلوها بالبيت والزفه هم تطلع من البيت للقاعه  لان خالتهم  اصلا  عدها مركز تجميل   وحتى بدله جايبه

     حجزو غرفة سجى القديمه

نزلت جوه نتريك الكل كاعد    صاحلي جدو  اشرلي اكعد يمه

رحت  يمه وكتله صباح الخير

باس راسي  وكال

.. شلونج بويه  زينه

.. الحمد لله  جدو انت شلونك شربت دواك

.. اي شربته  ، بويه اريد اطلب منج طلب لا ترديني

..  شنو هو  جدو كول

.. روحي بيت ابوج  لا تبقين هنا  ظلي اسبوع  شكد ما تردين   براحتج

..  ضحكت  وكتله ها اعتبرها طرده

.. لا بويه   روحي هناك اذا اتعزيني 

.. صار  تدلل اخلص شغلي و اروح

  هز راسه وصاح على بيبي صبيلها جاي 

اتريكت و بديت اعزل وياهم بالبيت  ،  العروسه ما نزلت ابد

   اني ليش باقيه هنا شعندي ليش اريد اشوف  زواج فهد

واصلا فهد موصي عمه ابد لا تحضر الزفه  

   كل شويه وعمتي اجت يله وامشي
وحتى عهد  كل شويه امشي انروح هناك

واني  اطلع حجه اريد اشوف   ذابحني الفضول   اريد اشوف زفة حبيبي وزوجي

نار بداخلي تغلي   وحسيت الم  بگلبي 
وكل ما يتقرب الموعد  گلبي ياذيني و الهوى يخلص من ريتي