صرخات مكتومه

بارت 40

  ما اخذت كلام حوراء بعين الاعتبار  غلست منها ورحت للحمام سبحت وطلعت طبعا بغرفة  عمه تضحك عليه  

ادري ماكو حمام هناك جايه يمي

.. عمه سكتي فدوه رحتلج  متشوفي  كاعد بالغرفه ميطلع
.. اتعودي عمه اتعودي 

خلصت رحت بوستها و حضنتها حيل 

.. مو شكلج   مليتي مني  وترديني    احول هناك  وتخلصين

.. كرصتني من خدي وكالت ولج اكو  احد يمل من روحه  

عفتها و كمت   ،، اي عمه اني 

رحت طلعت للغرفه انام  

   ومثل الليله الفاتت  فرشت بالكاع و للصبح

حسيت احد يدفرني خفيف  برجله  على كتفي
فتحت عيوني فهد   
هاي شبي من الصبح
  كعدت افرك بعيوني صباح الخير
ما رد عافني ونزل

حمد لله والشكر  هو هم حض

روتين عادي ريوك  و تنظيف 

وكفت بالمطبخ داثرم زلاطه   اجت حوراء

  ها الكحـ......  سويتي الي براسج لفيتي علي و اخذتي ام الزلم

.. اكلي تبن لج    لا اوكلج بايدي الفاضج يا العار

..   شبيها الفاضي يا ما متربيه   الا افضحج 

.. ههههاااي وشتفضحين بله     كشرة الطماطه وخليتها مصلخه  خاب دطلعي عني مناقصتج اني

.. لا افضحج و اكللهم شلون جنتي تتحارشين بناصر     وشلون طلعتي الاخو اتسويله مغريات

   باوعتلها  كلتلها هذا كلام مياسه  حبيبتي لفي بورقه وتعرفين الباقي   و ولي لا اثرمج ويا الزلاطه

  شويه واجت لمى  خلت ايدها على كتف حوراء وحجت

.. ها حوري شبيها ام الزلم ما مكتفيه بفهد  عليمن هالامره بس لا عمار
و يضحكن  اتكللها لا عمار اولهم اصلا شبع لمن كال بس

..  التفتت عليها متشوفينه   لعبة روحه منج    لان بعد العسل البصل ما ينوكل

  كلام جنت اريد اقهرها بي لان اعرفه عافها والا اني وعمار  ابد ما بينه شي ولا مجرد تفكير  حتى

ولمى  كالت ولج حقيره تخونين اخويه
.. اسكتي لمى احجي الحق  اني اخوج مطايقته  اطيق اخونه   امشن طلعن مني
اجت حوراء اتريد تضربني 

.. ولج منو البصل اني اعلمج اليوم  
جرت حجابي  واني صدك دمي فار منها 
ملخت شعرها   

وعلى صوت العياط كلها اجت 
يردون يفكوها مني ماكو
  ضربه عليها وضربه على لمى الي اخذت النصيب ويا حوراء
  كلامهن ثكيل 
وكف جدو صاح يله شويه  ابتعد منها عمه صارت حاجز
بينه
دخل عمو حسن و زوجته شافت بتها لطمت  يما بتي الله لينطيج