صرخات مكتومه

بارت 59

  يومين هدوء مرن  ماكو جديد غير اني من يجي احد  انهزم

  اجت عمه فد عصريه    جايبه وياها ملابس     وشغلات اليه والعهد

صدك فرحنه بيها  شوي تغيير نفسيه

بين السوالف حجت   ،

.. ها عمه  ما الله هداج وتردين البيتج

.. عمه يا بيت  صدك تحجين

..  يا عمه صدكيني فهد يحبج وتعالي شوفي  حاله

.. وعيونح ميهمني   شنو اتريد اتصير حالته مراح اتصير مثلي ولا مثل المريت  بي

.. نعلي الشيطان ورجعي   المره مالها الا بيتها   يا عمه

..   مدري عمه مجاي افهم عليج صراحه   شلون دتطلبين مني ارجع  شلون
هنا صدك عصبت  ، عمه  الي صار مو شويه   ليش مستهونيني  ليش محاسبيلي حساب  عمه

بله شو تعالي  اتخيلي وياي لحظه دخولي
ادخل شكللهم
هلو السلام عليكم ممكن تتقبلوني بينكم
اكل دعاء بلا زحمه عليج ممكن اشاركج بزوجج  

عمه صفيه ممكن اتمنين عليه  وتطلبين مني خدمه اخدمج

هيج عمه هيج ادخل   اي ليش لهاي الدرجه شايفتني وحده بلا كرامه

.. ولج يا دعاء   التفتت على عهد  شنو انتي محجيتي الاختج شي

.. واكفه واتنفس سريع   ، شتحجيلي  شعدكم بعد

عهد .. لا عمه فهد مقبل وكال اني اريد اتفاهم وياها

لا يجي ولا يوصل ولا يفهمني ولا افهمه فهد خلي يصير رجال و يطلكني اني مو وحده خاينه   وشافني بعينه اصلا عيب لسه باقيه على ذمته  وصليها اله عمه لا تجبروني   اني اسويلي مشكله

طلع ابويه من الغرفه    بابا ليش  اتعيطين  هسه اروح الجدج واحلها كلها كافي ما صدكنه  اتصيرين زينه 

عمه ..  يا كاظم شدتحجي انت   هاي بدل ما   تكعد اتحاجيها اتعقلها    شلون اتايدها   على الغلط

.. اني غلطت   فاطمه من شمرتها  عند واحد مرايدها  وهسه ما اغلط و اخليها لو اعرف اخذ بناتي و ارجع البغداد  

.. هاي قبل قبل مجان ما رايدها والله يا كاظم لو اعرفه ميريدها   صدكني ما اجي واحجي  وياها  الولد مو الاولي ما شفت حاله انت حتي  شغل الشركة والمعرض ميروح
  ابوي يكول فهد عمره ما اتاخر  ساعه عن شغله هسه عايف كلشي  

.. مو يمكن على مرته رجعوها اله

اي عليج وفعلا انريد اترجعين عمه انتي اتحبينه وهو يحبج

.. ميحبني  لتصدكين هو يمكن متندم اي  لكن حب لا 

وبعدين  شلون يحب او يتقبل وحده خاينه مثلي     وكتفت ايديني و اباوعلها انتضر ردها