كتله شنو عقوبه ابويه مريض اذا صار بي شي وانا مشايفته احركها للدنيا هذا ما يرد عليه واكف هو وابنه ويبتسم مستفزني كتله رد داحجي مكافي الي مسوي بيه
كال كلشي يصير من وره اسلوبج الزفت احترمي نفسج وشوفي منو ياذيج صفنت بكلامه ما رديت هو هم راح وله طلع و سد الباب بقيت للصبح احرك بروحي و افكار تاخذني وتجيبني ساعه اكول شبيج مو هذا الباعج الي بهذلج الي خلاج تعيشين حياة ماكو بنت تتحمل تعيشها ..
انا شفت بحياتي امور عجيبه فتحت عيني علي ام مريضه و اب فاقد الدنيا دومه سكران وعوز وجوع برد حر بيت ما بي اي سبل للراحه لا تلفزيون لا مبردات فقط تدفئه وحده وجنت اشوف ناس طابه طالعه بهالليل وامي متخليني تقفل باب الغرفه وتكعد تبجي انام بحضنها ومعرف ليش تبجي اخاف احجي حيل اخاف من ابوي لان اشوفه يضرب امي وساعات يضربني فاقد ميدري بروحه امي جانت اتخيط وتصرف عليه لحد ما يوم كل عاده صار الليل قفلت الباب وظلت تبجي وانا غفيت طفله معرف شنو او شكو بس اعرف الي يصير مو حلو وغلط كعدت الصبح جوعانه امي ما تكعد وكفت اكعدها ما كعدت رحت اسوي لفه معرف خبز ماكو صحت ماما كعدي كعدت يم راسها ابجي كومي جوعانه متكوم شبيها امي ضجت منها متكوم كلتلها اروح اكعد بابا يضربج متسويلي اكل ماكو رحت كعدته هم ميكعد ويحجي حجي ما افهمه طلعت بره بالباب كاعده اتعدت جارتنه اتريد اتروح للسوك كالت ليش تبجين كلتلها جوعانه وامي متكوم اتسويلي اكل كالت يا عزه شبيها امج انوب فوك ضيمج تجي هيه شو دخلت دخلت وراها راحت الامي اتصيح مااكو و اشوف المره تصرخ لا ولج خيه ام شهد اويلي عليج و على شبابج اي امي صغيره من اتوفت كل عمرها 23 سنه بعدها اتحملت وشافت الضيم من اهلها وعد ابويه شافت اكثر ضرب وحرمان وخيانه وكلشي ، صرخت المره والتمت العالم ودخلت الزلم اشوفهم يسحلون ابويه كوه واحد منهم اخذه وطلعه بره شمر علي مي صحصح وانوب ظل يغلط عباله امي لامتهم و يدور عليها دخل شاف النسوان ملتمه وصريخ كلشي محجه كعد بالكاع و يبجي علي شنو مدري مو هذا كله شغل ايدك انت كتلتها قهر وظلم وراحت امي وعافتني للضيم خلصت ايام الفاتحه فتره ورجع على سوالفه انوب تعالي كسري ثلج وما اعرف يبوو اويلي يوم اسود عليه
بس يصير بليل اقفل الباب جنت اخاف اتذكر امي و اخاف علي خوفها وظليت علي هالحاله تجي جوارينه الصبح تاخذني يمهم اتريكني بس زوجها ميقبل انا افتهم الحجي خمس سنوات و افطن بس يمكن معرف شنو المعنى يحجي لا تورطينه ويا هالسكير ومالنه خلكه وهيه اتكله يا رجال اتموت جوع اجت المدارس وهاي المره راحت حجت ويا ابويه وما قبل يسجلني كالتله انا اتكفل بيها بس اوراقها وصدك راحت سجلتني وبدون علم زوجها جان اتكلي اذا احد سئلج كولي ابويه سجلني ،
هالمره مقصرت وياي دارت بالها عليه الصبح تجي تاخذني اتريكني ويا بناتها والظهر ارجع وياهن وتدرسني اتسبحني لليل يله ارجع للبيت و توصيني قفلي الباب استمر الوضع للثالث .....
فزيت من صفنتي صاير صبح اوويلي هاي شنو وين اخذتني الذكريات كمت غسلت وبديت شغل البيت الي يتريك والي يشمر وال وال راحو دواماتهم وطبعا سرى متحجي وياي كعد روميو زمانه خليتله ريوك بدون ما احجي حرف وهو بس عينه علي مثل المنتظر الزله مني بس منطيته فرصته كملت شغلي وحته جناينهم كعدن اتريكن وهم غسلت وراهن وبلشت طبخ تعبت والله غسل تنظيف طبخ بيتهم جبير عائله جبيره انا اصلا طبخي مو شي بس امهم توكف على راسي و ايدها وياي وكل كلمه والثانيه بت السكير عود رجلها مؤذن بالجامع والله يا ربي ، بين الشغل و الهوسه و افكاري الي اتودي وتجيب اتذكرت ثريا اي وربي ثريه محد غيرها رحت اتصلت عليها ...
.
اربيل :
فاطمه من وكع ابويه اخذنا للمستشفي ضغط مرتفع ساعتين خلوله مغدي وطلع وصاهم على كاظم باي طريقه جيبو وحته بنته اخلصها انا رسول الفلاني هاي ابني وبته هاي حالتهم وحجي اهواي ظل يحجي
المهم يومين و رجعنه الكاظم ونطينا مغريات الدنيا بيت و زوجه وعلاج و فلوس تجيك وانت ببيتك وقبل كاظم كال صبرولي يومين يابه شعندك انا كلت عسا يحل سالفة بنته لا والله اشوف حته متذكرها ومن كتله كال ابد و انسو وزوجها واحد ابن حرام وسوا زوجها جوكر زمانه باسم هم كال يله يابه البنت عد زوجها وعاقد عليها محكمه مالنه سلطه زوجته شرعا و قانونا وجانت هاي ثريه يمه ولا ارتاحلها عينها كله علي باسم و تتغامز من كبر بطلعتنه باسم سئلني عليها كتله هاي ثريا كال هاي وحده مو زينه كتله اي بنت ليل كال شنو هاي الي مربيه بت كاظم كتله اي خويه هز راسه باسف ورحنه للفندق لان بيت كاظم لو اجيب دجاج هم ميعيش بي شنو يعيش ساعه مينكعد ابد
صغير ومبهذل وقديم وهم اول مدخلنه نظيف هسه صاير عباره عن مزبله ورحنه اخذنه كاظم و عود يتعالج من الادمان ابوي كال خلو بغرفه و نطو بس فيتامينات وجان حسن و باسم مسؤلين عن حالته وانا اسويله اكل لحد فد يوم اتخربط كلش و وكع علينه اخذنا مستشفى كال الدكتور عنده فشل كلوي ويحتاج تبرع كله محد من عدنه اتطابق والي اتطابق بس باسم وكالوله عندك انت ضعف بالقلب ومتصيرلك عمليه وامي و ابويه مقبلو لان نسبه العمرهم ما يصير ظل كاظم نايم مستشفى ،
كاعدين الصبح ودخلت علينه طليقته بت عمي و وياها بنيه شابه كلنه مستغربين و وياها عمي دخلو وسلمو وكالت هاي بنت كاظم وما حجيت خفت اترجعوني اله
عرفت بحالته وكالت انا اتبرعله لحد الان احنه بصدمه شنو بنته شنو اتبرعله هالمحنه
ظلت اليوم ثاني عدنه بليل صاحني عمار للمكتب طبعا المكتب مكان فهد كاعدين هو و فهد كتلهم ها شبيكم انا اجتماعات تالي الليل ما احبها احس مصيبه
ضحك فهد لا عمه بس اريد منج طلب كتله عيوني الك
كال اريد شعره من هاي البنيه
كتله عززه تردون اتسحرولها همه ماتو ضحك وعمار يكلي عمه بالجن بالسحوره كتله فسرلي لعد
فهد عدل كعدته وحجه اتحول بشكل جدي كال عمه انا شاك بصراحه و لا تحجين منو يكول ما اتزوجت بعد عمي كاظم واجت اتلبس هاي البنيه لان سمعت فلوس عنده وحاله اتغير ،
صفنت علي كلت بگلبي شهالداهيه ولا احد فكر هالتفكير كتله عمه محد اجه على باله رد عمار كال فهد ساكت بس من يحجي قنبله نوويه ولك وربي عبالي اتريد تحليل على مود كله مو نسب
كال فهد لا واحد بكلشي لازم يفكر و يصير حذر عمه اريد شعره منها لازم و ضروري ..
بغداد :
اتصلت بثريا وحجيتلها ردت خلي ياكل تبن انا رايحتله للمحل و اشوف بله
وصدك راحتله و اجالي هذا العصر تافخ روحه وعصبي وشلون اتخابريها بگلبي ضحكت شنو حاجيه ويا هالثريا يابه وربي اشرف من العرفتهم كلهم ،، بقى يحجي و يغلط و يسب ولا رديت لان اريد اروح اشوف ابوي اشكد گلبي شايل علي بس خايفه يصير شي و اندم ما شفته تليفوني ما بطل اتصالات اخر شي رديت طلعلي عمي كال شنو من بنيه انتي ابوج اليوم عمليته وما اجيتي هو حجه هيج وانا هديت بي طلعت حركت گلبي كتله مو هو بكيفي غير اخوك الشفيه عود شمرني عد هذا ومسوي روحه زلمه براسي ويامر و ينهي وميخليني اطب و اطلع جاي انت تشمر عليه حجي ومتعرف شكو شلون عالم شلون ناس وهو ما سكت ولج شهاالسان شهالتربيه بت كاظم معليج عتب سديته بوجها اتصل مره الثانيه ما رديت هو اني ناقصني ظيم دولو اتريدلك رجال بي حظ ماكو ،،
لليل اجه صقر العرب و ويا ثريا فديتها والله راحولج فدوه كلهم ضحكت كالت ها حضرتي لا
كلتلها شحضر كالت لج الفجر نطلع لاربيل
اوويلي طفرت عليها حضنتها كلتلها شلون قنعتي كالت معليج سر المهنه و تغمز وكالت انا هم اروح وياج الا كظومي عاد وهم بينه الحجي وتغمز عمامج حلوين وانا ضعيفه كدام الحلوين وكاعدين ونضحك وهيه السانها فالت ما بي كنترول دخل الشفيه كال الساعه اربعه نطلع حته لليل نرجع تره ما انبات كتله بشنو اروح ترى مرتك شمرت هدومي كال يطبج طوب ولي بالعليج العليه دشداشه كشمير وشحالها كمت على حيلي كتله كل عقلك اروح هيج طفرت ثريا كالت اكو ببيتكم ملابس و المفتاح عندي تره ابوج خلا يمي بالاول مقبل كلش عايش الدور عاد قنعته و رحنه للبيت ويع شصاير بي عبالك صار سنين متروك مو شهر
رحت طلعت ملابس قديمات صح بس ماشي حالهن بنطرون جينز و بدي اسود هذا لبسي المفظل حذاء رياضي كالت ثريا تره بارده هناك كلتلها يمعوده هو يوم واحد و شويه اجه صقر العروبه كال يله كتله خلينه هنا منا نطلع اريد احضر بس جنسيتي هناك بالميز الفلاني راح وبقينه انا و ثريا نظفته البيت وشمرت شغلات زايده للساعه 3 رحت سبحت وحضرت و دخلت ثريا وراي الجو بي خيط برد شويه دخول شتا اجه علينه فؤاد بسياره مال صديقه لان هو ميكدر يظل سايق المده طويله فقرات عنده
ثريه ويا مده نطلع كالت ولج هاي شلون بي حيلج كلتلها بغباء شنو يعني كالت من يوصلج عود هم بي حيل وطكني بعكسها فهمتها كلتلها لا ابد طمني اني مثل ما طلعت من بيت ابويه وجان اطكها ضحكه اوويلي اتخزينه كلتلها بغلاتي عندج سر وهذا اول سر مريد بشر يعرف بي كالت و غلاتج محد بعرف المهم اتوجهنا و طلعنه لاربيل .......
بالسياره صافنه نعسانه منايمه اخذتني الذكريات ،،،
للثالث ابتدائي هاي المره شالت ودعتني وعلمتني اشلون اتصرف و توصيني وتبجي حسيت امي الثانيه راح اتعوفني بجيت و اتوسل بيها خاله اخذيني والله ابوي يضربني هيه تبجي و انا ابجي و توصي قفلي الباب واقري ودرسي وشهادتج هيه الي اتخلصج وراحت ام غيداء وراحت الطمئنينه وياها والحرص ثلاث سنوات مخلتني احس بفقدان امي احن و ابجي لكن عوضتني حنيتها مداراتها الي ظليت عايشه بقهر كبرت كبل عمري اتعلمت اسوي اكلات طماطه و بيض يوم احترك يوم عدل واذا حركت اووووو لازم انضرب طبعا هو مياكل وياي عباره عن بالنهار نايم و بالليل يسكر بس جان يخليلي فلوس يكلي اتزوحري بيهن
ظليت انظف مكانه وقذارته ساعات اشوف كومه فلوس جوه الفراش اخذ و اضم ومشت هيج الايام نزل مستواي و اكو معلمه من عرفت بحالتي ظلت اتساعدني خطيه بالقرايه الله ميكطع باحد اتعلمت اغسل هدومي و ارتب نفسي هاي كله بفضل ام غيداء ،،، ذاك اليوم و كل عاده كاعده الصبح جان يوم جمعه رحت اشوف مره نايمه يم ابويه يا عزه منو هاي هيه رفعت راسها و شافتني صاحت ولي طلعي بره ركضت خايفه طلعت شويه و طلعت كالت منو انتي ولج كلتلها هذا ابويه باوعت انصدمت شنووو ابوج كاظم اسمعها تحجي لا يا كو.... يا كاظم عنده بنيه بالبيت ويدخل هالسكاره كبر لفه ادور بالبيت و تحجي وتسب
اتقربت يمي شسمج كلتلها شهد وظلت تسئلني وانا اجاوب كالت شوفي شهد منا ورايح انا يمج
وصدك يا ثريا رغم بنت ليل و موزينه بس اهواي حرصت عليه تجي كل يومين ثلاثه تنظف تطبخ وتكمل سهرتها للصبح و تروح انا من كم مره احتركت ظليت ما اوصل للطباخ اشتري اجبان و صمون وهيج كاضيتها ومشت بينه الايام ...
فزيت على ثريا اتكعدني كومي شووشه وصلنه اشوف عالم ثاني يخبل اربيل ومستشفى كبيره قريت مستشفي ...... الاهلي نزلنه علي صفحه كال تعالو نتريك ونغسل ونروح ما قبلت بس عاند عود شكللك كلمته وكذا وهم ثريا ايدته كالت تعالي اضبط روحي صدك دخلنه مطعم رحنه حمامات غسلنه ورتبنه روحنه وثريا يمكن جايبه وياها صالون كامل عدلت الشعر وترست روحها مكياج واتصيح اوويلي كظومي العشق كلتلها حلفي هذا كله الكظومي رايحه تضحك لج شوفي عمامج هو بس كظومي طلعنه ولكيت منزلين ريوك فؤاد و السايق كعدنه نتريك و ثريا ابد ما سكتت والسايق طلع يعرفها ادري عفيه ثريا خلصنه صايره الساعه 10 ونص كال يله انروح
گلبي ظل يدك عبالك اول مره اشوف ابويه حجه سيف العرب اتصلي علي عمج شوفي وين باي طابق
اتصل ميرد اهو هذا عود زعلان كتله ميرد اخذ الرقم و اتصل من موبايله رد علي كلت بگلبي مال الغسل اي والله حجه شويه وكال امشو
دخلنه وذيج المستشفى من طابق الطابق ومن مصعد المصعد وصلنه للجناح الي همه بي عشتو والله دنيا كظومي سويت وكذا اتقرب و اشوف عمار عووع اتقرب سلم علينه ما رديت كال شبيج وشنو هاللبس كتله معاجبك غمض كال بدت رحمة الله درت وجهي منه ورايحه امشي صاح بروفيسور الحب وين موليه كتلله انا جايه هنا حته اسولف لو اشوف كاظم اباوع العمار شو حضرته مخنو ك ضحك كتله شكو شبيك ضحكنه وياك
كال انتي شنو ولج الخاطر الله السان رشاش
شمرت بيدي بطرانين ياا به دلوني كال وراج الغرفه باوعت متعديتها رفعت راسي وحاجبي امشي بكل ثقه وغرور و عود انا مسيطره وهو جذب لو واحد كال بز ابجي فتحت الباب شفت جناح ملكي قنفات وثلاجه ومتروس عالم سديته ورجعت
كتله اكلك عمار هاي اول مره اصيح باسمه كتله عود انت دمك خفيف لو شنو فهمني ....
أنت تقرأ
صرخات مكتومه
General Fiction.. والله مدري يعمه شوفها صافنه متحجي خوفتني وقلقتني ولج عمه شهد .. شهد دحجيلج حرف خاطر عمتي شوفي وجها اصفر اسمعهم كلشي يحجون بس مصدومه احس الساني مشلول اسمع عمه تحجي وخايفه وعمار يريد يعرف شبيه اتقربت مني عمتي وحضنتني وتبجي .. ع...
