صرخات مكتومه

بارت 13

  رن تليفونها  والمتصل جدي  كاللها جيبي شهد و تعالي
  كالت يله عمه امشي حدج يصيحلج
زفرت بضجر  كلتلها مكافي   شنو يردون مني
فاطمه::  عمه شهد  تره الي صار مو شويه  انتي ليش مستهونه   بالسالفه

شهد :: عمه  والله جذب والله تبلي   هنه  خططن يطلعني من البيت   وهاي لعبه منهن    و بتهم كالتلي حذرتني بس ابد ما اجه ببالي    هالعمله الناقصه
  فاطمه :: هسه مو مشكله امشي انروح لجدج و الله كريم  عمه  
  غيرت هدومي لبست  سويتر وردي فاتح و صروال  اسود و شلت شعري بس  ياذيني    ف شلته  شلون ما جان  
دخلنه و اشوف  كلها هناك حتى كاظم عززه يمته طفر
و عهد لاطشه روحها بي ولازمه ايده دخلت و عيني علي كعدتها يمه و تضحك ويا و هو هم  يضحك و يهز  راسه
    صاحت عمتي التفتت عليها  كلت بكلبي شنو بعد ما شفنه يا دنيا 
    رحت وكفت يم جدي   كلت  هلو  شلونكم
      الي رد رد والما رد  طبه طوب
نزل فهد      من الدرج،،  خررب  وين اشرد 
صفك بيده كال   الحجي وياها ضايع  ضحك جدي    كال لالا ميضيع   ويا المعدله
اباوعله   مقلصه حواجبي  يقصد منو     كال جدو مو صح شهوده
    رجعت راسي للوره كلت بكلبي اهااا  وجان يطلع يقصدني
كتله اي اكيد،   اامرني  جدو
كال ماكو شي بس تعالي كعدي ويانا اتعرفي على  اهلج  وتعلمي عاداتهم و تقاليدهم
وشكد حجه يبووو
حرام لو  فهمت شي لو فرزنت شي بس اهز راسي
  بالي يم كاظم و بته الي طلعت بالسحبه
دخل عمار  سلم   وكعد قريب عليه
كال   شكلج صاير تحفه
كتله شنو الجديد دومي تحفه انا   وهو  مات ضحك
عزه شبي هذا ..
   بقينه لليل انا متعشيت شبعانه بقيت كاعد بس عيني  ما وخرت من كاظم و بنته   اصبر روحي و اكول لان انحرمت منه   وساعه اكول اتريد تقهرني وساعه اكول راح تتزوج   
حد ما شفتهم  خلصو وكال انا رايح للبيت اشرب علاج  طلع و طلعت وره  بعد ما استاذنت
  محجه ولا حرف ولا كال اشلونج كبل دخل للغرفه  اجيت اروح اشوف علاجه سد الباب  بوجهي  ضحكت و هزيت راسي كلت عادي اصلا  ...
صعدت فوك انتبهت الوجهي بالمرايه عزززه اشوف عمار يضحك عليه  مورم  وبي كدمات  زرك و حمر  الله لينطيكم   وعسا  سلام ما تتعداك حوبتي بعافيتك و عرضك
  ،
  مشت ايام عاديه بين   عهد و امها الي ينكطن سم    وبالصاعده و النازله اتذكرني  بالي صار وتعايرني وكدام كاظم وما يردها لا بالعكس يهز براسه    مؤيد الكلامها
ظليت اتحاشاهم و اروح  بغرفتي  اصلا الطلاله مالت الشباك اتخبل
  حتى البيت الجبير ظليت ما اروح  ومن  دزولي خبر تعالي اسوي روحي نايمه وعمتي هيه تجي
ومن يطلعون اروح البيبي
ارتاح انام بحضنها دافي و احس بالامان  ساعات اغفى ومدري بروحي
 
-------

بعد يومين زواج عهد  و تحضيرات و هوسه و خالاتها وبنات خالاتها هنا على مود الحنه  وجدي مصر الا تطلع من بيت ابوها الزفه
  اتذكرت يوم عرسي   وشلون  عتني عت فؤاد الله ينتقم منه دمرني
  اجت عمتي تسئلني شمحتاجه   الوحيده ذكرتني   كلتلها معندي فستان للحنه
كالت عمه فهد ما يقبل ترحين للعرس تره يكول حدها للحنه اذا ببيت ابوها بره بيت ابوها متطلع
كلتلها ادري هو شعلي بيه 
كالت عمه فهد مسؤل عن الكل انا هسه لو كالي لتطلعين ما اطلع
كلتلها تمام لعد  شوفيلي فستان للحنه    طلعتلي صفحه مال فساتين و اختاريت لون  اخضر  غامق كلش   ردن شيفون و قصير  وصاير  تفاحه من فوك و كله كرستال  و الضهر مكشوف
كالت عادي هيه بنات بس اجيبه الج
   يوم ثاني الصبح نزلت للسوك و وصيتها علي اهواي امور مكياج عطور شسوار  احذيه كلشي ناقص عندي جابته
  وانا هاي الفتره وجهي هم رجع  صح بعده بس شي قليل وصار يوم الحنه ...........