صرخات مكتومه

بارت 8

   رجعت للواقع   اتصلت علي عمه فاطمه كلتلها ها شنو صار
كالت الدكتور اليوم عنده عمليه كبرى وما اجه باجر ان شاء الله يجي  وطمنتني علي حالة ابويه وراحت
كمت انا  رجعت نمت  و للفجر  حسيت فؤاد دخل يتطوطح   وريحته تلعب النفس   شمر روحه على التخم و يشخر وانا ولا كاني شفته رجعت كملت نومتي
كعدت الساعه عشره  كبل اتصلت علي عمه كالت اجه الدكتور وحالته زينه و كتبله خروج  وجاي يشتغل عمي باسم بالاجرائات  فد ساعه ونطلع
كلتلها تمام  اشوف بلكي الحك عليكم 
غلقته ورحت اكعد الشفيه  ميكعد    كلت اجيبله ثريا احسن  هذا  يضربني  واخاف ياثر بوجهي ومالي خلك نظرات الشفقه 
اتصلت مره مرتين ماكو  رحت سبحت بدلت و رحتلها للغرفه مالتها فلشت عليها الباب الا طلعتلي و طلعت حالتها مو احسن من حال فؤاد 
  كالت شكو شبيج  كلتلها تعالي كعديلي فؤاد  يله اريد اروح الحك علي كاظم راح يطلع    كالت  بس اسبح  ظليت انتظرها  الملم بالغرفه  وشفت ملابس داخليه مال رجال
كلت اويلي يمته تتوب هالثريا     خلصت ورحنه نكعد فؤاد  و كوه كعد  اتصلت عمتي كالت احنه طلعنه تعالي البيت جدج  كلتلها ما اندل كالت عمار  يوصفه الكم و ينطيكم العنوان
  خلص فؤاد و سولفتله  كال  ماكو وشعندي وما اطيقهم   وثريا حجت ويا انا اخذت دور الصامت   والله وصدك قنعته  نزلنه اتغدينه  و خابرت عمه فاطمه  نطتني عمار وظل يحجي و يوصف  الفؤاد    وكاله خليك وياي على الخط
  يوصف للسايق   لحد ما وصلنه
   قصر مو بيت  ويمه اربع بيوت متقابلات وهو بالنص وتفصلهن ساحه  واسعه  جمال المنظر خيالي والله بدون مبالغه  اتحس روحك بالجنه من جمال الترتيب و الطبيعه و الزراعه   وصلنه طلع عمار و دخلنه جوه انا دخلت  للبيت  همه بقو  بالاستقبال  داهل البيت عباره عن صاله جبيره وكل ركن ترتيب شكل     وصاير درج بالنص و على صفحه غرف
صاحتني عمه فاطمه كالت ابوج هنا   رحت وراها   هوسه نسوان وزلم وبنات عدهم اهواي بعمري  نسوان  اتحسهن مشمئزات    و يباوعون عبالك  نازله من المريخ
   سلمت  سلام سطحي طبعا عمه تمشي وتعرف هاي عمج هاي مرت عمج هاي بت عمج هاي ابن عمج لعبة روحي

وصلت الكاظم من صدك شكله يقهر  ضعفان ولحيه   طويله  دخلتله اصحك وسلمت و بسته من راسه  دخل واحد من الولد كاله ها خلي احلق شعرك و اللحيه
كمت اتقربت من كاظم كتله انطيني مكينة الحلاقه  انا احلقله  ظل يتحادل وياي شعرفج وشلج بيها صاحه ابويه لا يابه اصلا  هيه دوم تحلقلي  بدخول عمار  شافني انزع الجاكيت كال ها سالمين كتله  الله جابك للاسف اريد منك خدمه
كال شلون رهمتيها  الله جابك و للاسف  كتله رهمت بعد دنيت يمه شاورته على صبغ مال شعر اسود   الله هداه وراح   الغرفه شباكها باب و مثل البلكون لان هيه ارضيه مو طابق  طلعته هنا  و كلت العمتي اتجيب سفره و غطيته وبديت احلق شعره و لحيته  ورتبتهن اله   وخلطت  الصبغ و صبغت شعره و الباقي من اللحيه لان حلقتها وخليت  بس بالنص و درجتها  هو علمني وجنت اذا ما اضبطها يشبعني ضرب لحد ما صرت اسطى  و احلقله كل ما يتعرف على وحده جديده  ،
  بعدين وصيت عمتي مي ورد ونشا وزيت الزيتون و شكر
سويت تقشير و اخذتله خيط  ورتبت  وجها ولا احسن عريس  وخليتله نشا ومي ورد  لحد ما  صبغ شعره و اخذه عمار سبحه   رحت انا الفؤاد وكال شطلعت راح نتاخر كتله ديسبح وظليت يمهم كاعده هو و ثريا   انتظرو لحد ما  صاح عمار  كال خلص كتله سوي طريق فؤاد ديريد يدخل يسلم حتى نطلع
سوالنه طريق و دخلنه
  صدك كاشخ  اللحيه والشعر والملابس   طالع شباب وهو اصلا شباب كل عمره 45 سنه  بس الشرب دمره و الفقر
  دخلت ثريا وذيج الهلهوله   وسوتله زفه وملتمين عليها الولد و ضحك   اتقرب فؤاد  بوسه وكال يله احنه نطلع
شفت كاظم كام من مكانه كاله وين ما خذها جنت دالبس بالجاكيت و اعدل ملابسي  التفتت على كلامه باوعتله بنظرات  وكاني اكله مو انت نفسك البعتني اله برخص  هسه دتكله وين ما خذها
    فؤاد شغل جكاره وسحب نفس منها كاله  ابو شهد تراها مرتي  اتقربت منه اخذت الجكاره   وداسحب منها  زفرت الدخان مالتها كتله بعد العمله ميصير ترجيع ياكاظم وطلعت
   رحت بره  مخنوكه   ليش ميقبل اروح ويا فؤاد  حن گلبه معقوله اتندم ؟
واكفه علي صفحه ومكمله الجكاره انا ما ادخن بس عود شنو هالحركه  معرف اخاف سمعتي عدهم عايزه 
سمعت صوت وراي  يكلي  لهاي الدرجه بايعتها كل اخلاق ماكو علي الاقل مثلي  خلي انحس انتي عندج احترام مو فاصختها كلش
التفتت  فدووه هاي الحليوه ديحجي   قلصت عيوني اباوعله و اهز براسي  يعني شنو مفهمت   هز بيده ودخل شويه وطلعت ثريا و فؤاد   و رحنه للسياره دنصعد  التفتت شفت كاظم كوه يمشي طلع يسلم عليه رحتله كتله ليش طلعت و انت تعبان
كال شفتج  رحتي بدون متسلمين  و زعلانه سامحيني بويه
     صفنت بوجها  گلت بگلبي على شنو بالضبط اسامحك   هو عمري كله ضاع  و مستقبلي  

 
  ابتسمت كتله ارجع ارتاح بفراشك كل ولحد و نصيبه من هالدنيا  اخذه عمار   راد يدخل التفت عمار كال شهد لتگطعين ترانه لسه متعرفنه عليج ضحكت وكتله احسن الك لا تتعرف عليه    ضحك و دخل  ..  اكو كلمات نحجي  بقصد عفوي لكن المقابل يفسرها  بغير شكل ومنطق و علي حساب الظاهر  مثل ذاك الحليوه الي لهسه معرفت اسمه فسر كلامي ويا عمار علي ان اني وحده  مثلي مثل ثريا و هاي حقيقتي واذا ميعرفوها احسن  اجت عمه حضنتني ودعتني وصعدنه للسياره ومشت بينه
   صافنه و نزلت دمعتي حجت ثريا ليش  تبجين شهد
كلتلها والتالي ثريا شنو حياتي
طفر اسير الحب   ليش وشبيها حياتج وانتي ماخذه تاج راسج وراس ابوج لو شفتي الشباب وكلبج ظل يلعب ونزل دوسه ونص وكدام السايق  عفته يولي  ثريا كفت و وفت  خليت راسي بحضنها  عسا انام لان النوم هو المنفذ الوحيد
بين الغفوه وبين الصحوه    لحد ما وصلنه بغداد  نزله و السايق وصل ثريا  نزلت للبيت ومرته اتلكتنه بهوسه وماخذها وتفرفر بيها وعمرك ما سويتها وياي
كل عقلها   مفتر بيه هو  متت جوع ما يكلي شكلتي شربتي
  دخلت للغرفه حضرت ملابسي سبحت و اسمعه  يتعارك لحد ما عاط بصوت  وسكتت دخل وراي كال نفس ما اريد تره تعبان كتله وانا هم واصلا اريد انا    رحت للجربايه نمت شو هذا حضني  يربي اكره ريحته و قربه ما ارتاح بوجوده اتقزز  منه  حاولت افلت نفسي مكدرت   غفيت تعبانه روح وجسد    اليوم ثاني كعدت شفت عمه متصله عليه    اتصلت عليها وكلتلها جنت نايمه و سئلتها عن كاظم 
كال شهد  عمه ليش خليتي انطباع مو حلو هنا عليج   .........