صرخات مكتومه

بارت 18

   رساله و من رقم غريب  ..
غلست  اجت رساله  ثانيه مكتوب بيها  هلو شهد شلونج اني سرى
رديت
- هلو سرى شلونج  شعجب ذكرتيني
-  موزينه اني شهد    بيتنه صاير جحيم  واني الندم ماكل كلبي اكل  سامحيني
-  شبيج سرى صاير وياج شي
لارد
  اتصلت  عليها يرن و مترد
   كلش ضجت  وظليت افكر بيها  كلبي وجعني عليها سرى صديقة الطفوله   صديقة  عمري صندوق اسراري
مو صديقه عابره  وسهل انساها او اخذ موقف منها يمكن هيه الها حق بي
   شويه وصارت الهوسه  عرفت اجت الزفه    ركضت طلعت بره الغرفه اكو شباك يصير بين الغرف يطل على مقدمة البيت رحت اشوف الزفه     دمعت عيوني مجرد شفت زفه وناس تركص  وفرحان دعيتلها من كل كلبي  الله يوفقها و  يصير حضها احسن من حضي و يطلع ادمي 
   بس الي طير فرحتي من شفت كاظم اتقرب منها وحضنها  وباس راسها وسلمها الزوجها 
ليش يابه ليش انا مو بنتك عمري مشفت هالشي  كاظم حاضن بنته  عشت عمري  عنده ما يوم كالي شكلتي شربتي خلف الله على ثريا 
      الي بكلبي مو حقد ولا حسد لا غيره  اي غيرت بنت على ابوها  ،،
    بين حسرتي ودمعي و غيرتي   انملخت من شعري   ومثل ميكولون لكل فعل ردت فعل   فريت وجهي  اشوف منو   بس ايدي ماخذه وضع الراشدي وجان اجيبه راشدي ترس وجها  
    لحظات صمت و صدمه اني وهو وعمتي الي واكفه بعد كم خطوه  
حجه .. هاي شسويتي  
ورجع لزم شعري ما ابالغ حسيته  يتكطع بيده  طفرت عمتي   تدفع بي وتحجي
.. عمه فهد بعد عمري فدوه رحتلك عوفها ما تقصد   ما شافتك
اتعت بي وتبوس بكتفه و تتوسله
.. وخري عمه هاي ما مادبه شفتيها شلابسه  و واكفه بالزفه  والله الشباب عافو الزفه وركزو على الشباك اكول شبيهم اتحولو مطيرجيه عيونهم فوگ  اثااري     بت  الشيخ كاظم واكفه ربي كما خلقتني 
راشدي  ورى راشدي وايد بالشعر الي حسيت مكانه صرت صلعه يمكن
     شويه وكلها التمت  واشوف كاظم اجه  واخيرا    راح يتدخل
  
لا والله اجه كمل ويا  فهد و يصيح كلتلكم دزوها الخوالها   كلتلكم ما اتحمل مسؤليتها  كلتلكم بنت صايعه 
  نسيت اني بيد فهد ونسيت الراشديات 
ونسيت الضرب وكلشي
  ركزت بس على كلامه الي مثل الخنجر  خنجر بگلبي  هذا كل عقله
اجه عمي باسم يركض و ويا عمار  عمي جر كاظم
وعمار دفع فهد بكل قوته بحيث  انجريت ويا  
  تركني فهد وصاح عمار شبيك اتخبلت
.. انت الي اتخبلت  صدك جذب هاي انت الواعي  متوقعت هيج فهد ابد  تبقى بنت مو حمل ايدك
  جرني عمار ورى ظهره
  عيني على كاظم 
  الغريب كل هذا وما تنزل دموعي      عمار يحجي و فهد يرد وعمتي اتقربت مني حضنتني وتصيح شبيج عمه احجي
  متصنمه  انا وجهي ما  يلتفت حته عمه ادور وجهي باقي عيني على
  
جرتني عمه للغرفه    وللحمام  غسلت وجهي كله دم  وكل شوبه تضرب خدي  خفيف وتكلي احجيلج شي عمه  خوفتيني
   شويه واندك الباب   صاحت منو
.. انا عمار عمه 
.. تعال يبعد عمتك   فوت
..  ها عمه تحتاج مستشفى   شفتها مترد   اجيت اطمن 

.. والله مدري يعمه   شوفها صافنه   متحجي خوفتني وقلقتني   ولج عمه شهد  
..  شهد  دحجيلج حرف خاطر عمتي شوفي وجها اصفر 
 
اسمعهم كلشي يحجون بس مصدومه  احس الساني مشلول اسمع عمه تحجي وخايفه وعمار    يريد يعرف شبيه 
اتقربت مني عمتي وحضنتني  وتبجي
.. عمه بدليها اوديها للمشتشفى 
دار وجها يطلع لزمت ايده    وحجيت 
ليش دتبجين عمه   اذا اني مدابجي  ليش تبجين  انتي
  .. يا خبله   خلستينه خلس  عبالنه صار بيج شي
..  العار ميموت لتخاف وكلشي ميصير بيه  دام  كاظم عايش
دفعت عمتي  وطلعت  نزلت جوه   شفتهم كلهم  ملتمين  وحتى جدي كاعد 
اتقربت من كاظم وكتله
     
اريد عنوان خوالي  
.. امشي ولي عن وجهي بلوه ابتليت بيج 
.. لمره بحياتك صير رجال وكد كلمتك ونطيني عنوان خوالي 
..
..
..

.